Friday, February 5, 2010

الأفوكاتو




الافوكاتو هي أحدي حلقات حكواتي ومغنواتي الهايفة بتاعتي .. بتختلف المرة دي عن الحلقات السابقة ..ان المرة دي مش بحكي خالص ولكن بأمثل ... يعني مقطع نفسي ومش عاتق .. بالعربي قايم بكل الادوار.. يعني تقولو واخد الحكاية من اولها لاخرها ونظام جحا أولى بلحم توره



66 comments:

Anonymous said...

انا قريت المقدمة موتتني من الضحك
ايه الديكتاتورية والنازية اللي انت فيها ده
قايم بكل الادوار
ده ايه الافترا ده
ههههههههههههه
عموما حمد الله على السلامة
قرفة

Anonymous said...

الف مبروك السيات وعقبال الفيات
بس ده اكيد قريب الخالة نوسة ده جاب ارار محمود
وكشفه
وطلع اعور في ودانه يعني ودن وودن

وكمان ياريتهم كانو مانجا
هههههههههههه

فعلا ايه القرف ده

بس تصدق الدخلة وهو بيقول سلامو عليكو
ومتغلبن كده
تصدق كنت هاعيط
بس طلع في الاخر جلدة
الاصوات متفاوتة بجد
والمؤثرات مافيش كلام
وصوته وهو بيفضي جيوبه بجد كاني شفت الجنيه الكوين وهو بيتدحرج وهايقع من على المكتب منه لله اللي رجع لنا الكوينز تاني بعد ما كل الحارة بقت تستعمل الاي تي ام يعني لا بتستقبل كوينز ولا بتدفع الا ورق
عايزين يرجعونا لورا تاني
شكرا ياتركيب امتعتنا
وبلاش فواصل اعلانية كتيرة بين الحلقات
ومش عشان انت المؤلف والمخرج والمنتج وكل الممثلين تطول وتمط المسلسل زي مسلسلات رمضان
قرفة

Anonymous said...

عحبني ترتيب اسماء الممثلين على تيتر المثلثل
اكيد طبعا لقيت صعوبة في كتابة مين الاول والممثلين كلهم اتخانقو مين الاول يتكتب
تركيب ولا تركيب ولا تركيب
بس انت نسيت تكتب قام بعمل كبايتين الشاي برضه تركيب
قرفة
اوعى تقول بايخة

Unknown said...

جميلة ومتقنة كمان
ياتراكيبووووا
جميع الاصوات
والمؤثرات
الصوتية
واضحة
ومضبوطة بالشعرة
بجد هايلة جداً

Tarkieb said...

قرفة
ازيك يا قرفة ايه ده اول تعليق مبروك عليك يارب لما تسمعي تعجبك

Tarkieb said...

قرفة

شكلك ههههه سمعت كل كلمة حتى السيات اخدتي بالك منها.. بس انا مش دكتاتور ولا نازي انا بس لوحدي هو يعني فاروق الفيشاوي قالى اساعدك وقلت لا ههههههههه بس انت اتعاطفتي مع مين ؟ انا صعب علية شبطة في الاخر والله واحد ذكاء فطري ولا تعليم ولا حاجة وجامد ...

Tarkieb said...

قرفة

عجبك ترتيب الممثلين هو كان في غيري ههههههه يا خوفي ما يكون حد استمع غيري برضة

Tarkieb said...

norahaty

بجد عجبتك يادكترة؟ انا قلت قرفة ذوقها باظ من كتر ما جات هنا وزي ما تقولي الجمهور اخد على هيافتي ههههه... بس ادام عجبتك يبقى في امل بقى

Anonymous said...

مايصعبش عليك غالي
معلش لو عنده ذكاء فطري ممكن يتعالج ومايعديش اللي قدامه زي الالتهاب الفطري تمام
بس انا مصعبش عليا شبطة لانه منتحل شخصية مش بتاعته
وحابب يبين نفسه فاهم كل حاجة
من غير ما حد يطلب منه
ونقض الراجل من راسه لرجليه متطوعا من غير ما حد يطلب منه
وشتمه وهزقه
وطلع في الاخر شبطة فعلا شبطة
قرفة

Tarkieb said...

قرفة

اي اعتداء على شبطة هو اعتداء على هههههه

Anonymous said...

