Tuesday, September 13, 2011

شيكولاتة بالبندق

--مامي أنا بحبك أووي وعايز أتجوزك

ههههههههههههه - .........يا خبر؟ تتجوز ماما؟ لا طبعا ماينفعش يا زيزو

-ماينفعشي ليه؟ هو إنت مش بتحبيني؟

-طبعا بحبك ........بس ما يصحش.... حد برضه يجوز مامته؟...... عيب وحرام كمان

-لا ماليش دعوة انا عايز أتجوزك

- قلتلك ما ينفعشي بطل زن بقى

-طب ليه بس؟ هو أنا وحش؟

-وحش؟ يا خراااااااااشي ده إنت قمرايا

-طب ليه بس بقى بتقولى ماينفعشي؟

ماينفعشي عشان ...عشان........عشان أنا كبيرة وإنت أنن

-أنن؟ أنا خلاص دخلت الحضانة

-آه صحيح كبرت بس الفرق بينا برضه كبير

-فرق إيه؟

- تلاتين سنة يا زيزو ودول مش شوية


-
تلاتين سنة؟ هو ده كتير؟

-آه كتير

- طب وإيه يعني......... عادي

-لا مش عادي.....

-طب ليه؟

-يا بيبي العريس لازم يكون قد العروسة

-قدها؟ في الطول يعني؟

-مش في الطول بس

-طب وإيه تاني؟

-السن مثلا

-إيشمعنى؟

-أكيد عشان يقدرو يفهمو بعض

-يفهمو بعض؟ إيه ده؟ هما يلعبو سوا؟

-آه حاجة زي كدة

-وعشان كدة لازم يبقو قد بعض؟

-آه بالظبط كدة

-طب إيشمعنى نوسة؟

-نوسة؟ نوسة مين؟ أختك؟


-
أه نوسة

-مالها نوسة؟

-بتحب عمو صابر ...وهو عجوز وهى أنن

-عمو صابر؟ عمو صابر مين يا واد؟

-عمو صابر جوز طنط فيفي

-جوز الست فيفي جارتنا ؟

-آه

-آه ده عادي يا حبيبي

-عادي؟ إزاي عادي؟

-يعني اكيد حب كدة وكدة

-إزاي يعني؟

-يعني بتحبه زي باباها


-
لا يا مامي دي بتحبه بجد مش كدة وكدة... وح تتجوزه كمان

-تتجوزه؟

-آه أصلها بترقصله

- يا نهار أبوك إسود ومنيل .. بترقصله؟ إزاي يا واد؟

- زي ما إنت كدة بترقصي لبابا يوم الخميس

-وعرفت منين؟

-شفتها

-شفتها فين؟ وإزاي يا مزغود؟ إتكلم

-في الكوبوتر

-في الكوبوتر؟ قصدك الكومبيوتر.....طب إزاي؟ فهمني

-كانت فاتحة الكاميرة وبترقص

-كاميرة إيه؟ الكومبيوتر؟

-اه كاميرة الكوبوتر

- طب إنت إيش عرفك إنها كانت بترقص لعمو صابر؟ مش يمكن مظلومة وكانت بترقص مع نفسها؟

-لا يامامي أنا شوفته

-شوفته؟ شوفته فين يا زيزو؟

-في المونيتول وكان بيقلع

-بيقلع فى المونيتور؟ خراب إسود ............نهارك زي وشك يا صابر الكلب . بقى تعمل كدة في عيلة لسة مراهقة وقد بنتك؟.....شوية بس لما يجي باباك وأنا أقوله


