- لعلمك يا
دكتور أنا معنديش مشكلة خالص في الإخراج
- طب كويس
- وزي ما قلت لحضرتك
تقدر تظبط عليها الساعة بالظبط
- ممتاز
- و أول كدة ما تيجي
الساعة سبعة الصبح بيبقي ده ميعادها الطبيعي
- عال عال أكيد يا حاج بتاكل خضار وفواكة كتير
- طبعا يا دكتور
- برافو عليك إنت قدوة يا حاج وياريت كل الناس تبقى
زييك
- وبصراحة بقى من يوم ما جربت البروكلي وأنا نسيت كلمة
الأمساك دي خالص
- إيوة صحيح البروكلي ده صحي جدا ومضاد كمان للأوارم
- بس يا دكتور
- بس إيه يا حاج سيد
- أنا تعبان اوووي بصراحة من حكاية إنتظام الاخراج ده
- تعبان؟ في حد يا راااااجل بالذمة يزعل إن جسمه بقى
شغال بإنتظام وزي الساعة؟
- أنا بقي يا دكتور
- إنت؟ وربنا إنت بجد حاجة غريبة يا عم الحاج
- تعبان نفسيا جدا وقرفت من نفسي أووووي وربنا
- قرفان؟ وتعبان؟ إنت بجد حالة غريبة وعمرها بصراحة ما
وردت عليا أبدا
- يا
دكتور با قولك بتجيلي بإنتظام وبتيجي الساعة سبعة الصبح بالظبط زي ماتكون ظابط
عليها المنبه يعني
- طب وايه يعني يا سيدي؟ ما تيجي الساعة سبعة ما
براحتها، إنت خايف تعملها لتجوع ولا إيه؟ أما صحيح حاجة غريبة دي
- المشكلة يا دكتوووور
-
مالها المشكلة يا سيدي
--
المشكلة إني
- تاني إني؟ يا عم قوووووووووووول بقى
-
المشكلة يا دكتور إن ميعاد
صحياني هو تمانية بالظبط وده بقى برضة مظبوط هو كمان زي المنبه.
24 comments:
أخد اووول تعليق
مرررررة من نفسى
واروووح أقرا :)
هههههههه
البنى أدم دا
ما تعجبهوش حاجة!!
هههههههههههه
انا باحسب ان انا اول تعليق بس الدكتورة نور هي الاول كويس كامي انما الاول هههه
جميلة جدا كالعادة ونهاية غير متوقعة كعادتك
تسلم الايادي
والاجمل انها رجعتك بسرعة ماغبتش زي زمان
إحمد لابنا ياج سيد
إنت عاوز تمشى كل حاجة على كيفك
هههههههههههههههههههه
والله هى بقا مش على مزاجك
خالص احتلراماتى
بصراحة بقى مش قادرة ماقولش ان الاسم مزعلني
يعني حركة سبعة الصبح دي اشرف وانضرف
بلاش انضف هي من انضف بنات مصر
تشبهها بحركة الامعاء؟
مش معقول مش هاصدق ان تركيب انقلب على مبادئ
قول انه مش قصدك
norahaty mo
هههههههههه مبروك عليكي التعليق الاول ولو ان حتي لو جيتي بعد سنة ع الكتير ممكن تتطلعي التالتة وبرضه مش وحش حد يحب ما يطلعش التالت من تلاتة معلقين هههههه
norahaty mo
غصب عنه الحاج بتروح عليه نومه وبيصحي يلاقي تووووو ليت
ربنا ما يكتبها علي حد يارب
نورتيني يانووور هاتي
طيوري
مبروك عليكي الاول مكرر ههههههه
طيوري
الوحل نزل بدري عليا المرة دي فكتبتها قبل ما انسى وخصوصا انها انن نورتني ياحج طيوري
مدونة الفرسان
الحاج مكسل يصحي ساعة بدري ويلحق الشكة ههههههههه وفريد الاطرش يا بو شكة جنان
هههه نورتني
طيوري
لا طبعا مش قصدي ولا ليها علاقة بيهم ابدا لا في في المعني ولا المضمون دي عاملة زي حكاية زمان كابتن لطيف لما حد سأله هل عمود النور قريب عمر النور لاعب الزمالك قال ده تشابه اسماء مش اكتر ..انا بحب الاسم يكون معبر غالبا عن القصة وبكون اسم معروف وعملتها كتير في مثلا اهلا يا دكتور والقاهرة تلاتيين..تقدري تقولي نتمسح بالاسامي المشهورة
طيب ............
من حكم في ماله ماظلم :)
وجهة نظرك تحترم وع العين والراس طبعا ولو اني كنت اتمنى يكون اسم تاني
عموما الاهم ان المبادئ هي هي
والنظام هو هوههههههه
خالص تحياتي وتقديري
طيوري
عونينا ياريس طيوري
تيكو
مسا الفل ما شاء الله أغيب ساعه ابقى الكومنت رقم 15 اللهم زيد وبارك
على فكره هي حلها سهل أوي أما يلبس بامبرز قبل ما ينام أو يخلي ميعاد الصحيان الساعه سته الصبح ويغني مع حسين الجسمي أغنيته المشهوره سته الصبح
هو البروكلي بيعمل كل ده والله معلومه جديده
بلاش تأخير في البوستات تاني خليك مضبوط زي عم سيد كده ههههههههه مش عارفه ليه جوايا إحساس ان البوست له معنى سياسي بس لسه مش وصلني يمكن لما اقرأ تاني يوصل المعنى
تحياتي ياعم تيكوووووو
زهرا
😁😁😁😁 حلول حلوة وتنفع عم سيد في بلوته التقيلة ربنا ما يكتبها علي حد يارب ودايما منوراني وانا اول ما بينزل عليا الوحل باكتب علي طول ههههه وشكلي لازم اكل بروكلي عشان ينتظم حبة 😁😁😁😁😁😁
باقولك يا تيكو انت مش تكتب وبس انت تسجل كمان الواحد نفسه يعمل شوية نقد ويشغل دماغه بعد ما وقفت من قلة الأعمال الفنيه
الصورة يا جدعان إزاي ما حدش خد باله من الراجل اللي في الصورة والحاجات اللاموأخذة اللي تحت رجلة والساعة مظبوطة على سبعة وهو بيجري قوي ومستعجل علشان يلحق يصحى
:)
مش عارف مين فيكم اللي أوحى للتاني الصورة اللي أوحت لك ولا أنت اللي عرفت تلقطها وتحطها ع البوست ده ؟
في الحالتين أنت مبدع طبعاً كالعادة
:)
يا رب تكون بخير
هههههههههههههههه
تحفة كالعادة
مبسوطة انك موجود ف بلوجر
متغبش تاني
زهرا
حاضر عينيا طب اسمعي القديم ومستنين نقدك😀
باشا
ربنا يخليك ياريس انت اللي مبدع انا باين اللي ملك الهجايص مش انت 😀 منورني دايما وليك واحد سوبيا في ذمتي😁😁😁
امولة
انت اللي فين يارب دايما تكوني بخير ومايحرمنا من اشعارك
رحاب صالح
ربنا يخليكي والله البلوج حلو بالناس الحلوة ونورتيني يا ملكة البنفسج
Post a Comment