Thursday, July 29, 2010

لغة العيون

ياترى هى كمان بتفهم لغة العيون ؟ ما اظنش؟ لو كان كدة بصحيح؟ كانت حست بقى من زمان..... آه من زمان أوووي .....طب هى ليه دلوقتي ماعادتش بتلبس الدبلة خلاص زي زمان؟ هى سابت خطيبها؟ ولا بتخلعها بس كدة وكدة قدامي يعني ؟ آه ...يبقى أكيد خايفة على مشاعري ومش عايزة تضايقني .. يمكن حست اني بأغير عليها أووي؟ ...آه .....ممكن.....ياحبيبتي...بحبك بجد أوووي ...بس هو ايه اللي ممكن ده يا واد؟ قصدك ممكن اي حاجة؟ ....ممكن اي حاجة من دول والسلام؟ ....بس انا حاسس وربنا وأنت عارف ان احساسي دايما كدة ما بيخيبش أبدا.....شكلها سابته وأكيد عشاني....أيوة عشاني ....ويارب ...ويارب تكون بقى بجد سابته مش أشاعة ...يسمع من بقك ربنا.....انا مش عارف هى بتحب فيه ايه ده الراجل ده؟ ده راجل كبير اووووي وشكله بجد الزمن مبهدله خالص ولا دمه بصراحة يلطش وتحس كدة انه منشي كأنه راضع نشا وربنا....طب لو انا صرحتلها دلوقتى بحبي تفتكر مش ممكن بقى تستناني؟ قصدي تستنى لحد ما اخلص يعني واشتغل بقى وأكون نفسي؟ طب وليه لأ؟ هو مين عارف يعنى أنا بكرة ح أبقى أيه؟ تفتكر؟ آه بفتكر ... مش اللي بيحب حد بيستناه برضة؟ آه طبعا بيستناه ونص كمان..عندك حق ...وبعدين أنا لسة المستقبل طويل أووي قدامى...وبعدين أنا بحبها بقى ياعمى ......طب أعمل أيه؟ .فاهم باحبها.......والله اول مرة اعرف معنى الكلمة دي ...أصل ده أول حب ليا بقى وأكيد ح يكون آخر واحد أن شاء الله ...دي جمال...ثقافة ...وثقة بالنفس....كله كله ...وربنا مافيهاش أى عيب خالص....طب وهى؟ تفتكر هى كمان بتحبني زي ما انا كدة بحبها؟و ياترى هى كمان واخده بالها من نظراتي الدايمة ليها ولا لأ؟ طب ياترى هى حاسة بقى بدقات قلبى اللي تملى بتعلى لما باكون جنبها؟ طب مش ممكن كل ده يكون برضة تهيؤات وانا بخيبتي مش واخد بالى؟ تخيلات يعني؟ قصدك كدة؟ آه جايز ..وليه لأ؟ هو يعنى انا كنت دخلت جوة قلبها؟ اخش جوة قلبها؟ ياريييييت .دة أمنية عمري اني ادخل قلبها وما اخرجش منه أبدا....بس هي صوتها بصراحة بيقول برضة ....بيقول برضة انها احتمال تكون واخدة بالها مني وبتداري عشان محدش يتكلم علينا .عشان مش عايزة مشاكل ...صح؟ أية رأيك؟ تصدق احتمال......بصراحة أنا كل لما باسمع صوتها وربنا بانسى الدنيا خالص وعشان كدة انا خايف...أووي ... خايف بجد ان كله ده يكون تهيؤات....تهيؤات عندي؟ يالهوي دي تبقى مصيبة .....يالهوي.....لا ما اظنش ....قال تهيؤات قال؟..طب ايه رأيك بقى؟ اني أنا تقريبا أتأكدت خلاص دلوقتي أنها أكيد واخدة بالها بقى مني و كمان من زمان اوووووي ..وأكيد ملاحظة كمان انى على طول مركز وباصص تملي على شفايفها...اه والله .... على طول بابص عليهم....اصلهم بجد حلوييين اووووي ..حلوين؟ أنت ح تقولى؟ دول وربنا افترى انا عمرى ما شفت شفايف بالحلاوة دي قبل كدة.....انا بجد لما باشوفهم تصدق وربنا بانسى الدنيا....عارف والله ساعات باسرح كتير وبتخيل انى خلاص عمال ابوسهم ..اه بابوسهم.....دي الصراحة ..وبابقى مش عايز اصحى م الخيال دة أو حتى ابطل بوس....بس الحقيقة هى كمان عمرها ما اتضايقت منى او حتى اعترضت أنى بعمل كدة معاها حتى ولو في خيالي ...يبقى بتحبنى ؟ صح؟ اه يبقى اكيد بتحبنى.....الله يطمنك....انا متأكد ....بس المشكلة بتاعتي هى التردد المنيل اللي مش عارف أتخلص منه ..ايوة التردد أوالخجل ....كل مرة اجى افاتحها وابقى عايز خلاص اقولها...الاقي لساني الخايب مش مطاوعني...لدرجة ان الكلام ساعتها بيطير من دماغي خالص...كل مرة اجى واقولها الحقيقة اللي كاتمها من زمان بأحس ان ده مش وقته ولا مكانه ياواد....طب تعرف؟ أنا من شوية كنت خلاص لسه ح اقول لها وما كانت تفرق بقى أذا كان ده قدام الجميع ويحصل بقى اللي يحصل ...المهم عندي كان اني أقول وخلاص ولسة كنت ح اقولها لاقيتها راحت قالت لينا...ايوة قالت لينا كلنا مش أنا بس ....يالا يا اولاد افتحو الكتاب قلت كتاب ؟ قالت أه طبعا الكتاب أمال نعمل ايه غير كدة؟ وعلى الدرس الاول كمان يا شطار ...أحنا ضيعنا وقت كتير ...وقولو ورايا يالا .. ... قولو ورايا...........تفتكر كنت أقدر أفاتحها في الوقت ده ؟ طبعا لا ........وبعدين فول ايه ده اللي عادل بيزرعه أوبيتنيل بيحبه؟ بالزمة حد بيحب الفول؟ ده أيه أم الرومانسية دي يا عم عادل؟ انا باحبك انت ياستى؟ فاهمة ؟ أنت وبس...آه وربنا انت وبس...وكان نفسي بجد انك تفهميني بسرعة بقى من غير كل العذاب ده .أنا بجد بأستغرب ازاي أبلة بالجمال دة ومبتعرفش تقري لغة العيون؟ هي الحاجات دي عايزة دراسة ولا مدرسة؟ دي عايزة بس شوية تركيز وخلاص ......ياريتك بجد...لحظة ................................أية دة؟ يا لهوي ....أوعي تكوني واخدة بالك مني وانا اللي حمار ومش فاهم لغة عيونك؟

