Sunday, November 30, 2014

Saturday, November 15, 2014

Saturday, September 13, 2014

و كله عشانك يا ماااااسر






[01:05] <<سوزي>> سهرانة ليه يا قمراية لحد دلوقتي
[01:06] <
<نوني>> متدايقة قوي يا سوزي وح طرشق
[01:06] <<سوزي>خير؟ حصل إيه ؟
[01:06] <
<نوني>حمادة عمل معاية موقف وحش كدة وزعلني
[01:06] <<سوزي>تاني؟ هو إنت كل إصحابك كدة بغزالة؟
[01:06] <
<نوني>> مش عارفة أنا الظاهر مليش حظ مع الولاد
 [01:07] <<سوزي>> عمل إيه طيب؟
 [01:07] <
<نوني>مخاصمني الندل تقريبا من إسبوعين
[01:08] <<سوزي>ياه إسبوعين مرة واحدة؟ وقدر؟
[01:10] <
<نوني>ايوة واللي مجنني بقى إنه كمان قافل موبايله
[01:10] <<سوزي>>قافله؟ يبقي أكيد عملتي حاجة زعلته
[01:10] <
<نوني>أبدا والله كل اللي حصل عشان رحت رحلة
[01:10] <<سوزي>رحلة؟ أمتي؟ وازاي؟ وفين؟ ومع مين؟
[[01:11] <
<نوني>> في إيه يا سوزي إنت ح تعملي زيه ولا إيه؟
[01:11] <<سوزي>> لا بجد ريلي رحلة إيه دي اللي زعلته؟
[01:12] <
<نوني>ما إنت عارفة الحال في البلد بقى وحش أووي
[01:12] <<سوزي>>إيوة يا نوني حاجة بقت ريلي صعبة أووي
[01:12] <
<سوزي>إنا قلت بعد ما قمنا بثورة وخلصنا منهم
[01:12] <
<سوزي> إننا ح نستقر بقي وترجع أيام زمان
[01:12] <
<سوزي>لكن الظاهر نفسهم طويل
[01:13] <<نوني>>وحياتي عندك يا سوزي ما تكلمنيش في السياسة
[01:13] <
<نوني>أحسن بقيت بأتعصب أوووي
[01:14] <<سوزي>> على رأيك المهم كملي
[01:14] <
<سوزي>>حمادة زعلان منك ليه طيب
[01:14] <
<سوزي>> خير؟
[01:15] <<نوني>>إنت عارفة يا سوزي؟ أنا بدأت
[01:15] <
<نوني> أشك في حمادة ده إنه إخوان أو خلايا نايمة
[01:15] <
<نوني>> بس خلاص أنا إتأكدت إنه ريلي م الإخوان
[01:15] <<سوزي>> هههه حمادة إخوان؟ إنت شاربة حاجة ولا إيه؟
[01:15] <<سوزي>> يا بنتي ده كان واقف معانا
[01:16] <<سوزي>> في التحرير في ثورة يونيو المجيدة
[01:16] <<سوزي>>ربنا ما يرجعهم تاني البعدا ..لا طبعا مش ممكن
[01:16] <
<نوني>>أصله ريلي بان أووي إنه ولد رجعي ومتزمت
[01:16] <
<نوني> >ده أول ما قلتله إني رايحه رحلة بحرية إتجنن
 [01:16] <
<نوني> وإتعفرت خالص مع إني رايحة مع هشام
 [01:16] <<سوزي>> هشام؟ هشام مين؟
[01:16] <
<نوني>> هشام إبن طنت شريفة ما إنت عارفاه وعارفة
[01:17] <
<نوني>> إنه شغال قبطان على مركب سياحية
[[01:19] <
<نوني>> وكانو عاملين تجديد في المركب وافتتاح وكدة
[01:20] <
<نوني>> وعزمني عشان أغير جو بدل الاكتئاب
[01:20]<
<نوني>> اللي أحنا عايشين فيه ده دلوقتي
[01:20] <<سوزي>> عزمك؟ بجد؟ إمتى؟ طب مقلتليش يعني
[01:20] <<سوزي>> يا بختك.. ده أنا لو منك أروح معاه فورا
[01:21] <<سوزي>> وطز ألف مرة في حمادة الإخوانجي ده
[01:21] <
<سوزي>>بقولك أيه؟ يجي منه هشام ده يا بت يا نوني؟
[01:21] <<سوزي>> ع العموم لو مش عاجبك؟   أشيله
[01:21] <<سوزي>>ويبقى حلال عليا وابقي إديني موبايله بلييييز
[01:21] <<سوزي>>ده انا وحياتك أظبتهولك  في ثواني
[01:21] <<سوزي>> المهم عملتي إيه؟
[01:22] <
<نوني>> رحت بس ياريتني مارحت
[01:22] <<سوزي>>  ليه؟
[01:22] <
<نوني>> طلع هشام برضه إخوان
[01:22] <
<نوني>>وعمل زيهم بالظبط يا سوزي
[01:22] <
<نوني>> فاكرة يوم لما باعونا في في محمد محمود؟
[01:22] <<سوزي>> ليه خير عمل إيه الإخوانجي ده روخر؟
[01:23] <
<نوني>>تصدقي؟ بعد ما شربنا وفرفشنا
[01:23] <
<نوني>> وتقل حبة في الشرب
[01:23] <
<نوني>>قالي لو ماجتيش معايا دلوقتي
[01:23] <
<نوني>> وفورا ع الكابينة بتاعتي يا نونا
[01:24] <
<نوني>> ح اغرق السفينة دي كلها وفورا
[01:24] <
<نوني>> ويبقي ذنب الالف راكب دول في رقبتك
[01:24] <
<نوني>> وقدامك خمس دقايق بالظبط بس تفكري يا نونا
[01:24] <<سوزي>>ياخبر المجرم وعملتي إيه طمنيني؟  ده موقف صعب
[01:25] <
<نوني>عملت الصح طبعا
[01:25] <
<نوني>> واللي ضميري الوطني بيمليه عليا
 [01:25] <
<نوني>> البلد مش ناقصة ضحايا تاني ياسوزي
 [01:25] <
<نوني>> مش كفاية الاخوان وعمايلهم السودة
[01:25] <
<نوني>> انقذت حياة الركاب طبعا

