Wednesday, August 13, 2014

حصوة في عينك



سيد شبطة شخصية مصرية خنيقة وعلى طول عامل نفسه فهلوي بس غالبا يا عيني ما بيقع في شر أعماله. رغم إني بامثل دوره بس سبحان الله بحسه بجد انه شخصيه حقيقية وخصوصا بعد ما باغير طبقة صوتي بالسوفت وير وحتي لما باسمعه باحس انه ده مش أنا......سيد صوته رخيم اوووي وكمان كلمة حضرتك ملازمة علي طول كلامه ..سيد عمره يجي حوالي أربع سنين (تاريخ ميلاده بالظبط 5-2-2010) و ظهر أول مرة في سلسلة حكواتي ومغنواتي اللي تقريبا بعمل كل حاجة فيها: كتابة القصة والتمثيل والمونتاج والإخراج. وتقريبا دلوقتي بعد ما الناس هجرت البلوجات وعايشة في السياسة ح اكون كمان المستمع الوحيد لها ...بس ولو مش إشكال ههههه. للامانة انا باستغل حكواتي ومغنواتي لاشباع عشقي القديم للكوميديا السوداء وتقدر تقول باتدرب فيها و ع العموم قصة اليوم بتبدأ عندما حس سيد بمغص كلوي وتبين انه عنده حصوه وراح لجراح يخلصه منها ..الباقي ح تعرفه لما تسمع
طبعا مستني رأيك بأمانة




لو عايز تنزل الملف وتسمع ام بي ثري

هنا

15 comments:

norahaty mo said...

خليك صابر ومتصابر
فى بلوجك العزيز
ياتراكيبوا
زيي انا
برضه
طالما انت مبسوط
يهمك من الناس أيه؟

Aml Hamdy said...


يا تركيب

كارثة من كوارث الزمن صغتها بتركيبتك

كوميديا سوداء مضحكة مبكية على حال ما صرنا إليه على يد من ليس لهم ضمير

يسعد مساك 

Mohamed Ashri said...

هههههههه .. على فكرة مخلص أمين دكتور فعلا فى بلدنا لكن تخصص عظام .. وللأسف بردوا بيتاجروا بالمريض .. بطريقتهم طبعا .. بس الحمد لله لسه مباعوش عمود فقرى لحد ..

جميل الراديو تركيب ..

Tarkieb said...

norahaty
عندك حق انا ساعات بخش اقري حاجات كتيرة انا كنت كاتبها وساعات بقول ده انا كنت مش بطال بقى وازاي كتبت ده؟ عارفة لو جيت اكتب ده تاني مش ممكن اعرف اكتبه كدة.. البلوج ده مدرسة بجد بتعلم كتير حتي لو الواحد فيه لوحده برضه نورتيني بس ليه ماسمعتيش؟ ههههه فين تعليق السمع؟

Tarkieb said...

Aml Hamdy
ربنا يخليكي ودايما منوراني ومنور البلوج سبوت يازعيمة والحمد الله انها عجبتك

Tarkieb said...

Mohamed Ashri
ياه بجد؟ بس انا معرفش ربنا يستر وما يرفعش عليا قضية بقي ههههههه. لا بجد انك تسمع حتي ادق التفاصيل مش غريب عليك لانك فعلا فنان وكل بوستاتك باتعلم منها والله ازاي الواحد يشوف اي لوحة فنية بادق التفاصيل تحياتي

طيوري said...

والله زماااان حكواتي ومغنواتي
اخيرا
حلوووووة جدا
وما الجديد
انتاجك دايما متميز بمعنى الكلمة
من حيث الشكل والمضمون
وبالتحديد فريق العمل
-بتاعك -كله
متكامل ومتعاون الحقيقة تحياتي لهم المرة دي صغيرة خلصت فاجأة لكن فيها الزبد
شبطة باحسه شخصية فعلا حقيقية ميكس بين شيف شربوني وسامي العدل
لكن صعب عليا وهو بيعيط

بس مين الصوت الجديد بتاع الو؟
استمر يافنان
تحياتي

Tarkieb said...

طيوري
ههههه حمد الله ع السلامة ربنا يكرمك ياحاج طيوري دايما رافع من روحي المعدنية وبالنيابة عن فريق العمل بنشكر حضرتك ... اه فعلا والله شبطه باحسه فيه كتير من الشيف الشربوني وهو بينزل بالاكل ويقول ياكمالو ياكمالو ههههه صاحب مسمط عن جدارة الصوت الجديد بتاع الو ده صوت الفنانة هلا شيحة من مسلسل يا صلاح الخير ههههههه استعارة مكنية منه نورتني

طيوري said...

لالالالا انت وصلت بجد
مثلت مع هلا شيحة
طب كويس اننا عارفين واحد مشهور بقى هههههههههه

Tarkieb said...

طيوري
ههههه لا سيد شبطة مثل قبل كدة دور مكوجي مع الفنان الكبير حسن مصطفي وكان بيحاول يبتزه ويبلغ الست ميمي علي عمايله بس حسن دفعله ههههههه عشان يداري علي عمايله السودا ولعلمك ده ذنب حسن مصطفي النهاردة طلع علي شبطة

طيوري said...

صح انا فاكرة طبعا الحلقة دي بس ايش جاب هلا لحسن مصطفى ههههههههههه

بسمة الورد said...

انت مالكش حل زى ما بقلك كل مرة هههههههههه

ماشاء الله عليك اقنعتنى بالموضوع بسلاسة الحوار والسرد وخفة الدم .. بجد ولا اروع

يدوم فكرك وفلسفتك وربنا يبعدنا عن الدكاترة بتوع الكبد والقوانص ههههههههه

مساء الهنا عليك

Tarkieb said...

طيوري

حسن مصطفي عامل دور اكبر وبامانة مجانا هههههه

Tarkieb said...

بسمة الورد
ربنا يخليكي دي شهادة اعتز بيها من شاعرة واعدة وحتكون انشاء اشهر من حسين السيد وبكرة تقولي اني توقعت ده ومتنسناش في الحلاوة..

richardCatheart said...

ياااأااااة يا تيكوووووو رجعتينى تانى 4سنين لورا ياخبر ابيض كنت فقدت اﻻمل انك ترجع الحكواتى تانى
جمييييييييله جميييييييييله
ههههههههههههههه ﻻمؤخزة بجد ههههههههههعه
حمد الله على سلامتك