Saturday, April 17, 2010

يا حلاوة


حدوتي حكاية مصرية وبطلها هريدي وشلبية

بسلامته عجل فى جلابية وسنانه صفرا مصدية

شلبية حاجة عائلية بنظيمة كبيرة هلامية

في الطالعة ونازلة رياضية وبلوظة وسمنة طبيعية

والصدر دى حاجة خرافية و جيناته مؤكد بقرية

بترجرج أمه بعفوية وكأنه عضلة ارادية

وف اول بس الشهرية بتزورها الست سنية

وتفنن اصناف شعبية ولا اجدع ماركة تجارية

بتلزق زي العسلية وبتبقى القاعدة سحرية

تحكيلها افلام هندية ابطالها خبرة فنية

بيجيدو الناحية العملية وركوب الخيل العربية

ويجيلها هريدي العصرية تعبان من شغل الجمعية

فطش بايدها التقلية وتتدلع على امه شوية

فيقولها بوريه يا ولية قرديحى تملي الملوخية

فين ام اللحمة المشوية او حتتة كارع في صينية

فتقوله ياريتها الميزانية يا سبعي بس مكفية

فيعمر حتتة حمية ويقرفص جنب النملية

ويعيش العيشة الوهمية مع نفسه اخر شاعرية

والليلة ياعمدة دي منسية على طول في علاقة اخوية

ويقول دي مراتي كشرية على طول متضايقة وعصبية

أنا نفسي في موزة عصرية تلبسلى الموضة العالمية

ترقصلى رقصة بلدية وتزغط فيا بكمية

تك نيلة يا أبن الفقرية دا خسارة في أمك شلبية

حدوتي مؤكد حقيقية وحكتها تعيسة مصرية

73 comments:

Anonymous said...

اول تعليق المرة دي هههههههه اشوف الحكاية

قرفة

richardCatheart said...

احييييييييييييييييييييييه
هههههههههههههههههههههههههههههههههههههههههههههههههههههههههههههههههه

ياتيكو ياجامد هههههههههههههههههههههههههههههههههههههههههه

Anonymous said...

ههههههههههههههه
العقاب اللي شلبية عاملاه فيه في الصورة هو انسب عقاب انه يتبطط
كمان مش عاجبه وبينعي حظه وعايزة مزة
قرفة

richardCatheart said...

هههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه
الله يخرب مخك ياقرفه هاتموتونى من الضحك

كــركــبــة دمـــاغ ㋡ said...

هههههههههههههههههههههههههههههههههههههههههههههههههههههه

فـــــنــــان عـــــالـــمـــــي
حقيقي انت مبدع

ما شاء الله عليك

احب اسجل اعجابي الشديد بالمدونة عموماً

واشكرك بعنف عـ زيارتك ليا وترحبيك ، وكمان عـ لينك السيلجومنيا

ممتعه جداَومفيده

بس اطمن انا ماوصلتش لسه للمرحله دي من الكركبة ، واللي انا فيها كركبة وزحمة نافوخ وكراكيب افكار جوايا مش اكتر

انما انا مش بجمع الزباله واقول يمكن تنفع هههههههههه

انا ممكن اقول " سودة وبحبها كودة وبحبها "

ههههههههههههههههههههه

تسلم بجد عـ التراكيب الحلوة دي

أشكرك بعنف

و
تحـياتي جداً

richardCatheart said...

ايه الراجل الكافر بنعمه ربنا دا عايز موزه اكتر من كده ايه عنده موزز الدنيا كلها ههههههههههههههههههههههه

والنبى الست عدها العيب مش كافيه الافلام الهنديه اللى بتسمعها من الست سنيه وساكته وصابره

حرام عليك ايه دااااااااا

Anonymous said...

طب وانا اعمل لكو ايه مش هو اللي مش عاجبه شلبية هريدي ده

Anonymous said...

وكمان الست محترماه وبتقوله ياسبعي عايز ايه

طيوري said...

اكتب اسمي علشان انا نسيت مرتين

richardCatheart said...

