Tuesday, April 6, 2010

حدث في مثل هذا اليوم


حرامية ٦ أبريل

كل اللي خرجوا حرامية عالم أونطة وشوضلية

أكيد دي حاجة كيدية ووراها عالم نكدية

و دماغهم راكبة وعاكسية وقلوبهم سودة وقاسية

دي عيشتنا فل ووردية مش شايف يا أعمى الحرية

والنعمة دي حقبة ذهبية لجميع مشارعينا القومية

بنعامل بعض بوطنية وكتير في جيوبنا النقدية

ومن جهة الناحية العاطفية بصراحة سعيدة رومانسية

وبفضل الخبرة الصومالية طورنا كمان الثقافية

وحكومة عادلة وقوية وحاكمة شعب ملوخية

وزرائها رمز الشفافية ووزننا ذاد م التغذية

العيش حدانا بكمية واللحمة حمرا حميرية

والخطة الجاية الخمسية متروسة وظايف هلامية

وأخترعت وصفة طردية لعلاج مشاكلنا العكسية

وح تبني مفاعل نووية شغالة بجلة مصرية

ويا سلام ع الساحة الحزبية أجدع من دولة أوروبية

ولا عاد في مشاكل أممية فلتحيا الأمة العربية

ولا تعرف معنى الشللية دي حكومة نزيهة وشعبية

شايفينها مشاكل نفسية من قلة محو الأمية

ويذيدها الغيرة الطبقية وغياب الروح الرياضية

وسجاير البانجو المحشية عامللكو هلاوس سمعية

يامعفن أنسى المدنية ف زيارتي ح أجبيلك طحينية

وهناك ح تحلي ببونية وح تقلع برضة الجلابية

و تخدلك جرعة أمنية وتبانلك أم الرفاهية

وتبطل شغل الحرامية وكفاية أونطة وشوضلية



34 comments:

فتاه من الصعيد said...

هههههههههه

واذا كان في حاجه وحشه او غير مرضيه

فالعيب في الشعب ابن الحراميه

اللي افكاره غير سويه

ودماغه مهلبيه :)

جميله الكلمات

كل 6 ابريل وانت طيب .... والشباب محبوسين :(

تحياتي

richardCatheart said...

انا الالفه به ت ث ج ح

احتلالالالالالالالالالالالالالالال اول تخته يا مثتر

بص انا اول مره شوفت 6 ابريل دى ماكانتش هنا كانت على اليو تيوب

جالى زهول لقتها بتاعتك ومعموله صوت اه دا سوت تيكو والصوره الله هو اكبر منوره هو تيكو

عجبتنى جداااااااااا الصور معبره اوى والغريب ان كلامها لسه شغال وتقريبا كده هايفضل شغال كمان عشه خمشاشر سنه كمان
ماسبتش حاجه ماتكلمتش فيها
6 ابريل بمضمونها كلها فى كلامك
المهم قولت مش معقول شغل تيكو الحلو دا مش فى البلوج سالت وعرفت انها من اول شغل ليك بس عدت عليا ماشفوفتهاش
ودى كانت حكايتى مع 6 ابريل
حبت احجز ورجعه تانى

richardCatheart said...

ويا سلام ع الساحة الحزبية أجدع من دولة أوروبية

ولا عاد في مشاكل أممية فلتحيا الأمة العربية

ولا تعرف معنى الشللية دي حكومة نزيهة وشعبية

شايفينها مشاكل نفسية من قلة محو الأمية

ويذيدها الغيرة الطبقية وغياب الروح الرياضية

وسجاير البانجو المحشية عامللكو هلاوس سمعية

يامعفن أنسى المدنية ف زيارتي ح أجبيلك طحينية

وهناك ح تحلي ببونية وح تقلع برضة الجلابية

و تخدلك جرعة أمنية وتبانلك أم الرفاهية

وتبطل شغل الحرامية وكفاية أونطة وشوضلية
ربنا يستر من اللى جاى ياريس
والنبى كلامك يعمر المخ
تسلم يابو ااتتتتتتتتتتتتيك

Ms Venus said...

يااربى



طب اقول ايه يا تركيب ؟


غلب ايه ده ياربى بس

Sharm said...

ربنا يخلصنا منهم

احاسيس آيوشه said...

ربنا يصلح الاحوال
تسلم ايديك

صدى الصمت - عاشقة الورد - said...

العيب فى مين ؟؟
هى دى الفزورة
تحياتى

norahaty said...

الفكرة:تركيب
الأداء: تـركيب
الأخراج: برضه تركيب
ايه دا!كل حاجة تركيب!
تركيب! تركيب!
دى أنانية ياتراكيبووا
مش عايز مساعدين:) ربنا يخليك
بجد كل مرة بتجيد العمل أكتر من اللى قبلها
والكلام مش عايزة اقولك
صح بحسب كلام الحكومة:)

مي said...

هههههههههههههههههههه
حلوة
ناوى على ايه بالظبط ها؟ فاهمنى اكيد يانصة(؛
ربنا ياخدهم ونرتاح منهم

تحياتنى يا ابو الروقان

اقصوصه said...

حلوه :)

malika said...

تحياتي على كلمات القوية
مدونة جميلة وكلمات أجمل و كل 6 ابريل و احنا منتصرين قريبا

داليــــــــــــــــــا said...

هههههههههههههههه

هايل هايل هايل

بصراحه وانا بقرء الكلام
حسيت فيه بنوع من التريقه
اصل حياتنا مهياش ورديه
ولما شفت الفيديو
اتأكدت من الا حسيته

بصراحه فوق الجمال

تحياتى الكبيره

Tarkieb said...

