القاهرة ٢٧ رمضان السنة دي
----------------------------------
-كدة برضة؟ بقى هانيت عليك الكنبة للدرجة دي؟ يا خسارة ... نسيت إن احنا ياما قعدنا عليها كلنا كدة برابطة المعلم؟
-سامحني يا آبا وربنا غصب عني ...مراتي مش طايقة تشوفها وبتقول دي بقيت عرة خالص
-عرة؟ الله يرحم أبوها نجار الطبالي اللي طول عمره كان ماشي حافي وربنا كرمه أول ما لبس الجزمة
-طب بزمتك يا آبا دي كنبة بجد يتبكي عليها؟ طب وربنا دا أنا لما كنت بس باقعد عليها أو حتى أفكر أهوب ناحيتها كان على طول الجرب بيستلمني وأفضل أهرش طول الليل
-جرب؟ جرب إيه يا معفن؟ تلاقيه بس الأكلان اللي سرح عندكم في الشقة وعشش فيها ..إنت ياد ح تقولي على نضافة بنت نجار الطبالي ده؟...
-وربنا ما ذنبنا ياآبا...هى بقى اللي اجلها خلاص جه ولازم بقى نتخلص منها ....تعيش بقى وتفتكر يا آبا ....ومايصعبشي عليك غالي بقى يا حاج
- مفيش فايدة برضة طالع خايب زي أمك....
- الله يرحمها هى كمان يا آبا
-يرحمها؟ منها لله طول عمرها ماربيتشي عجل ونفع
-عجل؟ الله يسامحك... يعني إنت بزمتك جاي تصحيني من إحلى نومة بس عشان كدة؟ بزمتك مش ده والنبي يبقى حرام عليك ؟ أبوس إيدك بقى سيبني شوية أنام ....عندي بكرة شغل ولما أجي بعد الضهر إن شاء الله يبقى يحلها بقى ربنا
-بعد الضهر؟ إنت فاكرني ياد واخد السكة قياسة ولا إيه؟ حلني بقى ياترى مين يعيش؟ ...إبقى تعالى قابلني لو قدرت بقى اجيلك مرة تانية من أساسه
-يعنى بزمتك تاعب نفسك ده كله وعامل شبورة عشان حتة الكنبة المسوسة دي؟ دي وربنا معفنة من يوم ما وعيت ع الدنيا
-معفنة؟ وربنا إنت اللي معفن..... دي كنبة أثرية يا مغفل
-ههههههه أثرية؟ حلوة دي بجد يا آبا...طول عمرك وربنا كنت كوميدي....طب دا الراجل بتاع الروبابيكيا كان عايز عليها فلوس كمان لما إديتهاله
-إديتهاله؟ إنت خلاص بعتله الكنبة يا نانوس مامتك؟
-بعتله؟ ههههههه لا طبعا ....أنا إديتهاله كدة جدعنة ...ببلاش يعني يا حاج
-يا لهوي وكمان ببلاش؟
-إيه يا حاج إنت كمان جاي تورث معانا في الكنبة ولا إيه؟ إنت ناسي إنك خلاص دلوقتي في دار الحق؟ يعني مت وشبعت موت.... مش كفاية ماورثناش منك الا حتة كنبة يتيمة؟ وكمان جاي وعينك لسة فيها؟ سبحان الله هو مفيش عندكم كنب فوق ولا إيه؟ ولا وحشتك العفانة يا ريس؟
-وحشني العفانة؟ وربنا ح تفضل طول عمرك زي أمك وش فقر
-وش فقر ...ماشي يا أبا وش فقر ..وش فقر ....أبوس إيدك بقى...سيبني بقى وإعتقني ...و أهو اللي إنت كنت واجع دماغنا عشانها من ساعة ما مت وكل يوم طالع نازل آدينا خلاص ريحناك منها ....