خلاص بروح خلته لافى لحمه ولا كوارع بحححححححح

يطلقها ويرتاح ويريحها ويبطل حجج خرافيه
ويسب لغيره المهلبيه والعثليه
ههههههههههههههههههههه

طيوري said...

بردو مافيش فايدة قرفة اختفت وبتتكتب اليكسمون مش عارفة ازاي
اتخضت من الكلام المكتوب

طيوري said...

ههههههههه
الحمدلله رجعت تاني

تك نيلة يا ابن الفقرية فعلا خسارة في مامتك شلبية

فكرة من الزمن ده said...

انا قريت وتعليقي الوحيد ليه المرة دي الشغل من غير صوت
لكن في فكرة مهمة جدا في الموضوع
ان كل واحد بيشوف العيب في التاني محدش بيقرا عيوبه
جميلة كالعادة وفكرة جريئة ودمها خفيف
دمت مبدعاً متألقاً كالعادة
تحياتي

Ms Venus said...

ههههههههههههههههههههههههههههه



جميلة اوى يا تركيبوووووووو


ولا الصورة مش ممكن ههههههههههههههههههههههههههههههه

موتتنى من الضحك ههههههههههههههههههه


بجد جميلة

ههههههههههههه تسلم ايدك

فكرة من الزمن ده said...

ههههههههههه
مش ممكن لازم تتعمل صوت حا تكسر الدنيا
هههههههههههههه

richardCatheart said...

هاتفضل دمااااااااااااااااااااااغ

واللى عايز تقوله بتقوله

ياهتلر يا نازى
هههههههههههههههههههههههههههه

دا حتت دين بوست
لولا الملامه كنت فليت امه
بس هانعمل ايه ياخويا ما باليد حيله
السكوت ارحم

هههههههههههههههههههه

richardCatheart said...

انا كمان مع مع فكره عايزنها صوت

عايزنها صوت

عايزنها صوت

ههههههههههههههههههههههههههههههههههههههههههههههههههههههههههههههههههههههه

داليـ ـ ـ ـ ـ ـ ــــا said...

هههههههههههههههه

لذيذه بجد الحكايه

انتا عارف الستات المصرين بيحبوا الاكل موت
والخفيف فى الزمن ده صدفه
صدفه

وشلبيه اكيد بتاكل حلويات شرقيه كتير

ههههههههه

Anonymous said...

:))

مي said...

هاااااااااااااااااايا يا تيكو بجد المرة دى روعة
مالييييييييييييش دعوة عايزاها صوت ولو فى صورة مفيش مانع
وايده عالنوتة هع هع هع
؛)

دى شلبية طلعت مستقوية ومفترية
بس مش كلهم ياتيكو هههههههههههههه
وش بيطلع لسانه

صوت من مصر said...

مش بفهم فى الشعر لذالك لا استطيع الحكم

Anonymous said...

ههههههههههههههه
بعد ده كله عاوز يتبطر ع النعمة ويدور على موزة عصرية
طب دى شلبية دى حاجة اوريجينال خالص
على راى الست فاطمة عيد
حلاوتها زايده حتة ياكلوها الساعة ستة ياسى على لوز
ههههههههههههههه

بنت الحته

الشاعر الفنان أحمد فتحى فؤاد said...

رائعة يا أخى

إنت شاعر جميل

سلمت يداك

عايزه أشتغل said...

ههههههههههههههههه
لاجامده جدا
ربنا وفقك

مجرد بنت said...

هههههههههههههههههههههههههههههههه
ههههههههههههههههههههههههههه
هههههههههههههههههههههههههههههههه
ههههههههههههههههههههههههههههههه
والله العظيم ضحكت ضحكت بطريقة هيسترية
لا جاااااااامدة جداااااااا

dr.lecter said...

مسخرررررررررررررره

Anonymous said...

معلش جيت ارد على تعليق حضرتك في مدونتي هنا لغايه ماربنا يفرجها وارجع ارد على المعلقين واهو نوفر لحضرتك المواصلات :)

الكلمات الحمراء دي بتكون لو جمله احب ابروزها او لو محادثه

هو سؤال حضرتك قصده كده ؟؟

تحياتي

Anonymous said...

