Monday, May 4, 2009

قمحة يا عمر


59 comments:

alexmon said...

ايه الكلام ده
ههههههههههههههههه
ده الرقابة كده هاتشيلك من هنا
دي فرخة بتحب بلطجي
امال كان فاكر ايه فسح ولعب وعند الجد يقول مزنوق؟
ههههههههههههههه
بس جامدة ياريس
ولو حد طلع في فضائية منافسة يقول ايه الكلام ده قول لهم الريموت في اديكم حولوا الفضائية
زي ايناس الدغيدي

alexmon said...

يالهوي
انا اول حد يعلق
احتلال احتلال يعني
من بابه
تعالو هنا ياعيال عندنا فضائية الرقابة هاتقفلها

Tarkieb said...

يعني يرضيكي يا اليكسمون تقول اتنيل هات باباك... وبعدين الديك شكله كان ناوووي ع العرفي ههههههههههه

alexmon said...

بس والله جميلة انا باهزر والله فكرتها تحفة ولا يهمك من كلامي انا عارفة ا نه اللي في دماغك في دماغك والمرة دي مافيش قرفة

Tarkieb said...

هو عشان ديك لازم يبقى مريش وبعدين يعني مش الفراخ تحط في حصلتها حصوة ملح وتعرف ان الجناح قصير والعين بصيرة

alexmon said...

هههههههههههههههه
وبعدين طالما عرفي يبقى هاتغنيله و
هاتقوله اديك تقول ماخدتش وان خدتش تقول ماشوفتش
والورقة تتطقع

alexmon said...

ولما الديك المريش يكلمها هاترد عليه على جناح السرعة
هههههههههههههه

Tarkieb said...

بس انا سمعت انهم ح يطعمو الولاد ضد الثلاثي وانفلونزا الطيور

Anonymous said...

وياتري شفت الديك دا فين ؟ دا لو شفته في أسكندرية تبقى اكيد القمحة من هناك ههههههههههههه
حلوة دي فقعها قمحة

Anonymous said...

هههههه ايه اللعب الجامد دا ايوه كده عودة الدماغ
اغيب واجى الائى تيكو قاعد فى العشه
ومظبط وقايل احلى كلام ههههه والله مشكله كل ما اسمعها افضل اضحك
بس والله الديك دا اثبت انه دكر ورد فعله عاجبنى اوى بصراحه هى تستلهل يفقعها قمحها يعنى فرخه صايعه وبتشتمه من اولها وتقوله اتنيل امال بعد خمس سنين هتقوله ايه وبعدين مش مراعيه الازمه الماليه العالميه والظروف اللى فيها الديوك الليومين دول عايزة اشى شبكه ما عرفش ايه وشقه فى البرج ابصر ايه
المفروض تتلم هو حد لائى ديوك ما خلاص انفلونزا الطيور خلاصت عليهم لالالالالا الفرخه دى مش تمام ما تنفعهوش
وكويس انه فقعها قمحه وكان لازم يقولها حاجات تانيه بس ما اقدرش اقولها كفايه المساله القانونيه اللى هتلبس تيكو ههههه
وانت كده يا دماغ دخلت على العشوائيات وما ادراك ما العشوائيات
وبعدين العنوان مش مريحنى يحتمل معناين هههههه ولا انا اللى ضميرى سوهههه
وفقعها قمحها انا اول ما سمعتها وقعت وفاضلت مده اعدها لانى سامعتها غلط كنت سمعها كلمه تانيه خالص وعقبال ما فسرتها كنت مت من الضحك مش عارفه دا عيب تسجيل ولا ضميرى سو ولا انت قاصد ههههه لاكتمال المعنى
تخير اجابه من الثلاثه مع وضع خط
شكرا يا دماغ الواحد فعلا كان محتاج حاجه حلوه زى دى يحلى بيها فى ظل كل ما هو مر
وديما يا تيكو جميل ولذيذ وجديد
هههه ريتشارد قلب الفرخه

Anonymous said...