-ريحتني؟ دا إنت موتني تاني ...منك لله يا بعيد.....منك لله يا بعيد......حسبي الله ونعم الوكيل......الكنبة دي كنت مأمنلك بيها مستقبلك يا طربش ....وسايبلك تحويشة عمري كله فيها...دول مليون جنية يا حمار.....فاهم؟ مليييييييييييون جنية حتة واحدة......كانو يعيشوك ملك.....حسبي الله ونعم الوكيل....حسبي الله ونعم الوكيل
112 comments:
هههههههههههههههه
هما دول المصريين يموتوا في تجميع الحاجات
كرسي مكسورة رجله حله مخرومه كنبه سوستها طالعة
بس والله الحاجه طلع ناصح شايل تحويشة العمر في مكان ميعرفوش الجن الأزرق
انا بقى عن نفسي هشلها تحت البلاطة أضمن ياعم علشان عارفه ان ولادي هيدوا الكنبه الأثريه بتاعتنا لبتاع الربابكيه
جميلة اوي
بس تعرف الكنبة حتى لو مش فيها مليون جنيه...لما تبقى من ريحة الحبايب تبقا اغلى بكتييييير
في ناس في الدنيا دي بتحس اوي بقيمة الاشياء اللي بتنتج عن علاقة الاشياء بناس حبيناهم او ارتبطنا بيهم
زي مثلا ارتباط انسان بمكان ممكن يكون بسيط بس قيمته عن الحد ده غالية اوي والقيمة دي نبعت من علاقة المكان بذكرى حلوة او انسان عزيز
القيمة الحقيقة للحاجات اللي بنورثها او بتفضلنا في اللي بتحمله الحاجات دي من روح وذكريات خاصة بالناس اللي ارتبطوا بيها
لما بفتح شنطة ذكرياتي وامسك هدايا بسيطة اوي اخدتها ايام المدرسة ...علبة الوان قديمة وصغنتوتة بس بحسها عندي غالية جدا.... كارت صغير علشان جبت الفل مارك
او تذاكر متحف من المتاحف روحته في رحلة
حاجات ملهاش قيمة عند اي حد بس عندي انا غالية جدا
كل انسان في الدنيا كدة ليه حاجات قيمة اوي لو حتى متساويش مليون مليم
طولت عليك
كل سنة وانت طيب
عيد سعيد
تحياتي البسكوتية
مش هع
أعرف أعلق كتير
بس فى الأول كده
هههههههههههههههههههه
بجد انا استمتعت بالقصة جدا
انا من الناس اللى يحبه الأحتفاظ بالأشياء القديمة بيكون ليها ذكرى بس للأمانة مش كنبه
(:
تسلم ايدك (:
كل سنة و انت طيب
(:
كل عام وانت بخير يارب يا تركيب
عيد سعيد عليك وعلى كل حبايبك
كل سنة وحضرتك طيب
عيد سعيد على الجميع
ههههههههه
عجبتي اوووي اوووي اوووي
انا زي رامي بحب الحاجات القديمة واحب الاحتفاظ بيها خصوصا الكتب وكل ما لو نها يصفر تزيد قيمتها عندي هعهعهع
بجد جميلة اوووي تسلم ايدك
عيد سعيد
هههههههههههه
جميلة يا تراكيب اوى
بس خسارة المليون جنيه زعلت عليهم انا
كل سنة وانت طيب
ودايما يااااارب بكل خير
راجعه تاني يا نجم
هاهاهاهاهاهاهاهاهاهاهاهاهاهاهااها ..