كده بردو ياتركيب؟
يعني دي اخرتها؟
قرفة ذوقها باظ؟
يعني نقد زي قلته
بلد شهدات صحيح
انا غلطان اني جيت هنا
قرفة

Tarkieb said...

انا قصدي انك اتعودتي على حاجاتي الهايفة بقى زي واحد اتربي على افلام مقاولات هههههههه ومبسوط

Tarkieb said...

قرفة
وبعدين شهادات ايه انت مش عاملة كورس نقد ومعاك شهادة

Anonymous said...

ههههههههههه

انت عملت زي محمد سعد ومثلت كل الادوار

بس فعلا بلد شهادات ... لما واحد زي شبطه يبقى ساعي :)

جميله اوي ماشاء الله

تحياتي

richardCatheart said...

ههههههههههههههههههههههههههههههههه
حرام عليك ههههههههههههههههه
بص الاول والله لما الوجه الجديد تيكو قال السلامو عليكم قولت خيااااااااااااااااااانه تيكو اكتشف حد غير وجابه يشتغل معه
ههههههههههه بجد نبره مختلفه اه بعد كده بعرف انه انت بس الاول مختلفه بجد
عم الحج سيد شبطه ماعرفش مالك ومال سيد ماشى ما علينا
والله المصغر بتاع طلعوتى السادات حاسيته فى شبابه كان كده شالوط هوزهوز وطريقه كلامه صايع متعلم كان فضله بس يقول تتتتتتتتتتت
مش عارفه هو باين لينا زكى واى حد هايلقط التفاصيل اللى لقطها دى وحللها بالسرعه دى هايتقال عليه زكى
بس اللى لفت نظرى حتته كوبيتين العصير اللى مسجلهم عرفهم منين ماعرفش حاسه انه هايطلع ماشى مع اللى كانت خطبته عارف تفاصيل زياده اوى شكله كان مقنطره من فتره
اما عن حبيبى العشره عطيز دا اللى صدمنى وجوده بجحد واتبسط بيه ابن الحاره
حبيب ام الزعاريب هههههههههه القديم
الهبله اخد فلسوها بتاعت الايه تى ام وفتح مكتب ههههههههههههههههه
بجد جميله واحدثها شكلها هاتبقى حلوة اوى
اما الممثلين ياعنى انت هاتعمل اكتر من نفوسه وام صفوت وناديه
ما انت هارينا كل الشخصيات وكله زى الفل كمل بقى وماتغبش علينا
دا من شهر وانا قولتلك بوست كل اسبوع قولتلى حاضر عينى وريحت الزبون وخلعت هههههههههههههههه
البخل مش انك تركب ترااااام البخل انك ماتنزلش بوست كل اسبوع
ههههههههههه

تسلم بجد انا سمعتها 3 مرات ولسه
وهاجى تانى
برااااده بقى جايه جايه

Anonymous said...

لالالالالا
ماتحاولش بردو انسحبت من المثلثل
وتراجعت عن اني اساعد
وبعدين
قريتها تاني
والله سبحان الله
جميلة بجد
وكمان شبطةحريقة سجايرو عامل نفسه مهم ونازل شخبط في الورق فكرني بواحد في سوسو ولولو بردو
قرفة

richardCatheart said...

ههههههههههههههههههههه عجبك كده اهى بطله المثنثن انسحبت كده مش هايبقى فى موزه تطرى اللاحداث
هانحاول نكلمها ترجع تكمل التصوير لو مصممه نكلملك هند اخره صبرى تشيل باقى الحلقات يا وديييييييييييييع

Tarkieb said...

فتاه من الصعيد

ههههه محمد سعد ماهو برضة من السيدة زينب من الحارة اللي جنبنا...الظاهر دي عادة عندنا من ايام يحيى حقى وانت طالع.....بس بجد عجبتك؟ طب ارجعي بقى للجوجل عشان نعرف نعلق عندك تاني وكل اهل الحتة زي زمان

Tarkieb said...

richardCatheart
ههههه كويس انها عجبتك...وشوفتيني وانا غلبان داخل مكسوف على عطيز الغول اللي حتى طلع فساكونيا واونطة وطلع سيد شبطة هههه....يعني ضحكت عليكي ههههههه ....بس انا قصدي في التمثيل ان الشرح بيبن الموقف بس هنا الصوت هو الموقف ودي اصعب من الحكاوي...الحمد لله انها طلعت حلوة...اما الوقت انا باقعد اسمعها كتير عشان لو في غلطة ولا حاجة اصلحها عشان لما بسمع غلطة بعد كدة باتضايق اوووي
وبعدين المرة دي ناوي تكون حلقات كتيرة وعشان كدة مش عايزها تكون فاضية يعني فيها تريكة بسيطة اوحتى معلومة .....

richardCatheart said...

