Monday, December 12, 2011

الجامد أوووي

-آلو مين معايا؟

-أنا واحد جامد أوووي

-جامد؟

-آه ومن طرف الواد علي وهو اللي إداني نمرتك دي

-علي مين؟

-علي زعتر يا حلوة

-وعايز إيه بقى يا سي جامد أوووي

-عايز إيه؟ غريبة أووي

-غريبة؟ هو إيه دة اللي غريبة يا واد؟

-أصل الواد علي قالي إنك بتعرفي تلاغي كويس

-ألاغي؟

-آه وح تفهمي على طول أنا عايز إيه أكيد؟

-أفهم؟ أفهم إيه؟

-يعني نظام معاكسات في التليفون وقلة أدب وكدة يعني ولا أنا غلطان؟

-لا مش غلطان يا حبيبي

-حبيبي؟ حلاوته .....أحبك يا أبيض

-بس إنت مش شايف إني كبيرة شوية عليك يا تامر؟

-تامر؟ حلاوته ..... ...إيه ده وكمان تعرفي إسمي؟....أكيد كلمك عني الواد إبن العفريتة ده؟ دوقرم ووربنا ياد يا علي

-لا طبعا ماكلمنيش عنك خالص

-ما كلمكيش ؟ طب إزاي؟ غريبة دي

-لا مش غريبة يا تامر يا سبكي

-تامر يا سبكي؟ إيه ده هو أنا بقيت مشهور للدرجة دي ولا إيه؟ ده إنت شكلك عارفاني بقى ...صح؟....طب منين؟ منين والنبي؟ قولى بقى يا حلوة ما تتكسفيش

-منين؟ م المدرسة يا حبيبي

- م المدرسة؟

-آه ...أنا ميس شادية مدرسة الإنجليش يا روح قلبي ....وقعتك سودة ومهببة بكرة يا جامد...لازم تجيب بكرة معاك باباك ...فاهم؟ قال جامد قال

-ميس شادية؟ يا نهار إسود....كدة برضة يا علي يا إبن ال......تعمل فيا المقلب ده؟ الله يخرب بيتك يا بعيد ...ضعت......ضعت وربنا .... (تراك)

- آلو.... آلو .....إنت رحت فين يا جامد.... .....إنت رحت فين يا جامد أووووي

44 comments:

P A S H A said...

نياهاهاهاها الواد راح فطيس يا عين أمه

:))

أستمتع دوماً بقراءة كل ما تكتب

بجد أنت مبــدع

طيوري said...

هههههههههههههه
عشان يحرم يسيب المذاكرة ويلعب ويعاكس في التليفون خليه بقى يورينا هايقول ايه لباباه عشان يروح معاه لميس شادية
حلوة ياتركيب ضحكتني في ايام عز فيها الضحك
تسلم ايدك ودايما مبدع

هبة فاروق said...

جامده اووووووووى
ههههههههههههههههه
مقلب جامد قوى يا مرزوق
تحياتى لتركيب المتركب

Unknown said...

ههههههههههههههههههههه عيال ضايعه صحيح ده بدل ما بسلامته يروح يقعد علي سلاح التلميذ يذاكرله كلمتين ويرحم الكحك اللي بينقرش شهادته كل شهر

تحقة أوي ودمها خفيف :)))

بسمة الورد عطر المشاعر said...

هههههههههههههههه

اضحك الله سنك تراكيب

بس انا مش عارفه ليه حسيت ان الابله شاديه هى اللى ولا بلاش هههههههههه اهو احساس

دام ابداعك

reemaas said...

هههههههههههههههههههههه

اى المقالب اللى تودى فى داهيه دى
يستااااااااااااااهل

شمس النهار said...

بعد يوم عصييييييييييب
قلت ادخل بلوجر اشوف ايه الاخبار
لاقيتك عامل بوست قلت بس اشوف ايه الموضوع وخلاص
علشان واثقة انه هيبقا حاجة لطيفة

بس ماتوقعتش اني افطس من الضحك
مقلب ولا كل المقلوبات
:))))))
:))))
مالكش حل بصراحة

faroukfahmy said...

مقالب اصحابك يا تركيب بقت لاسلكية طب نصيحتى غير اسلالك عشان الواد على عليوه يتوه فيها
انت توهتنى وشبكتنى فى سلوكك ومش عارف افك نفسى
تراكيبك صعبه قوى يا تركيب

رحاب صالح said...

ههههههههههههههه
لاء بجد
جامدة اوووووي

سكندري said...

جامد اوووي المقلب ده
ابقي خلي علي ينفعه بقي

الشاعر الفنان أحمد فتحى فؤاد said...

حلوة قوى يا جامد
تحياتي

~ISLAM~ said...

