Saturday, March 13, 2010

سكرة


بقى لما راح المقبرة معادشي شيخكم سكرة؟

ياحكومة عرة ومسخرة وفي زورنا واقفة مكعبرة

يلعن أبوكو ناس خرة نسيتو سيرته المعطرة؟

طول عمره كان بالمسطرة وبجد حاجة مفخرة

أهو مات في بقعة منورة وسابها ليكو مخضرة

يارب إرحم دا سكرة وكل من في المقبرة

35 comments:

richardCatheart said...

احتلالالالالالالالالالالالالالالال اول تخته

يسلم بؤك ولسانك ياتركيب
كلمتين بس فيهم الشفا
انا من الناس اللى ماتفقتش معه
غير فى موضوع النقاب وكام حاجه انن كده
بس كفايه انه توفى وهو دلوقتى بين ايادى الرحمن مايصحش ابدا نحاسبه الحساب فى الدنيا للعايش
الاخره بتاعت ربنا هو وحده اعلم
الله يرحمه ويرحم الجميع ويسمحه ويسمحنا
ويتقلبه ان شاء الله

Anonymous said...

فعلا الرجل كان بيخدم النظام في حياته .... ولما مات ولا نص ساعه حداد حتى

اخره خدمه الغز بقا

بيعجبني اسلوبك الساخر المختصر المفيد :)

تحياتي

Ms Venus said...

الله يرحمه

Tarkieb said...

Blogger richardCatheart

مبروك عليكي اول تاختة.. ههههههههه فعلا الله يرحمه ويرحم اموات الجميع .. ويسلم ايديكي ع الكلام الحلو ده

Tarkieb said...

فتاه من الصعيد

اخره خدمه الغز
فعلا انت قلتي اللي فعلا فقعني بجد .. دا مايكل جاكسون لما مات التليفزيون زعل عليه اكتر من طنطاوي الله يرحمه

Tarkieb said...

Ms Venus
ويرحم الاحياء والاموات
نورتي يا فينوس

micheal said...

الله يرحمه
فعلا المتغطي بالحكومة عريان

سمكه واحده said...

ايه ده؟
كابتن كابتن
هو كله ضرب ضرب مفيش شتيمه ولا ايه؟
بس عجبني تهزيق الحكومه هههههههه
الله يرحمه بقي
سواء ضد او مع
لان اللي زعلني موضوع النقاب فعلا وهو ده اللي عمل بلبله وخلاني اخد منه موقف والكلام اللي اتقال الله اعلم بقي مدي صحته
بس انما الاعمال بالنيات
كفايه انه ادفن في البقيع بجد يابخته
وربنا يوعدنا
تحياتي

Unknown said...

تصدق ياتراكيبووو
ما أخذتش بالى أصلاً
لكن فعلاً وفاته حسيتها
باردة ومش مأثرة على حد
لا على المستوى الرسمى أو الشعبى

لـــولا said...

السلام عليكم
ازي حضرتك يادكتور :) يارب تكون بخير ..تسلم الايادي احترم رأيك في الشيخ الجليل سيد طنطاوي بس انا الصراحة ليا اتجاه معادي لفكره.
كفاية انه قال وانا مالي ومال غزة.
وكفاية لما اثاروا منع الحجاب في المدارس بفرنسا واستغاثوا برمز الاسلام شيخ الازهر قال ينفذوا قرارهم بمنع الحجاب لما عملنا مظاهرات قال طب وانا مالي ..!! امال مين اللي ماله ياسيدنا الشيخ لما انت مالك !! المنصب اللي سيادتك يافندم قاعد فيه بيفرض عليك تكاليف واعباء مش منصب داخل تريح فيه وتاخدلك تعسيلتين فيه.
ولما كان في زيارة لاحد المدارس اجبر بنت على خلع النقاب وقدام المدرسين وتلاميذها احرجها وقالها امال لو كنتي حلوة شوية !!!
وهو ماله ده فكر لازم يحترمه زي اي حد متحضر قول رائيك بحرية وانا كمان اسمحلي اقول رائي
الانسان المتحضر هو من يحب دينه ويحترم عقائد الاخرين والمتعصب هو من يحب دينه ويشجب دين الاخر .شكرا يادكتور

طيوري said...

