Wednesday, December 31, 2008

الجزيرة

Image and video hosting by TinyPic


Image and video hosting by TinyPic




Folie 1
ثري تو وان
معلش يا اخوانا البرنامج ح يقف خلاص عشان
مش لا قي جمهور يخدع الفنانين خلاص كلهم جالهم عقد عمل في الجزيرة

Sunday, December 28, 2008

Friday, December 26, 2008

Saturday, December 20, 2008

Friday, December 12, 2008

حس بحالي



حبيتك وح أعيد من تاني وما تفرق ان كنت أعاني

على طول سرحان بخيالي وكلامك دايما على بالي

سهران وما بنامش ليالي ويخوفي ما تحس بحالي

في وجودك بأشعر بكياني وفي بعدك باغرق في مكاني

مش طالب كاني ولا ماني دا رضاك والنعمة كفاني

بكتبلك في الصبح أغاني وبأسمك يتحلى لساني

لو تشعر ح تحس حناني لو تقبل راح تبقى زماني

يا حبيبي دا أنا كلي أماني وياريتك ما تسيبني أعاني


Monday, December 8, 2008

Wednesday, December 3, 2008

اللي ما يعرفش يقول عدس - الحلقة الثانية






ياريت تفكر معايا ايه ممكن يحصل بعد كدة في الحلقات -ايوة الحلقات الجاية ياعمنا؟
امال ايه ربنا يخلى لينا لولو واخته
وماتنسانا وحياة أم لولو بالكومنتات وعلى رأي المثل كتر الكومنتات يحلى البلوجات


لينك نفسك بدل البهدلة في اليوتيوب

Saturday, November 29, 2008

في صحتك


في صحتك دا الكل يا أبا في خدمتك


مزمز يا كنج بشفتك وأشرب وانسى كعبتك


لعلع وعلى ضحكتك وياريت تعوم فشتك


خلى قفاك في صرتك يعني ح تفرق حضرتك؟


الدين يا أبويا دا لعبتك وشيوخنا والله في جعبتك


بكرة تحلل عملتك وتتدفع يبوسوا جزمتك


أنا بس راضي لذمتك مش وحشة حبة لسمعتك ؟


ولا أنت عازم شلتك وعايز تبين قوتك


طب ليه لابسلى عمتك ما هناك في أوضتك شنطتك


وضب و غير سحنتك واسكر وداري شمعتك


و برضة ح نبقى في خدمتك ونموت في أم صحتك



اللينك بصوتي لايف من الحفلة


http://www.4shared.com/file/73651760/9fc72bfa/__online.html?dirPwdVerified=187d1f9a

Wednesday, November 19, 2008

الإختراع - الحلقة الأولى


إسمع معايا أحدي مهازل تركيب الجديدة



أو لنك نفسك من هنا وسيبك من اليوتيوب يا عمنا
http://www.4shared.com/file/72273640/411cf106/_1_online.html?dirPwdVerified=187d1f9a



رأييك بجد يهمني
يا تري ايه ح يكون الاختراع من وجه نظرك؟
ولازم تحط حاجة في دماغك يا حنيوة أنت أن التشابة في الاسماء
مجرد صدفة مش أكتر ولا أقل
مش مصدق ؟

أنا كمان


Sunday, November 16, 2008

في السلاكون





مصر بلدنا في السلاكون صبحت ترسو مش بلاكون

فيها سياسي بحرف النون راقد نايم في الكراكون

صدق انه فيها قانون وأن الكرسي ياواد مضمون

رشح نفسه وشاط في الجون طلعت برة وصار مسجون

جابو مهند س مش موزون وبتاع كبدة معاه مجنون

وادو الأمر بالتليفون دمر كسر مهما يكون

ولع يا ابا زي نيرون نفذ يالا يا رمة يا دون

أضرب واحد يخاف مليون ولاجل السلطة دا كله يهون

وحتى ان صرتم في السلاكون فا أبنه ح يحكم م البلاكون


Sunday, November 9, 2008

ح اقول وتقول




ح أموت وأقولك بحبك وخايف كلامي ده يخضك

ح تقول إزاي أني أعزك وعمري مرة ما شفتك

ح قول في حلمي انا عرفتك وياما فيه كلمتك

ساعتها قلت إني عجبتك ومرة فاكر اني حضنتك

ح تقول يالهوي يا بجاحتك دا أنا عمري يا إبني ما جرحتك

بطل خلاص و انا سامحتك ولو قلت تاني لفضحتك

ح أقول والنعمة أموت في فصاحتك وسايبك أهو على راحتك

ح تقول شاطورة خالص يا شطارتك والنعمة أعشق في نباهتك

ح أقول خلاص مش راح أقول إني بحبك دا أكيد دا هوه اللي يخضك


أسمع ونزل من هنا
http://www.4shared.com/file/70333271/b37c5ec3/7a2oul.html?dirPwdVerified=187d1f9a