101 comments:

Anonymous said...

ايه ياسيدى الرومانسيه دى
طب ليه مش عملتها لنا صوت كنا بجد هانستمتع اوى لما وهى مكتوبه رائهكده اما لما تتعمل صوت تبقى ازاى
بس صدمنى موضوع افتحوا الكتاب
بس شكل تلميذ كازنوفا اوى
لا بجد جميله اوى يا تيكو
تسلم ايدك
كل سنه وانت طيب

جوجو said...

السلام عليكم
اسلوبك جميل والله
بس فعلا عذاب كل ده ومش قادرة تفهم
تحياتى

فكرة من الزمن ده said...

حلللللللللوة بجد
ورومانسية جدا
وفي النهاية
عليك واحد
بحب الاسلوب ده في الكتابة
وانا اتعلمته من حضرتك
واستخدمته اكتر من مرة
تحياتي يافنان

Unknown said...

صراع نفسي طوييييييييييييل مشفتش أخوه...
ايه كل ده و ربنا قطعت نفسي معاك كأني كنت بجري ف دايرة و ارجع تاني للبداية...
بجد الكلام حلو أوي و كأنك فعلا عشت الموقف ده ، مش عارف لي حاسس انك عشت الحوار ده مع نفسك فعلا ، حقيقي جدا و واقعي...
انتا عارفني بعيد كل البعد عن الرومانسية ، لذا عاجبني عنصر الواقعية أوي ف كلامك عن أي شئ تاني...
تحياتي ليك يا تركيب باشا...