اه شوفتك واتاثرت لغايه مابقيت نص متر
والله الاول قولت محمود دا شكله غلبان ومحتاس بس من طريقه كلامه مع شبطه عرفت انه صايع قديم وبورم وشكله هايطلع منه بدع مع احمد بيه عطيز الحلقات اللى جايه
ايوه طبعا التمثيل بالصوت واظهار الموقف بالصوت بس من غير شرح وخصوصا نبره مش نبرتك الحقيقيه بيقى صعب وعايز مجهود وتركيز فى طبقه صوت كل شخصيه علشان ماتهربش منك واللى بيسمع يطلخبط
ربنا يقويك بصراحه بس بجد بتمتعنا
خد وقتك بس مش اوى انا عارفه ماتصدق وتغطس وماتظهرش الا كمان شهر
بس بردو هانستنا الشغل الجديد ووهانفضل نسمع فى الافوكاتو لغايه مانحفظها زى اخوتها
تسلم يا تيكوووووووووو

Tarkieb said...

قرفة
قريتيها؟ يا ستي السناريو خلاص اتمثل وجه في الراديوو...كل عام وانتم

Tarkieb said...

richardCatheart

ايوة اسمع فيها لحد ما تحفظها

Anonymous said...

جوجل هو اللي طردني :(

بس ممكن تعلق في الوورد بريس ععادي

تحياتي

Anonymous said...

اللهوييي اخرررابي
ده انت ماسدقت وحدفت قلة
قلة لااا
كده؟؟ ماشيي يا دوك !!!انتو الخسرانين
الاوسكار من غيري ولا هتعبركو
بس بجد بقى
بين فتحة الباب وقفلته صوت اشجاني بجد
هو صوت صورصار الغيط
انا عارفة دي الصراصير اللي كنت مربيها تعمل عليها البحث
بجد تفصيلة صغيرة جدا ومااشاءالله واخد بالك منها
ومافاتتش عليك حاجة
ورسمت لنا صورة مش بس صوت
وصورة حية كمان للحياة خارج الباب او مكتب المحامي
قرفة

لـــولا said...

لـــولا said...
Tarkieb said...
لـــولا

لا ما نسيتشي ازاي انسى واسمك مكتوب


ههه مقصدتش اسم لـــولا انا عارفة انه موجود - مش مجهول يقول - انا كنت اقصد نسيت توقيعي؟ اختك الصغيرة ..يعني مهما كنت غير معروف ..او عندي اكونت على جوجل بـ لولا منستش اني اختك الصغيرة ...


وكمان صورتك ما شاء الله حاجة انن ومنورة.. ميرسي على كلامك ويارب اكون بس استاهل لو حتى ربعه

"... ازاي يا استاذ..دا انت الاستاذ والفنان تستاهل طبعاً "

اختك الصغيرة

نسيت اقول مبرووك ع العمل الجديد مبروك
ولفتت نظري شئ في المقدمة " جحا اولى بلحم طوره " ههههه

عندك حق كل واحد ادرى بشغله والشكل اللي عايزه يطلع بيه ودي مش نازية ولا ديكتاتورية زي ما قالت الجميلة اليكسمون ده فن المهم انك تمتعنا بفنك يا فنان ..ان شاء
انا هدون 3/4 الكوب المليان من نقد لان اللي باقي حاجات بسيطة جدااااا ومش مهم اذكرها الاهم الجزء المليان

اللعب في طبقات الصوت مقرب م الاتقان وجميييييييييل عجبني قوي سلسلة الاستنتاجات اللي صبي المامي لاحظها حلوة قوي ولحظة ما قاله كنت خاطب نقلتني لقصة قصيرة جميلة قرائتها لاحسان عبد القدوس كانت بتحكي عن نفس النقطة كانت قصة روعة بجد وعجبتني استنتاجات الاوفيس بوي وجميل انك قولت بلدج شهادات صحيح لان كل المواهب اللي عنده وسرعة البديهة مخلتهوش يبقى حاجة لانه معندهوش شهادات ... اتشديت للقصة قوي ومنتظرة اعرف الباقي في انتظار ابدعاتك يا فنان ده كان رد ع السررررررررريع وان سمحت الظروف ادخل اكمل بأذن الله
دايماً مبدع
اختك الصغيرة

Anonymous said...

