Friday, November 7, 2008

سيبني أقرب

كل ما ببعد أفكر فيك وأبعد أكترأقرب ليك

الصبح كله أنادي عليك والليل بطوله أحلم بيك

أشوف في حلمي بس عينيك وأفتح عينيا برضة ألاقيك

في الحلم أخاف أمس ايديك دا من غير ما تطلب والله أفديك

ولو حبي داء بالداء أداويك وأقول ياحبي أزاي أداريك

و لما تخاصمني برضة شاريك وفي حبك أنت مفيش شريك

بس أنت قولي أزاي أراضيك عايزعينيا والله أديك

وسيبني أكترأقرب ليك دا أنا كل ما ببعد بفكر فيك

>

or

10 comments:

سندريلا said...

حمدلله علي السلامة يا عم تركيب
ايه الجمال ده يا عم الحج

بجد حلوة حلوة حلوة

بقالك كتير متكلمتش كلام عاطفي كده

بجد احسنت يا تركيب
وعودا أحمد
ومتقولش احمد مين

بصقف ليك بشدة يا تيكو

Tarkieb said...

الحمد لله انها عجبتك وسلامي لاحمد ولولو وسوسو كمان ياست العرايس...

Anonymous said...

بجد تحفه وانت فى الرومانسى شىء تانى عسل ياتركيب
ربنا معاك ويوفقك وتدينا الحلو ده

Tarkieb said...

اي خدمة يا لولو ابقى سلمي على رضوي

Anonymous said...

والنعمه لازم حد يكتشف موهبتك
مش ممكن ع الجمال حلوه اوووى
جميله زى ماتلومنيش فى نفس قوتها كده
ارفعلك الشابو
فى انتظار كل جديد

Anonymous said...

نسيت اقولك انى نهى
هههههههههه

Anonymous said...

حلوة جدا يا تيكو---وفعلا البعد دة فى الحب يقرب اكتر----------- نيهال

Anonymous said...

ايه يا سيدى الكلام الجامد ده ما شاء الله عليك تحفه بجد مش انت اللى تحفه انما الشعر طبعا والموسيقى والصور كله حلو اوى منك
انت فى الرومانسى جامد جدا جدا بالتوفيق يا عم تيكو

Anonymous said...

يا سلاااااااااااااااام اشوف فى الحلم بس عينيك
يا خبر على الكلام الحنون
وحتى لو خاصمك برضه شاريه كده بقى المفروض انه يتغر اوى ههههههههههه
ما تقرب حد منعك

ساسو said...

الله عليك ياتركيب بجد
كلماتك جميله أوي
بالذات القسم دا عجبني أوي
انت دمك خفيف أوي
ومدونتك جميله جدا

دمت بحب وخير