Anonymous said...

مساء الخير
حوار رائع
اسلوب جميل ورومانسى
دومت فنان متألق
تحياتى

sony2000 said...

الله الله
كلللللل دا علشان الابله
ههههههههههههه
طب لو هي فسنو كان عمل ايه بقي؟؟

عطش الصبار said...

ايه المنولوج الجميل ده
واللهى ماشيه معاك كلمه بكلمه ومستنيه ااقولك شويه نصايح عن اللى تتخلى عن خطيبها عشان حد تانى
وبعدين صدمه النهايه خليتنى اضحك بصوت عالى على المفاجأه
هو صحيح الاطفال ممكن يبقى عندهم مشاعر كدا ناحيه مدرسينهم
بجد جميله واستمتعت بيها
وبكل حرف
تحياتى

Unknown said...

Guten Morgen
Wie geht's

Unknown said...

تحية منى على السريع
ياتراكيبووووووو
وأكمل بعد صلاة
الجمعة بأذن الله
فألى اللقاء
Bye

Unknown said...

شفت أنا شاطرة أزاى
بتكلم عربى وعنجليزى
ياتراكيبوو وكمان
المانى أهوه
ألمانى دا
ولا مـش ألمانى
قوووووووووووول
هههههههههههههههه

mrmr said...

ايه الجمال ده
مش معقول انت رومانسى كده
بس سؤال ده خيال ولا واقع
اى ان كان
بس بجد جامده قوى تستاهل اغنيلك اغنيه نانسى .. شاطر .. شاطر
بس فى شويه كلمات وخيال عايزين رقابه

بالمناسبه لغه العيون كتير بيعرفها بتبقى مفضوحه جداااا
يعنى مش محتاجه علام ولا فهم

ربنا يسعدك

Tarkieb said...

الشـــــوكه النــاعمه
وأنت طيبة ياستي ...لا كان صعب اعملها صوت عشان هي في فيها مفجأة انها من تخيلات ولد صغير في ابتدائي وبتحصل كتير كل واحد بيعجب يمدرسته عشان بتبقى قال يعني عارفه الكوفت...نورتيني يا ملكة الرومانسية

Tarkieb said...

جوجو
اهلا وسهلا بيكي هنا ويارب تكرري الحكاية دي وتيجى تاني..هي معذرة ماتفهمشي لانه حوار داخلى في دماغ تلميذ

Tarkieb said...

فكرة من الزمن ده

دا احنا اللي بنتعلم منك يا ملكة الكوميديا وانا متأكد ان ده بس اطراء من حضرتك وانت من البداية ومتمكنة ...شرفتيني بجد

Tarkieb said...

ELMOSTAFZ

اهلا بيك يا مستفز ...يارب تكون عجبتك وتكون وصلت للاخر وعرفت مين كان بيقول كدة ..وحتعرف اننا كلنا مرينا بالمرحلة دي.نورتني

Tarkieb said...

الحب الجميل

مساء النور ع البنور...ربنا يخليكي على الكلام الحلو ومتشكرين على دوام الزيارة

Tarkieb said...

sony2000
هههههههههههههه عشان الابلة وقال ايه عايزها تستناه لما يكون نفسه...طيب يبقى يعملو الفرح بقى في بيت المسنيين ان شاء الله

Tarkieb said...

