Sunday, August 29, 2010

العنبر


إنت خلاص خفيت يا باشمهندس عدلي...وإن شاء الله بكرة تقدر تخرج -

-خفيت؟ هو أنا كنت عيان؟ وعدلى؟ هو ده بقى إسمي الاصلي؟ وباشمهندز كمان حتة واحدة؟ ربنا يكرمك طب ممكن تكلمني شوية عن نفسي مش يمكن أفتكر حضرتك؟

- بكل سرور يا باشمهندس...حضرتك الأستاذ عدلي كفتة وتقريبا مهندس كبير قد كدة في شركة الكهرباء..ويارب تكون إفتكرت دلوقتي

-كفتة؟ إيه الاسامي الدسمة دي؟ طيب أنا بعمل هنا إيه؟ ومن إمتى حضرتك بالظبط؟

- احنا ح نقعد بقى نلت ونشوي يا كفتة ونسيب بقى بقية العيانين؟ يا أبني العنبر كبير ومش معقولة افضل أتكلم مع كل العيانيين على طول ...كدة مش ح أخلص يا كفتة...

- متأسف .....يعني لو مافيها إحراج ..هو إسم حضرتك ايه بالظبط؟

- إسمي؟ هو أنت يعني كنت فاكر إسمك لما تفتكر إسمي؟

- طب جربني حضرتك...وبكرة تشوف.

- أما أشوف...شوف يا سيدي أنا إسمي .....إسمي........

-إيه ده إنت كمان نسيته؟

-نسيت مين يا كفتة؟ بقولك إيه روح خلص إجراءات الخروج بتاعتك في الحسابات وهناك أكيد ح يقولك بقى إسمي وكمان أسامي الفريق الطبي كله ، يالا قوام لحلح نفسك بقى يا سيد مكرم

- مكرم؟ أنا فاكر إني من شوية كان إسمي عادل...وتقريبا شغال مهندز كبير في شركة المياة...

- عادل؟ لا طبعا إسمك عمره ماكان عادل ولا إنت مهندس ولا حاجة ...إنت ظابط كبير في الجيش وإسمك مكرم زي ما قلتلك من شوية

-ظابط؟ بجد أنا ظابط؟ وإسمي مجدي كمان..أحمدك يارب .. وياترى رتبتي إيه؟

- كل اللي فاكره إنك تقريبا عميد وعلى وش لواء...مبروك ع الترقية يا أفندم ويارب نباركلك بقى لما تبقى محافظ قريب إن شاء الله

-محافظ حتة واحدة؟ يسمع من بقك ربنا...طيب أنا بجد نفسي أسألك سؤال ومكسوف

- لا حضرتك تؤمر بجد...إنت ناسي إنك على وش لواء؟

- آه صحيح وربنا نسيت...شوف أنا نفسي أعرف أنا هنا ليه بجد؟ وكنت خارج أعمل إيه بالظبط في الحسابات؟ معلش فكرنى حضرتك

-تخرج؟ مين قال إنك خارج ياعزوز إنت ح تخرف ولا إيه؟

- عزوز؟ أنا من شوية مش كان إسمي هيثم؟ إنت نسيت ولا إيه؟ طب أنا هنا ليه ومن إمتى؟ ولا دي كمان نسيتها؟

ـ يعنى إنت مالقيتش غيري وجاى تسألني ..هو أنا لو أعرف يا تامر كان بقى ده حالي؟ ده انا بسأل نفسي وربنا نفس السؤال وح أتجنن عشان أعرف إجابة السؤال الصعب ده

-تامر؟ إنت مش لسة يا إبني قايلى إني إسمي الأصلي مدحت؟ وإنى تقريبا ظابط في المرور

-مرور؟ بزمتك ده شكل ظابط مرور؟ إيدك معايا يا صاحبي اجيب سريري جنب سريرك وربنا يسهل بقى وأحكيلك قصتك كلها من طقطق لسلامو عليكم ويارب بقى تفتكر يا زعتر


-زعتر؟

58 comments:

Baskouta said...

I am confused... who is there ? how many names are mentioned here... who are those people??? who am I? and what am I doing here?
what is this place?

Any way saba7 el 7'eer.

Good day to you.
Regards,
Batota..Basboosa.
mosh fakra , heya 7aga awlha Ba.

شريف القاضى said...

حلوة جدا ..بتداخل الاسماء واضطراب الطرفين بمعرفة الاخر ...

فكرة من الزمن ده said...

