Friday, November 20, 2009

عطاعيتو




كنا محتاجين مشجعين بجد مش أولاد الطبقة الراقية لولو وسوسو أو أعضاء الحزب اللى مبيعرفوش يشجعوا
كنا عايزين جمهور الدرجة التالتة بتاعة الصحافة فين وحكم يا معرض للخطر
لو كان عطية بجد راح كان جاب حقنا .. دا واد فوريوجي وبتاع سنج ومطاوي وولسانه طويل وفنان
فينك يا عطاعيتووووووووو


39 comments:

Anonymous said...

هههههههههههه

عندك حق ..... وكان فيلم ابراهيم الابيض عمل احلى شغل

عشر تلاف جزايري مدجج بالسلاح الابيض ومعوروش غير كام واحد

بينلهم غلابه

تحياتي

Anonymous said...

ااااااااااااااااه
الواحد موجوع اوى يا تيكو وكلامك صح كلنا كناقلقنين وعارفين ان فى حاجه وسمعنا انهم بينقلو ناس على الطيران الحربى مانبعتش ليه المشجعين اللى بحق ربنا عطيه وعطعيطو وعطوط وكل الناس اللحلوة اللى ترج الارض وتعرف تسحب سيف عند اللزوم وتدى الاعيبه شحنه امان العيال بتلعب مرعوبه من اللى شيفينه فى المدرجات والبلاوى السوده اللى اتعملت اودمهم دا مش يشد البطنيه دا يشد اللحاف ياعم
اما من نحيه تقيله هى تقيله بس مش زى المهلبيه زى تتتتتتتتتتتتتت
وصوت الشطافه اللى حطتها اكبر دليل
شعب غجر هايعيشو غجر ويمتو غجر
بس وحياه بهيه ماهايتسابو هنا كل يوم بيتسلو على تلاته اربعه
والبادى اظلم واولعى ياعروبه
شكرا ياعم تيكو
ترتر

طوبه فضه وطوبه دهب said...

كنا عايزين عشره حداشر عطاعيطو ياخدوا حقنا من الهمج دول اللى خدونا على خوانه يلا الايام بيننا

Anonymous said...

طول عمرى اقول الواد تيكو ده ابن حتتى بصحيح وبيقول اللى ف قلبى

من يوم الماتش اللى فات عندنا وانا متغاظة وبقول مينفعش الجمهور الاستاندرد وجمهور الايس كريم اللى بياكل بالشوكة والسكينة
اللى الحضرى كان هيشد ف شعره ويبوس ايدهم عشان يشجعو بجد
صحيح هما ولاد بلدنا بردو لكن كل فولة ولها كيال

لكن المفروض اللى يتلسع م الشوربه ينفخ فى الزبادى ودول اتسلقو فى الشوربه قبل كده وعاوزينهم ينفخو اللى ما يتسمو

وكل سنة وانت طيب


بنت حتتك

Anonymous said...

بجدد ياتتركيب الواحد حاسس انه موجوع اوي
انه يحصل لينا كده
يتحرق الماتش والكاس واللي منظمينه
لكن كان نفسي نفوز لان قبل الماتش ده اتظلمنا واتجنو علينا
وفبركو باسلوب واطي وضيع لانهم ناس واطية

وحرق دمي موقف سمير زاهر لما راح يبوس رراس زفت راوراوة الكلب
وهو سابه ومشي
مع ان سمير زاهر ده عايز ضرب الناس وانا بحب اقول عليه سهير زاهر

ولو ان في ستات دمها حامي اكتر منه بكتير
ومكنتش ممكن تسكت على اللي بيحصل للاعيبة في الجزاير من سنين باي حال
ولكن المنظر حرق دمي لانه من واحد وضيع يهودي الاصل والعرق
فكنت باتمنى اننا نفوز كرد على اهالناتهم وبلطجتهم اللي اللاعيبة اللي المفروض يكونوا من ارقى الناس في مجتمعهم هما عبارة عن ارباب سوابق وشوضلية

لكن ربنا له في ذلك حكم
ليه حكمة ولعله خير وعسى ان تكرهو شيء وهو خير لكم
اتجمعنا اخيرا بلكمةواحدة
وحبينا بعض
وعرفنا قيمة علم بلدنا اللي فقدنا الانتماء ليه وفقد هيبته وبقى مترب وجربان وقطع فوق السواري في المدارس
والولاد كانو بيقولوا تحيا الرز والملوخية بدل تحية العلم