عطش الصبار
الجميل هو اننا اطمنينا على حضرتك..حمد الله ع السلامة...رد حضرتك بيدل على انك بجد عشتي في سطور القصة ..ووصلت لحد النهاية عشان كدة ضحكتى..ربنا يخليكي وشكرا ع التعليق

Tarkieb said...

norahaty

صباح الفل ..ايه ده انت بتعرفي الماني كمان؟ لا وايه خطك حلو كمان...انا كويس الحمد الله...كل ده بتصلي الجمعة؟ استناكي بقى ع التراويح هههههههههه...مستنى رأيك ..اوك
und bis denn

Tarkieb said...

mrmr
اه رومانسي وبتاع كله هههههههه بس على فكرة ده خيال طفل معجب بابلته...والكلام الخارج اللي الرقابة عايزة تشيلة ده في دماغ عيل ومش معقولة الرقابة ح تعمل عقلها بعقل عيل...نورتني يا صاروخ النكتة

Unknown said...

خدعتنى ياتركيبووو
أنا قلت تراكيبوا
وقع:)ومحدش سمى عليه
لكن أتاريك ناصح
والتلميذ الشاطر
هو اللى وقع ومحدش
سمى عليه:)

Unknown said...

بس تصدق بجد بقى
أن (اطفال )الزمان ده
بتجيلهم الأفكار دى
وأكتر نظراً لأنهم وللأسف
بيكبروا قبل الأوان

Unknown said...

وتركيب لو عندك
وقت أبقى أقرأ
(http://wwwbloggercom-norahaty.blogspot.com/2009/12/blog-post_23.html)
تدوينة قديمة عندى بعنوان
مأساة صغيرة فى المدونة الأولى
كنت نقلتها من موقع
أمواج سكندرية
وبرضه اللى علقوا ساعتها
كانوا زعلانين أزاى طفل صغير
تصور مثل هذا
مع(أمه)ايوة والدته

Unknown said...

ومعلش أتأخرت شوية
فى الرجوع
(Sorry für die Verzögerung)
أنت مدير صعب اوى ياتركيب:)

richardCatheart said...

ههههههههههههههههههههههه

ياعنى اهرب نص ساعه من البوهيه
واجى اقرا قبل كبسه بكره

تفرتك قلبى والنبى نازى ياهتلر
ههههههههههههههههه

والله بجد صعب عليا لدرجه قبل ما اوصضل الاخر بقيت اقول اقولها انا يا خويا ولا تقهر نفسك
دا الواد مستوى خالص دا اتهرى من كتر السوى يا عين امه
ههههههههههههههههههه
وفى الاخر طلع المزغود تلموذ ينيله وياترى الامور فى كى جى كام وان ولا تو
ههههههههههههههه
امال دا لما هايكبر هايهبب ايه يخربيت سنينه والله هلكتنى من الضحك
تعرف دى لو صوت كانت بقت نار والاه يا والاه
جميله طبعااااااااااااااا يا تيكو
وماتنزلش حاجه جديده بقى الا لما ارجع
خليك جدع ياريس
ههههههههههههههه
كل سنه وانت بالف خير وربنا يجعله شهر كريم كليك وعلى كل حبايبك يارب

Ms Venus said...

ههههههههههههههههههههههههههههه


ال وانا صدقت وصعب عليا وقولت بيحب يا حرام وحبيبته مخطوبة

واتعاطفت بقى معاه

هههههههههههههههههه


جميلة ولذيذة اوى يا تراكيبووو

والدعابة اللى فيها بتقول شىء خطير فعلا

ان براءة الطفولة ومع الاسف انقرضت


تحية ليك يا فنان واحلى وردة

أمل حمدي said...

جميل يا تركيب كعادتك بروحك الحلوة

كل عام وأنت بخير يارب

Tarkieb said...

norahaty
ههههههه يبقى عليكى واحد بقى....اكيد جاية تعبانة من صلاة التراويح...بس لعلمك برضة اطفال زمان برضه كان كدة بس كان بيبقى اعجاب لو كانت بجد ابلة طيبة وحونينة اوووووي ....حنينة يعنى ع الاولاد فيحبوها عادي يعنى كلام عيال.....

