Saturday, November 29, 2008

في صحتك


في صحتك دا الكل يا أبا في خدمتك


مزمز يا كنج بشفتك وأشرب وانسى كعبتك


لعلع وعلى ضحكتك وياريت تعوم فشتك


خلى قفاك في صرتك يعني ح تفرق حضرتك؟


الدين يا أبويا دا لعبتك وشيوخنا والله في جعبتك


بكرة تحلل عملتك وتتدفع يبوسوا جزمتك


أنا بس راضي لذمتك مش وحشة حبة لسمعتك ؟


ولا أنت عازم شلتك وعايز تبين قوتك


طب ليه لابسلى عمتك ما هناك في أوضتك شنطتك


وضب و غير سحنتك واسكر وداري شمعتك


و برضة ح نبقى في خدمتك ونموت في أم صحتك



اللينك بصوتي لايف من الحفلة


http://www.4shared.com/file/73651760/9fc72bfa/__online.html?dirPwdVerified=187d1f9a

8 comments:

Anonymous said...

ايه ياتركيب الكلام ده
مافيش حد خرج سليم من تحت ايدك ربنا يستر مش يمكن مية مش حاجة تانية ما نتاكد الااول قبل ما نظلمه
بس العهدة على الراوي ما انت كنت في الحفلة واكيد انت دوقت وعرفت
شكرا على الصوت والمؤثرات من موقع الحدث

Anonymous said...

مش هقولك اسمي
علشان انت بتتكلم كلام كبير اوي اوي المرة دي

بس لو بجد انت تيكو اعرفني يا معلم

بجد المرة دي كلامك من الأخر كلام كبير اوي يا تركيب
ومنتهي الموهبة انك تعمل شغل جامد كده علي صورة بس

ها عرفتني ولا لسه

Tarkieb said...

عفوا يا الكسمون ...وشكرا على ردك....هو انا بس اللي قلت....وحتي مش المفروض تجنب الشبهات

Tarkieb said...

مممممم...طب ممكن اتصل بصديق؟ اواسال الجمهور؟ بس على فكرة الضحكة اللي بين السطور دي ضحكة سندريكا...صح؟ نورتي يا سندريلا

Anonymous said...

اية الكلام اللى فى الصميم اوى دة يا تيكو كمان انت جايب صورة جامدة جدا--------- نيهال

Anonymous said...

فكرنى----- ببيت شعرى لنزار كان بيقول فيةاشكو لكى العروبة ام اشكو لكى العرب----------- لانة الحقيقة الصورة معبرة جدا والكلام بيترجمها اكتر--------- نيهال

Tarkieb said...

انت اللي كلامك في الصميم يا نهال ..نورتي

Anonymous said...

ايووووووو اسكندرانى
انت ايه اللى بتعمله دا يا دماغ
جامد جامد الله ينور
ريتشاد