ههههههههههه
ايه القصة دي
اتنين بس قايمين بالفيلم كله كله
دي عايزة تصريح من منظمة الصحة العالمية وهيئة الدواءوالقصص
لانها قصة معدية واكيد العدوى هاتنتشر وهايبقى مرض اسمه انفلونزا القصص
ويتسجل باسم تركيب
لان كل اللي هايقراها هاتتنقل له عدوى الاتنين دول
جميلة تسلم ايدك وتحــ..... تحــ...؟؟هو انا كنت عايزة اقول ايه؟؟؟
اه اكيد تحــــ يا مصر

داليـ ـ ـ ـ ـ ـ ــــا said...

هههههههههههه
دى ياأفندم مستشفى الامراض العقليه
ودول اتنين مرضى نفسين والاتنين بقه بيشتغلوا بعض

حلوه ياعم تامر
قصدى ياهيثم
يوه ااقصد ياعم تيكوووووووو
يابو التكاتيك
يامتكتك
هههههههههههه

richardCatheart said...

احييييييييييييه
انا توهت انا كنت جايه هنا ليه
اه اخد الغسيل احطه فى التلفزيون
واولع البوتاجاز على المسلسل
يا هتلر
هههههههههههههههه

اهو انا ساعات بيجيلى حالات عدم تجميع كده اه مش عاليه اوى كده بس بكره توصل للدرجاتى
الظاهر محتاجه احجز معاهم ياهانى
والله جميله اوى احساسى ان دا رد فعل عصبى ونفسى لانقطاع الكهرباء وقله المراوح والتكيفات
فالسعو ياعينى
تسلم ايدك ودماغك يا يا اسطى شريف

زهرة said...

تركيب تركيب

ولا الاسم اتغير ولا ايه ؟؟

انا توهت واتلخبطت واتبرجلت ووو ياخبر ايه دة كله ؟؟

هجمع واجى اكمل كلام .. دة إذا افتركت اجى يعنى

حلوة اوى :)

طيوري said...

حلوة مستشفى المجانين دي
كويس خليهم يسلو صيامهم
شكلك كمان بتسلي صيامك واستوحيتها من كابتن ماجد
تسلم ايدك دايما مبدع يافنان
وكل سنة وانت طيب

طيوري said...

وحشتني الفضائية دي واللعب والدوشةوبقالي كتير ماجيتش هنا وغلست وشخبطت
بس المرة دي الدنيا صيام فمفيش داعي خلي اللعب بقى في العيد وعليك خير

P A S H A said...

جميلة

آخر أيام الخريف said...

انا مين ..انا فين ..انا ازاى؟؟؟

هاهاهاهاهاها جامدة يا تركيب : فيها فكرة جديدة و مشوقة جداً .

mrmr said...

يا هلا يا هلا
اذيك يا بشمهندس
يوووووووه
اقصد
يا سياده اللواء
يوووه
هو انا فين ... انا مين
انا اصلا مش فاكره جايه هنا ليه
اه
ازيك يا تراكيبوووووووا
حمدالله بس بس
انت طيرت الشويه اللى فاضلين عندى
بس حلوووووووووووه
اصلى الكهرباء مقطوعه فى الجزء الفوقانى بعيد عنك
والحر عامل عمايله وسيح اسلاك المخيخ
تسلم وتعيش وتربى الريش


كل سنه وانت طيب

رمضان كريم

رحاب صالح said...

ههههههههه
بجد جميلة
بس بسم الله مشاء الله قدرت تمسك الكلام وميضيعش منك برغم الاسماء الكتيرة
اللي برضه تلخبط ...بس كتييير حلوة
رمضان كريم

Anonymous said...

تركيب بجد المرض النفسى مأساه
هو حقل خصب للكوميديا السوداء
اكيد انت عارف كده
الديلوج بجد تعرف دول اكيد اتنين عيانين وبيطلعوا غلبهم على بعض
تسلم ايدك بجد يا فنان
كل سنه وانت بصحه وسعاده
عاوزين بقا حادات من فصيله حكواتى ومغناواتى وبعيد ما تغيبش عننا كده كتير
كون بخير

Yasmine said...

لولا انى ربطت بين اسم البوست و الكلام نفسه كان زمانى قاعدة معاهم..اشكرك عشان عرفت تخلينى ابتسم فى يوم صعب زى انهاردة :)

Tarkieb said...

Baskouta

هههههه أول واحدة اخدتي الصدمة ...ياحرام نسيتي إسمك...حقك عليا إنت بسكوتة وشاعرة كبيرة اوووووي وملكة الرومانسية....افتكرتى يا يسكوتة؟ نورتيني بجد

Tarkieb said...

شريف القاضى

الأحلى زيارتك نورت يافنان

Tarkieb said...