دستوووور يااللى هنا

بقى اغيب اغيب ارجع الاقى احمد عطيز بقى افوكاتو هههههههههه

ده اكيد بعد ما ضحك على زعربه واخد
الفلوس وخلع راح دخل الجامعة المفتوحة
هههههههههههههههه
بلد شهادات صحيح
والله نفسى اسمعه وهو بيترافع فى المحكمة
هههههههههههههه
شكله هيلبس الروب ديشامبر بدل روب المحاماه وهيلعلع
هههههههههههههه
وسيد شبطة ده بقى حكاية متخيلاه وهو ماشى وراه وشايل الملفات وحاطط السوجارة فوق ودانه
ده هو نفسه قضية
لأ وخبرة مسك محمود فنطه وفرقه وذكى قوى عرف ان ودنه الشمال تقيلة لما صدرله ودنه اليمين تبقى الشمال مش مظبوطة
ههههههههههههههههههه

بجد تحفة

موشكرين يا تركيب ومستنيين باقى الحلقات
زعربه

Anonymous said...

ههههههههه
بصراحة خطيبتك عندها حق
ايه البرود ده

ومصدر ودنه الشمال مش احسن ما يصدرله الطرشة

Anonymous said...

دى خطيبته هى اللى صدرت له الطرشه هههههههههههه
الخطبه مفنيخة من اسبوع

ليه حق شبطه يطلع فيه العبر والقطط الفاطسه

جميلة قوى يا تركيب مع ان الصوت مش شغال هنا بس مشيت نفسى باللينك

زعربه

Anonymous said...

ترتر
البت زعربه دى فقريه ملهاش فى الطيب نصيب ماكانتش تعرف ان الواد عطيز مكتم وبيدرس من وراها وبقى افوكاتو قد الدنياو بعد كده محدش هيعرف يكلمه فى الحارة
زعربه

richardCatheart said...

بس يابت لاء مافيش قطط فاتسه محمود دا غلبان صعب عليا والله اولا شاب مكافح ورايح باليونى فورم ياعنى لسه راجع من شغله مالحقش يغير
غير حتى هدومه ولا علشان ربنا ادكم وعندكم اللى يغيرلكم مافهاش حاجه انه ماشى على قده كلام شبطه المنيل دا من وجه نظره ثم ان لو على تأيد الهديا اللى بيجبها لخطبته فى ناس كتير شعبيه بتعمل دا علشان لما الخطوبه تفنيخ كل واحد يعرف اللى ليه واللى عليه واللى زى دا شقيان مش هايقول خلاص والله انت زى اختشى والهديا دى مش راجعه لاء هايطلع روحها بحق شفاه وياخد منها الحق والمستحق
وكفايه بصراحه عنه عند ودن تعبانه
الرحمه يا نااااااااااااااااااس
ارحمو الواد يابت منك ليها
بس ماعرفناش كل دا قضيه ايه اللى هايرفعها
ربنا يستر وماتطلعش القضيه اللى فى بالى هههههههههههههههه

richardCatheart said...

اه فقريه فقريه صراحه حتى حموكشا لما سبها ربنا كرمه من وسع وبقى اكبر تاجر بلالين فى البلد هههههههههههههههه
ودلوقتى يظ طار من ادها
يلا اهى على زمه راجل دلوقتى عندنا بنات مش عايزين نتكلم دع الخلق للخالق
ههههههههههههههههههه

Tarkieb said...

فتاه من الصعيد

والله الوورد بريس ده حاسس انه موظف حكومي عايز اسمي وعنواني وشغلانة بس حاضر وربنا متابع عندك بس ساعت التعليق ولما بلاقي الحكاية ميل واسم وشغلانة باكسل ... بس وعد خلاص

Tarkieb said...

قرفة

انت ناوية تتطلع في فتحة الباب القطط الفاطسة والصراصير الغاطسة ولا ايه..كل ده عشان رفضتي الدور وبعد كدة احلو في عينك لما سيد شبطة عمله ههههههههه...
ماشي ياستي ..

Tarkieb said...