-بس أنا خايف يا مامي

- خايف ليه بقى؟ ماتخافشي... أبوك قدها وقدود

-خايف إن طنط فيفي مش تجيبلى شيكولاتة تاني؟

-طنط فيفي؟ وهي فيفي مرات صابر كانت بتجيبلك أساسا شيكولاتة؟ دي ست جلدة طول عمرها


-
يا مامي اصلها بتحبني

-بتحبك؟ حبك برص وعشرة خرس ...ومن إمتى الكرم ده بتاعها؟ ....إتوكس يا واد

- طب دي كل ما تيجي تديني شيكولاتة

-فيفي بتديك إنت شيكولاته؟

-آه وربنا وبالبندق كمان

-طب إمتى؟

-الصبح يا مامي

-الصبح؟ إمتى؟ لما بروح الشغل؟

-آه وتدينا إحنا الإتنين

-تديكم؟ إنت ومين يا واد؟

-أنا وبابا

-وإنت وبابا؟ يا لهوي...يا خرابي ...طب وبعدين؟

-بعدين بابا يقولها لو مسكتك يا فوفة ح تاخدي إنت الشيكولاتة كلها

....
-
وبيمسكها يا واد؟

-آه وياكلها في بوقها كمان

-يا نهار أبوك إسود ....بيأكلها في بوقها؟

-مامي.....أنا بحب طنط فيفي ونفسي لما أكبر أبقى أبوسها

-تبوسها؟

-آه زي بابا كل يوم

-كل يوم؟

آه كل يوم.....بيهريها بوس

-كل يوم؟ يخرب بيت أبوك ....كل يوم يا حسين؟ كل يوم بتبوس فيفي يا خاين؟ ده إنت بقالك عمر مابوستني...إخص عليك راجل دني

- ماما إنت زعلانة عشان بابا بياكل شيكولاته وإنت لأ؟

-لا يا حبيبي...أنا زعلانة من باباك عشان معندوش دم وراجل عينه فارغة؟

-عينه فارغة؟ يعني إيه يا مامي؟

-يعني بيشوف ستات

-بيشوف؟ آه ......بيشوف كدة زي أونكل عادل؟

-زي أونكل عادل؟ عادل أخويا؟


-
آه خالو عادل


-
وده ماله هو كمان؟


-بيشوف

-بيشوف؟ ما هو كلنا بنشوف يا واد


بس هو بيهش الحمام


-
بيهش الحمام؟ حمام إيه؟ أنا مش فاهمة منك أي حاجة...فهمني بشويش وبالراحة كدة


-لما كنت عند تيته

-آه ............وبعدين؟

قال لتيتا انا رايح اهش الحمام

-مين خالك عادل؟ قالها كدة؟

- آه

- إنه ح يهش حمام؟

- آه

- فين؟

-م الشباك اللي ع المنور

-طيب ليه؟

-معرفش

-وبعدين؟

قلتله خالو خدني معاك

-وخدك؟

-آه بالعافية

- وهشيت الحمام؟

-لأ

-لأ؟ أمال نزلتو تهببو إيه؟

-خالو كان بيدور

-بيدور؟ على إيه يا واد؟

--معرفش.... بس أكيد حاجة عند أبلة تهاني

-تهاني؟ تهاني مين يا منيل؟ بنت صفية جارة ماما؟


-
أه أبلة تهاني

-وكان بيدورعندها؟

-آه

-يخرب بيتك يا عادل...... طب كان بيدور إزاي؟

-بيشوف

-بيشوف؟ ما أنا عارفة إنه بيتنيل بيشوف ...بس إزاي؟

-من خرم الشباك

-من خرم الشباك؟ هي حصلت يا عادل؟ بتفتح عين الواد ع الحاجات دي؟

بيشوف بيشوف يا واد؟ ولا كدة وكدة؟

- بيشوف وهي بتستحمى

-بتستحمى؟ يا فضيحتي..... وخلاك تشوف معاه بالمرة؟ ماهي كملت بقى.... يخرب مخك ياعادل

-لأ .....قالي إنت لسة صغير....بكرة تكبر وتستلم العهدة يا معلم...ماما يعني إيه عهدة؟