فكرنى بالأمريكى اللى حط تحويشة عمره فى ظهر فرن الميكروويف و جت مراته شغلت الفرن
هاهاهاهاها ...حلوة زى العادة يا تركيب :)))
اخي تركيب
تقبل الله منكم صيامكم وقيامكم وجزاكم عنه خيرا وضاعف العطية وعيد سعيد لكم وجميع الاهل
كان زمااااان بيحوشوا الفلوس تحت البلاطه
دلوقتى بيقيت فى الكنبه يا فرحه ما تمت خدها بتاع الروبابكيه وطال
ولا الصعيدى اللى نزل مصر قالوله شيل فلوسك فى البوسته فضل سنه كامله يحط الفلوس فى صندوق الخطابات وفاكرها البوسته
كل سنه وانت بالف خير يا تراكيبووووو حلووووووه بجد
جميله القصة والمفاجئة انه حلم وان ابوة ميت اناقلت ابوة جاي يزورو وهوقليل الذوق
حلوة كالعادة
وكل سنة وانت طيب كل عام وانب بخير
كل سنه وإنت طيب وبخير يا دكتور .... ومعذره لعدم متابعتي لمدونتك في رمضان :)
عيد سعيد :)
جميلة اوى
كل سنة و انت طيب و بخير
مبدئياً كدا
قبل أى حاجة
اؤيد رامى
وهقعد اضحك شوية
ههههههههههه
خلاص نبطل ضوحك
و نعلق بقى
عندى
شوية ملاحيظ
(1)
الحاج كتر خيره
مبيحضرش غتاتة
و زيارته ذات مغزى و هدف
فبطلوا تزعلوه لما ييجى تانى
عشان ايصحش كدا
ماشى ؟
(2)
مالها الكنبة ؟
تراث مصرى اصيل
و تتحط ف الشمس تتهوى
و تبقى زى الفل
(3)
الحاج كلامه عن المودام صح
لأن لو كانت بتنضف
فعلا كويس
كانت فتحت الكنبة دى
و لو مرة عشان تنضفها من جوا
او حتى تشيل فيها حاجات
انما مجتش جنبها
و لا مرة
ازااااااى ؟!!
(4)
حلو الحوار قوى
و دمه خفيف
بس ممكن لو سمحت
تبقى تكبر الفونط شوية
و تخليه اتقل عشان العين
اصل اختك فاتيما بيجيلها
اسقربوط م المدونات الغامقة ..
و ساعدونا معلش أهو
ينوبكم ثواب
نحافظ على شوية النظر
اللى فاضلين
(5)
عيد سعيد عليك يا رب
انتا و كل أحبابك
ان شاء الله
ههههههههههه
المصرييين اهما حيويه وعزم وهمه
بوست نايس
عيد سعيد
تحياتى
انا الوحيد اللى عارف سر الكنبة هاها دعدع
هههههههههههه
يالهووووووووى ياابااااا
دانا بقى كده جت لك بالسكته القلبيه
مليون جنية وساكت ياراجل
حرام عليك
تسلم ايدك
اسلوبك بجد مشوق جدا جدا
ولذيذ
كل سنة وانت طيب
عيدكو ازاى فى المانيا
كل سنه وانت بخير وسلام وسعاده
وعيد سعيد
وربنا الراجل ده بيفكرنى بالست الوالده
بس الموضوع ده ها يخالينى اروح اسألها هى محوشه لنا ايه فى مقتنياتها
هههههههههههههه
وربنا الناس بتوع زمان دول عسل
جميله اوى ياتيكو حسستنى انى بسمعها والله اسلوبك وادائك حاضر حتى فى الكتابه
وربنا انت معلم
كل سنه وانت طيب
هههههههههههههههههه كل سنه وانت ديما يارب بالف خير وصحه وسعاده
http://httpjaedacom.blogspot.com/2010/09/blog-post_493.html
يهمنى رائيك
كل عام وانتى بخير
والله يتقبل منك طاعتك وعبادتك
هههههههه .. سبحـآن الله
مش دايماً بنعرف نتوقع تصرفات اللي قدامنا صح .. او بنترجمها صح ..
يعني انا وانا بقرأ البوست عمري ما تصورت ان الكنبه تشيل ده كله ..
البوست ده فكرني بمثل " ياما في الجراب ياحاوي " ..
بوست لذيذ فعلاً ..
