Wednesday, August 19, 2009

سيلجومنيا


سيلجومنيا (syllogomania) كلمة مشتقة من sylloge وهي تعني التجميع وكلمة (mania) وهي تعني الجنون ... ببساطة سيلجومنيا تعني جمع اشياء كثيرة بدون تفكير وغالبا ما تنتهي الحالة بأن الشخص المصاب قد يغرق في المزبلة او الكركبة الناشئة عن ذلك المرض... المرض له اسماء كثيرة بالعامية مثل مرض ديوجين السنوبي وهو أسم فيلسوف أغريقي كان يعيش في برميل أو مرض الأخين كوليار

(Collyer brothers)

ما علاقة ذلك بحكايتي الجديدة.. وبجارتي العزيزة أم صفوت.. ذلك ما سوف تراه حالا



43 comments:

Anonymous said...

اول تعليق
علشان نثبت وجودنا
قرفة

richardCatheart said...

ممتعه
انا حطيت الكلمه دى فى الاول لانها اول احساس جاللى اول قريت الاول المعلومات عن السيلجومنيا وبعد سمعت
انا مش من النوع اللى بحب القراءه لاكن استمتعت بالمعلومات لانها فيها ماقل ودل بطريقه بسيطه ومكثفه بسرعه لقيت نفسى جمعت معلومات عن مرض نفسى ماكنتش اعرف عنه حاجه ولبسطه عرضها اتحفرت فى الذاكره
الحكايه لوحدها بقى حكايه تانيه شخصيه ام صوفت الست اللى تبان ن جوزها غيظها بتصرفاته وبحركاته وهى تغيظ بلد وتتفتلها مخضره برسيم
الواحد وهما بيتكلمو كانه شايفهم
وشايف رجليه رائعه الجمال زعزيع القصب
بس اكتر حاجه عجبتنى المحلاوى والله يا تيكو دا تسجيل لوجد جيل انقرض من المحلاوى وانتهى هههههههههههه
بس والنبى عمك خلو صعب عليا اوى وهو قاعد يحكيلك عن الست واللى عملا فيه الراجل عايش وسط العلب اشى سمنه واشىزبادى
ليه حق يحب عليها سوده سوده احى احسن من ام انتريه دى
سوده وبحبها كوده وبحبها
هههههههههههههههههههههههههه
والاحلى بقى القفله ملهاش حل ليك حق
مش ترقعلها سدغها دانت علقها فى النجفه مش كتر خيرك هههههههههههههه
رايح تغير الامبوبه وسايب اللى وراك
الاحلى بقى انك ماشاء الله كل مرة احلى من الللى قبلها بحس بفرق المؤثرات بتبقى احلى والصوت مشاء الله احى وطريقه الاداء احلى
شايفه الحكايه دى متكمله
ملحك مظبوط اوى المرة دى يا بو التيك
وهاسمع تانى واقول
ترتر

Anonymous said...

ههههههههههههههههههه
حلوة اوي يا سلجومنيا يا معفنة
والله معلومات رهيبة واول مرة اعرفها
ان ده مرض والله برافو عليك يا دوك الف شكر على المعلومة مش بس حدوتة ننام عليها لا ده معلومة في كبسولة
حقنة يادوك
ههههههههههههههههه
والله جميلة جدا
مش ممكن
وصوت المؤثرات تحفة صوت المية وصوت الابواب فكرتني بمسلسلات الراديو حاجة احترافية بجد
بردو شغل قافلة مبدعين
والله
وصوت الكلب اللي بيرد علي كلامك كانه لما رد عليك بياكد على وجهة نظرك
وبيرد على ابو صفوت كانه بيقول له امشي من هنا سيبنا نرتاح
والعقدة اللي اتربت لك من رزعة الباب وانت بترقع لها سداغها
ههههههههههههه
والله ما عارفة اقول ايه ولا ايه
سودة وبحبها كودة وبحبها
هههههههههههههههههههههه
والله مش ممكن تحفة وكارثة

بس انا ليا سؤال الاشخاص دي حقيقية ولا من وحي خيالك
يعني لو حقيقية مش خايفة من مساءلة القضاء ولا انت متطمن ان في عربية مليانة محاميين راكنة جمب البلوج تحت امرك
يارب يستر وتسلم ايدك بجد امتعتنا


قرفة

Anonymous said...