انا سعيدة وحاسة بمرارة
من اللي حصل


انا من الهم مش حاسة بطعم حاجة
ولا عارفة انظم افكاري ولا كلامي
يمكن اقرا الاقيه مش مفهوم بس جوايا كتير
ومعلش لو كنت لكيت على دماغك بس معلش استحملنا

احمد بدير حكى ان في 300 جزائري السودان رجعتهم من المطار كان معاهم عبوات بيها سائل بيوضع على الزجاج بيسيحه
حاولت تضحكنا بخفة دمك بس مقدرتش
كلمة ياما يابهية نزلت دموعي تاني
وحسيت ان بهية بتبكي معانا
وان الغلابة اللي زي عطية في وقت الازمات بيبانه

لكن للاسف اللي ماسكين الامور مش بيدو ليه وللي زيه الفرصة انه يمد ايده لامه بهية

لكن اكتر منظر وجع قلبي
منظر الحضري وهو عمال يرفع ايديه للجمهور عايز يقول لهم ابوس ايديكم شجعو ارفعو معنوياتنا واحنا وسط الارهاب ده
لكن للاسف جمهو توتو اللي بتقول عليه خايف على برستيجه واللي خايف من سكينة في جمبه
واللاعيبة يعيني مش عارفين يجيبه هدف ويتدبح شعبنا في الشوارع في السودان وفي شوارع الجزاير على ايدي ناس اوساخ
ولا يلعبو وخلاص
ويسيبوهم
ولو حبو يسلعبو يجيبو روح منين
شكرا تركيب واعذرني اني لكيت



قرفة

Anonymous said...

دي فيديوهات للي حصل للناس هناك

http://www.youtube.com/watch?v=r7qR49Uha00


http://www.youtube.com/watch?v=b-klv1BWAoI


http://www.youtube.com/watch?v=jmF4shm53i8



الجزيرة اليهودية
كلامك فعلا عليها كان صح
مافيش خبر واحد عن اللي حصل من يوم الماشت للنهاردة وكانهم مسمعوش
لكن خبر تكسير الباص بتاع الجزائر الجزيرة منتصف اليوم كله عليه

لكن برغم ان في صحفيين مصريين يومها بالليل يوم الماتش قالو انه مراسل قناة الجزيرة اتصاب في الاحداث
لكن بردو مافيش خبر
ومعاهم العبرية وام بي سي وابو ظبي
اظهرونا من قبل الماتش في صورة جناة

ومافيش اي خبر عن اللي حصل

والصحف في اوروبا والعالم كله مطلعانا في صورة الخصم اللي مش بيعترف بالهزيمة وكل اللي بنقوله لاننا مش متقبلين الهزيمة

اعشق فى الليل ضوء القمر said...

ولا كان هيعمل حاجه

Unknown said...

وعطية حيروح ازاى؟
عنــده وسطة؟
بيتشتغل فى الفن ؟
عضو بالحزن الوطرى؟
معاه5000لحلوح مستغنى عنهم!؟

Anonymous said...

هو ده تركيب ابن الحارة المصري
اللي مهما سافر هو في الحارة
مهما اختلفنا في الازمة ننسى ونداري خلافاتنا القديمة علشان منشمتش حد فينا
هو ده الاختلاف بشرف
انا عايزة اقول كلام كتير لاني تفهمت موقفك وقتها لما انفعلت وزعلت منه لانه غلطته كانت كبيرة
لكن اكيد انت فاهمني
قرفة

Anonymous said...

ايوه كلام البت قرفه صح
اللى عملته دا دليل انك اصيل زى بلدك
وانك بالرغم من المده الطويله اللى عيشها بره الا انك مش زى القع تمد لبره
ودليل كمان على ان اى اختلاف فى الراىء بيحصل بنا هنا المصرين بيحصل للخوف على المصلحه مش مجرد طار شخصى
وانا والله يشرفنى ياواد ياتيكو باشا ياابو التيك انى اكون معاكم هنا
لما بنقول الحق بنقول من غير خوف ولمابنختلف بنختلف بشرف
ولما بنقع بنتسند كلنا على بعض علشان نوقف تانى
تسلم يابن بلدى
ترتر

Anonymous said...

انا كل ما بتيجي حاجة على بالي باجي اقولها هنا
مع اني باكلم نفسي انا وترتر
لكن
ليا سؤال
ليه مش بنختار الراجل المناسب في المكان المناسب
يعني سمير زاهر نوديه رعاية الامومة والطفولة
حنين

ومرتضى منصور يبقى مكانه
فاهم قانون صحيح القانون الرياضي غير
لكن مش بعيد اوي
وبتاع مشاكل وصايع لامؤاخذة يعني اهو حتى يتلهي ويلاقي حاجة تشغله
ويلاعبهم ع الشناكل
ويبطل دوشة جوة ويبقى عارف ازاي يوقفهم عند حدهم

قرفة

Anonymous said...