وكل سنه وحضرتك بخير .. :)
صباح الفل عيد سعيد يا ريس
ياعنى اخد اجازه العيد وانام يومين اجى الاقيك بعت الكنبه
ايه الحلويات دى هههههههههههه
واتارى الراجل كل شويه جاى زياره يطمن على الكنبه مليون جنيه كانو نفعو الحمار هما صحيح نوايه فى الزمن دا بس احسن من مافيش
ههههههههه
زمانه دلوقتى هايحرم ينام تانى يلا رزق بتاع البكيا
ياقهره الحج فى تربته ربنا يصبره
بس هو ليه كده قارش ملحه بنت بتاع الطبالى ههههههه
جميله اوى تسلم يا تراكيبو
حلوه المفاجأه الأخيره دى بجد
الكنبه دى فيها ايه
فيها مليون جنيه
كل سنه وانت طيب ياتيكو يابو التاكاتيك يامتكتك
عيد سعيد
ههههههههههههههههههههههههههههه
المصرين اهما ههههههههههههههههههههههههه
يالي بقي نصيبك هاتعمل ايه
وسايبلك تحويشة
عمري كله فيها
دول مـليون جنية
يا حمار.....فاهم؟
تفتكر مين (الحمار)فيهم
العايش ولا الميت ؟
طب مش كان يقوله:عارف انه
بردون حمار (ابوه وعارفه بقى)مش
كان يرسيه على الفووووولة:)!
اللى بأستغرب له
ياتراكيبووا انت قاعد
فى المانيا وله فاكر بردون
مفردات)اللغة)
دى أزاى؟:):):)
ما علينا
أنا جاية اقولك
كل سنـة وانت طيب
عارفة أنى تأخرت لكن أنت
عارف المواصلات من هنا لألمانيا:)
ما هي كتب الطفولة التي بقيت عالقة في ذاكرتك؟
مَنْ أهم الكتاب الذين قرأتَ لهم ؟
من هم الكتاب الذين قررت ألا تقرأ لهم مجددا؟
في صحراء قاحلة ، أي الكتب تحمل معك؟
ما هو الكاتب الذي لم تقرأ له أبدا ، وتتمنى قراءة كتبه ؟
ما هي قائمة كتبك المفضلة ؟
ما هي الكتب التي تقرؤها الآن ؟
اللي بعت الدعوه ؟
أرسل الدعوة لمدون واحد علي الأقل من أجل مشاركتنا باطلاعهم في القراءة ؟
زمان الواد حصل أبوه من الحسرة :)))
ههههههههههههههههههههههه
انت برنس والله
عاسميك ملك النهايات غير المتوقعة
بس بجد انا عاوزك تعملها فيدو بتاع شبطة كانت عتبقي في الجون
حاول تعملها بجد عتبقي مسخرة
هههههههههه
مليووووووووون جنيه منك لله
هههههه
كل سنة وانت طيب ياتيكوو
يا خسارة الكنبة
ويا بخت اللي بابا سابله كنبه زي دي فيها تحويشة العمر
حد برضه يبيع كنبه زي دي
له حق الحج يفضل طالع نازل
ما هم مليون جنيه يصحو الميت برضه
كعادتك يا عم تركيب
بوست رااائع
عندى كنبة وارثها عن جدى
تحفة وماحدش قرب منها
سابحث فى اركانها لعلى اجد عشرة جنية
كل سنه وانت طيب
جايه اقول اسلم واصبح وامسي
واعيد كمان
كل سنه وانت بالف خير وصحه وسعاده
وراجعه تاني
(:
برافو تغير الصوره موفق
صحيح بحب الكنب العربى بس دى معبره اكتر من الكنبه الامريكاى كانت فاخيمه اوى
عنننب
تركيب ازيك يا عمنا
اخبارك تمام يارب تكون بخير
والله حلو انك رجعت ل قرايا فى ساعة عصارى
والكنبة دى جديدة محدش اتكلم عليها قبل كده مع ان نهايتها غير متوقعة
امال هما يعنى بيعملو للكنبة سحارة ليه
بس كويس انك افتكرتها
مرة بس زمااان قريت مقال ساخر ليوسف معاطى اسمه الكنباوى
بس هو ركز على شخصية الكنباوى اللى بيعز الكنبة
انت بقى ركزت على الكنبة واللى جوة الكنبة ههههههههههه
لكن تقول ايه الفقرى هيفضل فقرى هههههههه
كل سنة وانت طيب ولو انها متاخرة بس معلش انا بقالى كتير
من ايام شبطة يا ترى فين اراضيه دلوقت
انت فين
ياتراكيبو؟
ارجو أنت تكون بخير
كل سنة و إنت طيب يا قمر
إعذرنى على التأخير ..