والله مش ممكن انا كاني شفت والله على راي ترتر
بس انا بقى شفت ام صفوت وهي داخلة في ايدها البنطلون مش بتديه لابو صفوت لا دي بتحدفه بيه في وشه علشان تسكته ويبطل فضايح قدام الناس
اللي هو سي لطفي طبعا

Anonymous said...

قرفة
بردو نسيت اكتب اسمي مافيش فايدة غلب حماري والحمار هو اللي مش بينسى

Anonymous said...

الف مبروك ع الشغل الجديد يا دكاترة ان شاء الله نسمع على رواقة واجي اعلق حبيت بس اهني ع الشغل الجديد واعتذر مكنتش بدخل عشان مكنتش هنا
كل سنة ودايما كلكم في سعادة
رجاء ونادية ههههههههه طبعا فاكرني ..اختك

richardCatheart said...

ههههههههههههههههههههههههههه
انا بضحك لان اخر حاجه سمعتها القفله
طبعا جامده جدا انا شيفاك اهتميت بالتفاصيل جدا عارف لما حاجه يكون الفنش بتعها حلو اهى كده الفنش عندك حلو جدا
يعنى لما فتحت الشباك وقولت ياسيلجومنيا يا معفنه ههههههههههههه وبعد كده صوت الكلب ياكد على كلامك وبعدين سمعت صوت خلو بيقول سوده وبحبها كوده وحبها انت عامل الصوت جنان
وهو بيغنيها سوده وبحبها وبتعمل مزيكه تصوريه شهقه بسيطه وبعدين كوده وبحبها
لالالالالالالالالالالا جميل اوى
وبعدين جدك دا مشكله ايه الراجل العثليه دا اكيد كان مدوخ البنات وراه ايام الشقاوة
والنبى نفسى اقعد معه حبه انن يطلعلى العقد والشراشيب المستخبيه
ونضف النفسيه
جميل والله جدا ودى من الحكايات اللى استمتعت بيها جدا بطريقه كتبتها وطريقه اداء الجميله وبالاصوات والشسخصيات كلها حلوة
مبررررررررررررررررررروك
يا تييييييييييييييييييكو

Unknown said...

افـــــادك الله ياتركيب
بس انا اعرف ناس مش عيانين
اوى بالمرض ده لكن استفادوا كتير
من الكراكيب بتاعتهم وصارت بردون يعنى كراكيبهم وكراكيب الجيران تجيب لهم مبلغ كويس كل ما يقدروا يجمعوها ويجددوها بقدر الامكان وبعدين
يبعوها بالشىء الفلانى:)

Unknown said...

نيجى بقى للصوت
والمؤثرات الصوتية
والموسيقى التصويرية كمان
ممممممممممممممممممممممتازة

انسجام....يحلوالكلام said...

ميرسي ليك ياتركيب
كوميديا ومعلومات
وصوت رائع من الاخر
فنان
كل سنة وانت طيب

زهراء said...

كل سنه واالجميع بخير وسعاده
يااااااااااااارب رمضان كله خير ان شاء الله على الكل
احسنت يا تركيب فى الاداء
الحكايه بقى المره دى تحفه بجد اخيرا سمعت حكايه عن طنط ام صفوت
حكايه فكاهيه لذيذه جدا جدا المؤثرات تحفه بجد
دور الراوى جامد اوى
عندى ملاحظه واحده صغيوره خالص مالص كان من الافضل ان تغير نبرة صوتك فى اداء دور ام صفوت يعنى كنت افضل نسمع صوت سيده
معلش بقى ده رأيى بس طبعا الاداء حلو جدا جدا
انا شممت ريحة كمون وانت تتكلم
اكيد طبعا دى كمونيه لحمه مش كده
صوت جدو تحفه اوى لكن اشعر ان فيه بعض النهجان اكيد بيشرب شيشه كتير
صوت الرواى هادى اوى اشعر معاه بحاله من الروقان

الايكو اللى موجود فى صوت لطفى لما قال سيلجومنيا تحفه اوى وصوت الكلاب اللى فى الخلفيه كمان مناسب للحكايه
اما صوت زوج ام صفوت لما كان بيغنى فى الاخر اشعر انه صوت حد تانى خالص غير صوت الرواى