وليه لما بنحب حد بنداري على كل بلاويه واعلامنا بيكدب اي حاجة
لكن لما بنقلب عليه بنطلع له كل الدفاتر القديمة تتقرى
ليه مش بناخد حقنا في وقت اي ازمة بمنتهى الحيادية والموضوعية والادب ونفضل اصحاب احنا ومن اخطأ في حقنا ولكن من غير ما نسكت على اي اهانة
زي ما حصل مع صدام كانت الحكومة بتكدب اي اسرة ليها حد جاي في تابوت
ولما وقع صدام وكترت سكاسينه بدأنا بقى نقول اللي كان بيحصل

وليه في اختلافنا بنفجر
وي ماقال الرسول اذا خاصم فجر
يعني واحد مذيع يقول كل شعب الجزائر لقيط ومالوش نسب
دي يصح ولا ده يرجع حقوق؟

قرفة

اقصوصه said...

عطاعيطو اكيد


كان مشغول بمباراه ثانيه !

Anonymous said...

لا يا مونا انا مش معاكى المره دى اللى بتقوليه ماينفعش احنا مافجرناش هما اللى بدو بالفجر ولغايه ما الماتش خلص قولنا معلش كله نصيب انما بعد الماتش بساعه الوضع اتقلب احنا بناتنا قلعو فى الشوارع وبقو يدارو علشان مايشفوش التىشيرت عليهم ولادنا الغزل اضرب لما طلع عنهم بلدنا اتهانت على كل الوجوه مش انا اللى هاقولك انت اكتر حد محروق وانا عارفه
لما المذيع يقول كده دابيوصف حال وانا بكرر كلامه وبقولك اه ملهمش نسب وعاهرات وكل اوربا تشد والعرب انقدرو ينطقو
بصى هى فتنه اه ونصيبه اه بس خلاص ماينفعش احنا اللى نبقى طول الوقت نلم الفتن ونلم النصايب مصر اتهانت
والشتيمه دى اقل واجب وارجع واقولك الجيات اكتر وهانفضل نشتم اللى جايبنهم لغايه اكبر جد
ترتر

Anonymous said...

لا يامارو
مش صحيح
اننا نعمم ونقول شعببب الجزائر كله لقيط
ولو طلع الكلام ده من اي حد مينفعش يطلع من اعلامي ومسؤل

ومينفعش واحد في التيفون يقول الجزائر تتعرف من ستاتها
لو الجزائر تعدادهم مليون بس
اكيد هيكون فيهم ولو فرد واحد على الاقل مينطبقش عليه الهمجية والبلطجة وقلة الادب
مش عايزين قلة ادبهم تخلينا نبقى غير ما احنا
فيهم ناس محترمة لكن الغضب عندنا ان الللي حصل واخد موقف رسمي ومباركة حكومية ومافيش اي
موقف معلن لاي حد محترم وبيفهم ويقول احنا معترضين


لكن احنا مشتركين في الغلط اننا في غضبنا مش موضوعيين ولا في حبنا موضوعيين
بمعنى اننا لما بنحب بنحول اللي بنحبهم لملايكة ونتعامى عمدا عن كل الاخطاء اللي تفقع عنينا ولما بنكره فجاة بيبقو شياطين بقرنين
مينفعش نقول تهم وصفات ونعممها على ملايين البشر لا نعرفهم ولا نعرف ايه تفكيرهم
وحتى لو هما كده المفروض نكون بلد كبيرة زي مابنقول وننضج بقى ونفهم ان طولة اللسان عمرها ما تحل مشاكل ولا ترجع حقوق

قرفة
يارب صاحب الفضائية مايجيش يرش مية
ولا يحدف طوب وسكاكين

Anonymous said...

بقولك ايه بلا بلد كبيره بلا نيله
العيال هما اللى بيعرفو يخدو حقهم النبل والشرف فى الخلاف ليه اصحابه و اللى عرضنا عنده بقى سهل يبقى لانبل ولا شرف ينفع معه كان لازم يموت 6 او 10 علشان الموضوع يبقى بجد
ولسه عيالنا فى الجزاير بيتهانو كل يوم ويرعو و بتقوليلى معرفش ايه
ومتقلقيش هى هاترسى على شويه الشتيمه اللى بتتنسى
ترتر

مي said...

كل سنة وانت طيب عيد سعيد

Unknown said...