اعتقد ان الست شلبية موجودة فى كل ست مصرية
و سيد ابن الحجة سعدية ظلموة بجوازت شلبية
الصبح تاكل اللحمة فى صينية و بليل تديلة الحتة المهرية تسمن و تربرب شلبية و تفطس سيد القوية
حرام عليكى يا شلبية سوءتى الست المصرية
هستورد مزة صينية و احسن من كرشك يا شلبية
هسيبك يا قدرة معبية سمنة و لحمة وحاجات محشية
انا ضعت بسببك يا شلبية منك للة انتى و هية

عطش الصبار said...

جميله جدا
واللهى الشت شلبيه دى بطله ياعنى عماله تعمل ملوخيه قرديحى وما اتكلمتش وما طلبتش لحمه وبرضه مش عاجب
يستاهل اللى جراله فى الصوره
تحياتى

Tarkieb said...

قرفة
شوفي حضرتك

richardCatheart
يا ترتر ياجامد

قرفة
بجد الصورة معبرة هههههههه بس على فكرة انا عملت الحكاية ع الصورة

richardCatheart
سلامتك من الضحك

Tarkieb said...

كــركــبــة دمـــاغ

انت اللي دماغ اشكرك انك سمعتي الحكاية وانك جيتي كمان واشكرك على كلامك الجميل

Tarkieb said...

richardCatheart
ههههههههه عندك حق حاطة في بقها جزمة باتا وساكتة ومش عاجبة هههههههه

Tarkieb said...

alexmon

اه وبتقوله يا سبعي كمان

Tarkieb said...

richardCatheart

يا ستس ما يقدرشي يطلقها ح يتكشف في اول جوازة تانية ههههههه

Tarkieb said...

فكرة من الزمن ده
الاستاذة فكرة عندنا .. انا معملتهاش صوت عشان الكومبيوتر كان بايظ وكمان خفت مرتضي منصور ياخد السي دي ويوديني في داهية ههههههههه

Tarkieb said...

Ms Venus
الحمد لله انها عجبتك ومشكورة على تعليقك وزيارتك

Tarkieb said...

فكرة من الزمن ده

اول ما الكومبيوتر يتصلح نعملوها ايوووووووووه

Tarkieb said...

richardCatheart

هههههههه وماسك نفسك ليه ما تعلى ثوتك بالغنى هههههههه احلى انك ممكن تتكلمي وبرضه في السليم ههههههه

Tarkieb said...

richardCatheart

خلاص اعمليها انت صوت وانا اعملك اللحن ههههه زي بن بونجو

Tarkieb said...

داليــــــــــــــــــا s

نورتي يا داليا ويارب نشوفك تاني وتالت... وحياتك كله من المحشي مش الحلو ههههههه

Tarkieb said...

فتاه من الصعيد

ياخرابي علي بخلك بتكتبي الجملة في قصصك في صفحة فلوسكاب وش وضهر وعندي مستخسرة تكتبي

طب ياستي موشاكريين وليكي كمان
:))
ولو اني مش عارف ده ايه

Tarkieb said...

مي


هههههه البركة فيكي بقى اعمليها انت صوت انا والله الجهاز كان بايظ ويدوبك حطيت الكلام بالعافية عند الجيران ههههههه

Tarkieb said...

صوت من مصر

ولا انا كمان احب الشعر ولا افهم فيه.... نورت يا باشا

Tarkieb said...

بنت الحته

تصدقي الاغنية بتاعتك تمشي نظيمتها زايدة حته ههههههههه وماشية ع الحدوتة بالظبط

Tarkieb said...

لشاعر الفنان أحمد فتحى فؤاد
والله انت اللي شاعر كبير وفنان جميل ربنا يخليك على كلامك الحلو

Tarkieb said...

eman mohamed

ربنا يخليك ميرسي ع الزيارة

Tarkieb said...

مجرد بنت

يبقى انا كدة نجحت انا زرعت البسمة على وجه كل الناس ..ميرسي على زيارتك

Tarkieb said...

dr.lecter

نوررررررررررت يا دكتررررررررررررررررررة

Tarkieb said...

