Saturday, April 11, 2009

حسن زعبولة


21 comments:

alexmon said...

ايه ده الحلاوة دي
كل ما ادخل الاقي حاجة جديدة؟
مش ممكن

alexmon said...

شوف
عايزةاتناقش معاك
ومش عايزاك تزعل
عايزة اخلي البساط احمدي
بس مش بحب اقول تيكو
هاقولك كيبو زي مروة كانت بتقولك كده
اوك

زهراء said...

ايه يا عم تيكو الحاجات الجامده دى حلوه اوى
امبارح كات ايهاب توفيق والنهارده شعبان عبد الرحيم لما نشوف اخرتها ايه يا تيكو

صوتك واضح ان شيشة جدو اثرت فيه اوى بقى خشن كده

زهراء said...

نسيت اقول فين اللينك يا تيكو هو انا كل مره لازم افكرك ايه الحكايه هو انت بقى عندك زهايمر او يمكن اتعديت من حد تعرفه

alexmon said...

اولا من حيث الكلام
فهو تحفة
والاخراج
والصوت طبعا جديد
ومش مكرر
مع انه هو هو انت
والكوميديا عالية جدا
بيخبط في الحلة هي مش حلة واحدة ده المطبخ كله

بس اول حاجة محتاجين ترجمة
في كلام كتير مش فاهماه
فسكونيا اكيد حاجة مش كويسة
لاني عارفة رايك في الجزيرة
وده بقى رايي على فكرة انا كمان بعد ما كنت بحبها
وعلى فكرة كمان ده راي واحد صاحبك
انت غيرت وجهة نظري فيه
كنت بتقول عليه فقري
وقلت عليه متى يتاسد
يعني ايه كام عزة؟
وياه بتاع بيرمة اللي هي البلد بتاعة حسبة بيرما؟
ولا تقصد ايه
معلش طول نفسك معانا

دلوقتي شعبان بقى واد فلة ؟ من امتى ؟
بتغير قناعاتك
وايه علاقة الكاس بحماس باللي احنا بنقوله


اما بقى الجزء المهم
فاكيد الشيعة احنا كلامنا عنهم ش ده مكانه
بنتكلم عن زعبولة كسياسي
والوطنية مش عيب
ولو عيبنا عليه انه استخدم اراضينا في تقديم خدماته للفلسطينيين
فعذره الوحيد
انه مافيش حل تاني
ناس بتتخنق وتموت
واحنا بنتفرج
وليه مانقولش ان حكومتنا بتكون بتعلن انها ضد الانفاق لكن من تحت الترابيزة مطنشة عن اللي مش معروف للناس
مساعدة منها غير معلنة
وفي نفس الوقت محافظة على سياستها الخارجية وحاجات تانية
ده رايي وامنى انه
ما يقلبش في البلوج ريحة القرفة وتبقى قرفتي خفيفة على البلوج

Anonymous said...

ههههههه

طيب خلينا في السياسي
لكن اوعى تنسى
الرومانسي مرة كده ومرة كده
زنوبة

Tarkieb said...

يا ستي اليكسمون خلى البساط احمدي وقولي اللي تقوليه انا مش بزعل والله فكرتيني بمروة ياه بقالي سنين ما سمعت عنها... شوفي ياستي فسكونيا يعني اونطة وفشنك.. كام عزة يعني عزة المقاومة عزة الانتصار عزة البق الكبير وفي الاخر كله اونطة.. بتاع حسبة برمة اقصد به اللي منبطح للامريكان وعامل نفسه ابو المقاومة وزعيم الامة العربية ومحرر معبر رفح مع ان طيارات امريكا هي اللي كانت بتوجه الصواريخ على غزة ومشي حالك..شعبان مش فلة شعبان بيتكتبله كلام فله وانا لسه عند رأي انه سكران ومحشش طينة بس كلامه يعني الاغاني فلة.. حزب الله عميل للشيعة الصفوية الايرانية وتختلف عن الشيعة العربية الاصيلة.. ولكن الايام اللي فاتت اتباع للغلابة حاجات كتيرة غلط الهزيمة كنصر الضرب على القفى صمود حتي لما واحد يفجر نفسة في شوية نسوان او عيال بقى شهيد.. وزعيم عصابة بتعتمد على بيع المخدرات زمان ودلوقتي على فلوس ايران الى زعيم الامة العربية ورمز الصمود مع انه زعيم وشيخ منصر

Tarkieb said...

ازيك يا بطة معلش انا مانسيت اللينك بس عملتها قوام قوام ... بس ح احطة قريب جدا وكويس انها عجبتك

Tarkieb said...

نورتي يا ابو الزنانييب ويارب اكون عند حسن ظنك دائما

زهراء said...

على مهلك يا تيكو

واحده واحده
خد راحتك على الاخر
انا مش مستعجله
ربنا يقويك

Tarkieb said...

حطيت اللينك يا بطة اهو اي خدمة

زهراء said...