هههههههههههههههه

منك لله يا تركيب

لأ ملهاش حق دى فرخة طماعة قوى
شوية وكانت هتقوله الشبكة سوليتير

فين فراخ زمان

لقمة صغيورة تكفينا
وعش العصفورة يقضينا

ههههههههههه

زمانه بلغ عنها وزارة الصحة
انا رايى يا تركيب تحط للفرخة دى تترا سايكلين فى الميه عشان تنسى كل اللى هى قالته للديك وتحمد ربنا على كده

ولا اقولك يا ما تدي الفرخة والديك دول جين من جينات الراجل اللى كان لازق عندكم عشان ييجو يلزقو هنا فى البلوج وناكلهم ونخلص

Anonymous said...

طبعا نسيت اسمى ، عادتى ولا هشتريها
بنت حتتك
او زعربة المنطقة
او نسمات

Anonymous said...

ههههه والله كل شويه اسمعها وميته على روحى من الضحك
لا وانت متقمص دور الفرخه تفيده ما صلتش والردح ميه ميه ههههه
دى فضاحته وكمان الصوتها وهى بتكاكى كان مسمع من الشباك وكل العشش اللى حواليهم سمعتها كان لازم يقولها قمحه والف قمحه فى عنها هههههه
جميل والله
ريتشارد قلب القط

سندريلا said...

ولو كانت طلبت عربيه اكيد كان عطس في وشها وجاب ليها انفلونزا الطيور

الست عاوزة شقه وشبكة
ويتنيل يجيب باباه
لأ وفي الأول قالت كاك
يعني عداها العيب
عملت ايه بس غلط علشان يطلع فيها كده
ولا فراخ الناس لعبه ولا ايه وهو كان بيلعب بيها في العشه
ههههههههههههههههههههههه
حلوة يا تيكو
عجبتني اوي
والمعني في باطن الشاعر يا باشا
والمعني جميل ووصل
احسنت يا تيكو

Anonymous said...

سمعتها الاول بسرعة
ودلوقت سمعتها تانى بروقان

نبرة الصوت المرادى مختلفة وجديدة
وحلاوتها ف سرعتها
ملهاش حل
نسمات

alexmon said...

السايت مصمم على طردي انا ونسمات
كان قصدي شريف اني اوصف لنسمات الوصفة اللي تخليها تعرف تدخل السايت بس الظاهر السايت مش راضي
ما علينا
طبعا يامارو تركيب ما يقصدش كده خااااااااااالس ماااالس
احنا اللي ضمايرنا باظت وبقت وحشة
وبنفكر الف مرة في الكلمة لان الدنيا اليومين دول مش مضمونة
وعلشان كده قلته الرقابة هاتيجي تشيلك
لانه
ما اثبتش حسنية ولا صفية
قصدي ما اثبتش حسن نيته وقال لنا يطلع مين سي عمر ده
ابو العروسة ولا ابو العريس ولا البيطري اللي هايحقنهم تامي فلو قبل ما ينشروف الفيروووز في المنطقة ونتعدي كلنا

والله جميلة وبرغم
انها بتبين ان الدنيا خلاص مافيهاش امان
والديوك اليومين دول مش بيقدسوا الحياة في العشش
بس والله جميلة وطول النهار عمالة اغنيها
واجمل مقطع فيها
لما بتقول شقة يعني شقة
ال ايه فرخة حمشة وفاكرة نفسها هاتدبح له القطة اتاريه اداها قمحة

alexmon said...

شوفتوا بقى الخبر الجديد
ان في بني ادم نقل العدوى لمزرعة خنازير
يعني زمان الخنازير عاملة مظاهرات وبتطالب باعدام البني ادمين لانهم خطر على الامن الخنزيري



والخبر اللي انا مستنياه من زمان بقى
ان الصحف الامريكية تعترف ان انفلونزا الخنازير تسربت من معامل الجيش الامريكي

معلش ما هو تركيب قالي خدي راحتك والسايت قافل
وممكن لو مارو جات والله لاجيب لها صورة تحلها
بسسسس

richardCatheart said...

انا جيت بوابه يعنى

alexmon said...

بوابة بتاعة تركيب ولا مرات البواب؟

بما انك جيتي هنا
الصورة اهي
http://i39.tinypic.com/x0pa87.jpg

alexmon said...

يعني تركيب عامل نفسك مشغول
ال وبتذاكر ومش فاضي تهرش اتاريك قاعد تتصنت على الفراخ
وتفن وتتحفنا يافنان خلاص تعالى العب وفن بالمرة

richardCatheart said...

