Friday, December 12, 2008

حس بحالي



حبيتك وح أعيد من تاني وما تفرق ان كنت أعاني

على طول سرحان بخيالي وكلامك دايما على بالي

سهران وما بنامش ليالي ويخوفي ما تحس بحالي

في وجودك بأشعر بكياني وفي بعدك باغرق في مكاني

مش طالب كاني ولا ماني دا رضاك والنعمة كفاني

بكتبلك في الصبح أغاني وبأسمك يتحلى لساني

لو تشعر ح تحس حناني لو تقبل راح تبقى زماني

يا حبيبي دا أنا كلي أماني وياريتك ما تسيبني أعاني


12 comments:

abendstern said...

حس بحالى ..حلوة ياتيكو ...وسيبك من كلام المجهول ..و اكيد المجهول ده مسمعش عن احمد فواد نجم ..و اك يد برضو مش سمع عن صلاح جاهين ده اكيد عايش فى دنيا المجهول ..والى الامام .. واتمنى انك تنزل كتاب ..انشاءالله بى دى ف ... هيكون حاجة لذيذة كده .. و كل عام وانت بخير ..كريسماس بقى و كده

abendstern

alexmon said...

تسلم ايدك ياتركيب وصوتك
بجد والفيديو كمان جميل والى الامام
والله انا لسة امبارح كنت باقول ليه ما يعملش كل الحاجات اللقديمة صوت وفيديو انت بتقرا افكارنا بقى
وليه مش بتدخل السايت بقالك كام يوم لعل المانع خير
وعلى فكرة انا قريت كلام المجهول شكله واحد كئيب خليك زي ما انت مبدع وفنان ويا جبل ما يهزك ريح

Tarkieb said...

وانت طيب يا نجم الليل ربنا يكرمك ويخليك لينا.. ويخلى برضه المجهول لينا والله صعبان عليا لانه اول مرة اشوف واحد بيحب الحكومة في مصر عمنا المجهول ده الظاهر انه مسحو دماغو زي البلوج بتاعة هههههههههههه

Anonymous said...

من اعمالك الجميله اللى بحبها ياتركيب حس بحالى بس مش اكتر من ماتلومنيش
هههههههههه

جميل الكليب للامام ياباشا

وطبعاا اكيد عرفت انا مين

Tarkieb said...

ربنا يخليكي يا الكسمون ويارب نشوفك هنا على طول وكويس انها عجبتك

Tarkieb said...

الله يسلمك يا نهي الضحكة دي مش غريبة عليا وكمان انت بتحبي متلومنيش وقلتي مفيش حاجة احسن منها طب اعمل ايه بقى

Anonymous said...

من أجمل ما كتبت بجد ياتركيب فعلا هي" حس بحالي " جميلة جدااااااا تسلم ايديك ياتركيب ........ :
وبعدين انت مش بتدخل السايت ليه ؟؟

Shaymaa_AdeeB

Tarkieb said...

الله يخليكي يا شيماء على الكلام الجميل ده يارب تبقى نزورينا كتير برضة

memaya said...

والله الواحد لحد دلوقتى بيكتشف فيك الجزء الرمانسى المختفى تحت النقد والسياسه والرغى ده كله بس بصراحه بتعمل الرومانسى بطريقه مختلفه وحس مختلف وبتخلينا احنا الى نحس بيك
بجد تحفه اووى مش عارفه اوصف انا اقدر اقول ايه بس بجد تحفه
والله ياتمتم بنكتشفك يوم عن يوم يوفقك يادكتور فى الرومانسى

Tarkieb said...

نورتي يا ميمي وشكرا يا جميل على التعليق الطويل

Anonymous said...

انا ازاى لغاية النهادره مش علقت عليها

الله يخرب الزهايمر وسنينه بجد
تحفه يا تيكو بجد اولا العنوان انت اخترت عنوان مميز اوى تخلى اى حد يدخل يشوف حالك ايه ويحس به

صوتك فى الرومانسى بيكون من طبقه جميله اوى اوى بجد بيكون فيه ميه من الحنان عاليه اوى

انا مش ناويه اكتب اسمى وياريت بقى مش تقول انا مين امام الجمهور رغم ان الجمهور كله عارف مصطلحاتى ةنقدى اللاذع
صح

ساسو said...

ياسلام يا تركيب البوست دا جمييييل جدا
بجد أنا مكنتش قريته قبل كده
بس بجد لقيته تحفه يجنن
واسلوبك الرومانسي ممتع أوي
بجد مدونتك رقيقه جدا
وانت ياصديقي شاعر ناجح