Friday, June 12, 2009

الاية تي أم



الاية تي أم هي احدي حكاياتي من سلسلة حكايات تركيب المعروفة بحكاواتي ومغنواتي اللي معظمها نشأت من حكايات تخيلية لحارتنا المصرية الاصيلة. في هذه القصة معالجة بشكل كوميدي وساخر لسياسة الاسراف لناس معدمة .
كلمة ايه تي ام كلمة انجليزية مشتقة من الحروف الاولى للجملة
automated teller machine
ومعناها ماكينة صرف الي.. ايه علاقة ده بالحارة ؟ دا اللي ح نشوفة واحنا بنسمع ومستني رأييك وبأمانة


28 comments:

Anonymous said...

اخيرا القصة نزلت الحمد لله
والمقدمة اللي انت عاملها بجد شيقة جدا والله وتبعث على الفضول
alexmon

Anonymous said...

ههههههههههه
اتكلمت عن المقدمة
وسكتت معلش
alexmon

زهراء said...

معلش محتاجه اللينك لانى مش عارفه اسمعها بجد كل شويه النت بيقطع معايا واحاول والله اسمعها بس صعبه

معلش انا متعبه شويه

Anonymous said...

بس بجد صورتك دي ياتركيب
فاجتنا بجد
يعني ماشاء الله عليك
بشبه عليك على فكرة
alexmon

Tarkieb said...

alexmon
اتفضل سعادتك لو تبعث ع الفضول

Tarkieb said...

alexmon
خش بقى ع البهريز وسيب المقدمة

Tarkieb said...

زهراء


الف سلامة حاضر عينيا يابطة ح احط لينك فورا

Tarkieb said...

alexmon
لا مش صورتي انا احلى بكتير منه ههههههههه

زهراء said...

شكرا يا تيكو على اللينك
وتسلم عيونك
ان شاء الله اول ما اسمعها عمل لها نقد وربنا يسهل ويعجبك

زهراء said...

بص يا تيكو اول حاجه اعمل لها نقد تغيير الصوت طبعا حلو اوى
والله انت متألق فى تغيير طبقة الصوت
صوت الماكينه فكرنى بصوت الست نفوسه فى احمر شفايف
الحكايه دمها خفيف اوى
لى عوده لعمل نقد تانى ان شاء الله بس دى حاجه سريعه كده ع الماشى

Anonymous said...

ههههههههههههههههههههههههههههههههههه
والله ماعرفه اكتب من الضحك
ههههههههههههههههههه
جامده اوى الحدوته
والاسامى وسمعه زعربه اللى باظت
هههههههههههههههه
هى صحيح ام ترتر جه اسمعها كام مرة
بس شخصيه مؤثرة
بص لو انهاماكنتش اخدت موقف من كل تصديرات الطرشه اللى مستحملها وسكته
ماكنش السودانى جبلكم المكن ست اصيله صحيح
ههههههههههههههههههههههههههه

بس عايزه اعرف جبت اسم احمد عطيز منين اختراعك ولا سمعته
وزغاوه والله ياتيكو كله حلو وخصوصا لما المكنه لسنها اتعدل واتكلمت زينا
دى براءه اختراع للحارة

جميل جميل جميل
وشكرا على الضحكه الحلوه قبل الواحد ماينام


ههههههههههههههههه

ترتر قلب الاسد
وابعت فلوس الجمعيه

زهراء said...

بص يا تيكو
اكرر تانى ان الحكايه دمها خفيف اوى ولذيذه جدا جدا
مدة الحكاية حلوه اوى ومناسبه لسرد القصه
الواد زغاويه اسمه جديد اول مره اسمعه هههههه
حلو اوى ان لسان ام الماكينه اتقلب ما هى اكيد مش تنفع تقول حضرتك وسيادتك والكلام ده دى حتى قالت كاوركات ,وكمان قالت ام الحته دى
ياخبر الماكينه دى تحفه اوى
اكيد الماكينه دى اخدت الجنسيه وبقيت بنت الحته

جوايا شعور كده ان الحكايه دى لها اسقاطات سياسيه مش مجرد حكايه فكاهيه او حاجه دمها خفيف بس معلش بقى اخاف اقول الاسقاطات دى ايه احسن اروح بلد اللى يروج ما يرجعش
فاهمانى طبعا