السكة طوييييييييييلة
انا المصرى كريم العنصرين
صباح الورد
تييييييييييييييييييييييييكو
اينت انت يا جدع
ايه شكلك روحت لشبطه
السلام عليكم
شوفت من فات قديمه خسر مليون جنيه ..
حصلت بالفعل ولك الفلوس كانت في مرتبة معفنة باعها الورثة وتمتع بالفلوس من اشتراها وترك ورثته غاية في الغنى ..
حظوظ
فينك يا تيكو
وفين جديدك
طمنا عليك
ياخبببببببببر .. الراجل اكيد اتشل او جاتله سكته قلبيه
اولا طريقه العرض تحفه تحفه .. ونهايتها جميله بجد .. والاسلوب موتنى من الضحك
تسلم ايدك يا تركيب :)
Where are you?
what's up?? it has been long time since you last show up.
Hope you're ok.
Baskouta
الناس الحلوة كلها هنا
بتسأل على حضرتك و بتقولك
اين انتا ؟
لعلك بخير يا رب
و كله تمام
ان شاء الله
طب
يا ريت تطمنا
و خالص ودى ليك
اااحلوه الحكايه ...
فكرتني بالوالد كان الله يمسيه بالخير يحط التحويشة في كيس المخده في الدولاب و يقول ان المخده أءمن من البنك
واحشني يا بروف
تراكيبوووووووووووووووووووووووو
تراكيببببببببببببببببببببببببببببببببووووووووووووووووووووووووووووو
طمنا عليك يارياسه
و بعدين يعنى ؟!!
يا رب حضرتك
تكون تمام و اللى شاغلك خير
طمنا يا ريت
تحياتى
أنا الحمد لله رجعت ....وأن شاء الله أرد على الجميع نفر نفر اول بس ما اخد نفسي.....ربنا يخليكو يارب
لولولوىىىى
تراكيبوا رجع بالاسلامة
الف حمدلله على
سلامتك ياتراكيب
يارب دايما موجود
ومنور مدونتك كده
جبتلنا ايه معاك:)
ولوكنت ماجبتش الحق وروح جيب
ان شاءلله 3كيلو طماطم اصلها بعيد عنك اتجننت هنا :)
هههههههه
نورت ياتراكيبوا
قصة جميلة وخفيفة ومبدعة استمتعت بقراءتها ,تقبل مروري بمدونتك .
من كل بستان زهرة
ربنا يستر والاحفاد ما يغيرو البلاط ويجيبو سيراميكا كليوباترا....وتروح فلوسك,,,,نورتي وحمد الله ع السلامة
Baskouta
وانت طيبة...لا بالعكس ما طولتيش وعندك حق في كل كلامك وانت عارفة لو الابن شخصيته جامدة كان اقنع مراته تسيب الكنبة واستمتع بالذكريات والفلوس كمان
منها لله مراته بقى ههههههههه....نورتيني بجد...
