Saturday, May 19, 2012

جعلوني مكوجي


سيد شبطة شخصية مصرية خنيقة أخترعتها من حوالي سنتين في سلسلة حكواتي ومغنواتي اللي تقريبا بعمل كل حاجة فيها.......كتابة القصة والتمثيل والمونتاج والإخراج وتقريبا كدة أنا كمان المستمع الوحيد لها عشان كدة إستمرت وربنا يخلي المنتج والمخرج والممثلين.... يمكن الحكاية دي بعمل فيها كل اللي كان نفسي أعمله زمان بس ربنا ستر ع الناس وما سلكتش الطريق ده.....المهم بقى إن الشخصية دي من غلاستها وتلامتها بتخلى الواحد يخرج بجد عن شعوره و تعتبر نموذج للكوميديا السودا المنيلة بستين نيلة عشان كدة مفيش مهنة واحدة وإشتغلها سيد وفلح فيها...شفناه مثلا محامي ومرة بياع أو دكتور وبعد الثورة مخبر بوليس والنهاردة قرر سيد إنه يشتغل مكوجي ويملى الفراغ بعد ما شعبان ساب الكار. الغريب بقى إن مفيش واحد بيفهم هوب تقريبا ناحية المحل بتاعه تجنبا لغلاسته وخصوصا سكان العمارة اللي محله وشقته كانو فيها عشان كدة بدأ سيد للأسف للجوء لطرق أخري ملتوية للحصول على قوته وقوت عياله اللول والبول........ إزاي؟ ده اللي ح تعرفه لو ربنا إعطاك الصبر وما إتفرستش وسمعت الحكاية للآخر. طبعا مستني رأيك بأمانة وياريت بعد ما تسمع.

62 comments:

طيوري said...

حمدالله ع السلامة يا عم شبطو
هو انت مابتجيش غير بالهتافات والمظاهرات
الشعب فرحان وعقبال الفرحة الكبيرة لما ربنا يبعتلنا ريس فلافل
نسمع ولنا لقاء

من كل بستان زهرة said...

لاااااااااااااااااااا
مش مصدقه نفسي شبطه الله أكبر
وحشني جداااااااااااااااااا
والأن إجتماع كل العاملين في الشركة عندي علشان نسمع شبطه بيه

وهقولك رأي اكيد :))

من كل بستان زهرة said...

ههههههههههههههههههههههه
هههههههههههههههههه
يا نصاب أنت :))
مين الموزه الي بتتكلم مع شبطه دي عسل أوي
شبطه فكرني بالمكواجي الي بيجي عندنا نصاب كده زيه تماااااام
حلوه جداااااا يا تيكو بجد تسلم :))

طيوري said...

هههههههههههههههههههههههههههههههههههههههههههههههههه
باكينام هانم هما الحبايب كلهم بيهلو مرة واحدة
بس اجمل حاجة انك قفلت الحكاية بضحكة جميلة على وشنا بجد محتاجينها
ضحكة على القلم اللي اترزع ل شبطة ده

انماضحكتها جميلة اوي اوي بتفكرني
بواحدة

بس خواجاية سايعة بتعرف تقسم وتتريق
وتلحن ليه الدنيا جميلة وحلوة
بس واضح ان صحتها جامدةوجات ع العمرة اللي عملها لها شبطة زمانوالدليل القلم بتاعها سور لنا طبلة ودننا
اتاريها كانت عايزة تعمل عمرة عشان تنحرف

طيوري said...

جامدة جدا جدا وحلوة وكل مادى بتتطور فعلا وبدون مجاملة وبقيت عالم
ي وبتمثل مع حسن مصطفى عقبال ميمي جمال

بس مين بقى الوجه الجديد ياسر؟ اللي عنده تفاح مرمي في كل حتة
لا بجد مش بقيت انت موهبة لا بقيت كمان كولومبس المواهب
تسلم والي الامام

Tarkieb said...