-إبقى إسأل خالك بكرة لما نروح عند تيتة

-ماما أنا عايز أكبر بقى وأشوف

-تشوف؟ يا خرابي

-آه مع خالو عادل

-عيب يا زيزو إختشي ...عيب تشوف البنات

-عيب؟ ليه؟

-عشان....عشان حرام تبص على بنت وهي مش عارفة

-يعني لازم أصفرلها يعني عشان تعرف؟

-تصفرلها؟

-آه زي خالو جمال

-خالو جمال؟ جمال أخويا؟ وإيه فكرك بيه دلوقتي؟

-بيصفر

-ما أنا عارفة إنه بيتنيل بيصفر...بيصفر لمين يعني ؟

-لطنط سلوي

-طنط سلوي؟ سلوي مين؟

-بنت طنط جيجي

-يا نهار أبوكو إسود إنت وصلتو كمان لآخرالعمارة؟

-آه

-آه؟ جاتك أوى.......دول ساكنين يا ولا فوق ماما وفي حالهم

-آه

-آه؟ إنت علقت يا واد؟

-أه

-طيب ...وخالو جمال كان بجد بيصفر لسلوي؟

-آه

-آه؟ تاني يا زيزو ح تعلق؟ فين بالظبط؟

-ع السطح

-وبعدين؟

-وبعدين الجو يبقى حر

-بيبقى حر؟ إزاي؟ واحدة واحدة عليا

-خالو يصفر

-آه

-أبلة سلوي تفتح الشباك

-آه

-هههههههههههه ....مامي إنت علقتي إنت كمان؟

-آه عديتني منك لله....طب عرفت منين إن الجو بيقى حر؟

-من خالو

-من خالو جمال؟ إزاي؟

-بيفضل يقول ناااااااااااااااااااااااار .......... ناااااااااااااااااااااااار يا بنت الإيه

-نار؟ جمال أخويا كان بيقول كدة؟

-آه وطنط سلوي تقلع

-تقلع؟ يا فضيحتي يا أمى

-م الحر يا مامي

-م الحر؟ ربنا ياخد مامي عشان ترتاح ...دي مصيبة إيه دي يا ربي؟

-مامي....مامي.........مامي

-في إيه؟ عايز إيه تاني؟

-أنا عايز أكبر بقى عشان أصفر

-تصفر؟ جتك خيبة عليك وعلى أمك يا بعيد .....يالا روح نام بقى وإتخمد ....إنت سهرت كتيرالنهاردة

-طب مش ح نتجوز بقى؟

-إمشي جاتك جواز في عينك

-مش جايلي نوم..... وح استنى بابا

-قوم نام يالا بدل ما أقوم ألطشلك.....قوم يالا ...نامت عليك حيطة

-مامي....مامي.........مامي

-يخرب بيت مامي...... واللي جاب مامي ...في إيه؟ عايز إيه؟

-إنت وحشة....أنا مش بحبك يا وحشة

-ماشي يا سيدي أنا وحشة وبنت ستين كلب روح بقى نام وخلصني

-كل ده عشان عمو رمزي؟

- عمو رمزي؟ عمو رمزي مين يا واد؟ خد تعالي هنا يا منيل

-عمو رمزي اللي ساكن قدامنا

-مين؟ الواد الأبيضاني والحليوة ده؟

-لا الأبيض الوحش

-وده ماله هو كمان؟

-أنا شفتك إمبارح بتكلميه

-أنا؟

-آه في الشباك وبتضحكيله.كمان....إنت ح تتجوزيه؟ مش كدة يا وحشة؟

-شفتني؟ يا نهار أبوك إسود.........خد تعالى يا منيل.....خد تعالى قولي إنت بتحب الشيكولاتة سادة ولا بالبندق؟

70 comments:

Anonymous said...

هههههههههههههههههههههههههههههههههه
فظيعة
ايه الدنيا البايظة الشرم برم دي يالهوي مافيش حد عدل ابدا؟
الحمدلله اننا قمنا بالثورة اهي تبقى حاجة عدلة في البلد
بس بجد سيناريو قوي ما يخرش المية بجد والله تحفة

قرفة

Ramy said...