انا كنت زعلانه من ام صفوت علشان قالت للطفى سلم على تيتا قولت هى مش تقول سلم على جدو وبعدين فكرت كده شويه وقولت اكيد هى عارفه انى اغير على جدو اوى ومش احب اى حد يتكلم عليه

فرحت طبعا بوجود جدو لانه العقل كله ورزين كده وشخصيه جميله بجد
هى طنط ام صفوت جابت الانتريه بتاعها اللى هو اصلا يخص سعد زغلول من فين ؟؟
اكيد جابته من مزاد يبقى طنط دى عقليه معمليه فذه بجد لانها من هواة المزادات زى حالى
اعتقد ان الحكايه لها هدف اخر غير تعريفنا بهذا المرض بس للاسف انا مش وصلت للهدف الحقيقى
اكيد فى حياتنا لازم نقابل ناس ممكن انها تحتفظ باشياء قديمه ده عادى لكن المشكله لما نقابل حد لازال متمسك بافكاره القديمه وعنده اصرار عليها


كل سنه وانت طيب يا تيكو بمناسبة مرور
عام كامل متكامل على البلوج ان شاء الله مزيد من التقدم فى الاعوام القادمه
اتمنى ان جدو يكون له دووور اكبر فى الحكايات القادمه لانك عارف انى مش عشاق افكار جدو وطريقة تفكيره



فى انتظار الجديد والمزيد يا تركيب عن قريب ان شاء الله

mimi said...

رمضان كريم

جاري تحميل الفيديو

كل سنة وانت طيب

mimi said...

تحفةةةةةةةةةةة


سيلجو - مااانياااااااااا

فكرة من الزمن ده said...

كل سنة وانت طيب
ورمضان كريم
جميلة جدا التمثيلية وسهرة جميلة في رمضان
نسهر معها كل ليلة
تحياتي

فكرة من الزمن ده said...

ميمايتي انتي هنا
وجدتك اخيرا
احتلي

فكرة من الزمن ده said...

باسمع انا وميمايتي
سودة وبحبها
هههههههههه

♥نبع الغرام♥♪≈ said...

السلام عليكم


رمضان كريم
كل سنه وحضرتك طيب

مودتى
نوسه النوسه كونوسه

ايناس

Anonymous said...

مجهود متميز جدا ياتركيب
كل سنه وانت طيب
شكرا

محمد الحج ريتشارد

سمكه واحده said...

حبيت اجيب اقول كل سنه واحضرتك طيب
كمان بشكر حضرتك علي التعليق الجميل
ربنا يبارك فيك
يارب اكون فعلا
ايه مش عارفه
ههههههه شكلي بهيس اصلي عاوزه انام
عموما اسعدني تعليقك عندي جدا ويارب اكون عند حسن الظن
رمضان كريم
تحياتي

سمكه واحده said...

كمان مش عارفه العيال اخواتي حطوا المايك فين عشان اسمع اللي بتقوله ده
ياربي معرفش عيال غلسه ودورت عليه بس لو سمعت بقي هيبقي الصوت عالي
عموما هدور علي المايك واسمع بقي
تحياتي
بس هو كركيب وامراض وحجات كده غريبه

صدفة جميلة said...

السلام عليكم
يعنى دى زيارتى الؤله ومش عارف هاتتقبلنى ولا اقفل الباب ورايه
بس عموما كتير جميل وياريت اتعلم منك الحاجات الجميله دى اهو نبقى استفدنا حاجه فى دنيتنا رخم صح بس بجد برافو على العموم هاخد برده الباب ورايه ومستنى زيارتك وخطوتك الغاليه لمدونتى ال اكيد مش غاليه زى بتاعتك بس على ادنا يارب تتقبل مرورى وسلام
اه كل سنه ياباشا وانت طيب وبخير

Anonymous said...

واللة انا كنت قاعد وحاسس انى فى تللك اللحظة وكنت عايشيها
دعدع

مهرة سالم said...

السلام عليكم ...
مبارك عليك الشهر

.....
في أمان الله

Anonymous said...

انا سمعتها اكتر من مرة ورجعت ايام زمان قوى وحسيت انى لسة موجود هناك هاها
دعدع

Anonymous said...