فتاه من الصعيد
وانت طيبة يادكترة
عندك حق العيب فينا احنا اما الحكم ياروحي عليه

Tarkieb said...

richardCatheart
لا ياحلوة انت التانية ع الفصل ههههههههه يعني شفتيهها في الكونترول زي قرفة ههههه... طب كويس انها لسه عجابكي بعد الوقت ده كلة شكلها كدة حتبقى زي اغاني عب الحليم لكل العصور

Tarkieb said...

richardCatheart
كلامي يعمر هههههه ربنا يخليكي دا حشيش بقى والصنف خلاص اختفى

Tarkieb said...

Ms Venus
ما تقوليش حاجة 80 مليون بقالهم 40 سنة مش بيقولو ... قولى يارب صبرنا

Tarkieb said...

Sharm

عرفت بقى ليه التواليت في الثورة اللي عندك كان مزدوج ههههه عشان تخلص منهم من اي واحد نورت ياعم شارم الشيخ

Tarkieb said...

احاسيس آيوشه

ونسلم رجليك ويارب تعاود الزيارة تاني

Tarkieb said...

صدى الصمت - عاشقة الورد

العيب فينا احنا ..مش عارفين نتحكم

Tarkieb said...

norahaty
اه كله تركيب وشوفانية ..ياسلام دا انت كفاية التعليق على الكلام ده زي الكريمة على التورتة

وكلامك انت اللي صح ..

Tarkieb said...

مي

ههههههه ناوي اتعلم ارقص تانجو .. عارفة العيب مننا مش بنعرف نرقص تانجو لو كنا بنعرف ماكانش حد عرف يكلمنا....وكان زمانك رئيسة وريحتينا...

اللهم اميين

Tarkieb said...

اقصوصه

انت احلى
حمد الله على سلامتك

Tarkieb said...

malika
وانت طيبة يا مليكا ويارب نشوفك قبل 6 ابريل الجاي

Tarkieb said...

داليــــــــــــــــــا

ربنا يخليكي

طبعا تريقة ده هم يبكى وربنا
شرفتينى بجد

Tears said...

البوست هايل بس بصراحة وقعت قلبى فى اول سطرين لانى صدقت و افتكرتك بعد الشر حزب وطنى فى الاول بس الحمدلله طلعت مننا
:)

الكليب كمان هايل

قريب اوى ح حط فيديوهات 6 ابريل


تحياتى

ماما أمولة said...

جميل انفعالك باليوم واللي بيحصل فيه

انا مش بحب السياسة ابدا وبكرهها

تسلم يا تركيب

Tarkieb said...

Tears

ربنا يخليكي على الكلام الحلو ده... انا حزب وطني لا طبعا هو في حد في مصر حزب وطني اصلا

طب ياريت تبقى تحطي الكليب بتاعي مهاهم بقى
شرفتينا بجد يا تيرس

Tarkieb said...

ماما أمولة
عندنا يا مرحبا يامرحبا ده احنا الليلة في عيد بجد... اوعي تكوني جاية ومعاكي العيار هههههههه
بجد اسعدني زيارتك

richardCatheart said...

هههههههههههههههههههههه
ايوة ياريس الصنف شاحح باجى عندك اعمر الطاسه
انت بقيت الصنف اللى بيعمرنا الجمجه
يلا رزقك واسع هاسميك الصنف لقب جديد اهو طول عمرك رزقك فى رجلك هههههههههههههههه
بس اوعى تتمسك به خلى الاسم دا هنا بس
وانت خارج حط فى جيبك تركيب عادى خالص

حابيت اعمل فكيكه اختنا فتاه من الصعيد سبقتنى


بقولك ايه انا حلمت امبارح انك عملت شغل جديد اسمه قله ادب عن ابراهيم حسن وحيسام حسن هههههه

واللى عملو فى الزمالك والله العظيم وبالصوت وكله بس كان نفسى افتكر الكلام ياخرابى انت بقيت رد فعل للشعب حتى فى العقل الباطن هههههههههههههههههههههه

وكعبو كعبو يارياسه يامعمر مخنا مش معمر القذافى هههههه

صدفة جميلة said...

السلام عليكم
بجد سعيد جدا لزيارتك ولكلماتك الجميله
بجد عارف انا كنت بكتب زيك كده زمان بس انت عارف الحريه فى بلدنا اشكال والوان كسرت القلم ومحت باستيكه كل الكلام فبقينا نردد جو سرنا فى همس بعد العبارات علشان نضحك على حالنا بس حتى الصمت بيخاف ما انت عارف الجدران فى بلدنا ليها ودان وكانهم سابوا الكل وسكنوا ورى الغلبان علشان مايقدرش يفتح ويكلم ولو حصل يقولوا جنان ويترمى ورى القضبان ما انت عارف الحريه وممكن يكون وقود للطاقه النوويه بدل الجله لان الجله ساعتها هاتكون اغلى شويه

بجد سعيد جدا بزيارتك وياريت على طول

dr.lecter said...

وهنفضل نقولها ونقولها ونقولها

فكرة من الزمن ده said...

فعلا رائعة من روائع حضرتك
السنة دية انت نشرتها والسنة اللي فاتت انا نشرتها بعد ماسرقتها طبعا
(وش عامل نفسو مش عامل حاجة)ههه
وقلت انها ممكن تبقى النشيد الوطني للاضراب ونغنيها في العيد القومي للاضراب
لما انا سرقتها حضرتك سكتت والسكوت علامة الرضا
يبقى كان لازما تطلب اذن النشر مرة اخرى من فكرة
عملا بمبدأأ سكتنى له دخل بحماره
تحياتييي

همسات دافئه said...

ههههههههههههههههههههههههههه
موتني ضحكا
حلوه كتير

ساسو said...

تسلم ايدك يا كنج
بجد كل كلامك في الجووووووووون
ربنا يوفقك ياصديقي