هههههههههههههههههههههههههه

يا نهار ابيض


بتجيب القصص دى منين ؟؟؟؟؟؟؟؟؟؟؟؟؟؟؟

كويس مجبش سيرت تيتا كمان

و بعد دة كله مش عاوزه الواد يبقى عاوز يجوز

(:

_________________________
I have added cool emoticons to this message.
To see them go to http://x.exps.me?9964217694904afa96c69c5a7dcdc95e

Haytham Alsayes said...

لووووووووووووووووووووووووول
ههههههههههههههههههههههههههههههههههههههههههههههههههههههههههههههههههههههههههههههههههههههههههههههه
دي عيلة مسخرة ياعمنا ههههههههههههههههههههه

لا بجد ضحكتني جامد ربنا يسعدك

Tarkieb said...

قرفة

هههههه انا بصراحة كتبتها عشان نبعد حبة عن السياسة النكد....كويس انها عجبتك دايما بتشجعيني ......من ايام حتى حكواتي ومغنواتي

Tarkieb said...

Ramy
ازيك يا باشا ....ويارب تكون بخير ....تيتا اكيد اعتزلت الفن ههههه.....كالعادة انا المؤلف ولو كنت اعرف اعمل صوت ست كنت مثلتها هههههه

zizi said...

انها فعلاً عائلة محترمة.....ههههههههههههههههههههههانت يابني بتشرب مية ساقعة والا عصير قصب من عند عم عبده اللي في الميدان مش قلتلك ما تشربش من عنده ..كويس كده ..زيزي

richardCatheart said...

ههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه انت مش ممكن بس تصور ههههههههههههههههههههههه

قرفة said...

تصور ايه يابنتي زورتي ولا ايه؟ كملي
ههههههههههههههههههه

قرفة

اغانى الشتاء said...

هاهاهاهاهاها
جامدة جدااااااااا
فطستنى من الضحك و اختى فضلت تبص عليا فكرانى اتجننت :)))
فكرتنى بأغنية داليدا
scandale dans la famille
لو مسمعتهاش اهوة اللينك
http://www.youtube.com/watch?v=jDBre_qh9PY

كويس انك خرجتنا من جو السياسة لانى اكتئبت جدا منها و من عمايلها
تحياتى

Tarkieb said...

Haytham Alsayes

بس الولد مدردح من يومه....ههههههه....جينات بقى ...خلاصة الخلاصةة.....نورتني يا معلم

Tarkieb said...

zizi said...

انا بشرب من عصير النسر اللي في الميدان...هههههه ربنا يستر ومايكنش قفل....نورتيني

Tarkieb said...

richardCatheart

هههه وحشنا ضحكتك ههههه وتغريق الكي لورد ههههه

Tarkieb said...

قرفة said...

شكلها لسة بتضحك هههههه

Tarkieb said...

غانى الشتاء

ههههه ميرسي على الاغنية برضه استفدنا بحاجة...انا بصراحة زهقت من السياسة.... محلك سر ونكد..... بس برضة يموت الزمار....نورتني يا ريس

لورنس العرب said...

ده واد غلس وغاوي فضايح


يا ساااااتر

Noha Saleh said...

ههههههههههههههههههههههههههههههههههه
ايه الناس دى
ده مفيش فيهم حد عدل

تحفة بجد

haneen nidal said...

ههههههههههههههههههههههه

لا سادة انا بحبها بسادة هع

اي العيلة الخيخه دي ما في حدا فيهم عدل يا لهوي

reemaas said...

كنت لسه هظلم رجاله العيله دى واقول
بس طلعت العيله كلها ولا مؤاخذه يعنى
ههههههههههههههههههههه

جميله

بسمة الورد said...

ههههههههههههههههههههه بصراحه موش قدرة اعلق تعليق يليق باللى قدرت تكتبه دا كله ,, بس هقولك اضحك الله سنك اخى

دام دمك الخفيف

شمس النهار said...

