Friday, August 22, 2014

إن كنت ناسي







إن كنت ناسي هي أحدث حلقة لي من سلسلة حكواتي ومغنواتي اللي باقوم بكتابتها وتمثيلها. أحداث القصة كتبتها ونشرتها في 29 أغسطس سنة 2010  باسم العنبر ولما فكرت إني اقوم بتمثيلها دلوقتي تقريبا غيرت اتجاه القصة تماما لدرجة إن ما فضلش منها غير المكان والفكرة. رغم إن شبطة بطل القصة فقد هنا الذاكرة تماما واصيب للأسف بحالة غريبة جدا وهي ان ذاكرته أصبحت زي ذاكرة الذبابة لدرجة إنه لم يعد حتى يتذكر اسمه، بس بصراحة يشكر لانه بيحاول طول الحكاية إنه يمسك طرف الخيط اللي حيوصله لاسمه الحقيقي، ياتري ح ينجح المرة دي؟ ده اللي ح نعرفه لما نسمع الحكاية للآخر





او اللينك
هنا

17 comments:

reemaas said...

واو تمثيل كمان.. بس عجبتنى الفكرة والاصوات

Tarkieb said...

reemaas
شكرا ياباشمهندس

طيوري said...

ياماشاء الله يا ماشاء الله
سيد شبطة عاد اليكم من جديد
يارب النشاط ده مايطونش مؤقت ويرجع شبطة بتقله ومايختفيش تاني
رجعتنا لايام زمان
كانت ايام حلوة
لما كان الواحد يسمع ويتسلطن وينقض
هههههه
بس بصراحة الراجل عداه العيب بيحاول اهو يفهم ويفتكر ومش فاقد الامل
بجد تسلم الايادي ومايقطعش اخبار شبطة يارب
اه حلوة اوي مفاجأة هو انا يعني اللي دكتور ههههههههههه دايما القفلة مفاجأة ياتركيب تسلم
تحياتي

طيوري said...

يااااااااااااه اخيرا رحمتنا من خضار عربيات الخضار :D
وغرف العلمليات وجو التعقيم ده يادكتور مبروك الهاف لوك الجديد

Tarkieb said...

طيوري
ههههههههه ربنا يخليكي واخيرا لقينا حد سميع وبيسمع لحد الاخر ..شبطة ده بقي حبيبي والله ونفسي اكرمه بس حظه ياعيني دايما وحش بيقع في شر اعماله .. ..

Tarkieb said...

طيوري
هههههههه تغيير بقي يمكن نلم زبايين اللون الاخضر فكرني بمقام سيدي محمد السدي الشهير بابو الريش اللي جمب محطة مترو السيدة الناس من الاف السنين راحه جايه من قدامه ومحدش حتي فكر مرة يقرى له الفتحه على روحه ...تقريبا لو غيرو اللون م الاخضر ممكن ناس تسال مين ده.نورتيني

P A S H A said...

معلمي
:)
جي أسلم عليك في السريع وأقول لك واحشني كتير جداً والله العظيم ؛ وهاتجنن وأشوف الفيديوهات بتاعتك أو حتى أحملهم إنما النت عندي فظيييييع :(
فرحان جداً إنك رجعت تدون تاني .. الله عليك يا كبير
بالمناسبة صحيح ؛ كان فيه واحد سوبيا من عند الرحماني كنت دبستك فيه من ييجي سنتين تلاتة ؛ فاكره ؟؟ طب إيه ظروفه ؟؟ أنا ما قلتش حاجة بس خايف المحل يقفل D:

نهارك كل حاجة حلوة بإذن الله (ما عدا السوبيا لو بتضايقك)
حبيبي والله

Tarkieb said...

P A S H A


ههههه لاوالله مانسيته لعلمك انا جبت طريقة السوبيا من فتكات وعملتها وطلعت اجدع من الرحماني ...يعني لو قفل ولايهمك بقينا بنلعب بالسوبيا لعب مزز وحلو وكله بجوز الهند صبري ....والله طلتك بتسعدني حتي لو بتغرمني مش اشكال ههههه منور ياباشا..ويجعله عامر

فكرة من الزمن ده said...

رائع وفنان بجد
تحياتي

Tarkieb said...


فكرة من الزمن ده
حمدالله ع السلامة عاش من شافك

norahaty mo said...

تراكيبوا
هم مين العيان؟
أنا احوووووليت خلاص :)

Tarkieb said...

norahaty mo


العيان واحد عنده مشكلة في الذاكرة والاخر مش دكتور وعنده مشكلة انه بيطبق بس اسم شخصية مشهورة او رجل الساعة ع اللي قدامه ومقتنع جدا انه هو ده...وبرضه حالة مرضية ...خدو الحكمة من افواه العيانين..الحوار اهم من الاسامي..نقد لحاجات كتيرة معاصرة.

Aml Hamdy said...

مساء الهنا

Tarkieb said...

Aml Hamdy
ياصباح الفل والامل منوراني كالعادة ربنا مايحرمنا من طلتك

بسمة الورد said...

دايما مميز .. وفكرك ممتاز يارب دايما

Tarkieb said...

بسمة الورد ربنا مايحرمنا من طلتك وكلامك الحلو دايما منوراني

richardCatheart said...

ههههههههههههه يانهار اسوح انا فى اﻻخر سألت نفسى انا مين هههههههههههه
مش عارفة كنت حارمنا ليه من الحاجات دى حرام عليك انت هتروح النار ههههههههههه
وبعدين من قال ان الشاعر دا مغمور دا مشهووووور اوووووى هو بس اللى بيتقل على جمنهورة هههههه
جميل النيو لوك انت مكلف جامد وحاطت فلوس الجمعية كلها فى اﻻنتاج ... والله بجد سعيدة جدا برجوعك تانى وبقوة وبنفس الجمال اللى متعودين عليه واعذرنى والله لعدم المتابعة بستمرار انا اتفجأت ان فى شغل كتير ماشوفتوش