قرفة

يس بجد برافو عليكي انك اخدتي بالك ان احمد عطيز مادي وحط الغلة الكويين ع الترابيزة الحته دي تاخدي عليها اوسكار النقد

Tarkieb said...

لـــولا
نورتي ياستي وشكرا علا كلامك الجميل.. ايوة خلينا في المليان اللي بيبني احنا محتاجين حد يشجعنا لاحسن وحياتك واخد الموضوع من بابه حاسس اني لو غبت يوم مفيش حد ح يعمل حاجة ههههههه..
بس قصة ايه دي لاحسان مش عارفها ولو اني زمان كنت قارييهم كلهم بس كله طار بقى مع الوقت
كويس انها عجبتك ويارب تعجبك الحلقة التانية قريب...

Tarkieb said...

زعربه

دستووور عليكي يا بنت حتتنا .. اهو جالك اهو أهو جالك اهو عطيز باشا أهو.. شفتي بقى اللي بيتبطر ع النعمة ويسيب واحد مكافح بيلعب دلوقتي بالكوينز لعب.. اينعم بدأ حياتو نصاب .. هههه ولسة برضه نصاب ههههه وربنا يستر على زباينة اذا كان الكاتب والساعي بتاعه كدة امال هو ايه... احمد ربك .. خسارة دلوقتي احسن من مكسب بعيد

كويس انها عجبتك انا خفت انك ترفعي عليا قضية وتقولي بوظت السيرة الذاتية لعطيز ههههههههه

Tarkieb said...

Anonymous

انا مالي انا هم اللي قاللولي اعمل الدور.. بس حتي لو ودن وودن يكفي انه مصدر الصحيحية الشغالة ههههههههه
شوف انت مثلا عندك ودنيين ونسيت تكتب اسمك مع اني قلت لك اكتب اسمك قبل ما تسلم ورقة الامتحان

Tarkieb said...

زعربه

كويس انك نزلتي اللينك حتي بقى الفيل في الموبايل واسمع بقى كتير عشان تعرف ايه جاي بعدين لاحسن التقيل ورا

Tarkieb said...

richardCatheart
احلى حاجة ان أبو حنفي صعب عليكي ياه في ناس بتقدر دلوقتي تعب وشقى الشباب الغلبان المكافح .. اما حكاية الليستة فالمحامي في حي شعبي ...يعني كل زباينه بتوع ليست ومن عينه حودة.. وحتي من بتوع كتابة كوبيتين العصير القصب بتوع محلات النسر اللي جانب سينما الشرق اللي في ميدان السيدة زينب وطبعا كل الحبيبة بيشربو عنده عصير وبعدها بيحودو على الخواجة ميشيل اللي قدامة يجيبو نوتة وقلم فرنساوي وقيد يا جميل في الساحة.. انت عايزة ميين بقى يجي زبون لعطيز افندي؟ اكيد ناس من عينة ابو حنفى...

ايه بقى القضية اللي جات في دماغك ما يمكن يطلع الحل كما كتبة المؤلف وتكسبي خمسين جنية وتتطلعي تقولى الوووو ممكن اقول الحل

Anonymous said...

أهو جالى ريح بالى كاد عزالى أهو

هههههههههههههههههه
بس هو فين يا ريس
انا بعد كده اغنيله تمورة ارجع دانا قلبى معاك

لا السيرة الذاتية بتاعته معاك فى ايد امينه وشكلك هتظبطه فى اللى جاى

ايوة سمعتها وموت من الضحك والله
بس خميتنا كنت فاكراه هو فى الاول طلع شبطة ربنا يستر بقى على عطيز
هههههههههههه
بنت الحتة زعربة المنطقه

Anonymous said...

ههههههههههههه
ترتر

من حموكشا لعطيز يا قلب لا تحزن

بس احنا زنبناايه ده تركيب اللى قايل فى محمود العبر على لسان شبطة وربنا يستر من اللى جاى
منتظرين وشكرا ع اللينك
الفيل فى الموبايل جمب اخواته
زعربه

richardCatheart said...