Friday, August 22, 2014

إن كنت ناسي







إن كنت ناسي هي أحدث حلقة لي من سلسلة حكواتي ومغنواتي اللي باقوم بكتابتها وتمثيلها. أحداث القصة كتبتها ونشرتها في 29 أغسطس سنة 2010  باسم العنبر ولما فكرت إني اقوم بتمثيلها دلوقتي تقريبا غيرت اتجاه القصة تماما لدرجة إن ما فضلش منها غير المكان والفكرة. رغم إن شبطة بطل القصة فقد هنا الذاكرة تماما واصيب للأسف بحالة غريبة جدا وهي ان ذاكرته أصبحت زي ذاكرة الذبابة لدرجة إنه لم يعد حتى يتذكر اسمه، بس بصراحة يشكر لانه بيحاول طول الحكاية إنه يمسك طرف الخيط اللي حيوصله لاسمه الحقيقي، ياتري ح ينجح المرة دي؟ ده اللي ح نعرفه لما نسمع الحكاية للآخر





او اللينك
هنا

Wednesday, August 13, 2014

حصوة في عينك



سيد شبطة شخصية مصرية خنيقة وعلى طول عامل نفسه فهلوي بس غالبا يا عيني ما بيقع في شر أعماله. رغم إني بامثل دوره بس سبحان الله بحسه بجد انه شخصيه حقيقية وخصوصا بعد ما باغير طبقة صوتي بالسوفت وير وحتي لما باسمعه باحس انه ده مش أنا......سيد صوته رخيم اوووي وكمان كلمة حضرتك ملازمة علي طول كلامه ..سيد عمره يجي حوالي أربع سنين (تاريخ ميلاده بالظبط 5-2-2010) و ظهر أول مرة في سلسلة حكواتي ومغنواتي اللي تقريبا بعمل كل حاجة فيها: كتابة القصة والتمثيل والمونتاج والإخراج. وتقريبا دلوقتي بعد ما الناس هجرت البلوجات وعايشة في السياسة ح اكون كمان المستمع الوحيد لها ...بس ولو مش إشكال ههههه. للامانة انا باستغل حكواتي ومغنواتي لاشباع عشقي القديم للكوميديا السوداء وتقدر تقول باتدرب فيها و ع العموم قصة اليوم بتبدأ عندما حس سيد بمغص كلوي وتبين انه عنده حصوه وراح لجراح يخلصه منها ..الباقي ح تعرفه لما تسمع
طبعا مستني رأيك بأمانة




لو عايز تنزل الملف وتسمع ام بي ثري

هنا