:)))))

مامي كده لازم تنتحر ماعندهاش خيار

:))))

Ms Venus said...

ههههههههههه يا خبر ايه العيلة دى


بس جميلة يا تركيب

وردة ليك

Anonymous said...

قوية جدا وبالبندق هاها
دعدع

iـــــــــــsــــــــــlــــــــــــaـــــــــm said...

هههههههههههههههههههههههههههههه

يا ابن اللذينه يا تركيب

دول كلهم متعلم عليهم

ههههههههههههههههههههههههه

والشيكولاته بالبندق هى اللى بتحل كل المشاكل

اصلى اوى الكلام ده

نهر الحب said...

هههههه كل دى حالات خيانة ادام البيبى ياخبر منيل بجد
بس جميلة والحمد لله انها قفلت من غير ما توصل لنا :)

ايام الضحك والدموع said...

السلام عليكم
ونعم العائلة ,هى دى الاسرة السعيدة ابن يسمع كلام امه اب عرف يربى ربنا يكرمهم
تحياتى

ياسمين said...

يانهار أسوخ ومنيل ...ع زيزو ...
..بصراحة العيال الصغيرة فعلا فضيحة اوووي ومش بينبل ف بقهم فولة ...يانهار أبيض دا دمر العيلة كلها...

جايدا العزيزي said...

ههههههههههه

انت حاجه ما حصلتش

فطست على روحى من الضحك

بس خليها فى سرك انت انههوا خالوا فيهم بالظبط

مليون لايك

P A S H A said...

ههههههههههههههههههههه
يا عم خضتني انا قلت هالاقي اسمي ف وسط الناس دي :)

طب يعني اجيبها بالبندق ولا سادة ؟؟


مبـــــدع


خالص تحياتي وعميق تقديري

Ahmed Mustafa - zema said...

ههههههههههههههههههه .. انها حقا عائلة محترمة :)))))

مصطفى سيف said...

هههههههههه
ادي اخرة اللي يدي سره للعيال
موتتني ضحك
تسلم ايدك
تحياتي

norahaty said...

ياخبر !!
عيلة خلطبيطة
من أبوهم لأختهم
لخالهم لعمهم لطنطهم
لجيرانهم كلهم خلطبيطة

موسى السوري said...

راااااااااااااائعة فعلا حيبقا للواد ده مستقبل باهر هههههههه

beautiful mind said...

ههههههههههههه
ايه ياعم الناس دي
ههههههههههه
يخرب بيت كدا
بس بجد الله عليك
تحفة والله
تسلم ايدك يا جميل
اانا هسيبك عشان اروح اصفر انا كمان
يمكن ربنا يروقنا بحاجه
ههههههههه

Sarah .. said...

قريتها من كام يوم .. ضيعت تعبى فى يوم طويل مرهق
شكرااااا
:))))

زهرة said...

مش لاقيه كلام اقوله والله ..

مصدومة صدمه حلوة جداً .. ماشاء الله بجد .. تووووووووووووووووووحفه يا تيكو اوى

ربنا يسلم قلمك المبدع

تحياتى :)

Tarkieb said...

لورنس العرب

هههههه غصب عنه الاطفال كدة...نورتني يا ريس

Tarkieb said...

Noha Saleh

عيلة هههههه اسبور.....نورتيني

Tarkieb said...

haneen nidal

اول زيارة وشيكولاتة اهو هههههه ابقى تعالى تاني

Tarkieb said...

reemaas
ههههههههه كله في الهوا سوا.....نورتيني

Tarkieb said...

بسمة الورد

ربنا يخليكي ويجعلك زبونة مستديمة هنا

Tarkieb said...

شمس النهار s

او تسكت وتهريه شيكولاتة
دايما منورة

Tarkieb said...

Ms Venus

ربنا يخليكي ومايحرمني من وردك

Tarkieb said...