طيوري

ههههه ربنا يخلي اليوتيوب فتحها ع البحري كان زمان عشر دقايق وخلاص دلوقتي بقيت انشر اي حاجة...الفيميو كان بيطلع عيني لما بانشرفيه....والله شبطة كمان كان واحشني تصدقي انه باعتبره صاحبي وبصعب عليا جدا....غلبان لا تعليم ولا مال ونفسه يوصل....

Tarkieb said...

ن كل بستان زهرة
هههههه جيتي على سيرته طب اسمعي وسمعي الشركة وربنا يستر عليكي ....

Tarkieb said...

من كل بستان زهرة
الحمد لله عجبتك وهههههه وشبطة طلع زي المكوجي بجد .....ده شبطة بقى فيروس بقى قومي...نورتيني

Tarkieb said...

طيوري

لا مش باكينام هانم دي واحدة تانية هههههه وعلى فكرة دي بوليس بحد يعني تضرب كتيبة شبطة بحالها....سايعة مين ده انا طلع عيني عشان يطلع الكلام كدة...والضحكة اصلي من غير ماتعرف عشان تبقى طبيعية..

Tarkieb said...

طيوري

هههههه حسن مصطفي اكتشفته مثل من غير مايعرف زي ياسر مثل ومايعرفش كنت باخليه يقول الكلام اللي انا عايزه من غير مايعرف عشان يطلع طبيعي الكلام...انا حطيت اصوات جديدة عشان صعب اقوم بكل الادوار حيبان الصوت .....وصعب اعمل صوت الستات بالسوفت وير واحمد لله الشرطة في خدمة الشعب....

طيوري said...

اه الشرطة في خدمة الشعب في ااروبا والدول المتقدمة
اما هنا
ياعيني عليك يا شعب متمرمط ومش لاقي شرطة تخدمك
بس بجد تسلم ايدك
شغل جامد امتعتنا

Tarkieb said...

طيوري
هههههه اه بلاد برة يا حلاوة بلاد برة جوة عينيا

Unknown said...

هههههههههههههههه تحفة آخر 3 حاجات :)))

Tarkieb said...

ShaiMaa Gaber
ههههههههه نورتيني يا شيماء وميرسي

P A S H A said...

:))
لأ شغل عالي بجد ، وأكيد خد منك مجهود كبير عشان يطلع بالصورة الحلوة دي ، تسلم إيدك يا فنان ، ما عندكش دور صبي مكوجي لأخوك ؟؟
تحياتي

Tarkieb said...

P A S H A

ههههههههه ربنا يخليك صبي مكوجي بس؟ المحل كله تحت امرك وانت وشطارتك يا باشا قصدي يا أسطى ومكن تذود الجرعةيعني تعمل بدل تلات بدل تعمل اربع بدل هههههه...

richardCatheart said...

هياة هياة تيكو عمل حكواتى هياة هياة
لوووووووووووووووووووووووووووولى هسمع وارجع بس هسمع بمزاج المزاج بقى دى فاكهه يا عموا

ترتر

Tarkieb said...

richardCatheart
هههههههههه انت جيت يا رمضان كنت فين يا منيل...اسمع براحتك ومستنيين التحليل

richardCatheart said...

ههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه هع هع هع هع هع احيييييييييييييييييييييييية من غير زعل اول ما سمعتها قولت عليك كلمة لامؤخزة ابيحة من باب قوة التعبير ههههههههههههههههههههههههههههههههههههههههههههههههههههههههههههههههههههههه مش عارفة ابتدى منين اللى سمعته دلوقتى اربع مرات التطور الطبيعى للعبقرية والدماغ التلفانه انت بقيت محترف وبقولها بالفوم الملياااااااااااااااااااااااان انت بتشتغل بأمكانيات صفر وبتعمل الخلطه والعجينه وتخبز واحنا ناكل على الجهاز احلى عيش باللحمه اسكندرانى ههههههههههههههههههههههههههههه عبقرى حقيقى كانت وحشنى حكواتى اووووووووووووووووى اه بنسمع القديم وفضحينك على الفيس ههههههههههههه بس بردو الجديد ونبرة صوتك ولو بشكل مختلف بيحسسنى بالتواصل وانك بتكلمنا ياعم تيكو وبيحصل خلطه حلوة بين احسسنا بالجديد وذكريات زمان وقفشتنا الحلوة .. المهم يحرق ام شبطة هههههههههههههههههههههههههههههههههههههههههههه اية دا عارف كارف على الاحزاب بتاعت الحجر على البشرية واللى اكيد لو مسكوا هتقلب ابتزاز لانهم مش هيعرف يسيطرو حلو يسيطرو دى هههههههههههههه على مجتمعنا بس تعرف هو من اول مظهر شبطه وهو رخم بس اول مرة ابقى نفسى انط فى كرشة وكالعادة احنا بنضرب على قفنا من خبؤ والخوجاية اللى هرشاه عرفة تلبوا على قفاة الاهطل هههههههههههه
عجبتنى اوى فكرة دخول الاصوات فى الحوار جديدة وعملة حياة مختلفه المجهود فى ترتيب الحوار والتقطيع باين جدا حقيقى ورب العزة ومالكش عليا يمين هههههههههههههههه هااااااااااااااااااااااااااااايل فى مثل افتكرته ماعرفش هيزعلك ولا لاء بس انت متعود على لسانى مش جديد هههههههههههه الشاطرة تغزل برجل حمار وانت بتعمل من الفسيخ شربات يا تيكو .... انا حقيقى مرهقه جدا لان يومى كان متعب اووووووووى بس جميل الحمد لله وزاد جمالة وحلاوتة بختامة وسمعتك واستمتعت ومعلش لو ماكنتش ركزت اكتر بسبب التعب بش اكيد هتتسمع كتييييييييير زى اخواتها :)
متشكرين يا عم تيكو وتعيش وتمتع الجمنهور وادعى لرمضان ربنا يفكها عليه احسن ظروفه وجوابته منيلة بستين هههههههههههه
اه قبل ما انسى سؤال يطرح ذاته
بالنوسبة لسلامة 10 ساعات مش كتير ؟؟
هابى دريمز يا هتلر
معلش طولت عليك بس حقى بالكومنات اللى معملتهاش البوستات اللى فاتت :)

Baskouta said...

ياااااااااااااه كانت وحشاني اوي حكواتي ومغنواتي
بجد تحفة وانت مبدع
:)
انا بتبسط اوي لما بسمعها
ثانكس

Baskouta said...

عجبني اوي صووووووووت ها وهي بتقول لت وعجن يا سيد
طريقتها تحفة

Tarkieb said...

richardCatheart

هههههههههههههه أشتمي براحتك ده علامة انها عجبتك وده وسام نفتخر بيه..طبعا انا عارف ذوقك هههههه واكيد في حتت كتير جبتك بس تلاقييك منعوسة ما أخدتيش بالك هههههه.... لابالنسبة لسلامة شبطة يقصد ان قعد عندها كتير والله اعلم كان بيعمل ايه مش كان ممكن بيشرب شاي هههههه...نورتيني وربنا يحسن ظروفك ومايحرمناش من طلتك

Tarkieb said...

Baskouta
ياه انا بحسبك مش من هواة شبطة هههه اصله رخم اوووي ...وميرسي اوووي على تعليقك والست دي هههههههه طلعت عيني عشان يطلع الكام زي ما انا عايز والحمد لله ..نورتيني يا بسكوت

Anonymous said...

جعلوننى شفيق هاها ماهو نفس المكوجى
دعدع

Anonymous said...

شبطة وبس

شمس النهار said...