عيـــد أضحى
سعيد عليك
وعلى الأسرة
وعلى بلادنا كلها

صدى الصمت - عاشقة الورد - said...

كل سنة وانت بألف خير وصحة وسعادة
تحياتى

لـــولا said...

السلام عليكم ورحمة الله وبركاته
ازي اخويا الكبير يارب تكون بخير وسعادة
هو عطية رمز للشخص الفتوة حامي الدم ..ولا اسم واشارة لواحد بجد اتعرف عنه من صفاته ده فاتصف اي شخص يحمل صفاته نفسها بعد كدة باسمه ؟
انا من رأي ان لا عطية ولا 1000 عطية كانوا عملوا حاجة لاننا مش بنواجه فريق على ارض ملعب احنا بنواجه موقف شعب على ارض معركة.. هما مكانوش بيلعبوا مع دولة عربية زيهم هما كانوا جايين يحاربوا بسنج ومطاوي وسكاكين
اللي راحوا هناك جم وحكولنا كتيييييييييير للأسف يا دكتور عطية جمبهم هيكون شخص راقي قوي بأدبه رفيع بأخلاقه ..
جديدة المؤثرات الصوتية دي يا دكاترة .. اشعال شعلة واطفاءها وصوت الكومبنيشن.
-.وسن الساطور..وشق الجيوب
كلها مؤشرات اننا كنا داخلين على حرب مع مليشيات مش فريق بيلاعب فريق
هما كانوا عايزين الاورمة والساطور مش مشجعين عاديين
- طفي الشعلة مع خسارة ياما يابهية ادت معنى جميل
انطفاء امل النصر والدنيا بقت في عيونا ضلمة
- تلاعب الالفاظ موجود في المسمع بيثير الذهن لاستنباط المقصود
وحلوة بهية هما صحيح استاذنا
رشدي قبل ما يموت مقالاناش هما مالهم بيها اللايمين؟
ومنها ليه متغاظين
وشايلنها على راسهم وزعقين
يكونوش منها مفروسين
ومن تقدير الكل ليها زعلانيين
ماهي بهيه ام الدنيا واللي مش عاجبة عنده ماية النيل
...........

على ابدعاتك يا معلم مبسوطين
وتسلم الايادي ومتشكرين

اختك الصغيرة

Anonymous said...

النص داب في شبر مية
ده انت بتحلل خطة اللعب كمان فعلا معاك حق
قرفة

Tarkieb said...

فتاه من الصعيد


مبروك عليكي اول تعليق وعلى رأييك السقا قال كدة برضة الظاهر عاش الدور انه ابراهيم الابيض...نورتي يا ست بنات الصعيد

Tarkieb said...

ترتر

شكرا ليكي انت يا مارو على الكلام الحلو ده وابن البلد الاسكندراني... سيبك انت لو كانو بعتو عبلة كامل وحبايبها كانو عملو لهم احلى شغل وكانز زافوهم زفة اسكندراني ههههههههههه...وكانو خالو حياتهم زي المهلبيهة

Tarkieb said...

طوبه فضه وطوبه دهب

على راييك الايام بيننا ومحدش بيتعلم ببلاش ونورتي يا دكتارة

Tarkieb said...

بنت الحتة نسومة

ازيك ياستى عاملة اية؟ عارفة لو كانو بعتو نظيمة بس كانت عملت احلى شغل ورقصت الجمهور على نظيمة ونص.. ولا ام صفوت كانت حدفتهم بعلب الصلصة والزبادي مش الناس النواعمي اللي رايححين لابسين فراك وفاكريين نفسهم رايحيين الاوبرا ... بلا خيبة والله حنفضل طول عمرنا كدة الناس بتتطمع في اللقمة اللي في ايد اليتيم

Tarkieb said...

يا قرفة

يا لهوي.انا قلت تمن جمل وانت كاتبة تعليق مجلدات بس بالصراحة في الصميم يا معلمي بس اهم ما قلتيه هو
سمير زاهر انه واخدها بالبركة ونظام مصاطب اكنه جمال خضر اللي كان بينظم دوري زين العابدين في السيدة وكان لما يحس ان الكاس ح يروح منه يروح يجيب لعيبة محترفة بس قصييرين ويقول دول فريق الشباب ويحتفظ بالكاس هههههههههه..

اما هوهههوه فهو منظم وعارف بيعمل ايه وما لوش في اللت والعجن واشك انه يهودي هو يعني لو حد لئيم وحريص يبقى يهودي اشك في الحكاية دي...

حكاية احمد بدير اشك فيها لانه شاهد ما شافش حاجة وبتفكرني بدراع عنترة دراع اسد وبيتعشى بخروف عشان فارس الفوارس... احنى ممكن نألف بس مش للدرجة دي ...

