Tuesday, December 18, 2012

جرافيك الخصام وأنت الخصم والحكم


32 comments:

Tarkieb said...

أبو الطيب المتنبي يا أعدل الناس إلا في معاملتي *** فيك الخصام وأنت الخصم والحكم

طيوري said...

هههههههههه
اوبااااااااا خبطت لهم في البوب؟
والله انت بجد متابع
وجيت اقولك ان ال تنبأت بيه حصل واجيبلك الخبر لقيت عندك مفاجأة
بس المفاجأة الاكبر ان الناس ال بتتكلم في حرية الراي اني اجي مالاقيش تعليقات
فعلا حرية صنم العجوة

طيوري said...

هجوم بالمولوتوف على "التوحيد والنور" بعابدين.. وأحد المتهمين يدلى باعترافات مثيرة


هاجم نحو ١٥ شابًّا محل "التوحيد والنور" بمنطقة عابدين، وقاموا برشقه بالطوب وزجاجات المولوتوف الحارقة.. أدى الهجوم إلى اشتعال النيران فيه، وتكسير بعض محتوياته، ثم لاذوا بالهرب.وتمكن النقيب محمد الشيخ، معاون مباحث قسم شرطة عابدين، من ضبط أحد المتهمين

تلقى المقدم وائل الشموتي، رئيس مباحث قسم شرطة عابدين، بلاغا من فيصل عطية (25 سنة - حارس أمن) بمحل التوحيد والنور بشارع نوبار بعابدين، أنه أثناء وجوده بمحل عمله فوجئ بقيام حوالي 15 شخصا قادمين من اتجاة التحرير من بينهم مجموعة ترتدي أقنعة، وقاموا بإلقاء الحجارة وزجاجات المولوتوف على المحل.

طيوري said...

لما قلت لحد مش فاكرة ان القائمة ال بتروجو لها دي ممكن يبقى هدها ا انه اعرفو انشطتهم و روحو احرقوا الحجات دي مش بس قاطعوها

طيوري said...

اما بالنسبة لل جرافيتي فهو فعلا كانه جرافيتي بالظبط ومش خسارة فيهم دول يستاهلو اكتر من كده على الله البلد تنضف بقى من كل السيئين
تسلم

Tarkieb said...

طيوري
ههههه ولا يهمني حد يزعل من رأي ...امال انا عامل بلوج ليا ليه ...عشان اقول اللي عايزه ...وحياتك لو كل تليفزيونات العالم وكل المدونيين مصر قلبو فلول وكرهم للاخوان عماهم عن قول الحق ما ح اغير رأيي....ما يحدث هو اتحاد الدنيا على مرسي مش بسبب الحق ولكن كل واحد له هدف...الغريب ان كل واحد راح وقف في ميدان التحرير حبه عايز يفضل طول عمره ثورجي وتحول لديكتاتور اوسخ من الفلول....الحمد لله ان الواحد عينه فتحت على حاجات كتير....كنت زمان بحسب عمر عفيفي قائد ثورة وطلع افاق وبق....زعلت ان حمدين مكسبش وطلع زي على الطواف في عيلة الدوغري اللي كان نفسه يلبس جزمة ياحسن وده نفسه يبقى ريس....اما البرادعي فصدمتى فيه كبري طلع شخصية نرجسية متعالية وماكنتش واخد بالي..بعد وصوله للعالميه فكر نفسه هو المنقذ لشعب متخلف....للاسف كلما تكلم عرفته اكتر....للاسف في ناس بتحلم بالمخلص ومصدقت لقت واحد ينشلها من شوية انتهازيين مسميين نفسهم نخبة....ومن كتر الانتظار اتعمو عن تحليل شخصية البرادعي...انا مش اخواني وعمري م ح اكون منهم بس لما الاقي كل الدنيا ضد واحد لازم اقف وافكر ...ليه؟؟؟؟ ولينا لقاء...

طيوري said...

والله العظيم نفس ال انا قلته
مش ممكن ان الكره ينسي الناس كمان مصلحة مصر
ويشوفو ان ال بيقول نعم للدستور بيقول نعم للاخوان وعاوز يسلمهم البلد
وال بيقول كلمة حق بيبقى اخوان وبيضحكو ويسخروا منه
واجمل حاجة ان الواحد ما يبقاش امعة يفكر بنظرة متجردة من المشاعر والميول
وده مبقاش موجود للاسف

طيوري said...

وال بيقولو عن نفسهم معارضة نفخو النار في قلوب الناس وولعوهم وقسمو الشعب وعمالين يعزفو نغمة الدستور بيقسم مصر
والله ربنا ينتقم منهم
وان شاء الله هايتكشفو لانهم اضعف من انهم يواجهوا بشرف

ودليل ضعفهم انهم اتعاونو مع الفلول وابطال الحزب الوطني والثورة المضادة وبكلللللللللللللللللللللللل اسى واسف ان الناس البسيطة العادية مصدقاهم وماشية عامية وراهم ومن غير تفكير وعمالين يرددو كل المجاري ال قاعد الابراشي وعمرو اديب وخميس الحديدي يصبوها في مخهم
للاسف
جميل ان الواحد يثبت على مبدأ ولو انه صعب

Tears said...