Tarkieb said...

norahaty
اه قريتها دلوقتى ومكتوبة حلوة اووووي ...بس تقريبا ما شفتهاش زمان عندك خالص ....بس نفس المدرسة طب انت لو عندك وقت ابقى اقري قصة الوغد عندي برضة نفس المدرسة ومستني راييك
وده اللينك


http://tarkieb.blogspot.com/2008/09/blog-post_4692.html

Tarkieb said...

norahaty

حلو اووووي سوري عارفة كلمة سوري بالالمانى حاجة كدة مكعبرة ولو قلتيها لواحد يحس انك بتضربيه بالكلمة ههههههه..
Entschuldigung

...فتحتى على نفسك فاتوحة ههههههههه

Tarkieb said...

richardCatheart

اصيلة يا ام العيال....ههههه فى وسط كركبة ام صفوت والبياض جيتى برضه....باكينام هانم من بروسيا كانت ناوية تبعت ليكي ازرق بروسيا بس لقتك عايزة ابيض.....قالت بركة يا كامع هههههه......كل عام وانتم

Tarkieb said...

Ms Venus
طلتك والله احلى وردة ربنا يخليكي لينا دايما ومايحرمنا منك...اه الاطفال دلوقتى اكتر نضج والله مننا ...نورتيني ...

Tarkieb said...

ماما أمولة

ربنا يخليكي انت اللي روحك بجد جميلة وبتعطرى البلوج بوجودك...وانت طيبة وبعد رمضان عايزين الساقع حلاوة النجاح

Ramy said...

عارف هتقول أتأخرت

معلش انا اسف بس صدقنى مكنتش قادر اتابع حد خالص

و بعدين كنت فاكرها سمعية زى كل مرة (:

و النت عندى بطيىء اليومين دول

طب ما أنت كاتب حاجات عن الحب جامدة و أحاسيس جامدة

انا برضة الحب دة أول حب

بجد القصة فى مجملها جميلة قوى

و تفاصيلها مثيرة (:

اخر القصة على قد مفاجأتها بس جامدة (:

تسلم ايدك بجد

سوررى ع التأخير

ربنا معاك و يوفقك

Ramy said...

على فكرة انا بحب اكلم نفسى كدة كتير (:

Desert cat said...

البنات بيفهموا اى لغة لان لسان حالهم الاحساس

عايشه لنفسي said...

اسلوب هااااااااااايل
تسلم الايادى

Tears said...

انت موهوب جدا و بتعرف تعمل سيناريو محبوك و كمان بتكتب حوار بنحس انه بيكلم فعلا بلسان الشخصية اللى رسمتها مش بيعبر عنك انت

استمر فى تنمية موهبتك فربما يوما تصبح مثل اسامة انور عكاشة او يمكن نجيب محفوظ او افضل فلديك موهبة حقيقية


دمت بخير

رحاب صالح said...

يا نهااااااااار ملون ابيض ف الوااان
ده اية الجمال ده
بجد جننتني
ضحكتني
زعلتني
خليتني اسرح
بس الصراحة
متوقعتش النهاية خااااالص بوتاتا
تحياتي لقلم وكتابتك الرائعة

Haytham Alsayes said...

هههههههههههههههه

طب وربنا كنت عارف ان في مفاجاة في الاخر
تنفع تعمل فيلم كوميدى رومانس وكله
يالا اتكل علي الله واشتغل سيناريست

M.a.r.y.o.o.o.m said...

بجد نحفة اه والله تحفه هههههههههههه

جنّي said...

السلام عليكم

ازيك يا مستر ..

بس معقولة انت من زمان كدا من ايام عادل يحب الفول .. وشرشر نط خض البط

المهم الحكاية حلوة وتنفع تتعمل راديو كمان ..

وعلى فكرة الاختلاف في الرأي لا يفسد للود قضية .. ولو اختلفنا في أشياء عديدة لابد ان تكون هناك نقطة تلاقي

ساسو said...

صباح الفل
بجد انت مبدع في كل حاجه
رومانسيه وفن
اسلوبك في الكلام والتعبير جميل جدا

دام قلمك يرش ابداعا

Tarkieb said...

Ramy
حمد الله على سلامتك وسلامة قلبك ...ربنا يخليك ع الكلام الحلو ده ...وخلاص من الايام الجايه مفيش راديو بقى عشان تيجي ..نورتنى

Tarkieb said...