فتاه من الصعيد

موش اني اللي سألت السؤال عندك ده كان شارم بس برضه انا كنت بسأل نفسي نفس السؤال والله تقريبا قريتي افكاري

Tarkieb said...

Anonymous
ههههههههه دا انت شاعر عالمي ومحروق من شلبية ههههههه مش كنت ترد من زمان احط كلامك على كلامي ونعمل اتحاد السعد والريان

Tarkieb said...

عطش الصبار

ياه حضرتك فين من زمان عاش من شافك... ربنا يخليكي ع الكلام الحلو والتعليق الجميل

Anonymous said...

طيب :P

ليله شتاء said...

السلام عليكم
كلماتك جميله جدااا ما شاء الله


أسعدنى أضافة مدونتى الى متابعتك
دام التواصل ودام قلمك

Anonymous said...

ههههههههههه
مشيها حلاوتهاوخلاص
انت لسة بتقول مرتضى منصور
ده بيقفل فضائيات ودخل ع الاذاعة ويا عالم ايه تانى
ربنا يجعل كلامنا خفيف
بالمناسبة انت نسيت الافوكاتو ولا ايه انا مش ناسية لازم تكملها

بنت الحتة

well said...

هريدى ...ده راجل مفترى عاوز مزة وهو عنده مجموعة مزز فى واحدة
الفقرى فقرى
تحياتى

فتاه من زمن اخر said...

هههههههههههههههههه

يعيني دي غلبانه خالص بتاكل اكله بس
:D :D
حلوة بجد تسلم ايدك

Anonymous said...

جامده القصه دى
لا الكلمات فيها سجع كده
لابجد تحفه
تقبل مرورى
تحياتى

Unknown said...

(حدوتي مؤكد حقيقية
وحكتها تعيسة مصرية)
مؤكد حقيقية
ومتكررة كمان
والبركة فى الساقية
اللى الناس مربوطة
فيها ليل ونهاررررررر

Unknown said...

إنك لمتمكن
ياتراكيبووو:)

Tarkieb said...

فتاه من الصعيد

طيبة

Tarkieb said...

ليله شتاء

انت بجد مدونتك حلوة...دمتى مبدعة

Tarkieb said...

ليله شتاء

انت بجد مدونتك حلوة...دمتى مبدعة

Tarkieb said...

بنت الحتة


اتجمزي بالجميز لحد بقى مايجى التين....والله مشغول جدا بس ما نسيتها واسمعى الحاجات القديمة اشمعنى التليفزيون لسة بيعيد ابو حلموس هههههخ

Tarkieb said...

well
نورت يا فنان هههه عندك حق ده ماسورة الموزز ضربت عنده ومش عاجبه

Tarkieb said...

فتاه من زمن اخر

ههههههه بس اكيد من المحشى والرز بقى

Tarkieb said...

الشـوكة الــنـاعـمـة

حلو اوووي الشوكة الناعمة دي اسم غير تقليدي اما اجى اشوف في ايه عندك بقى .....

Tarkieb said...

norahaty


نورتي يا نورا....انا غلبان ولامتمكن ولا حاجة ...يعني لسة بتعلم اكتب والله

Anonymous said...

موش قصدي طيب من الطيبه

قصدي طيب يعني ماشي يعني حاضر يعني اوك

اديني رغيت اهو

اوك ؟؟ :)

Unknown said...

و الله انا بتحاشي التعامل مع الأنواع المماثلة للأخت شلبية...ليا معاهم خبرة سيئة...سيئة ايه دي منيلة بستين نيلة...
تحياتي...

ساسو said...

الله عليك
كلامك جميل جدا
والاجمل هو بساطته وخفته
بصراحه هايل يا فنان

همســـة عتاب said...

تحفة
الله يامبدع

كلمات من نور said...

حدوتة مصرية فعلا

بس ليه معملتهاش راديو؟؟؟؟؟؟؟؟؟؟؟

سامحني عالغياب باحول من شركة اتصالات لتي اي داتا واول ما احول حادخل عالفور شير واحمل موضوعاتك واسمع ومش حمسحهم ..خالص تحياتي

جوجو said...

السلام عليكم
كل سنةوحضرتك طيب
عيد سعيد عليك
تحياتى