Ramy
شكرا على كلامك الحلو وكل سنة وانت طيب ولو ان انها متأخرة
وحاول قبل ما ترمي ا لكنبة تفتشها والفلوس بالنص ياريس
ماما أمولة
وانت بخير وسعادة كمان يارب
الحب الجميل
وانت طيبة يارب وماتزعليش بقى
re7ab.sale7
ده شرف كبير انها عجبتك....انا كمان مش بارمي حاجة زي الولى ابو الريش لو تعرفيه مدفون في السيدة.....نورتيني بجد
Ms Venus
وانت طيبة وزيارتك دي ولا مليون جنية ....منورة كالعادة
ساسو
ترجعى بالسلامة يانجمة
آخر أيام الخريف
الحمد لله عجبتك مع انك خلاص اتشهرتي اوووووي بس فيك الخير
Beram ElMasry
تقبل منا ومنكم وربنا يديك الصحة وتسمعنا تاني وتاني
mrmr
كان زمان فيه فلوس تتحوش دلوقتى كله مصروف قبل ما يجي...عشان كدة الكنب انقرض....كل سنة وانت طيبه
فكرة من الزمن ده
كلامك انت احلى كالعادة بيلخص الحكاية في جملتين ....نورتيني كالعادة
فتاه من الصعيد
وانت طيبة وكل الناس الطيبة
Tears
ميرسي اووووي وانت طيبة يا ست تيرز
فاتيما
اولا ومبدئيا برضة نورتي البلوج ويارب ما تكون اخر مرة....ثانيا عندك حق في حكاية بنت نجار الطبالي انا مكنتش موافق ع الجوازة ابدا هو اللي حكم رأيه...يالا اهي الجوازة ضيعت مليون جنيه منه...انا متأكد انه حيقتلها بعد ما عرف عشان هي اللي كانت بتزن عليه
انا كبرت الفونط...وكل سنة وانت والجميع طيبيين
جايدا العزيزي
جيل بعد جيل متقدمين....ميرسي يا ستي وكل سنة وانت بخير
دعدع
حلال عليك
موجة
اه تصدقي انه اكيد مات بعد ماعرف الصدمة دي.....يالا بخت بتاع الييكيا...مبسوط انها عجبتك....العيد هنا عادي مفيش فرق عن يوم تاني
ساسو
وانت طيبة ياساسو وربنا يهنيكي ويفرحك يارب
الشـــــوكه النــاعمه
بجد؟ يعني ممكن الكنبة تكون عمرانة؟ كدة بقى العرسان تقف طوابير ههههه....ربنا يخليكي ويبعد عنك اهل السوء وينولك اللي تتمنيه.....منوراني دايما يا شوكة الشوك
طوبه فضه وطوبه دهب
وانت طيبة وبخير وسعادة ...شرفتني زيارتك
جايدا العزيزي
ح اشوفها ولو اني جيت متاخر
ادم المصرى
وانتى بخير
حَـبآيـۃْ.بـטּـدۉڷ s
طب كويس انك مش عندك كنبة كنتي برضة ضيعتي المليون...التوقع ياعزيزي ايبك...قصدي بنادوووول....نورتيني بجد,...وميرسي على تعليقك الظريف ويارب ماتكون اخر زيارة
richardCatheart
كل سنة وانت طيبة....عرفتي ليه قارش ملحة بنت بتاع الطبالي ....ضيعت شقى عمره....تلاقيها عمرها ما نضفت الكنبة ولا هوبت ناحيتها ...يالا مال الكنزي للبيكيا......ماتزعليش على غالي كمان سنتين يكون المليون بيجيبو ساندوتش فوووول ههههه
داليـ ـ ـ ـ ـ ـ ــــا
الكنبة دي فيها فيل ....هههههه فيلوس......وانت طيبة يا ستي ومبروك الافتار الجديد,,,
هوبتي
هههههه يالا خدت الشر وراحت....نورتيني بجد
norahaty
اكيد الموت خطفه بدري ...وكان زمانه لحق يفهمه ع الفول والحمار يبرطع في الفول والعز...بس الموت خطفه اكيد لما قفل المليون...احتمال كان ح يقوله بعد المليون التاني ...هههههه.....نورتيني
norahaty
اللغة ما بتتنسي وربنا يخلى التليفونات والافلام والمصريين في الخارج
norahaty
وانت طيبة ويخليكي يارب
MR.PRESIDENT said...