يعنى دى صورة والنبى انا مخزنه حل عايزه صور صعبه بس يلا هو انا كنت طايله كله منك حلو يا حلو
موبايل

alexmon said...

لا بردو مش موبايل انا قلت انك هاتقولي كده
ده شيء تشوفيه تقولي موبايل
بس هو مش موبايل
وهاقول معلومة انن علشان التحميل هنا صعب مش زي السايت على ما تقولي قولي واقول يكون الزعيم وصل
هههههههههه
هو شيء
من غيره في ناس ما تعرفش تعدل مزاجها

alexmon said...

يعني يرضيكي يا اليكسمون تقول اتنيل هات باباك... وبعدين الديك شكله



معلش ياتركيب ما اخدتش بالي من ردك

لا طبعا مايرضينش
انها تقول له كده

وحلال فيها مش القمحة لا دي عايزة اردب قمح اسنجراني
ههههههههههه
ولا يهمك يا زعيم

richardCatheart said...

ام بى ثرى

alexmon said...

نو مش ام بي ثري

alexmon said...

هي بصي
الشيشة
والبايب والسيجار بيحبوها اوي
اظن اسهل من كده مافيش

richardCatheart said...

يمكن الولاعه يا مونا

alexmon said...

صح برافو يامارو تكسبي كانشة
هههههههههههه

alexmon said...

هي يعني ايه كانشة يامارو؟
ههههههههه
انا باقول نلم الدور بقى ياباتعة احسن تركيب
شكله جاب اخره معانا
وشايفاه بيجز على سنانه ومش عارف يعمل فينا ايه

richardCatheart said...

ربنا يخليكى بس صدرى تعبنى وما اقدرش اغير الصنف انا بشرب كليوبترا
ماللى تيكو سايبها فى البلوج
والنبى البوج سرة باتع نزلى كمان وحده
يلا ما تيكو هيكرشنا هيكرشنا خربت خلاص

alexmon said...

والله انا خايفة الاقيه جيه مسح كل تعليقاتي وعمل عليا حظر اني ادخل البتاعة دي وحتى التعليقات اللي من زمان هايمسحها بالكلور

Tarkieb said...

يا لا ياد انت وهي اجري العب بعيد قدام بيتكم... والنبي انتو حلوين عندكم بلوجيين فاضيين والشتا داخل وعمالين تشخبطو في البلوج بتاعي وياريت جايبين صورة عدلة دي تعبانة اووووي يالا اديكم برضه واخدين بالكم علبا ما اجي يا بختكم فاضيين ههههههههه

alexmon said...

ههههههههههههه
يعني ده ضوء اخضر ولا احمر طالع من عين حمرا
مش فاهمينك يازعيم

richardCatheart said...

والله يا عمو تيكو طنط تفيده كوكو هى اللى قالت لنا انت يا بت يا مونا وانت يا بت يا مارو خاللى بالكم من البلوج لغايه ما تيجى من السوق
وعلى فكرة انا ماعملتش بلوج يعنى ياتيمه خلى باللك
ثم احنا كنسنا اودام البلوج ولمنا ريش الفرخ علشان العدوى وحمنا الفراخ بالشور جل يعنى عملنا شغل المفروض تشكرا
وبعدين ايه النق دا هو كده ينفع فاضين ايه دا انا الواد مروان بقاله خمناشر يوم عيان وعنده الصفرة وقولت اخد بريك واطلب واحد بانيه وبطاطس
تيجى انت تنق عليا
بس يلا بما انك من اجدع عشرة فى مصر مات منهم واحد اللى هو ابوبا احنا هنيجى كل يوم نشقر على البلوج لغايه ما تفضى وتنجح وتجيب الشربات معاك
ريتشارد قلب القط
ربنا يوفقك يا تيكو يا ابن حو وادم ويسهلك الصعب
بقى شات رسمى

حازم سويلم said...

والله الديك عمل طيب, وخسارة فيها كمان القمحة. هى مش عارفه ان جنسهم مهدد بأنفلونزا الطيور, تقوم كمان تشرط. فى ستين كاك

تحياتى

Tarkieb said...