هو انت اللي بتقلد الاصوات ولا انت واخد صوت حسن مصطفي من حاجات وعاملهم مونتاج

سيد ده فظيييييييييع

بس مايجبها الا ستاتها
:)))

لطيفة ومضحكة والفكرة حلوة وجديدة
بس كانت عايزة تبقا اسرع شوية

أمل حمدي said...

قلم دخل مزاجي

أنت جبت المكوجي دا منين :))

بجد فنان

بسمة الورد عطر المشاعر said...

مبدع وفنان ياتراكيب

بجد ولا اروع احسنت سخرية ممزروجه بالغلاسه الجميله ههههههههههه

راق لى تواجدى فى مدونتك كالمعتاد يعنى

مودتى اخى واحترامى لابداعك

Ramy said...

ههههههههههههههه

مش كل الطير اللى يتاكل لحمه يا نصاااب

ههههههههههههههه

بقالى 3 ايام عاوز اسمع الحلقة و نزلتها من الفور شيرد

و عندى على الجهاز

بس مين اللى عمل صوت الألمانية دى

((:
و هي شتمت و لا ايه

ههههههههههههههه

Beram ElMasry said...

صديقي الفنان تركيب
شكرا لاطرائك وشكرا علي نصحك المفيد وسنلتزم بالنصح ولو تحسنت الظروف ساعود للنشر بصوتي حرصا ومحبه لجميع الاصدقاء
تحيه وسلام ولاسلام مع بني اسرائيل

Tarkieb said...

دعدع
هههههههههه تلم زيه اوووي

Tarkieb said...

Anonymous

ايوة شبطة جميل

Tarkieb said...

شمس النهار
لا حسن مصطفي واخده من مسلسل في الراديو والباقي تغيير صوت ليا وواحد صاحبي وواحدة المانية بتتعلم عربي ...البطء غصب عني عشان الشخصية ملزقة وتلمة والكلام بتاعه مهم لابتزاز الناس..نورتنيني يا شموسة

Tarkieb said...

ماما أمولة
هههههههه مع اني ممثل دور المكوجي بس فرحت فيه برضة انا كمان....سيد شبطة ده شخصية اخترعتها وبقت حقيقية بالنسبة ليا,,,,منوراني ياست الكلام

Tarkieb said...

بسمة الورد
ربنا يخليكي يا فنانة ...هو بصراحة غلس اوووي سيد ده بس طيب برضه انا حبيته

Tarkieb said...

Ramy
حمد الله ع السلامة يارامي باشا...اللي عمل دور الالمانية واحدة بتتعلم عربي وطلبت منها تعمل الدور بس الحمد لله طلع كويس...لا هي قالتلوه مش ممكن اسمح ان ده يحصل معايا...وميعجبنيش ده....بس ماشتمتش ماتخافش ...نورتني

Tarkieb said...

Beram ElMasry
ربنا ما يحرمنا من صوتك يارب

zeze said...

جمييلة بجد بس فعلا شخصية رخمة اوي
بس الست طلعت جدعة بصحيح
دا اللي كان لازم يحصل من الاول هههههه
ومستنية جديدك ان شاءالله

Tarkieb said...

zeze
ربنا يخليكي رد الناس بيشجعني اعمل حاجات جديدة ويحسسني اني مش بعمل حاجات لنفسي بس...ويارب ما يحرمنا من زيارتك

Tears said...

بس جيت امسى لانى يادوب رجعت للنت و المدونات من اليومين و حاسة براحة كبيرة بعد قراءتى للمدونات و التعليقات

احساس بالدفء

Tarkieb said...

Tears

حمد الله ع السلامة وحشنا تعليقاتك ومواضيعك

Beram ElMasry said...