ما هي كتب الطفولة التي بقيت عالقة في ذاكرتك؟
الحاج مراد لتولستي
مَنْ أهم الكتاب الذين قرأتَ لهم ؟
محمود تيمور.....نجيب محفوظ...يوسف ادريس
من هم الكتاب الذين قررت ألا تقرأ لهم مجددا؟
كتير واولهم ابراهيم عيسى افاق القرن الواحد وعشرين
في صحراء قاحلة ، أي الكتب تحمل معك؟
كتب مولكيلار بيولوجي
ما هو الكاتب الذي لم تقرأ له أبدا ، وتتمنى قراءة كتبه ؟
محمد عبد الرازق عفيفى
ما هي قائمة كتبك المفضلة ؟
كل قصص
Barbara Wood
تقريبا قرتها
ما هي الكتب التي تقرؤها الآن ؟
Riddled with Life
Sam Sh
او قتل مراته واتتحر
Haytham Alsayes
وانت طيب يا ملك....والله طالعه من عيني من غير صوت بس كنت مشغول بقى...خيرها في غيرها بقى...شوية كدة وشوية كدة...نورتني ياريس
walaa tulip rose
اه بصحيح كنبة ترد الروح وتصحي الميت....اللي بقى ههههه....نورتيني وكل سنة وانت طيبة
sal
ههههههه فتش عن الكنبة....مممكن تلاقى وبالنص يا ريس....نورتني وشكرا على زيارتك
الف حمد الله على سلامتك نورت يا ريس
سمكه واحده
وانت طيبة يا سمكمك....ويارب تيجي تاني ...قلقنا عليكي ههههههه
richardCatheart
كل كنبة على قد فلوسها هههههههه
dr.lecter
والله انت اللي لوز.....نورت ياريس
nasamat
حمد الله ع السلامة ...هههههه شكلك خبرة في الكنب ...اكيد بتحوشي فيها....رزق بتاع للبيكيا....بس انا اعرف عرباوووووي اما كنباوي دي لا هههههه....نورتي الحارة يابنت الحتة
norahaty
انا جيت خلاص ...شكرا ع السؤال كنت بس مسافر
الشاعر الفنان أحمد فتحى فؤاد
صباح الورد والنور وكل سنة وشاعرنا طيب
richardCatheart
انا هنا يا سلامة هههههه.....كنت مسافر
جنّي
بجد حصلت؟ اكيد المليون بتدفي برضة ههههه....كل سنة وانت طيب
ساسو
شكرا ع السؤال ربنا يخليكي ....كنت بس مسافر والجديد في التشطيب
زهرة
ربنا يكرمك على الكلام الحلو ده....ياه بجد عجبك....شوية الكلام بتوعك ولا كنبة باللي فيها...نورتيني بجد
Baskouta
انا الحمد لله كويس ميرسي ع السؤال ...خلاص رجعت وياريت ترجعي التعليقات عندك تاني....
فاتيما
ياه انا لو اعرف ان الناس الحلوة دي كلها بتسأل على كنت غبت من زمان...ربنا يخليكي وميرسي على السؤال ...وبجد مش عارف اقولك ايه؟ شكرا بجد
spiceman
ابو ادم ازيك ياريس عاش من شافك ...ازيك كدة وازي الفرنجة ليك واحشة ياراجل
richardCatheart
الحمد لله جيت يا تارتييييييروووو
فاتيما
الحمد لله رجعت الى قواعدي سالما.....الف شكر بجد....
norahaty
الله يسلمك ...دايما كدة سباقة بالخير....ربنا ما يحرمنا منك ولا كل من سأل على يارب....
الحياة الطيبة
ميرسي على كلامك الطيب وان شاء الله نزور المدونة بتاعة حضرتك قريب
richardCatheart
الله يسلمك يا ستى ويجعله عامر بيكي والناس الحلوة
الف حمدلله على سلامتك يا تركيب
الحمد لله انك بخير
طبعا بعز الكنب ومن حبى فيها عملت ف بيتى كنبة ستديو بسحارة للتمويه بس لسة فاضية
هههههههههههههه
نورت من تانى والله
nasamat
حمد الله ع سلامتك انت
احنا نعشق الفقر قد عنينا
يعني جي دلوقي يقولوا فيها مليون جنية
يا عم كنت موت و خليه يترحم عليك و خلاص أنما جي دلوقتي يقولوا
ههههههههه
اهو مش يفتكرك بكلمة حلوة
و بعدين أحنا كده ... نقعد نحوش نحوش علشان عيالنا و بعدين لا العيال يستفيدوا بالفلوس و لا احنا نستفاد منها
بجد حاجة فقر
ما تعرفش الراجل بتاع الروبيبكيا ده فين
علشان اروح اشتري منه الكنبه :
:)
سكندري
ههههههه بس بتاع الربوبيكيا اكيد تاب وانضم للوطني وبقى راجل اعمال بعد ما لقى الفلوس
Post a Comment