او




Friday, November 7, 2008

سيبني أقرب

كل ما ببعد أفكر فيك وأبعد أكترأقرب ليك

الصبح كله أنادي عليك والليل بطوله أحلم بيك

أشوف في حلمي بس عينيك وأفتح عينيا برضة ألاقيك

في الحلم أخاف أمس ايديك دا من غير ما تطلب والله أفديك

ولو حبي داء بالداء أداويك وأقول ياحبي أزاي أداريك

و لما تخاصمني برضة شاريك وفي حبك أنت مفيش شريك

بس أنت قولي أزاي أراضيك عايزعينيا والله أديك

وسيبني أكترأقرب ليك دا أنا كل ما ببعد بفكر فيك

>

or

Tuesday, October 7, 2008

البكاش



احدى حكايات تركيب الهايفة اسمع معايا وقولى رأييك بأمانة





او لانك نفسك ع السريع

http://www.4shared.com/file/65975678/224bbbf8/elbakash.html?dirPwdVerified=187d1f9a

Sunday, September 28, 2008

يا رب خدني




لا في عدالة ولا في قانون


ومشاكلنا ياما زي اللمون


دا الفقر فينا على كل لون


داقق عضامنا ما تقولش هون


شايفين مساكن وعايشين بدون


وأن قلت أسكن قالو جنون


دي حكومة رمة و بجد دون


وأكيد يا ربي عليك ما أهون


دا إن قلت كن أكيد يكون


بجد خدنى مش لاقية عون



أسمع معايا


Friday, September 26, 2008

كليوباترا




The Death Of Cleopatra by Jean Andre Rixens




كليوباترا قرصها التعبان وجسدها مولع عيان


والواد انطونيو الغلبان بيعيط جامد حزنان


دا ح يقتل نفسه الكحيان متضايق والله و قلقان


ورسمها واحد فنان ولا كوم م اللحم العريان


بيقول بالبق المليان أهي دية بجد النسوان


حاجة قشطة وذبدة و رمان مش نوع ستاتنا الكتيان


والنعمة دي موزة يا انسان وتولع فيك الاشجان


وعشان ولعتها يا جدعان عملوها ماركة لدخان


وبنشرب كل الدكان علشان نسوانا الغربان


ماهو أصل حريمنا دا تعبان ويخوف أم التعبان



أسمع يا جميل من هنا





أو لنك نفسك ع السريع من اللينك ده

http://www.4shared.com/file/64738938/d6ec2d18/cleo.html?dirPwdVerified=187d1f9a



Wednesday, September 24, 2008

حبك ذنبي



حبك ذنبى ونقطة ضعفي

وربك قادر يشفي ويعفي

وحتى إن كنت لحبي انا بأخفي

وكل
كلامي العادي بينفي

فنبرة صوتي بس بتكفي

وتكشف والله حيرتي ولهفي

قوم اسمع يالا لحني وعزفي

واعرف إني ما بقدر أخبي

مش ي
مكن مرة ندائي تلبي

والله انا عايزك تفضل جانبي

وتبقى حبيبي ويكبر ذنبى

واليكم الحل كما كتبه المؤلف وبصوته مرة مختلفة عن الفيلم

http://www.4shared.com/file/64292376/2d6f29bb/__online.html

Tuesday, September 9, 2008

الوغد.......قصة قصيرة




نعم أحبائي سوف أتكلم معكم اليوم عن تعلقي الشديد بها منذ زمنا طويلا ، للأسف أنا أعتبر نفسي مثالا حيا لمعظم شباب حارتنا الذين يعانون من الفقر والحرمان والضعف في ذلك الزمن العطن والردئ، ولكني بامانة ما زلت أحلم بهبوط ثروة طائلة على من السماء تنتشلني من فقري المدقع هذا ومحققة لي على الأقل أحدى أمنياتي المتواضعة، ولكني أيضا لابد أن أعترف لكم بأني لم أفعل أى شئ يكاد يذكر طول حياتي الطويلة البائسة لكي أحقق أحدى تلك الامنيات واهمهم كان بالطبع الوصول الى قلب محبوبتي التي كم حلمت بها ومازلت أحلم بها حتى الآن، كم حلمت ان تلمس يداي جسدها الغض ومع ذلك لم أجرؤ يوما من الأيام مطلقا على الاقتراب منها أوحتى التحدث اليهاعلى أنفراد، ولست أدري لماذا لم تتطاوعني نفسي على فعل ذلك الشئ البسيط؟ هل أفتقدت للشجاعة؟ أم الفقر الشديد وقصر اليد؟ أم مازلت أخاف من صاحبها الشرس الذي يهتم بها أكثر من اللازم و تكاد عينيه تلتهمها أثناء ذلك الأهتمام؟ أما أنا فللأسف فقد أكتفيت فقط بأختلاس بعض النظرات السريعة اليها وغالبا ما كان ذلك من خلف شباك حجرتي الخشبي القديم وبالطبع دون أن يلمحني أحد وخاصة صاحبها ذلك الوغد الذي لا يعرف الرحمة في تعامله مطلقا. كم أمقته ذلك القواد الذي لا هم له الا جمع المال وتكديسه في جيب جلبابه القذر وأن أضطرته الظروف فقد يتخلى عنها بسهولة وبالتأكيد لمن يدفع له أعلى سعر، اليوم تتطلعت اليها وكانت مشرقة كعادتها ولكنها للاسف كانت في صحبة اقرانها الائى قد يشبهونها من حيث الشكل ولكن معظمهن قد افتقدن لتلك الاشراقة الواضحة التي قد تتميز بها عن الآخرين والتي أجزم أني أكاد احسها بدون حتى النظر اليها أو بعد أن أشم عبيرها الخلاب، وأحيانا كنت لا أتمالك أعصابي أذا نظرت اليها لفترة طويلة ودائما ما كنت أخاف أن تفضحني دقات قلبي ولذلك غالبا ما كنت ألجأ الى عمل شيئا أخرا كتناول ساندوتش الفول المعتاد لتناسي الموضوع برمته، واليوم وفي الصباح الباكر خطرت لي فكرة قد تكون في أعيونكم جريمة شانعاء ولكن أخواني أليس ذلك ما يقوم به صاحبها القواد معها هو أيضا بجريمة؟. وأليس هذا أيضا بجريمة عندما يداعبها ويقلبها مرارا بين يديه الغليظتين ومتباهيا بذلك أيضا امام أعين المارة في حارتنا الفقيرة؟. أكد أحلف لكم ان أحيانا ماكنت ألمح نظرات النشوى في عينيه عندما كان يقوم بذلك، وقد حانت لي الفرصة بالفعل لعمل شيئا مضادا فها هو صاحبها قد أبتعد عنها للحظات واظن أنه كان في أحدي مهماته الدنيئة قائما بايصال احدى رفيقاتها الى أحدى راكبى السيارات الفارهة باحثي المتعة. معذرة أحبائي لم يعد لدي وقت لاشرح لكم بالتفصيل فقد قمت منذ قليل بتنفيذ ما فكرت به اليوم صباحا فقد أقتربت منها فاتحا ذراعي ومداعبا ومتوقعا أن ترتمي هى أيضا في أحضاني كما كانت تفعل مع الآخرين أوكما كان يحدث دائما في أحلامي المتكررة ولكنها للاسف لم تتحرك من مكانها أطلاقا، فعاتبتها قائلا بصوت دفين وحزين يا أمنية عمرى الوحيدة ها نحن قد ألتقينا أخيرا ولكنها للأسف لم ترد على أو تفعل أي شيئا يذكر ، فقلت لها لما لا تنطقي أوتبادليني نفس الشعور ولكنها أيضا لم تبدي لي أي أهتمام بي فصرخت بصوتا عاليا يا حبيبتي لقد تحركت أخيرا وها أنا قد أقتربت وأكاد أكون قد دنوت من تحقيق حلم السنين وأنا الآن على أستعداد أن أفعل الكثير للوصول اليك لكي أروي عطش السنين مهما كلفني ذلك من ثمن ولكن بالله عليك لما لا تردين على؟ ولكنها للأسف التزمت الصمت أيضا، وفجأة ظهر صاحبها اللعين مرة أخري صائحا وقائلا لقد حذرتك مرارا من الاقتراب منها أو من أقرانها واليوم لابد ان تدفع ثمن ذلك غاليا ثم هجم على محاولا أقتناصها من بين يدي فقاومته بشدة ولكن فجأة أثناء عراكنا سقطتت أمنيتي الوحيدة في تلك الدنيا من بين يدي مـتألمة ومتكسرة الى اجزاء كثيرة ومتبعثرة على أرض حارتنا القذر، ولم يستمر ذلك كثيرا حتى هجمت على أشلائها المتناثرة مجموعة كبيرة من الجائعين آتية من كل فج عميق ولم يبقوا على أي أثر يذكر لها ، ونظرت بأسى الى أفواههم الجائعة الملوثة بلحمها وتحصرت على حلم السنين الذي تهاوي في لحظات أمام عيني، بالطبع لم أذق منها شيئا على الأطلاق بل على بالعكس فقد أذوق اليوم شيئا بديلا عنها في قسم الشرطة حيث أنه من المتوقع ان توجه لي تهمة السرقة بالاكراه، وياليتني كنت قد فعلتها من زمان بدلا من كل ذلك الحرمان واللوعة الطويلة، فيا حسرتي فقد أكتفيت فقط بالنظر اليها يوميا من خلف شباك حجرتي بينما كان صاحبها تاجر فاكهة حارتنا الوغد محاولا بيعها لزبائنه الدائمين بينما أنا فقدكنت ومازلت غير قادر على شرائها او شراء أحدي أقرانها منه