السلام عليكم ورحمة الله وبركاته

ازي حضرتك يا دكاترة يارب الصحة تكون تمام
الحلقة سمعتها يافنان جميلة تسلم ايدك ...ندخل ف النقد ياعمنا

- تملي بترسملنا خلال المسامع لمحات من الحارة المصرية من عادات وتقاليد وتصرفات وده شئ بيميز دايماً اعمالك يافنان
(حتى مرحمتش طريقة نشر الغسيل هههه في الاحياء الشعبية – دا غير ان الجيران لبعضها والجار ف خدمة جاره كأنهم اسرة واحدة ومافيش تكليف مابنهم )


- تملي لما بنسمع الشخصيات بتتكلم بالرغم من امتلاك كل شخصية لملامح مستقلة بترسم خطها الدرامي الخاص بها الا انهم ف النهاية بينصبوا في قالب واحد خارج من الحارة مهما اختلفت شخصياتهم وتباينت سلوكياتهم الا اننا ف النهاية بنشاور وبنقول دي شخصية من الحارة المصرية 100% لا تشوبها ولو نسبة 1% من أي ملامح غربية مع الاخذ ف الاعتبار ان الفنان صاحب العمل الاذاعي غير موجود ف الحارة المصرية وكان من الممكن بحكم غيابه عن الحارة ان تشوب شخصياته وتنعكس عليها بعض الملامح البسيطة الغربية ولكننا نجد ان العكس قد حدث فالشخصيات مصرية اصيلة وده اللي دايماً يميز اعمال حضرتك

- ولو اننا بنقول ان لكل فنان شخصية مستقلة بذاتها عن باقي الفنانين ولا يشترك معهم في بصمتهم الفنية حتى تكون له الشخصية الفنية المستقلة والا اعتبرناه مسخ او كوبي من اصل موجود فانت نجحت ان تكون شخصية مستقلة بذاتك لها بصمتها المتفردة .

- فعلى سبيل المثال اذا سمعنا او رأينا عملاً ما نشير الى العمل ونقول هذه بصمة الفنان الفلاني قد اتضحت على اعماله وبالتالي ينسب العمل له من خلال بصمته المميزة التي لا يشترك فيها فنان اخر ويصبح متفرد في اعماله .. فحضرتك فنان الحارة المصرية واذكر كلمة قد قلتها ولاتزال ترن بأدني للأن انا واحد خرج من حارة بالسيدة زينب ونقل معاه الحارة لألمانيا ..فأستقليت بما يميزك وعرفت صياغة الواقع الذي عشته ومن خلال ذكرياتك التي لا تزال بداخلك نجحت في اخراج اعمال عن الحارة المصرية الشعبية التي لم تطمث ملامحها بداخلك بعد .

اختك الصغيرة

Anonymous said...

نيجي بقى للمرض النفسي اللي بيستعرضه العمل الفني
تعرف يا دكتور ان بابا محتفظ بأشياء قديمة جدا ً بيعشق التراث وفنان له نظرة خاصة للاشياء
ممكن شئ عين الانسان العادي تراه عادياً لكن تتوقف عين ابي على ذلك الشئ ويراه من زاوية اعمق ويرى فيه جمال لم يشاهده غيره وده شئ جميل جداً ربى جوانا الحس الفني وان دائماً المعادن النفيسة مكمنها باطن الارض فقط اكتشفها وازح عنها التراب ..مش عارفة بقى ده مرض نفسي ولا ايه... بابا محتفظ بأشياء قديمة جدا عنده جرامافون واسطوانات لسيد درويش وام كلثوم قديمة جدا وبعضها مكسور لكنه لايفرط فيها ابداً ...كمان بعض الادوات المتوارثة من اجداد الاجداد فأذا فتحت البوفية تجد ادوات من فضيات ونحاسيات واكواب انيقة جدا بسيطة جدا خفيفة لدرجة انك لاتصدق انها زجاج وانها صناعة زماااااااااااااااان ... واحنا توارثنا عنه ذلك كلاً منا في هوايته التي تستهوية ..سامح بيحتفظ بعملات معدنية واقصوصات من جرائد قديمة واخبار غريبة ومحفظة جدي ومش عايزة اكمل واقول اغلفة لمنتجات اغذية قديمة وكتبه من اولى ابتدائي هههههه ..وانا مهووسة بالاكسسوارات والخرز ومحتفظة ببواقي انابيب الوان مائية وبالتات قديمة ولوحات ليا شبة مقطعة وكتب الشعر بتاعت ثانوي وقصص وكراسات بها وصفات طهي وكراسات وورق لاعمالي الفنية مش عارفة بقى اقول عيلة هواياتها فنية ...ولا سليجومانية
؟
اختك الصغيرة

Leave me aloon said...