صديقي الجميل جدا tarkieb
شكرا على إطرائك كما أتمنى أن تكون كلماتي حملت إليك بعض الرضى والسرور وبالمناسبة في التعليق السابق سمعت حوار المكوجي مع حسن مصطفى وفيه مهنية وحرفيه عالية مما دفعني للسؤال هل هذه تقنية أجهزة أم برامج يمكن لمثلي الاستعانة بها فإن كانت برامج فأرجو أن لا تبخل علي بذكر اسمها لعلي انتفع بها في التسجيلات لإخراج عمل يرضى عنه الحرفيين في مجال هذا الإبداع
لك شكري وتقديري وتحية وسلام ولا سلام مع بني اسرائيل

رحيق الورد said...

مساء الخير ..
سرنى التواجد هنا
تحياتى لك ياسمين

Tarkieb said...

Beram ElMasry
ربنا يكرمك يا استاذنا ويخليك انا باستخدم برنامج اسمه سوند فورج وهو اللي بيغير الاصوات كدة وصوت حسن مصطفي اخدت بعض جمل له من مسلسل وكانت ماشبة مع السناريو بتاعي

Tarkieb said...

رحيق الورد

وانا كمان سرني زيارتك ويارب تكوني سمعتس ومستني لرايك

كريمة سندي said...

فكرة جملية لشخصية مضطربة جدا أجبني العنوان كثيرا وكذلك كركتر الشخصية

تحية ود وإعجاب

βent Pasha said...

هههههههههههه
لأ جميلة أوي الفكرة دي بصراحة
:-)
سلمت يداك ع المجهود الرائع

تقبل مروري

P A S H A said...

أنت فين يا عمنا ؟؟؟؟؟
إيه الغيبة الطوييييييييييييييييلة أوي دي ؟؟

ربنا يطمننا عليك ويكون المانع خير إن شاء الله

Unknown said...

انا عارفة
انى مقصرة فى الزيارة
بس والله ما عندك بس على المدونات
كلها .انا حبيت اسلم واقولك لو لى
عمر بكرة اسمعها واشوف شبطة عمل ايه المرة دى
(عمايله سودا أنا عارفة)

أمل حمدي said...

يارب تكون بخير وصحة يارب تركيب
كل سنة وأنت طيب وبخير

zizi said...

ايه يا تركيب انت سايبني اهاتي ولا حس ولاخبر وبعدين آخر بوست معلق لي عليه مش عارفة انشره ومستنية تعليقاتك الجميلة وبوستاتك الجديدة فينك كل سنة وانت طيب وعرفة الكنفاني بيسلم عليك ..

الشوكة الناعمة said...

ياااااااااااااااه والله زمان يا تيكو
لسه مبدع زي ما انت
:)

Tarkieb said...

كريمة سندي
ربنا يخليكي وما يحرمني من كلامك الجميل نورتيني كالعادة

Tarkieb said...

βent Pasha

ربنا يخليكي وكلك ذوق زي باشا بالظبط سلامي له ونورتيني

Tarkieb said...

كريمة سندي
للاسف اتاخرت في الرد وخلاص راح الميعاد.

Tarkieb said...

P A S H A

معلش يا باشا والله ظروف شغل والحمد لله هانت دلوقتي وربنا مايحرمنا من سؤالك

Tarkieb said...

norahaty
عاش من شافك وربنا يديكي القوة في شغلك وماتنسناش في زحمة العمل يا دكترة

Tarkieb said...

ماما أمولة

ربنا يخليكي ومايحرمنا من كلامك الحلو ...وانت طيبة يا طيبة على طول

Tarkieb said...

zizi
كل سنة وإنت طيبة وبخير ووحشاني موت زي كنافة عرفة بالظبط ويارب مايحرمنا منك

Tarkieb said...

لشوكه الناعمه

والله زمان يا شوكة فينك يا بنتي لابلوج ولا حتى خبر كانه شوكة ملح ودابت.....حمد الله على سلامتك ويارب تعودي تاني لبلوجك زي زمان

kisho said...

اللى يعيش مع سيد شبطة غير اللى يسمع نوادرة


Kishoooooooo

kisho said...

اللى عاش مع سيد شيطة غير اللى يسمع عنة و نوادرة

KISHOOOOOOo