الاخ المجهول


والله يمكن ان الوحيد اللي سمعها صح ..شكلك كدة ضميرك كويس ههههههههه مش زي ناس جايين بعدك

Tarkieb said...

ريتشارد قلب الفرخه

لا انت ضميرك فل بس انا برضة قاصدها تتطلع كدة هههههههههه وكل واحد بقى وضميره وبين الواحد لما بيتفقع بيفقع قمحة وصرخة كمان هههههههههههه
نورت يا مارو والعب براحتك يا باشا العشة كلها تحت امرك

ادم المصرى said...

والله كويس لحد كدا

بس الواحد يكلم بحظر بقه لحسن عيون الفراخ فى كل مكان يبنى البلديه هتيجى تشلنا وتلم الاقفاص الى هنا

وايه الفرخه الى بتحب السوابق دى

دى فرخه شمامه اوى
هههههههههههههههههههههههههههههههههههه

Tarkieb said...

نسومة وزعوربة المنطقة وبنت حتتي

منور ياباشا في بلاد الفرنجة مع ان ابو الهول زعلان من ساعات ما انت سافرت وعمال يقول يادي الهول وبيقول فين البنت هول من ساعات ما سافرت والواحد زعلان وضلم وعشان كدة عمليين له النوم والضوء .. لا انت مش مذاكر البرنامج العام بس وعيب اعمل معروف وسلامة دا انت مذاكر الاختراع ويمكن انت الوحيد اللي علق الاختراع في دملغه رينا يستر وما تجربي الاختراع عندكم تنسينا وما تيجي تاني لو جه من نصيبك جين ابو خلو...

Tarkieb said...

ساندي

والله انت عسولة اخدتي بالك انها في الاول قالت كاك يعني عداها الكاك وقزح... بس هو في الاخر ما سكتش قالها كاكك وكاك اللي يتكاك ليكي هههههههههه والمعنى في حوصلة الديك ...

Tarkieb said...

اليكسمون


اه خبر الخنازير دا الحلفة الجاية ان شاء الله طرقبي خنزورة الحلو الامورة

Tarkieb said...

العصابة السكندرية بقيادة مارو المفترية والست اليكس اللوزعية



لموها بقي واجرو العبو بعيد لحسن ارش مية ههههههههه

Tarkieb said...

أدم المصري


نورت يا باشا وبعدين تيجي ما تجيش انا بقيت خلاص زبون عندك وعامل زي الخفاش مش ح اطلع اللا بالطبل البلدي

عندك حق في تعليقك وده سبب انتشار العرفي الايام دي خخخخخخخخ

alexmon said...

الحقي يامارو تعالي
ده شكله بيشتم ايه لوزعية دي كمان
ماناقص تقول لي قمحة
لالالالا ده انت شكله بتحرجم على دش قرفة

Tarkieb said...

لا لوزعي دي لساني شغال الله ينور زي المحاميين كدة

لا على ايه دا احنا نلم الديك والكتاكيت

يعني انا اقدر عليكم تروح فين السيدة زينب باسكنديكا

richardCatheart said...

ههههه من مارو المفتريه صاحبه مونا الاوزعيه والله انت عثثثثثل يا تيكو يا اخويا ودمك ثكر كارثه يعنى من الاخر ههههههه
بما انك من اجدع عشرة فى مصر
قولت ادخل اطمن على طنط تفيده كاك واصبح عليك واشوف عندكم زباله الامها ولا اروح ههههههههه
والف شكر انت زى ما مونا قالت جنتل والله يا تيكو يا اخويا واحد تانى كان شاف اللى حصل انمبارح والشغبطه على البلوج
كان صرخ صرخه محترمه سمعت من المانيا القمح لباكوس
الحاج ريتشارد انمبارح كان ميت على روحه من الضحك وكان بيقولك الله يكون فى عونك على عملينه فيك
ويا ريت متتاخرش علينا
خنزورة الحلوه الامورة
خنزر فى المتخنزر يصبح خنزور
ومشكرين على الواجب بتاع انمبارح

Tarkieb said...

مارو

اله يكرمك من اجدع عشرة في مصر اكيد التسعة التانيين انت وجوزك وعيالك السبعة هههههههههه
والله انت اللي عثل يا ستي ايوة كدة كلي ما تخشي النت عدي علينا

richardCatheart said...