ههههههههههههه ميس شادية هتعملوا جزامة هههههههههههههههه

حلوة اوى يا تركيب

الله عليك يا برنس الضحك

Tarkieb said...

P A S H A

ربنا يخليك دي شهادة اعتز بها اووووي ...نورتني بجد

Tarkieb said...

قرفة

هههههههه واد خلبوص وغلبان زي حالتنا هههههههه.....مسعد
نورتينا يا ست القرف

Tarkieb said...

هبة فاروق
هههههههه طب كويس انها عجبتك وده شرف كبير ليا وربنا

Tarkieb said...

ShaiMaa Gaber

ههههههههههه ده غلبان حب يعمل برم صحبه ضحك عليه ...نورتيني

nour alqamar said...

ههههههههههههههههههههه ضحكت من قلبي واللهي ..شكرا لك
مع تحياتى لك
نور

Tarkieb said...

بسمة الورد

ههههههههه لا مظلومة الابلة اكيد اخدت بالها انه صوت عيل صغير ولو كان راجل كبير كانت قفلت السكة....بس الواحد بيعرف ده في الاخر بعد ما يكون شك في الابلة ههههههه....نورتني ياشاعرة الزمن الجميل

Tarkieb said...

reemaas
ههههههههه اكيد صعب عليكي برضه ..دايما منوراني

Tarkieb said...

شمس النهار


ههههههههه طب كسبنا ثواب في الحاجة يعني ثواب مضاعف....دايما كدة يارب منوراني

Tarkieb said...

faroukfahmy58

هههههههه لا دا انا والله غلبان ولسه باتعلم فيكو...بس انا فرحان اوووي انها عجبت حضرتك وده شرف كبير ليا

Tarkieb said...

re7ab.sale7

ههههههههه الحمد لله انها عجبت الصحافة كمان ..نورتيني

Tarkieb said...

سكندري

ياه عاش من شافك انت فين ياريس؟ وحشتنا والله اوووي

Tarkieb said...

الشاعر الفنان أحمد فتحى فؤاد


والله انت اللي جامد واشعارك جامدة ودايما كدة يارب منورني

Tarkieb said...

iـــــــــــsــــــــــlــــــــــــaـــــــــm

ربنا يخليك والله انت اللي برنس في كل حاجة شعر وفلسفة ومنورني دايما يارب

Tarkieb said...

نور القمر

ياهلا اول زيارة ويارب ما تكون اخر زيارة وشرفتيني بجد....

رحيق الورد said...

صباح الخير
ههههههه حلو ضحكت من كل قلبى
يشرفنى الوجود بمدونتك
تحياتى لك
ياسمين

Tarkieb said...

رحيق الورد
الشرف لينا يا ياسمين...ميرسي ونورتيني

من كل بستان زهرة said...

ههههههههههههههههههه

والله انت الي جامد اوي اوي يا تيكو

Tarkieb said...

من كل بستان زهرة

عاش من شافك ....حمدالله ع السلامة...شبطة خاصم منك شهور هههههه

من كل بستان زهرة said...

هههههههههههههه
ظبطني انت بس مع شبطه وانت هتزهق من وجودي

walaa tulip rose said...

ااااديي اللي يسمع كلام اصحابه والله يستاااااااااااااهل

Unknown said...

الــمدرسة
يخرب عقله!

rona ali said...

هههههههههههههههههههههههههههههههههههههههه

حلو المقلب الفظيع دة

Beram ElMasry said...

حبيبى الغالى تراكيب
حفظك الله وحقق مناك وأدخل البهجة على قلوبنا جميعاً بالتخلص الكامل من النظام الفاسد وآثاره المدمرة .. شكراً صديقى الجميل ولا تحرمنى من سؤالك ودعائك .
تحية وسلام ولا سلام مع بنى إسرائيل

كريمة سندي said...

شكرا أخي في الله على السؤال

حوار طريف جدا ومثير ويثير عدة تساؤلات فلسفية أعجبني كثيرا الطرافة في الأمر

افروديت said...

هههههههههه

انت بجد مشكلة ياتركيب


تحياتي

Tarkieb said...

من كل بستان زهرة s


هههههههه ربنا يسهل والاقي وقت اسجله

Tarkieb said...

walaa tulip rose
حمد الله على سلامتك منوراني دايما

Tarkieb said...

norahaty


هههههههه صاحبه دبسه منوراني يا نور

Tarkieb said...

rona ali

منوراني دايما

Tarkieb said...

Beram ElMasry

دايما منورنا بكلامك الجميل

Tarkieb said...

كريمة سندي

ربنا يخليكي وعاش من شافك ..نورتيني

Tarkieb said...

افروديت

ايه ده يابنتي كل مرة لازم نقولك حمد الله ع السلامة ...ماتغيبيش بقى