يا عيب البوم

في ناس تحب حيوانات كدة من الباب للطاق وفي ناس تكره حيوانات بالسمع ويمكن عمرها حتي ما شافتها وبرضة تكرها وحتي لو شافتها يمكن راح تحش رقبتها ومن الحيوانات المظلومة دول حبيبة قلبي البومة .. انا اموت في البومة أووي وطول عمري وكل ما اروح جنينة حيوانات محترمة اخش على البومة واكحل عيني بجمالها وافضل أصور فيها واتغزل فيها ويا اختي كميلة لا بتتحرك ولا تتأثر بي بل بالعكس أول ما تشوفني تروح نايمة وتشخر... والبومة لو الناس تعرف والنعمة ح يحبوها زي واكتر اول حاجة شغالة بهمة وببلاش بالليل والناس نايمة تشخر يعني مش بتزعج حد فينا خالص مالص ولا حاجة وحتى لما بتطير بتطير من غير ما تعمل صوت وتنقض على الفيران والحشرات .. طب عايزين ايه يا أخوانا دي شغالة بما يرضي الله و بتكسح الخرابات والمزابل من الفيران.... والناس من غبائها افتكرت ان الخرابات ملايانة بوم وعلشان كدة قالوا دي بتجيب الخراب و مش عارفين ان لولا يا أختى كماله دي كانت الفيران خرجت علينا واحتلت الحارات عندنا... أجمل حاجة في البومة كمان انها الطائر الوحيد اللي بيطبق المثل المصري فتح عينك تاكل ملبن بزمة لانها بتفتح العينين الجوز وهي بتصداد وكمان في الضلمة يعني زي القطط شوفتو بقي كميل اد ايه.. ولو على أنا والنعمه دا انا أديلها لقب صديق الفلاح بدل أبو قردان الكتيان . والمصريين زمان كانوا فعلا أذكى مننا دلوقتي وكانوا بيحبو البوم زي عينيهم ولو بصيت على كل الرسوم القديمة ح تلاقي رسوم للبوم واشهر بومة في التاريخ كانت بومة الملك رمسيس وكان اسمها تاووكت وكانت بومة بكشك عند رمسيس لحد ما يوم طرفت عينه وزعل منها ومعدشي يكلمها بس للامانة ما ضربهاش لا آءة آءة ولا حاجة وبعدين انتقل رمز البومة اللي كان يرمز للحكمة من المصرية القديمة الي اليونانية وبرضه استمرت لحد الان عند اليونايين الحاليين، واحد راح يقولي ما تقصر بقي بومك في يومك ’ بوم ايه؟ وهبل ايه يا تركيب؟ انت عايز ايه بالظبط يا أبا ؟ شوف يا سيدي انا راح أقولك ان الناس والبلاد مختلفة على حاجات كتيرة فمثلا لو قلت لواحد في ألمانيا انت بومة معناها أنت سهار الليالي ولو قلت لواحد في فرنسا انت بومة معناها أنت ذكي ومكار جدا ولو قلت لو احد في اليونان انت بومة معناها أنت حكيم... اما كل الدول المتخلفة وعلى راسها أحنا طبعا لو قلت لواحد انت بومة يبقي ليلتك سودة لانها رمز للشؤم ... طب أيه اللي حصل في مصر كنا زمان بنحب البوم ولما العرب جم عندنا والكترة طبعا تغلب الشجاعة غيرونا وخلونا ما نحب البوم... وهنا عايز أسألكم شوية أسئلة تفتكروا لو في بومة نامت ننة في مصر الاف السنين وخارجة وبتحسب الناس ح توسع لها السكة وتفرش لها الارض رمل وشافت الناس حتزبلها ازاي مش ممكن تطب ساكتة وتموت غيظا ؟ تفتكر لو انت بومة ممكن تفضل عايش في مصر ولا تسافر لفرنسا ولا اليونان على الاقل هناك نظافة واحترام وكمان فيران ترض الروح مش فيرانا المعفنة ؟ تفتكر ممكن يكون أحترام البومة دليل لتقدم الناس حيث أن الدول المتقدمة عارفة قيمتها وذكائها وبتحترمها والدول المتخلفة شايفها في الخرابة بس مش عارفة ان تحت الخرابة فار؟ تفتكر ان كلامي ده ممكن يغير فكرك ويخليك تحب البومة زيي أنا كدة من الباب للطاق؟ ولا المصري ح يفضل طول عمره مصري ومش بيغير رأيه الا بالطبل البلدي وعلى رأي المثل البومة لو فيها خير ما فاتها الصيّاد