Friday, September 26, 2008

كليوباترا




The Death Of Cleopatra by Jean Andre Rixens




كليوباترا قرصها التعبان وجسدها مولع عيان


والواد انطونيو الغلبان بيعيط جامد حزنان


دا ح يقتل نفسه الكحيان متضايق والله و قلقان


ورسمها واحد فنان ولا كوم م اللحم العريان


بيقول بالبق المليان أهي دية بجد النسوان


حاجة قشطة وذبدة و رمان مش نوع ستاتنا الكتيان


والنعمة دي موزة يا انسان وتولع فيك الاشجان


وعشان ولعتها يا جدعان عملوها ماركة لدخان


وبنشرب كل الدكان علشان نسوانا الغربان


ماهو أصل حريمنا دا تعبان ويخوف أم التعبان



أسمع يا جميل من هنا





أو لنك نفسك ع السريع من اللينك ده

http://www.4shared.com/file/64738938/d6ec2d18/cleo.html?dirPwdVerified=187d1f9a



8 comments:

shadowhisper said...

ماهو لو الصنف تعبان , بقى فيه ادويه دلوقتى ع كل الاشكال والالوان :)
حلوة يا تركيب , بس ايه الا مزعلك اوى كده , زعلان على كليوباترا ولا ع الصنف ؟

Tarkieb said...

كليوباترا مهما أتقال عليها فكانت جميلة وبدون شك كان وشها بيزيين الاف من العملات الموجودة بالمتاحف المختلفة لكن منه لله برنارد شو اللي قال في مسرحيته التى كتبها عن قيصر وكليوباترا أن هذه الملكة كانت أبيض يا ورد ولم تأتي من العلم شيئاً ، بل وصورها فى صورة المرأة اللعوب التى تستخدم جسدها من نيل ما تريد ، ومن ساعتها وكل الرسامين مش شايفين فيها الا جسد وبس وكل الصور اللي انا حطتها دول حاجة بسيطة من تخيل الرسام لها وكان طبعا مش أكنر من جسد عريان. اما الصنف الموجود دلوقتي يا شادو فحتى ولو كان فيرجينيا جميلة الجميلات ومعما عمل من عمليات فلسة محتاج حد يكتب عنه علشان يثبت العكس ايه راييك انت يا شادو تكتبي عنه؟ وشكرا على كلامك ومروورك

Anonymous said...

جميل ياتيكو
بس كليوباترا مكنتش جميله زى السنيما ما صورت لينا مكنتش اليزابث تايلور يعنى !!
والكلام ده من دراسات من جامعة نيوكاسل
لما درسوا العملات اللى وشها موجود عليهاقالوا انها بعيده عن معاير الجمال بس انا فهمت انت تقصد ايه
تسلم ايدك

نهى

Anonymous said...

Chiar daca nu inteleg limba araba, inteleg din vocea ta, ca in sufletul tau exista atat de mult loc pentru iubire si ai atat de mult suflet de daruit, pentru cea care care va fi unica pentru tine..

Cu multa iubire, Silvia

lolo said...

حلو اوووى بس بجد غيت مفهومنا عن كليوباترا
بقينا نعرفها من مفهوم تركيب بس فعلا هتفضل كليوباترا مهما حصل وده كلام
بس برضه ش هقدر انكر ان اسلوبك تحفه وخفيف

Anonymous said...

عارف اكتر حاجه عجبتنى ايه الموسيقى اللى فى اخر كلامك تحفه بجد
وبماانى مش من هواة التاريخ خالص لكن كنت اعرف عن كليوباترا انها فعلا كانت جميله بس فعلا احنا اتنقلت لنا صوره غلط عنها
على فكره لغاية يومنا هذا هناك بعض شركات التجيمل علشان تسوق لاى منتج جديد تقول ان ده حمام كليوباترا او ده البرفان اللى كانت تستعمله او دى خلطة لشد تجاعيد الوجه ورزق الهبل على المجانين

شكرا يا تيكو ياترى اكتب اسمى او خلاص عرفتنى من اسلوبى

Anonymous said...

والله يا تيكو يا اخويا الستات مظلومه
من ايام تاته كليوبترا النظرة هى هى على مر الزمن
وعلى فكرة غير الصنف وانت تبقى فله
وربنا يسهل ويعملو صنف هيفا
بدل تاته علشان بوظو سمعتها على مر التاريخ
وجميله اوى يا تيكو
عمك ريتشارد

آخر أيام الخريف said...

هاهاهاهاهاهاهاهاهاهاها ...حلوة قوى قوى ...انت جبت صور الستات دول منين ؟؟؟؟ هاهاهاها يخوفوا استغفر الله العظيم ...

على فكرة انت عندك حس ساخر جدا و ملكة فى نظم الشعر كمان ...ما فكرتش تكتب مقامات زى بتاعة ياسر قطامش؟؟؟