شكرا يا تيكو
مش شكرا واحده مليون شكر يا سيدى

Anonymous said...

بص يا تيكو انا مش هقولك غير
يسلم فومك يا واد مصرى يا ابن بلدى ياهرشهم وطبعا انت فاهم معنى هارشهم ولا
عايز ترجمه زى مونا هههههههه انت قولت
كلام كان الواحد عايز يقوله ومش عارف
والله يا تيكوالموضوع دا فقعنى من انمبارح
ولادتتتتييييييتتتتتت وولادتتتتتتييييتت
شكرا يا فنان انت فعلا عبرت عنى المرة دى بجد جدع ياابو التيك
وماله شعبان عسل جاهل صحيح بس بيقول
فى المليان حشاش صحيح بس دماغه احسن من ناس كتير معها جاه وسلطه ونفوذودماغها اوطى من الرصيف على الاقل هو معه عزرة فى النهايه جاهل
ريتشارد قلب القط

Tarkieb said...

كويس انك يا قط فهمتي اني هارشهم المرة دي.. بس الغريب انك ما اتفقت معايا على كلام حماس انهم عالم اونطجية واهم حاجة عندهم الحكم ولو كنت سمعتي كلامي بالراحة كنتي ح تعرفي اني تنبأت بحرب غزة وقلت انهم مش عايزين الهدنة خلاص عشان المقاومة والافلام الهندية وضغدغة القلوب وبعدين هب حصلت الكارثة ودخلو النفق واستخبو وسابو الشعب يتقتل مع انهم ياما هارونا كلكم راعي وكلا مسئول عن رعيته .. وتلف الايام والهدنة اللي كانت ساعات كلامي كخ بقت حلال بعد الحرب وح تتجدد وسلملي على الاونطة.. انتو بقى فهمتو اني ضد المقاومة واني بشجع الاستسلام.. بس هي فين المقاومة كل واحد له هدف في نفس يعقوب .. واهو عمنا شيخ المنصر اللي الناس كانت شايله صورته في مصر رمز المقاومة بقى زعبولة..ز اما كاظم في ده عميل لصدام وده كان فيلم عامله على الناس انه معارضة.. طب بزمتك عمرك شوفتي كاظم فتح بقه.. معلش يا قط تعيش وتاخد غيرها

Anonymous said...

ليه غريب ابقى معاك المرادى
انا صحيح كنت شايفه ان ان حماس هى المقاومه بس دا كان زمان وخلاص اتفضح المستور والكل عرف اللى بيحصل كلهم عملاء واصحاب مصالح وانا كنت فاهمه انك مش ضدد المقاومه بس مش عجباك ودا من حقك عادى وخلاص الكل عرف اللى فيها وحماس جايه منين ورايحه فين واخبار الصفوين ايه وعيزين ايه
وان كان على كاظم عميل عميل دا لنفسه
انا مش بحبه هو انا بحب اغانيه وصوته رائع يا سيدى اهى خلاص اطربقة على دماغ اللى جبوه
عقبال ما تطربق على حسن زعبله ابو قله هههههههه
شكرا يا تيكو ومتتاخرش علينا فى الجديد

Anonymous said...

معلش يا تيكو ناسيت اكتب اسمى هههههه
ريتشارد

Tarkieb said...

تورتي با قط اهي حماس طلعت بيان تضامن مع حزب الله ... شوفتي اتلم تنتن على تنتون والاتنين انتن من بعض...

وبكرة تلاقي تالتهم الطابور الخامس الجماعة المحظورة على الخط هي كمان

كلهم شكل بعض

Anonymous said...

ههههه تنتوت وتنتن ماكانتش محتاجه بيان تضمان هى القلل بتحن لبعض
اصل الصيور عل اشكاليها تقع
وان كان على الطابور الخامس بادام فى مصلحه هتلاقيهم فيها مهم زى البقدونس محشورين فى كل حاجه اللى لها لازمه واللى ملهاش بس متقلقش طول ما هما هنا على قلبهم مش هتقوملهم قوما
وشكرا يا هتلر يا اخويا
ووحشنا اللعب على السايت بس استنى على الاسبوع الجاى علشان ميرو يكن خلص امتحانات

Anonymous said...

والله انت قلت اللي احنا كلنا قلناه.....بس انت بتضحكنا وانا ساعتها فرقعت....

سندريلا said...

حلوة أوي أوي يا تيكو حسن زعبوله دي
بجد حاجة جامدة جدا
انا هنت متغاظة بس كلامك هداني شويه شويه يعني
كام واحدة كده من دول وكسر الدنيا

مش كت عليك
ومعلش يا تيكو ان الرد بيجي متأخر بعد كام وعشرين رد
ربنا يزيد ويبارك
انت عارف اني مش ممكن اتأخر عليك ابدا

في انتظار المزيد يا أبو التكاتيك

Tarkieb said...

نورت يا ساندي باشا وبلاش تتأخر تاني ... واعوى تزعل تاني ده زعبولا ولا يسوى