دعدع

ههههه ريترشبورت

Tarkieb said...

iـــــــــــsــــــــــlــــــــــــaـــــــــm


ربنا يخليك منورني يا شاعر

Tarkieb said...

نهر الحب

ههههههه ربنا ستر.....منوراني

Carol said...

هههههههههههههه
ضحكتني
أخيرا تدوينة بتضحك
أحسن كل التدوينات حزايني خالص :)

Tarkieb said...

ايام الضحك والدموع

الواد طالع لابوه ههههههه....نورتني

Tarkieb said...

ياسمين

هههههه للعيلة اصلا متدمرة ....نورتيني

Tarkieb said...

جايدا العزيزي

ههههههههه طب هاتيلي شيكولاتة وانا اقولك

Tarkieb said...

P A S H A

ههههههه انت فين يا باشا....بس انت معقوله تخلى حد يشوفك ههههه حريص يا معلم......نورتني

Tarkieb said...

Ahmed Mustafa - zema

فعلا محترمة اوووووي...سعدت بزيارتك

Tarkieb said...

مصطفى سيف

نورتني ويا رب تكون فاتحة الزيارات

Tarkieb said...

norahaty

كنت ح اذعل لو ما علقتي ....نورتيني

Tarkieb said...

موسى السوري

مرحبا بك ويارب ما تكون اخر الزيارات

Tarkieb said...

beautiful mind

حمد الله ع السلامة وحشتنا طلتك

Tarkieb said...

Sarah ..

الحمد لله ان التعب راح بعدها...منوراني و يارب على طول

Tarkieb said...

زهرة

ربنا ما يحرمنا من طلتك ولا تعليقك

Tarkieb said...

Carol

ربنا يخليكي ويارب ماتكون اخر زيارة

فتاه من الصعيد said...

ههههههههههههههههههههه

هو في عيال كده :))

انت شاطر في كتابه الحوار :)

Tarkieb said...

فتاه من الصعيد

ربنا يخليكي وانت اشطر عرفتي توصلى من غير عنوان عشان عرفت ان الليسته عندك طارت

مي said...

ههههههههههههههههههههههههههههههههههههههههههههههههههههههههههههههههههههههههههههههههههههههههههه
لسسسسسسسسسسسسسسسة زى مانت ياتيكو اغيب اغيب وارجع الاقيك دمك خفيف برضه نيهااااااااااا
ايه الواد ده وكالة رويترز بس بجد حلوووووووووووووووة يامعلمى

Carmen said...

‏=‏)) جااااااامدة الواد ده حله القتل هيستر ع الشعب المصري كله :))

ابراهيم رزق said...

هى شكولاتة و لا الصندوق الاسود بتاع الحوادث اللى بداخله كل الاسرار

جميلة جدا

Tarkieb said...

مي said...

حمد الله على سلامتك وعرفتي توصلي لهنا ههههههههه سنة ومانسيتي العنوان؟

Tarkieb said...

Carmen


دايما كدة يارب منوراني

Tarkieb said...

ابراهيم رزق

دي شهادة اعتز بها من فنان

nasamat said...

ههههههههههههههههههههههه
مش ممممممممممكن
انها حقا عائلة محترمة
ههههههههههههههههههه
ربنا يسعدك يا تركيب موتنى من الضحك

hana said...

ههههههههههههههههه ياربي

ايه العيلة الواو دي كلها مواعظ ههههههههههههههههههه

بجد بجد تسلم إيديك يا فنااااااااااااااااااااااااان

أحلى وردة لأحلى كتابة أنا شوفتها

hana said...

وااااااااااء

فين تعليقي

عااااااااااااا
فين تعليقي

ShaiMaa Gaber said...

هههههههههههههههههههه دي عيله مسخرة آخر فيصل ههههههههه إيه المهلبية دي كلها، كويس أنه راح ينام، لحسن يقر علي جدو وجدتو :)))

مش ممكن مش قادرة أبطل ضحك جامدة أخر حاجة لدرجة أني تخيلت الموقف قدامي هههههههه