عمره ما كان سكرة
لكن منقدرشنقول دلوقتي غير الله يرحمه ويرحم موتى المسلمين
ويحسن ختامنا
وتسلم ايدك على الابيات المختصرة
لكن احقاقا للحق
يمكن الاعمال بالخواتيم فعلا
اخر موقف ليه
واحترمته يومها علشانه
انه في زعيم عربي تسير دولته في طريق الانفتاح
ورفض مشايخ دولته اصدار فتاوى تبيح الاختلاط فلجا لطنطاوي
لتفصيل فتوى اكس لارج
ولكنه رفض
واحترمته لانه اكيد عرف ان الانفتاح المفاجئ وكل ما يخلفها من كوارث سيكون هو وفتواه السبب ويتحمل امام الله مسؤليتها

أمل حمدي said...

الله يرحمه

والله عندك حق

كلب الوزير مات راحوا عزوا

الوزير مات لا راحوا ولا تهزوا

Tarkieb said...

micheal

ويرحم الاحياء من صورك البيولوجية ههههه

Tarkieb said...

سمكه واحده

ربنا يديكي طولة العمر وماتفكريش في الدفن خالص..الله يرحمه كان هادي في طريقته غير الاصناف اللي بنشوفها دلوقتي...

Tarkieb said...

norahaty

والله حفيد الريس اللي كان لسه انن اووووي الدولة زعلت عليه اكتر....سبحان الله...

Tarkieb said...

لـــولا

شوفي ياستي انا بس مستغرب من طريقة التعامل مع خبر موته رسميا...وبعدين مشكلتنا اننا عايزين اللي يفضل يشتم ويرعبنا ويخليكي راجعة من كلامه شايله طاجن ستك والدنيا على دماغك...معقولة واحد بعلمه احنا احسن منه؟ ظلم حيا وميتا....وخلي بقى الشيوخ النص كم يقولو ليكي اللي انت بتحبي تسمعيه ويحرم عليكي عشتك...عشان يبقى شيخ كدة قوي...

فكرة من الزمن ده said...

جميلة الابيات يا دكتور
رحمه الله كان هادي وطيب ولانستطيع ان نقيم شخص بين ايادي الرحمن وهو اعلم بيه
تحياتي

Tarkieb said...

قرفة

انت ماشفتيش طنطاوي ده يا قرفة بجد في مجده عشان تقولى عمره ما كان سكره...انا بقى عشت ده وكان تقريبا استاذ الشيخ جلهوم امام السيدة زينب وكان كل جمعة هناك...هو بس كدة الناس تحب التعسير مش التيسير...بصراحة اللي يمشي ورا الحكومة ما يخلى من التقليس...

Tarkieb said...

أمل حمدي

ويرحم الجميع...المثل ده اول مرة اسمعه ههههه بس جميل تم ضافته الى اخواته ميرسي اوووي على حضورك والله شرف كبير لنا زيارتك

Tarkieb said...

فكرة من الزمن ده s

اهلا بالفنانة الموهوبة والنجمة الجديدة في عالم الطقاطيق ...الله يرحمه...والله احلى حاجة فيه هو الهدوء....شرفتينا حضرتك...

nasamat said...

استغربت لما سمعت الخبر من الصمت والتجاهل الاعلامى حتى شكيت انه صحيح
برغم الحلاف على المواقف سواء من العلماء او عامة القوم لكنه شيخ الازهر اكبر مؤسسة دينية مفروض ليها وضعها ومكانتها
ده حتى بروتوكوليا يعامل معاملة رئيس وزرا

ندعيله ربنا يرحمه ويغفرله ويخلف علينا بالخير
بنت الحتة

Prince-Palestine said...

الله يرحم جميع موتى المسلمين


دمت بخير

لـــولا said...

Tarkieb said...
لـــولا

شوفي ياستي انا بس مستغرب من طريقة التعامل مع خبر موته رسميا...

" .. انا بقى مش مستغربة "


وبعدين مشكلتنا اننا عايزين اللي يفضل يشتم ويرعبنا


" ولا احب الشخصية دي ..هو لاما متساهل ويفصل ليا فتاوي على مزاج مزاجه لاما اللي طول النهار يدخلني جهنم !!!
عندك مصطفى حسني - وعمرو خالد - ومعز مسعود وآمنة نصر ......


اما اللي يكرهنا في عيشتنا الرسول نفسه صلى الله عليه وسلم نهانا عن سماعه ..انت متعرفش ولا ايه !!!

..وبعدين مافيش شيوخ بيشتموا جبتها منين دي
"




ويخليكي راجعة من كلامه شايله طاجن ستك والدنيا على دماغك...معقولة واحد بعلمه احنا احسن منه؟ ظلم حيا وميتا....
وخلي بقى الشيوخ النص كم يقولو ليكي اللي انت بتحبي تسمعيه ويحرم عليكي عشتك...


