في صحتك دا الكل يا أبا في خدمتك
مزمز يا كنج بشفتك وأشرب وانسى كعبتك
لعلع وعلى ضحكتك وياريت تعوم فشتك
خلى قفاك في صرتك يعني ح تفرق حضرتك؟
الدين يا أبويا دا لعبتك وشيوخنا والله في جعبتك
بكرة تحلل عملتك وتتدفع يبوسوا جزمتك
أنا بس راضي لذمتك مش وحشة حبة لسمعتك ؟
ولا أنت عازم شلتك وعايز تبين قوتك
طب ليه لابسلى عمتك ما هناك في أوضتك شنطتك
وضب و غير سحنتك واسكر وداري شمعتك
و برضة ح نبقى في خدمتك ونموت في أم صحتك
اللينك بصوتي لايف من الحفلة
http://www.4shared.com/file/73651760/9fc72bfa/__online.html?dirPwdVerified=187d1f9a
8 comments:
ايه ياتركيب الكلام ده
مافيش حد خرج سليم من تحت ايدك ربنا يستر مش يمكن مية مش حاجة تانية ما نتاكد الااول قبل ما نظلمه
بس العهدة على الراوي ما انت كنت في الحفلة واكيد انت دوقت وعرفت
شكرا على الصوت والمؤثرات من موقع الحدث
مش هقولك اسمي
علشان انت بتتكلم كلام كبير اوي اوي المرة دي
بس لو بجد انت تيكو اعرفني يا معلم
بجد المرة دي كلامك من الأخر كلام كبير اوي يا تركيب
ومنتهي الموهبة انك تعمل شغل جامد كده علي صورة بس
ها عرفتني ولا لسه
عفوا يا الكسمون ...وشكرا على ردك....هو انا بس اللي قلت....وحتي مش المفروض تجنب الشبهات
مممممم...طب ممكن اتصل بصديق؟ اواسال الجمهور؟ بس على فكرة الضحكة اللي بين السطور دي ضحكة سندريكا...صح؟ نورتي يا سندريلا
اية الكلام اللى فى الصميم اوى دة يا تيكو كمان انت جايب صورة جامدة جدا--------- نيهال
فكرنى----- ببيت شعرى لنزار كان بيقول فيةاشكو لكى العروبة ام اشكو لكى العرب----------- لانة الحقيقة الصورة معبرة جدا والكلام بيترجمها اكتر--------- نيهال
انت اللي كلامك في الصميم يا نهال ..نورتي
ايووووووو اسكندرانى
انت ايه اللى بتعمله دا يا دماغ
جامد جامد الله ينور
ريتشاد
Post a Comment