Desert cat
الاحساس ملكة ليس لها علاقة بالنوع ولكنه موهبة لا يملكها الا القليل

Tarkieb said...

عايشه لنفسي
ميرسي على كلامك الجميل وزيارتك

Tarkieb said...

Tears
ربنا يخليكي على الكلام الجميل ده...نجيب محفوظ ولا عكاشة انا اجي فيهم ايه دا انا لسه بقول ا ب ت..انا مكسبي رد الناس على هنا

Tarkieb said...

re7ab.sale7
انت بجد اللي فنانة وكلامك ده شرف لي اكيد...الحمد لله انها عجبتك ويارب ما تنقطع زياراتك

Tarkieb said...

Haytham Alsayes

حمد الله ع السلامة ياريس ..بجد عجبتك ؟ طب كويس يعنى انفع اشتغل سيناريست ههههههه؟

Tarkieb said...

M.a.r.y.o.o.o.m

اول زيارة ويارب ماتكون اخر واحدة ..زربنا يخليكي ع الكلام الحلو

Tarkieb said...

جنّي
طبعا لايفسد للود قضية وانا لو مش عارف ان في ود بينا ماكنتش قلت راي ..شرفتنى

Tarkieb said...

ساسو

انت اللي عبقرية وبتكتب شعر بسهولة ربنا يخليكي يا مبدعة

اقصوصه said...

انا احس نفسي

مش من الناس اللي يعرفون وايد

بلغة العيون

وماعندي تبحر كبير فيها :)

دعاء العطار said...

هههههههههههههه

تفكير تلاميذ صحيح

يعيش وياخد غيرها

بس حلوه بجد

Tarkieb said...

اقصوصه

عاش من شافك.....حمد الله ع السلامة وماتقطعيش الزيارة

Tarkieb said...

دعاء العطار

عجبتك ؟ يبقى تيجي تاني بقى ....ماشي اول زيارة ما تتحسبشي

Yasmine said...

هههههههههههههههه جامدة جدا
بس دا ايه التلميذ ابو عين زايغة دا :D

طيوري said...

يامفاجعاتك ياتركيب
طبعا طول عمرك بتاع موفاجعات
فكرتني بقصة الوغد
طيب لما دي تلامذة زمان امال تلامذة دلوقتي ايه بقىنت ودش والذي منه
وفاهمين الكوفت جوز الكفتة
تسلم ايدك ياتركيب
معلش انا جيت في الاخر عشان يبقى ختامه قرفة بما انك مش بتحب القرفة

dr.lecter said...

ادييييني

Anonymous said...
This comment has been removed by the author.
Tarkieb said...

انا حرة

ماتجيش حاجة جنب قصصك الجامدة نورتيني بجد ويارب ما تكون اخر مرة

Tarkieb said...

قرفة

عاش من شافك .....انا قلت اكيد النت مهنج عندك بقى واتقطعتى عن الدنيا..انت لسة فاكرة البطيحة ههههههه.....نورتيني كالعادة ....وبلاش تغيبي تاني

Tarkieb said...

dr.lecter

منور يا باشا وعم الشباب والرياضة بجد

Tarkieb said...

الحب الجميل
لا شكر على واجب

Unknown said...

شفتها ياتراكيبو
وكتبت التعليق كمان

طوبه فضه وطوبه دهب said...

انا والله كنت صدقت بس اول ما قلت الكتاب دى ما قدرتش امسك روحى من الضحك بس والله حلوه تسلم ايدك وكل سنه وانت بالف خير

Beram ElMasry said...

اخي الفنان الجميل تركيب
اجمل التهاني واطيب الاماني لقدوم شهر رمضان المبارك اعاده الله عليك وجميع الاهل بالخير والبركة
شكرا لطرافة وذكاء التعليق واني لك شاكر وممتن لتفضلك بدوام الزيارة
سلام ولاسلام مع بني اسرائيل

عمدة كفر المظاليم said...

أبهرتني مدونتك بجد
سجلتها في الفافوريتس
ومتابع معاك إن شاء الله
ربنا يوفقك

راجل أديم said...