الون اااااااااالون ايوة تيكو معايا لوثمحت عايزه اشترك فى حل المثابقه
تقريبا هايرفع قضيه على البت زعروبه اللى هاتطلع كانت خطبته ماهى مش عاتقه ومش هايلاقى احثن من عطيز ينتقمله منهها
ههههههههههه
واحب اهدى الفقره لمحلات النسر للى جنب سنما الشرق اللى فى مدان السيده زينب وعمك مشيل اللى كنا بنشترى من عنده النوته والقلم الفرنساوى الله يمسيه بالخير
وماما وباب بالعراق
بس الدفع باليور ياريس مش هاتضحك عليا دا شقا ناس والمكلمه دولى
بس بجد حاسه القضيه هاتطلع حته افتكاسه من افتكساتك التركبيه ههههههههههههههه

صدى الصمت - عاشقة الورد - said...

ههههههه
والله حلقة رائعة وياريت تستمر فى الحلقات الممتعة دى
أحييك على أفكارك المميزة

Anonymous said...

ايووون انا اللي كاتبه القصه

استشعر ان في نقد طبي قادم

عموما منكم نستفيد .... انا جبت مقبول في الفارما بالعافيه :)

معلش موش رديت عليك في المدونه علشان موش برد على التعليقات

تحياتي

لـــولا said...

لاحسن وحياتك واخد الموضوع من بابه
حاسس اني لو غبت يوم مفيش حد ح يعمل حاجة
" وياترى جايب الباب بكام هههههه"
..
بس قصة ايه دي لاحسان مش عارفها ولو اني زمان كنت قارييهم كلهم بس كله طار بقى مع الوقت


قصة بتحكي عن واحد حب يتخلص من دبلته ويرجع تاني يرسم دور واحد مش مرتبط ويتخلص من قيودة لمدة الرحلة اللي مسافرها بالطيارة وحط الدبلة في جيبة واخد يكلم السيدة التي كانت بجواره على انه شاب وغير مرتبط ووسعت منه في حاجات كتير في الاخر السيدة بعد ما سبته يخرج اللي جواه من كدب ابتسمت بهدوء وقالتله متنساش وانت نازل م الطيارة تلبس دبلتك تاني
ان مكنتش لابس الدبلة وحبيت تتخلص من قيودك الاجتماعية اثار الدبلة قررت متسيبكس لاخر العمر ..بص لاصابعة وعرف انه مهما تخلص زيفاً من حقيقة في حياته هتظل تطارده اشباحها ..اي خدمة:d"

اختك الانن ):):


كويس انها عجبتك ويارب تعجبك الحلقة التانية قريب

" منتظراها يافنان الحارة المصرية ):): يارب بالتوفيق والسعادة "

Anonymous said...

بما انك اديتلي الاوسكار
اذن لازم اعمل فيها ناقدة بقى واقول كلمتين زي النقاد مش كله ضرب ضرب لازم شتيمة
مكتب محامي زي احمد عكيز
في منطقة شعبية
مش كتير عليه ماكينة تصوير او طابع ليزر؟
اكيد الكحكة في ايد عكيز عجبة
انا هامشي بقى ومش جاية تاني قبل الكارت الاحمر ما يطلع
قرفة

Tarkieb said...

زعربه

الفيل في الموبايل والاكس في التاكس والعبارة في الدوبارة هههههههه

Tarkieb said...

richardCatheart

ما هو لازم تكون افتكاسة هو انا اقدر اعيش من غير افتكاسة

Tarkieb said...

صدى الصمت - عاشقة الورد -

الله يخليكي على كلامك الحلو ده ويارب تيجي تشوفي الحلقات الجاية اكيد برضه ح تعجبك ان شاء الله

Tarkieb said...

فتاه من الصعيد
لا والله قصتك جميلة بجد بس حكاية الملاتونيين ما بلعتاشي بس والباقي عشرة على عشرة

Tarkieb said...

لـــولا

انا بصراحة ما قريتش القصة دي ولا شايف ان لها علاقة بقصتي الحمد لله يعني مش واخدها منه ولا حاجة

Tarkieb said...

قرفة

لا احمد عطيز راجل مودرن وشغال بالكمبيوتر وده ح يبان في الاجزاء الجاية ..
وانا لما اخلية يفضي جيبه من الكوينز معناه انه مادي وجايب غلة اليوم واول ما دخل شغل اللليزر برضه منظرة قدام الزبون.

لـــولا said...