الموسيقى فى الفواصل تحفه بجد اكتر من رائعه

اكرر لك صوتك بجد فى تقليد الشخصيات اكتر من رائع والله العظيم انا حسيت ان فى اكتر من شخصيه معاك يعنى مش انت لوحدك اللى كنت تتكلم

انت خوفت ليه اول ما سمعت صوت صفارة الانذار يا عم كنت خد الفلوس وايه المشكله لما تدخل القسم كمان كنت جبت لك عربيه نقل مليانه محامين وطبعا كنت هاخد نصيبى من المليون جنيه نظير اتعاب المحاماه
حلو اوى
احسنت يا تيكوووووووووو

Anonymous said...

برضه مصمم تخرج اسرار الحارة المبجلة بره
وكمان بتتهمهم بالاسراف

والله الحارة دى صعبانة عليا وخصوصا الواد تيكو اللى انضحك عليه

والدمعه كانت هتفر من عينى لما سمعت ان

وصلت الحارةATM ال

يعنى منتظر منهم ايه هما بالظبط عاملين زى اللى تايه فى صحرا والشمس لسعته وهيموت من العطش نفسه ف شربة ميه
وفجأة لقى قدامه بير ميه طبيعى هيغرف بدون حساب زى ما حصل فى الحكاية

لكن ما كنتش اتخيل ان البت زعربه وصل بيها الحال للدرجة دى
ههههههههههههههههه

بس بجد الحكاية جميلة فكرتها هايلة واسلوبك التلقائى الساخر حلو قوى ويهلكمن الضحك
شكرا يا دكتور

بنت حتتك
نسمات
بس المرة دى مش زعربه المنطقة ابداً

طيوري said...

طبعا انا اتكلمت
ومسكت في العنوان والمقدمة ونسيت من جمال التمثيلية اني اتكلم عنها
والنت عمل معايا حركات مش تمام بس الحمدلله ربنا هدى الحال

والله هاكرر واعيد مبدع وفنان وشغلك شغل قافلة مبدعين وبشوية امكانيات هايبقى فيه بجد ابهار على مستوى اعلى بكتير لكن طبعا الشاطرة بتغزل برجل ايه اكيد انت عارف المثل
وكل مرة بتفاجئنا بافكار جديدة
وحقيقي خسارة موهبتك تبقى على ادنا احنا وبس
هو صحيح احنا مش شوية في البلد
لكن بردو مش هو ده الحجم المرضي للتقدير للموهبة زيك ماشاء الله
وربنا يارب يوفقك وتكون من تقدم لنقدم
وتبقى عالمي الولد ياناس
بس المهم تفضل فاكر زوارك ومريديك ايام الابتدائية

طيوري said...

بجد عجبتني اوي ضحكة المكنة وهي بتتريق على البت زعربة
دي مش مكنة لسانها اتعوج لا دي باظت اخلاقها كمان وبقت بتعرف تنم على النماس وبقت مكنة حريمي شوية برغم ان الصوت رجالي لكن الفعل حريمي

طبعا مش مكنة

بس والله حاجة تطور بردو مش اي كلام على ايام زيزي كانت المكنة يادوب بتطلع قماش
دلوقت بقت المكنة بتطلع فلوس ده عترة السوداني ده عليه اختراعات

طيوري said...

وبعدين المفروض بعد المليون جنيه
دول تيجي ترشش رشة جرئية على زوارك الكرام كجه وتجيب لهم شوية سندوتشات فول وفلافل من عند جاد كده يالا ان شا الله محد حوش بعزقة بقى
وتفسحهم وتوديهم القلعة وتجيب لهم جيلاتي من عند عزة

طيوري said...

كل ما ابعت رد الاقي لسة في كلام عايزة اقوله
ههههههه
معلش المرة دي هاقول واغور

المعنى اللي وصلنا ان الحج عترة السوداني ده ابن بار وطالع لمامته بالظبط
وبيطور الزراير وسايب البدلة مقطعه

زي لما مامتو جابت كومبيوترات في مدارس شبابيكها مخلعة ومافيش ديسكات للطلبة وزي ما عملوا بطاقة الرقم القومي قبل ما يبقى في كومبيوترات في الاقسام ولا يدربوا الشاويش عطية يعرف يقرا الاكواد ازاي
ربنا معاك

Anonymous said...

keep going

kisho

Anonymous said...