الحكاية كلها انه كان عرس زفاف جمال مبارك للكرسي وعشان كدة اخد الفناننين والتوتو واللولو والسوسو واول ما الكرسي طار في الكلوب كله غمض عينه وسمع الضرب زي الراديو وشغل الخيال وجايين يحكو وفاكرنا ح يخيل علينا.. هو في ماتش ما فوهوش طوب ولا خناقة ؟ الناس دي اكيد واخدة على ماتشات البلاي ستيشن وشكرا عللى الفيتييوهات

Tarkieb said...

اعشق فى الليل ضوء القمر


على الاقل كان يشجع مش سكتم بكتم

Tarkieb said...

norahaty


عندك حق الواسطة والمحسوبية ضيعت فرصت كانت جاية بدعاء الغلابة وجه طمع فيها بتوع الكوسة

Tarkieb said...

قرفة

ايوة فاهمك هههههه ايوة شيلته من اليو تيوب عشان نختلف معاه ماشي دي حاجة لوكال اما لما تبقى قومية نبقى انا واخويا على ابن عمي.... ولو انه هو برضة من سبب المهرجان ده ومن الناس اللي شعللها شعللها بس ماكانش لوحدة للامانة ... يالا ادينا عملت زييه شتمت وبعدين قلت خلاص سماح انور

Tarkieb said...

ترتر

تسلمي برضة يا اسكنراني اصيل عبد الرحيم عمرو

Tarkieb said...

قرفة


عندك حق والله زاهر حنييين اوووي المفروض يمسك شركة استك عشان حنين على الوسط والهجوم كمان ههههههههههههه

Tarkieb said...

اقصوصه


لا والله كان نفسه يروح بس الواسطة وحشة بعتو لولو وسوسو على حساب الدولة عشان شكلهم حليوة ووواصليين

Tarkieb said...

قرفة وترتر


انا بقى رايي اننا عالم بق وما بنعملش غير كلام وشتيمة اللى نحبه نسجده ونعمل عميان وما نشوفش غير مزاياه .. واللي نكره نشتمه ونسبه... انا بس اللي فقعني حكاية اننا الريادة في كل حاجة والحضارة واحنا الفن واحنا واحنا وشغل الحاجات الشوفانية دي... ولسة عايشيين في الماضي انننا كنا ونسينا المستقبل اللي هوه بصراحة مهلبيهة مهلبيه.. راي اننا نخف شوية من اللهجة دي وحتي لو كنا كدة المفروض نتتقدم مش نعدد لأن ده علامة الافلاس

عشان التاجر لما بيفلس بيدور في دفاتره القديمة

Tarkieb said...

مي

وانت طيبة يارحيق الورد

Tarkieb said...

norahaty

وانت طيبة يا دكترة ويجعله عيد مبروك

Tarkieb said...

صدى الصمت - عاشقة الورد -

وانت بالف خير وسلامة يا ورد الورد

Tarkieb said...

لـــولا

مبروك الصورة الانن دي يا هبة ههههه حلوة اووي..شوفي يا ستي انا رأي لو عطية راح ما نفس العينة دول من الفنانين ولا كان عمل حاجة لان الناس دي شاربه نشا وحاطة جيل ودي ناس عايزة اللي يهتف لها مش هما االلي يهتفو.. الناس دي مش متعودة على الزحمة والكيد لما خرجو وشافو الصيع افتكرو انهم في حرب مع ان اي ماتش في مصر بتحصل فيه نفس الحاجات دي ... حكاية التهويل زادت اووووي لان الناس دي بالنسبة لهم كانت حاجة جديدة المفروض كان يروح جمهور الدرجة التانية .. الجمهور اللي كان بيقول يارب وربنا سمع له في الاستاد بجد.. للاسف فيه ناس طمعت حتى في النصر وبعتت شوية خيخة تشجع وعشان كدة راح الامل ...صدقيني كلنا عطية...


شكرا على تعليقك ونقدك وغدا تصبح برضه زميل اديك بديت بالصورة بكرة تعمل بلوج بقى وتمتعنا

Tarkieb said...

قرفة

النص داب دي كانت من تحليل ابن حتتنا فاروق جعفر في استديو النيل بعد الماتش يا جميل

اللى موش عارف يتغير said...

كنا عايزين شوية من شبرا على بولاق على رجالة سوق ستوتة بتاع المنصورة ويقودهم ابراهيم حسن
كنا علمناهم الادب
موش باعتين شوية مشخصتية