مساء الانوار يا كابتن
على رأى الكابتن مدحت شلبيه:)
انا حبيت اعلق تانى علشان ليا اتنين كومنت
1- تغيير الاسم الى سيلكمونيه نسبة الى فوبيا اكل الكمونيه
2- ايه رأيك فى اكل الكرشه
ممكن تفهمنى يعنى ايه بنأدم ياكل معدة كائن حى؟؟؟؟!!!
ومسائك نادى
الحج ريتشارد قلب الأسد

مي said...

كل سنة وانت طيب رمضان كريم
بجد شغللللللللللل جامد جدا
عجبتنى ام صفوت المفترية
ههههههههههه
وحلوة ارقع فى صداغها دى حسيت بالمنظر بجد
ههههههه المؤثرات هايلةةةةةةة بجد واختيار الموسيقى رائع
دومت يا مبدع

شموسة said...

كل عام وأنت بخير
رمضـــ كــريم ــــان
أعاده الله عليك بكل خير

تحياتي لك
تقبل مرورى

Anonymous said...

اتا كل ماسمع ام صفوت افتكر سعد باشا وحكاية ابن عزيزةها ها
دخدخ

mimi said...

يعني مفيش جديد؟

لييييييييييييييه؟؟؟؟؟؟؟؟؟؟؟؟

Anonymous said...

على فكرة احننا احتفنلننا بعيد ميلاد ام صفوت هاها
دعدع

Anonymous said...

بعد ماسمعت ام صفوت
حياتى اصبحت سيلجومنيا
دعدع

Anonymous said...

واضح ان السيلجومنيا هاتنتشر اسرع من هاتشى وان بسببك ياتيكو
وبدل ماتعالج الناس هاتجبلها امراض نفسيه
يالهوى دى بقى نسيبه على راى فيفى عنده
ونسميه بدل سيلجومنيا سيلجو صفوتنيا
ههههههههههههههه

Anonymous said...

نسيت اكتب اسمى
ترتر قلب الاسد

كرسي أعتراف said...

تقديري لك وإجابي بأفكارك شديد
هل هذه مدونتك الوحيدة ؟

لك كل الود

Beram ElMasry said...

الهم تقبل صيامكم وقيامكم وأجعله في ميزان حسناتكم وعيد سعيد أعاده الله عليكم باليمن والخير والبركة أنتم وجميع الأهل

** بيرم المصري

هندسة وصفية said...

تقبل الله صيامك و قيامك و زكاتك و ادخلك الجنة من باب الريان
" و يرحمنا من السيلجمنيا"

اقصوصه said...

كل عام وانتم بخير

dr.lecter said...

كلنا سيجوملينيا

صدى الصمت - عاشقة الورد - said...

لأ بجد بجد مدونة جامدة مووووت
أحييك على المجهود الرائع المبذول
وعلى التميز والإختلاف
أتمنى لك مزيداً من الإبداع
تحياتى

Anonymous said...

بياض التيرى هههه- ده الواحد عجّز و اللهى

spiceman

سكندري said...

يا سيلجومنيا يا معفنة
هههههههههههه
فظيعة
جميلة أوي بجد
الله ينور عليك
المؤثرات الصوتية ملهاش حل
دقة عالية جداً
تغيير الأصوات من صوت أم صفوت لجوزها لجدك ليك ... صح الصح انت رائع

صحيح أنا حاسس أن أنا عندي سيلجومنيا ليه بقي ، أنا أي حاجة تقع في ايدي اقعد ادعبس فيها و احتفظ بيها لغاية ما اعرف استخدام لها ، و خصوصاً النت يعني البوك مارك بتاعي فوق الفظيع ،
هو أنا كده يبقي عندي سيلجومنيا ؟
هههههههههههههه

أنا حاسس أن المدونة دي لها باب واحد تدخل منه مش هنعرف تطلع
أنا بقيت أقعد عندك كتير أوي
ما تجيب لي كوباية شاي بقي
:)