صباح الأحلام الجميله
بس ياعمنا لازم تؤول ويا سعاد حسنى سندريللا الحب
ولكن تؤخذ الدنيا كدهه

هيجيلهم يوم
اللى بسرؤو فرح البشر
بتخريب اقتصادنا
ومستأبل شبابنا
ماهو لو فيه مناخ صحى وصحيح
مكنش فيه عذابات
وأحلام الجميلين كانت هتبأه بديهه
ويفضل للحلم
الترقى الدايم
الطيران
الطلوع الدايم

داليـ ـ ـ ـ ـ ـ ــــا said...

وأنا بقرء تخيلت أنها تكون زميلة جامعه جاره أنما فى الاخر ادتنا بمبه وطلعت المدرسه والطالب بتاعها

ده أنا بسميه حب المراهقه

بس رومانسى أوى

وفى حته بتقول فيها خجلان
بعد كل الكلام اللى قلته دى وتقول خجلان

دانا اللى خجلت وانا بقرء الكلام ياأخى

ستيتة said...

كل عام وانت بخير يا عم تركيب

Tarkieb said...

norahaty
جميل شفته يارب تكون عجبتك برضه

Tarkieb said...

طوبه فضه وطوبه دهب
اول زيارة ...كل سنة وانت بالف خير يارب..والحمد لله انها عجبتك ومتقطعيشي الزيارة بقى

Tarkieb said...

Beram ElMasry
كل سنة وحضرتك طيب وبالف خير وسلام يارب

Tarkieb said...

عمدة كفر المظاليم
شكرا على كلامك الجميل ويارب تواظب وواظب على بلوجك وبلوجي ان شاء الله ياعمدة

Tarkieb said...

راجل أديم
هههههههههه ياراجل ده انت بوظت اللغة العربية خالص تحياتي

Tarkieb said...

داليـ ـ ـ ـ ـ ـ ــــا
اولا حمد الله ع السلامة ...ده حب قبل المراهقة من ايام عادل وسعاد...هو فعلا خجول وده كله خواطر ومقدرشي يفتح بقه كل سنة وانت طيبة

Tarkieb said...

ستيتة حسب الله الحمش
وانت بالف خير وسلامة يا دكتورة ...وربنا ما يحرمنا من زيارتك ودماغك الكبيرة

Unknown said...

رمضان كريــم ياتراكيبو
كـــــل سنة وأنت طيــــب

-_- said...

السلام عليكم
ازيك يا باشا؟

كل سنة وانت طيب

ن شاء الله انت مشارك في المسابقة في مجموعة ب

شكرا لك

Anonymous said...

كل سنه وحضرتك طيب وبألف خير يا دكتور

ورمضان كريم عليك

انا قريت البوست ده ... عجبني اوي والسرد والاسترسال والمفاجأه في الاخر لطيفه اوي

دمت مبدعا

تحياتي

Beram ElMasry said...

اخي الكريم
تركيب
أجمل التهانى بحلول شهر رمضان المبارك أعاده الله عليكم باليمن والخير والبركة وكل عام وأنتم بخير

رحاب صالح said...

انا جيت بس اقول رمضاااااااااااااااان كريم

همسات دافئه said...

حسيت وانا بين سطورك أتلقي رومانسيه كلماتك ان جواك انفعلات ومشاعر كتير
بجد جميله كتير أستاذي الكريم


أشكرك علي أهتمامك ومرورك الكريم علي مدونتي

همسات دافئه said...

ليا استفسار هو حضرتك معانا كمان علي الفيس بوك لاني لاقيت نوراهتي من الفريندز تبعك

Tarkieb said...

P A S H A
كل عام وأنت بخير يارب

Tarkieb said...

norahaty
وانت طيبة يا دكترة....وبعودة الايام

Tarkieb said...

Sharm
رمضان كريــم
وأنت طيــــب

علم ياباشا

Tarkieb said...

فتاه من الصعيد

انت طيبة ياه انت دخلتى رغم الزحمةعندك....نورتينى كالعادة....رمضان كريم

Tarkieb said...