مش ح ادعى انى فهمت المقصود او فهمت ليه زعلان من البرادعى وحمدين...بس مادام عندنا رئيس بجماعة ومرشد و ميليشيات وديل اسمه لازم حازم يبقى انا صده مع اى حد

طيوري said...

المشكلة ان الناس عايزة من مرسي كل ما يعرف ويدور في الخلف ييقال
وده عمره ماهايحصل ولما بيحصل بيتريقو عليه ويقولو ده لكاك ودوخنا منه
وعايزينه يجيبلنا الدستور قرآن من غير غلطة بس مش قران
وشريعة محكمة تظبط البلد بس مش اسلام
وعايزينه يظبط البلد لو جاب اخوان يسرخوا اخون الدولة
ولو جاب من اطياف مختلفة يسرخوا مش عارف يظبط البلد ويمشي كلمة وكل ده تمثيلية
بجدربنا يرد لهم كل الناس دي اخطر الف مرة من اليهود على البلد العدو ال من برة اهون من العدو ال من جلدك

Tarkieb said...

طيوري
لو بصيتي مين دلوقتي معارض حتلاقيهم انواع كتيرة...نوع بيكره الاسلاميين اصلا وخصوصا بعد اكتساحهم للانتخابات ودول فيهم احزاب وفنانين وبتوع الفرفشة والحظ.وناس عادية......وحتلاقي نوع بيكره الاسلام أصلا ودول الملاحدة والاقباط ...وحتلاقي نوع بيكره التغيير اللي حصل في مصر ودول بتوع الدولة العميقة زي رجال اعمال واعلام وبوليس والخليج وفلول وفلافل....وحتلاقي نوع لشباب ديكتاتوري استفاد من الثورة بائ طريقة والسلام...فلوس ومعونات زي اسراء....شهرة زي نوارة ......فولورز في التويتر زي الاف من ثوار الماوس كليك واللسان الزفر ......لاحظي حاجة دليل على كلامي حركة ستة ابريل ابقى تعالى قابليني لو عفيفي ولا ماهر سابو رياستها....ابقي قابليني لو ثوار الماوس كليك هديو ...دول حيفضلو كدة زعماء لحد اخر العمر...

طيوري said...

يسيبو رياستها ايه وهما في عز العمل الثوري اشنقوا وبيتبادلو الاتهامات
كلامك صحيح عن تصنيفة المعارضة ممكن يكون كلامي فهمته اني اقصد ان كلهمخونة او قابضين لا طبعا بس
هما اطياف كتيرة جدا
اتجمعوا واتوحدوا على هدف واحد(كره الاخوان واسقاط مرسي وكرسي في الكلوب) بس اسبابهم كختلفة
ولكن ال يتحد مع الشيطان المفروض ما يغضبش بعدين لما الناس تسميه حزب الشيطان

Tarkieb said...

Tears
السلفيين ناس كانت في عزله عن التاريخ وعن الواقع ورغم ذلك تكيفت بسرعة جدا مع الواقع تحسن ادائها وقدمت تنازلات رهيبة مثلا انها لم تصمم على تطبيق الشريعة....وقفت مع الشرعية رغم انهم كانو ضد ادستور اصلا....وكانو ح يصوتو بلا....استحملو الكذب والتضليل عن اخبار كاذبة عن الدستور وعن ميلشيات رغم هم اللي بيموتو وبيتحرق مقراتهم...استحمال نظرة التعالي والغطرسة وقلة الادب ونعتهم بالخرفان......اللعب باسلوب سيب وانا سيب بعد ماكان ح يخشو قصر الرياسة ويعلنو مجلس رئاسي كل ده وبرضه عملو حاجات ....تعالي بقى للنخبة ....قلة ادب ولسان زفر...فتونة حقد...غباء.....تحالف مع اعداء الثورة....يبقى مين ذاد ومين قل؟؟؟؟

richardCatheart said...

يا خبببببببببببببببببر ابيض انت ماتعرفش انا اتبسطت بالجرافيك دا ازاى انت اسعدتنى وليا اسبابى الخااااااااااااااااصه اشطه عليك يا ابو التيك

Unknown said...

هههههههههههه كل مدا ما بتزيد أجرام

بسمة الورد عطر المشاعر said...

جميله دايما فلسفتك الساخرة

احترامى لقلمك وافكارك تراكيب

Anonymous said...

Ya akhi ete2y rabena, ba2a da7y khalfan howa moshkellet masr... ma kontesh a3raf ennak ikhwangy sameem keda... bas elhamdullilah, bloggag fada7ak...

Anonymous said...