فكرة من الزمن ده

اه عليكي نور شيلين الليلة بس الاسامي وكارد المومري.... في الضياع هههه

نورتيني يا فكورة

Tarkieb said...

داليـ ـ ـ ـ ـ ـ ــــا
الله ينور بس احتمال يكون عندهم هلاوس والذاكرة في السلاكون..حمد الله ع السلامة من زمان محدش شافك حوسة تكوني نسيتي اسم البلوج

Tarkieb said...

richardCatheart

الف سلامة عليكي وبعد الشر...اول ما تضايقى اطلعى في الشباك واشتمى ام صفوت تخفى بجد وتطلعى همك بجد..كل سنة وانت طيبة

Tarkieb said...

زهرة
ايوة يا وردة ...سلامتك من اللخبطة هههههه نورتيني كالعادة ..

Tarkieb said...

قرفة

حمد الله ع السلامة ...انت جيت يا رمضان......عاملة زي لعبة مستشفى المجانين فاكراها؟ نورتيني وشخبطي براحتك الدار دارك

Tarkieb said...

P A S H A
إنت اجمل....نورتني

Tarkieb said...

آخر أيام الخريف

دي شهادة اعتز بها من ناقدة كبيرة زييك يا خريف وشباك هانم
نورتيني ويارب دايما

Tarkieb said...

mrmr
ههههههه حبة من اللي بتعمليه في الصعايدة....
انت صاروخ النكتة مرمر حمادة سلطان......ربنا يرجع الكهربا في البيت والدماغ...نورتيني

Tarkieb said...

re7ab.sale7
دي شهادة اعتز بها من صحفية واعدة...انا فرحان انها عجبتبك...نورتيني .

Tarkieb said...

الشـــــوكه النــاعمه

ربنا يبعد عن الجميع المرض ده يارب...حكاواتي حتتعمل بس حبة كدة وحبة كدة...انا فرحان انك بتحييها...نورتيني يا ست الشوك كله

Tarkieb said...

انا حرة
بعد الشر عليكي...مبسوط انها عجبتك ويارب دايما..نورتني بجد

فشكووول said...

السلام عليكم
طبعا واضح انهم كانوا فى العباسيه
والمواضيع دخلت فى بعضهاولا حد فاهم حاجه
زى ايامنا السوده اللى ما حدش فاهم حاجه ولا عارف حاجه
هوا انا اسمى ايه يا صبحى؟
تحياتى

ALHBALABADY said...

ههههههههههههههههههه

حلوه بجد

توهتنا خالص مالص خالص

من كل بستان زهرة said...

انا مش ناقصه جنان ياتركيب
الواحد دماغه بتلف لوحدها
شكلناهنشرف معاهم في العباسيه قريب
من الي بيحصل حولينا في البلد

خواطر شابة said...

هههه لو الحوار طول كمان شوية كنت انا اللي نسيت اسمي
حلوة القصة في بداية الحوار تنسجم معه وتتخيل في البداية انه ممرض يتحدث مع مريضه لكن بمرور الوقت يتأكد لك انه حوار بين نزيلي العنبر
دمت بود

MONTY said...

ههههههههههههههههه
جامده والله انا بفكر اخد سرير ف العنبر ده

تسلم ايدك
اسعدتنى بجد

الشاعر الفنان أحمد فتحى فؤاد said...

تركيب

جميل البوست ده جدا ..
فى العباسية و فى رمضان ...
الله أكبر

كل سنة و إنت طيب

دمت بخير

Ms Venus said...

هههههههههههههههههههههه


هو اتوبيس كام رايح فين


بجد جميلة اوى اوى يا تراكيب


وتوهان مافيش بعد كده هههههههههههههه


مكسوفة منك بصراحة علشان تأخيرى بس غصب عنى

سامحنى

يلا احلى ورداية ليك

Tarkieb said...

فشكووول
حمد الله ع السلامة ياريس ....يارب تكون بخير وكل سنة وانت طيب

Tarkieb said...

ALHBALABADY

لا ماتهوتيش وبرضة جيتي للبلوج مع انها اول زيارة بس طلعت دوقرم ههههه ماتوهتش يارب ما تكون الاخيرة

Tarkieb said...

من كل بستان زهر
هههههه راجعة م الاجازة لاقيتي العباسية ...حمد الله ع السلامة فاتك شبطة في القاهرة ٣٠

Tarkieb said...

خواطر شابة

اول زيارة وعجبنى اول كلمة لان فعلا انا قاصد انه يبان دكتور وفي الاخرطلع مريض....شرفتينى

Tarkieb said...

الشاعر الفنان أحمد فتحى فؤاد
انت احلى يا فنان كل سنة وحضرتك طيب .....

Tarkieb said...