اعدى ايه دا انا من ساعه مروان ماخلص وخف الحمد لله من الصفره وانا فاتحه النت ولاجائه والنت بينش
شوف يا سيدى العشرة علشان تبقى عارف زميلاك
ابويا الله يرحمه
بعديه على طول مودى
واخواتى الثلاثه علشان القرابه اخواتى برضه وانت تيكو جدعنا
وعمرو اديبوس
والباقى سيباهم للحبايب
احلى صباح على الواد الدحاح

richardCatheart said...

ههههه نسيت اقولك فى كمان اجدع عشرة حريم فى مصر
انا رقم 8 فيهم

Anonymous said...

اصل يا تركيب يا خوياالاختراع متخزن ف العقل الباطن

مش بسمع بودن واخرج م الودن التانية ومين عارف
يمكن يجى الوقت ونحتاجله
اصل احلى ما فى عالم تركيب او الراديو عموما انه يدعو للتخيل والتفكير
بيخاطب العقل اكتر ما يخاطب النظر اللى اتلحس خلاص من كتر ما بنشرب دورنجا

لا تشرب دورنجا
دورنجا تلحس النظر

يا مين بس يلايمنى على جين ابو خلو وانا اريح دماغى ودمغ كل الناس التعبانة
وساعتها احتكر السوق الشرق اوسطية وبلا منازع
لا تقولى بانجو ولا حشيش
ابو خلو غيره مفيش
هههههههههههههه



نسمات

Anonymous said...

ابو الهول ده دماغه ناشفة غلبت معاه تعالى اعملك عملية تجميل ف مناخيرك المكسورة دى
مفيش فايدة
يقولى موش انى
موش انى اللى اغير مناخيرى ابدا دى فخر ليا ولكل الفراعنة
ههههههههههههه
هو لسة النوم والضوء ده شغال
معاه ربنا
نسمات

Anonymous said...

اليكسمون

واخدة بالك انتى
الحلقة الجاية عن خنزورة الأمورة

استعدى بقى فرصة وجاتلك عشان تاخدى بتارك

تركيب خلى بالك اصل يظهر اليكس مون دى فيها شىء لله ومكشوف عنها الحجاب

لما بتحط حد فى دماغها اجارك الله
بس يظهر ان زعلها واسع قوى وهايجى على دماغنا كلنا
هههههههههههههههه

Anonymous said...

يوه بقى
نسمات

Anonymous said...

انا بس بهدى النفوس
نسمات

Anonymous said...

وحشتينا كلنا يا نسومه اوى ما فيش طريقه اكتبلك الميل بتاعى ونتكلم كلنا مع بعض
يا عينى عليكى قاعده لوحدك لاما سنجر ولا سايت احنا لازم نشوف حل يجمعنا
اما مونا بقى دا واد استجارنى ما يسبش حقه وربنا اتقملها من كل الخنازير اللى فى العالم
ههههههه الله يعينك يا تيكو كلنا عليك ههههههههه
قلب القط

Anonymous said...

طبعا ياننوس امال علشان بس اضرب المربوط يخاف السايب
مش يقولي خنزاؤوور
وحشتيني اوييييييي والله
alexmon
اللوزعية صاحبة المفترية

Anonymous said...

ممكن يامارو تبعتيلها بي ام من الموقع
فيه ايميلك
وهايروح ليها كوبي ع الميل هاتعرف الايميل بتاعك وتيجلنا الناحية التانية
اللوزعية صاحبة المفترية

Anonymous said...

شكرا يا بنات
تعبتكم معايا

زهراء said...

ماشاء الله فى خلال 18 ثانيه فقط تناولت وطرحت قضيه
سرعة القائك للعمل حلوه تناسبت مع انك بتنقل فكره سريعه
حرف الراء باين اوى المره دى ونطقه مصرواى اوى مش المانى

على فكره الفرخه دى بيئه جدا هو لسه فى حد بيشترى شبكه من الصاغه برضه دلوقتى الفرخه تقول عاوزه شبكه من داماس او لازوردى مش من الصاغه يلا بقت اخدت جزائها