Tarkieb said...
لـــولا

انا بصراحة ما قريتش القصة دي ولا شايف ان لها علاقة بقصتي الحمد لله يعني مش واخدها منه ولا حاجة

" ههههههههه ازاي حضرتك تفكر في كدة !!!انا فوجئت هو انا قولت لا سمح الله انك اخدت منها الجزء ده؟
اما وجه التشابهه بين قصتك واللي حكيته هو بس تكرار الاستنتاج من خلال الموقف نفسه ..والعفو يافندم مقصدتش انك واخدهامن هناك"

walaa tulip rose said...

لالالالالالالالالالالالالالا
مش ممكن انت كنت فين من زمان ازاي ما دخلتش مدونتك قبل كده ؟؟؟؟؟؟؟؟
اولا
تعريفك بنفسك جميييييييييل اوي اوي اوي وبسيط رغم عمقه وفلسفته
ثانيا بقي ازاي الفراش عرف كل ده والاستاذ محمود مهاوده وفي الاخر يطلع حتى مش بيفك الخط ؟؟؟؟
انا بانتظار التفسير في الحلقة الجاية ان شاء الله
بجد انا سعيدة اني زرت المدونة وبانتظار كل جديد ان شاء الله
تحياتي

Baskouta said...

I Just want to say
Happy Valentine's Day
Wish you all the very best.
Thanks for your visit to my blog
I so much appreciate it.
Regards,
Baskouta

Ms Venus said...

اول زيارة ليا ويسعدنى تتكرر كتير

اسمح لى أحييك على الفلسفة الجميلة

حلقة رائعة

انت تسال والكمبيوتر يجيب said...

سررنا جدا بالمرور ومتابعة ابداعك ويسرنا ان نوجه لك هذه الدعوه
نحن اول برنامج أذاعى عن النت والمدونات ويذاع يوميا عدا الجمعه التاسعه وعشر دقائق صباحا على موجات الأذاعه الرئيسيه لمصر
نحن نطرح موضوعات الحلقات قبل اذاعتها فى مدونتنا لبعلق عليها اصحاب المدونات او غيرهم من الزائرين
ونذيع هذه الموضوعات مع التعليقات ومقتطفات من مدونات اصحابها اذا رغبوا
وبذلك نجمع لأول مره بين الأعلام التقليدى والنت
مدونتنا
http://netonradio.blogspot.com

عطش الصبار said...

تراكيب
حلو المسلسل والتمثيل متقن لولا انك قلت ان تركيب مركب كل الادوار كنت قلت انك استعنت بفاروق الفيشاوى واحمد الفيشاوى كمان وفوقهم يوسف وهبى
بس فيه سؤال هو انت اتعاملت مع محامى اخر مره امتى
هو المحامى هيسيب الزباين اللى ماليين المكتب ويقعد يدردش لا المحامى ده بصوته الغريب ما عندوش زباين اصلا دور على غيره
كل سنه وانت طيب

مي said...

هههههههه بص من الاخر انت خطيرررررررر انت يتعملك اذاعة كاملة ليك لا قمر صناعى بجد لوحدك
بموت فى تراكيبك لك رؤية محصلتش ماشاء الله عليك بجد
يسلم ابداعك

Tarkieb said...

لـــولا
طمنتي قلبي يا أختي انا قلت انت فكرتي كدة بس انا بصراحة ما شوفتش الحكاية دي خالص

Tarkieb said...

walaa tulip rose

ربنا يخليكي على كل الكلام الجميل ده ويارب تزوريني تاني وتالت

Tarkieb said...

Baskouta
شكرا على الزيارة وكل فالنتين وانت طيبة ونشوف وشك بقى السنه الجاية في الفالنتين على خير

Tarkieb said...

Ms Venus
وانت كمان شكرا على زيارتك ومدونتك الجميلة بجد

Tarkieb said...

انت تسال والكمبيوتر يجيب

انا اروح فين في اصحاب المدونات اللي لو قالو ريان يا فجل بيخش الناس يكتبو صفحتيين نقد .. خليني كدة في ركن لوحدي يا عمي .... رحم الله امرء عرف قدر نفسه

Tarkieb said...

عطش الصبار

لا في كتير وحياتك في محاميين كان كتير ومش لاقيين ...والمحامي زي البني أدم وما يختلف عننا يعني مش ملاك ... في كدة وفي كدة.. ورينا لا بحوجنا لا لده ولا ده
ونورتي يا ستي

Tarkieb said...

مي
ربنا يخليكي يا مي على كلامك الحلو ويخلي ليكي الورد ويبعد عنك شوكه