MONTY

قلبي معاكي يا اختي...الحمد لله انى زرعت البسمة على شفايفك...ابعد الله عنك الاحزان

Tarkieb said...

Ms Venus

حمد الله ع السلامة ويارب تكوني بخير وحشنا الورد يا وردة....كل سنة وانت طيبة وربنا ما يحرمنا من طلتك

لـــولا said...

كل سنة وانت بخير وسعادة يادكتور رمضان كريم عليك وعلى الاسرة وان شاء الله عيد مبارك
ربنا يديم عليك ابداعك وربنا يعزك
لولا

Kem said...

انا هيست خالص
تقريبا انا كمان هشرف فى العنبر
مدونة حلوة
اتشرف انى بقيت من متابعى ......
هى اسمها اية ؟؟؟

Ramy said...

فى جيتس ديغ

ايوة دة الألمانى بتاع مصر (:

ايوة انا سامى

قصدى رامى اللى هو سامى

قصدى سامى اللى بقى رامى

يووووه انا هغنى اغنية حسن الأسمر

أنا مين أنا مين أنا مييييييين

أية

نادى لالالا
مأسميش نادى

ايوة انا رامى و مدون كمان

و لانسيت علشان طول الغياب (:

ازيك يا باشا (:

ايةالعنبر دة يا باشا

هو ايه انت بطلت الفيديو ولا ايه

):

بس جميلة قوى بجد

سورى ع التأخير

رمضاااان كرييييم (:

richardCatheart said...

احيه يا تيكو
لسه شايفه فيلم اسمه شتر ايلاند
لينوناردو دى كابريو
لسه نازل طازه رهييييييييييييييب
الفيلم ساسبنس دراما عالى اوى
بس بعد ماخلص فكرنى بالوست المترقع دا الكل قاعد متنح وانا ميته على روحى من الضحك والكل مستغرب البت اتجننت ولا ايه
هههههههههههههههههه

لانى افتكرت الحوار بتاعك

والله انت مبدع ولاسع
يارب ديما بخير وكل سنه وانت والاهل والاحباب فى سعاده يارب

Tarkieb said...

لـــولا
كل سنة وانت طيبة يا هبة وان شاء الله يكون عيد سعيد عليكي وكل العائلة وربنا ينولك كل اللي تتمنيه وتبقى اشهر مذيعة

Tarkieb said...

kem
ههههههههه الف بعد الشر ...لسة اول طالعة وزيارة وبحصل كدة...شرفتني

Tarkieb said...

Ramy
كل سنة وانت طيب ويارب تكون بخير...الفيديوهات عايزة مزاج ووقت بس قريب ان شاء الله ...

Tarkieb said...

richardCatheart

ههههههه يبقى سرقوه مني .....مدمنة افلام انت وتقريبا ناقدة بس مش واخدة بالك..يعنى اشوف الفيلم؟ يستاهل؟

dr.lecter said...

اموت في الزهايمر

ساسو said...

ايه دا
انا فين
انا اتبرجلت كده ليه
مين اللي كاتب
عصام
لأ لأ
شوقي
لأ لأ
تركيب
أه صح تركيب
كويس اني لسه بعقلي
هههههه
بجد انا تايهه اوي

دول مجانين رسمي
وخليهم قاعدين مع بعض
ويبقوا يقابلوني لو نفعوا
او ادركوا حاجه بعد كده

هايل كالعاده

شهووووده said...

اسلوبك حلو قوي ومتميز

nasamat said...

هههههههههههههههه
يا خرابى والله اول ما قريت كلمة العنبر على طول افتكرت اللعبة اياها
بتاعة مستشفى المجانين
انت باين عليك اتاثرت بيها مع انك ماكنتش بتهوب ناحيتها ههههههههههه
والله حلوة يا تركيب
الدكتور طلع فى الاخر نزيل فى العنبر
مش يمكن دكتور فعلا واتعدى من فتحى قصدى مخيمر
ماهو اصل ناس كتير عندها فكرة وحتى فى التمثيل ان دكتور الامراض العقلية لازم يكون لاسع

Tarkieb said...

dr.lecter
نورت يا دكترة

Tarkieb said...

شهووووده
ربنا يخليكي وميرسي ع الزيارة

Tarkieb said...

ساسو

سلامتك م البرجلة هههههههه دا انت ملكة الكتابة والاشعار نورتيني بجد

Tarkieb said...

nasamat

ههههههههه انا كنت بكره اللعبة دي عشان خايبة اوووي ومافيها اي مجهود عقلي بس هنا العاقل ح يتجنن
نورتي يا بت الحتة

Unknown said...

جاااااااااااااااامد