" الحمد لله انا عندي عقل وعارفة في ديني واعرف ازاي اعيش حياتي صح ومحدش ينكد عليا عشتي بفضل من الله انصحك بسماع اغنية
شيل الدين م الدنيا لمحمود العسيلي "


عشان يبقى شيخ كدة قوي...


" اشكرك .. حاضر هخلي الشيوخ النص كم ينفعوني ... بس لما يبقوا ينفعوا نفسهم الاول "

Tarkieb said...

nasamat

مبروك الاسم الجديد والله اللي حصلك بالظبط حسيت به كأنه واحد مش مهم وخلاص راح الله يرحمه ويرحمنا

Tarkieb said...

لـــولا

طبعا انت حرة في رأييك بس عمرو خالد ده ما يخشش زمتى بمليم

لـــولا said...

طبعا..كل واحد حر

Tarkieb said...

لولا

الله ينور ويبرك لعمرو خالد كمان وكمان

Tarkieb said...

Prince-Palestine
ويرحم الجميع شرفتنا يا برنس

Anonymous said...

السلام عليك
أولاً لماذا تسوق هذه المصطلحات الرثة البالية ؟
يا أخي حينما تنتقد أو تعبر عن رأيك تحدث بلياقة واعلم أن كل لفظ تقوله ستحاسب عليه
يقول سيد الأنام صلوات الله وسلامه عليه
((إن الرجل ليتكلم بالكلمة من سخط الله لا يلقي لها بالاً يهوي بها في النار سبعين خريفًا))
أخرجه البخاري (6477) ، (6478) ومسلم (2988) من حديث أبي هريرة ، بنحو هذا اللفظ.

===========

أما عن شيخ الأزهر السابق رحمه الله
نفسي أفهم عاوز الحكومة تعمله إيه
أرسلت وفد رسمي في دفنه وعلى رأسهم سفير مصر في السعودية
وهنا أقيم سرادق عزاء له وذهب لك كل المسئولين من أول رئيس الوزراء لكل الناس
ورئيس الجمهورية نعاه بنعي رسمي
وتم تغيير خريطةالبرامج في التلفزيون لمدة ثلاثة أيام وكان التلفزيون كله شغال على سرد حياة الإمام الراحل وتغطية جوانب من حياته واستضافة من عاصروه وعملوا معه

ماذا تريد بعد ذلك ؟
واضح لي أنك ممن يكتبون بدون معرفة

Tarkieb said...

أحمد شريف
ممكن حضرتك تقولى حد من اسماء البعثة.....اللي شاركت في دفنه غير السفير المصري؟؟؟؟؟؟

اما حكاية التليفزيون دي انا ماشفتها؟ حضرتك عندك قناة ايه؟؟؟؟وحتى لو كان الظاهر انك عارف اكتر... هل الحزن عليه كان بوزن حفيد الريس؟؟؟؟؟؟ انا متاسف على الالفاظ الخارجة ومتشكريين على النصح وربنا يخليك لمصر
حكومة وشعبا

انسان صادق said...

يسلم بقك ياأستاذ خليفة
قصدى ياأستاذ تركيب
مش عارف الاستاذ
أحمد دا حيفوق امتى من الدور اللى
هو فيه دا ويعرف ان كلام
الشعارات دا راح وقته من زمان
ال يقولك بعثة تعزية
ياخبر اسود ياولاد
على النفاق

Tarkieb said...

انسان صادق


والله يسلم بقك انت ...انا بصراحة لا رحت عنده ولا حتى اعرفه.ولما رحت مالقيت عنده حاجة يترد عليها...بس رايه وهو حر ...اذا كان شايف ان العيشة فل والحكومة مية مية والعيب مننا وبنبطر ع النعمةوما بنستمدتش معلوماتنا من روز اليوسف وجرايدالحزن الوثني البروقراتي ...برضه هو حر

Unknown said...

جيت ع الجرح...الله يرحمه و يحسن اليه...
تحياتي علي هذا البوست الرائع...

mrmr said...

فعلا كان راجل سكره
الله يرحمه

Unknown said...

والله ما نقدرش نقول غير الله يرحمه
بس هو بهدلنا في الازهر وكانت كل فتواه ملهاش اي اصل وبجد ربنا يسامحه
وبالنسبة لينا كشباب عاصرناه ايام ما كنا في الجامعة والثانوي الايام اللي مرت دي من عمر ولا قرار او فتوي هو اخذها كانت صح والا لها اي حاجة بس هو ده السياسة علشان تحافظ علي الكرسي لازم كلاب ( امن ) الدولة هما اللي يحكموا الازهر ربننا ياخدهم وربنا يرحمه ويعفر له