جميلة وياريتك تكلملنا التامينات يحطو لينا ماكيناتين زى دول عشان نعرف نصرف المعاش
smsm

سندريلا said...

احسنت يا تركيب
بجد حلوة اوي اوي اوي
والأداء الصوتي كان جامد جدا
برافو عليك أحسنت بشدة
اكتر حاجة عجبتني اختلاف نبرة الصوة حسيت ان اكتر من واحد بيتكلم
ولا هما اكتر من واحد وانا مش عارفه
كمان الحكايه حلوة اوي
وحلو حكاية ان الماكينة كانت عاوزة تنتحر دي جامدة جدا
وزعربه ضحكت عليك وخدت فلوسك
ياحرام صعبت عليا

جميل يا تريكب
وعجبتني جدا
شكراا علي الضحكة الحلوة
بس انت كده بهدلت الحارة بتاعتك خالص يا معلم

Tarkieb said...

ترتر قلب الاسد

عشان تعرفي انك مهمة وقايمة بدور كبير اهو حتي لما الناس اتنمردو عليكي حيلفو يلفو ويرجعوا ليكي... بس بجد انك ضحكتي احسن انت صعب تضحكي يا مارو ههههههههههه..الحمد لله ربنا ستر.. الراجل اسمه فعلا عطيز والله مش انا اللي الفتله الاسم ده ..بس تصدقى ان فعلا كانت نظيمته برضه كبيرة..اكيد دا سلو عيلتهم هههههههههه

Tarkieb said...

زهراء

شكرا يا فاطمة على النقد البناء وفعلا كلامك كله صحيح ..في بها برضه اسقاطات سياسية على خفيف وبجد نقدك جميل شكرا وانا اعشق نقدك اووي

Tarkieb said...

نسمات


خلاص اتبريتي من زعربة؟ لازم تبصي لنص الكوباية المليان يعني كنت دوقرم وبتضحك على كل الناس واولهم انا هههههههه.. هو بس عطيز اللي ضحك عليكي بس واكيد في حد بيضحك عليه برضه..لازم الاسرار تتطلع عشان الناس تتعلم ههههههههه وكمان تتضحك ههههههههههههههه

Tarkieb said...

alexmon

انا صحيح باعرف اغير صوتي لجميع المراحل بس اعمل صوت ست صعب مش أعرف اعمله.. ولو اني اعشق الصوت بتاع الماكينه ده بيفكرني بسيد شفقة.. بس كويس انك وصلك ان فعل الماكينة زي نسوان الحواري ما بيتيلش في بوقة فوله.. بس اكيد هو عمل كدة عش يغير جو ما هو شغال ليل ونهار واكيد اتفقع كمان.. بس حضرتك نسيتي اني سبت الفلوس وجريت يعني منين ارش عليكم وامنجهكم.. تشكري على كلامك الجميل وبعدين انتم مش شوية برضه وادام عجبتكم يبقى اكيد هي حلوة

Tarkieb said...

سندريلا

نورت يا باشا انا صحيح نبرة صوتي كانت بتتفاعل كمان مع الموقف بس والله ما كنت قاصدها بس تحسي اني كنت بحكي بزمة بقى ... احلى حاجة في الحكاية ان الفكرة كمان مجنونة وكنت خايف ما تطلع حلوة بس الحمد لله شكلها كدة عجبت الجميع

radwa said...

جامده جدا يا جميل سورى على انى بقالى كتير مش بسمع حودايتمك الجامده بس انت عارف الظروف
عائله عبقريه من يومها
جامد جدا جدا جدا
عايزين حكايه عن الطاجبن السبيط
وربنا معاك
والف مبروك على الامتحان وعقبال ما تخلص خالص ان شاء الله

Anonymous said...

قوية يا نجيب بيه

Tarkieb said...

radwa

ازييك يا دوودي عاملة اية....ياه فاكرة الحكاية دي لما وريتهاليك على الورق.....طبعا عيلة فن .ومن يشهد لخاله هههه