Beram ElMasry

وانت بخير وربنا يديك الصحة وتمتعنا اكتر واكتر

Tarkieb said...

re7ab.sale7

وأنت طيبة ياستي
ربنا يسعدك
..شرفتيني بجد

Tarkieb said...

همسات دافئه

اهلا وسهلا بيكي هنا ويارب تكرري الحكاية دي وتيجى تاني

انا مش مشترك اصلا في الفيس بوق خالص ......

همسات دافئه said...

اكيد طبعا هواظب علي قراءة مدونه حضرتك
بس أتمني تمر علي مدونتي وأحب أعرف رأي حضرتك في أخر بوست

شكرا كتير

-_- said...

اخي العزيز الفاضل الحبيب


تركيـــــــــــــــــــــــــب


انا عارف انك متضايق عشان مجموعتك بس دي مسابقة بين مجموعتين ولازم الكل يتنافس و الا ازاي هيبقى في كسبان و خسران و بعدين احنا عدينا جولتين فقط من 10 جولات , يعني لسة فاضل كتير ..

و الناس بتحاول تضمن الاجابات الصحيحة بأنها تنقل و تجتهد , يعني تقول رأيها و تقول رأي الناس التانية بحيث يكون عندنا موسوعة علمية دينية في هذه المسابقة

انا عن نفسي والله بقرأ كل الاجابات و بلاقي فيها اختلافات كير ..

اسئلة الفقه اجابتها انك تجمع كل الاراء اللي اتقالت في الموضوع و غالبا مبتطلعش عن رأيين
في حالة الجنين .. الاجماع كان انه يجوز لو كان بتقرير طبي عن تشوهه قبل 120 يوم اي قبل نهاية الشهر الرابع و دي فترة كافية انهم يحددوا التشوه اما بعد 120 يوم فكان الاجماع على حرمانية الاجهاض الا ان كان في خطورة على الام

انا بحاول اجيب الاسئلة الفقهية المهمة في حياتنا و التي لم يختلف عليها كبار العلماء


ربنا يجزاك خير و يكرمك , انت انسان كويس جدا و فكرك ناضج جدا

Beram ElMasry said...

اخي الكريم
أجمل التهانى بحلول شهر رمضان المبارك أعاده الله عليكم باليمن والخير والبركة وكل عام وأنتم بخير

من كل بستان زهرة said...

تركيب باشا كل سنه وانت طيب
رمضان كريم

ده ايه الطفل الي عينه زايغه ده
لسه مطلعش من البيضه
وبيتخيل الكلام ده
أمال لما يكبر أكيد هينفذ على طول
ياعيني وهو كمان عنده كلام عيون
هههههههههههه
وبعدين حد يحب المدرسه بتعته ده المدرسات اليومين دول بقوا شبه الشويش عطيه

قولي أيه أخبار شبطه بيه حبيبي
ده وحشني جدا

الشاعر الفنان أحمد فتحى فؤاد said...

تركيب

كل سنة و إنت و إحنا و كل الناس طيبين و بخير و سعادة
أمين يا رب العالمين

ده حب جديد و اللا حب للحب؟

خالص تقديرى

الــحــــنـــــــــــــــــــين said...

جميله اوى منك تحياتى ليك ياريت مدونتى تتشرف بزيارتك

جايدا العزيزي said...

حكيم عيون

اجمل حاجه غناها عبد الوهاب


حقيقى ممكن اصدق ان للعيون الف لغه ولغه


تحياتى

mrmr said...

تراكيبوووووووووووا
ازيك ايه اخبارك
يارب تكون بخير
كل سنه وانت طيب
رمضان كريم
منظرين بوستاتك يا بطل بعد الشهر الكريم علشان نستمتع بيها

AHMED SAMIR said...

لازم تعرف الأول هي سابته و لا لأ؟
لو سابته خش يا معلم بقلب جامد
لو ماسابتوش
يبقة انســـــــى يا عمرو
دة طبعا كان رأيي قبل ما اصل لنهاية البوست
تحياتي