Ba2a el salafeyeen masamemoush 3ala tatbee2 el sharee3a kamela? Omal kol el mawad beta3et el Azhar wel mazaheb el arba2a we tafseer el mabada2 deih eih? bet2asses le dawla 3almaneya?!? We awel mara a3raf enn el salafeyeen et7ara2lohom makarat!!!! We ezza kan asdak 3ala makarat gama3tak, nefsi ashouf sowar le makar wa7ed et7ara2...kol el sowar elli shoftaha le kanabtein ma2lobein we shwayet wara2 tayer... el ghareeba ennek mabetgebsh seeret fashal ra2eesak we gama3tak fe 7okm masr le modet 6 shohour... yakhdo qarar we yerga3ou feeh beleil... sawa2 el korsi walla el na2eb el 3am, wala ra2ees wezara2ko el fashel elli 3awezna nelbes lebs otn 3ashan newafar el kahraba... ka2enohom beydeero 3ezba men maktab el khayeb...asdi el shater

Tarkieb said...

richardCatheart

ربنا يبسطك كمان وكمان هههههه ودايما منوراني...

Tarkieb said...

ShaiMaa Gaber

ههههههه انا والله ابدا.....ده انا غلبان...منوراني

Tarkieb said...

سمة الورد

ربنا يخليكي يافنانة ....وده بعض ماعندكم

Tarkieb said...

Anonymous

بقى تكتب كل ده وبرضة تنسى اسمك؟ وانا اوجع نفسي ليه وارد على واحد مجهول....كلامك كله مردود عليه....بعدين واذا كنت مش مصدق باحتراق احزاب الحرية ح تصدق بحرق مقر النور....مجد سيدك يا معلم وروق كدة وان شاء الرب كدة تهدى لما الدستور يمشي وكلها يومين وتنسى الكلام اللي انت قايلة ده .....وياريت تبقى تكتب عربي انت نسيت ان مصر دولة عربية مش افريقية ولا شرق اوسطية طبقا للدستور اللللوز الللوز....

طيوري said...

سبحان الله انا كنت عاوزة اجي اقول مبروك الدستور على مصر
بس قلت مش معقول اجي وايدي فاضية
لازم اجيبلك هدية شوية زيت وسكر من بتوع الاخوان ال وزعوهم علينا
لقيت ان الزيت والسكر وصلو المانيا من والمانيا اتأخونت وال كان كان
http://www.el-wasat.com/portal/News-55689121.html

طيوري said...

المشكلة ان الشكاكين مش عاوزين يشوفو الا ال هما عاوزينه ان الدستور كارثة والاستفتاء مزور وان كل واحد قال نعم سطحي وجاهل وامي او اخوان
عشان كده كندا كمان قلبت اخوان بعد امريكا والمانيا

http://www.fj-p.com/?t=36820&m=2L

طيوري said...

ههههههههههههههههههههههههههه
يا اخوااااااني افتكرت اغنية الضحرورة يا اخواااااااااااني حبيبة امها
في ناس متخفية مش قادرة تواجه بس لو كانو بيعرفوا يقروا
وتعبوا نفسهم حبتين وقلبوا في البلوج كانو فهمو المخ ال بيتكلمو معاه
بس معلش هو ده تحدي المرحلة ههههههههههههههه

طيوري said...

معلش انا لكييييييييت شويتنين ويمكن اكون عكيت شوية بس انت كنت مديلنما التصريح لما كنت بادخل انا وترتر نلعب
يلا يجلعه عامر
بس مايخلصكش الكلام يتحشر في زوري

Tarkieb said...

طيوري
ههههههههههه دلوقتي اللي يقول رأيه ومايمشيش ورى القطيع وورى الحج صبوحة والبرادعي يبقى أخوان..سبحان الله انت بتقول مرسي يبقى انت اللي قتلت بابايا...

Unknown said...

معلش ياتركيبوا
فهمى تقيل شوية
ومافهمتش قصدك ايه
لكن المهم عندى أنك رجعت بالسلامة ودى أهم حاجة :حمدلله على السلامة ياتراكيبوا

Anonymous said...

7abiby ana akteb bellogha elli ana 3awezha we madam ta3abt nafsak we radeit 3ala kalami (ma3a enni wa7ed maghoul) kont radeit 3ala kol no2ta ana etkalemt feeha badal el kalam el khayeb elli la ywadi wala ygeib beta3ak we beta3 gama3tak lama tetzen2ou we tebda2ou teshtemou felli odamkom badal ma trodo beldaleel wel 7ega....

El magd le Yassou3...Merry Christmas ya gamil....

richardCatheart said...

كل سنة وانت طيب يا تيكو يارب نة جديدة سعيدة اللهم امين

givara said...

المعارضه قعدت تلاتين سنه تعارض وتناضل بس من المكتب من تحت جهاز التكييف
ولما جت الفرصه فوجئو ان ملهمش ارضيه فى الشارع
تحول الأمر من قدره على المعارضه
الى انا عارضت قبل كده فعايز حقى دلوئتى وخد بالك الشارع لما ممشيش وراهم بئى شارع زيت وسكر
يعنى برده هما صح والشارع هو اللى كلب ارمنت
انا عندى حل ميخشو مكاتبهم تانى الجو حر فى الشارع

أمل حمدي said...

كل سنة وأنت طيب وبخير يارب

طولت الغيبة يارب تكون بخير