Thursday, November 25, 2010

ناجح يا سيد

القاهرة ....زي النهاردة ....



-
جاهز يا إبني للإمتحان النهاردة ولا زي كل مرة؟
-
جاهز سعادتك أكيد .....وإن شاء الله دلوقتي ح أثبت لحضرتك إن ولاد البلد برضة عالم كفاءة أوووي و أجدع مليون مرة من المفتش كرومبو...وربنا يسهل بقى حضرتك وناخد الشهادة الكبيرة النهاردة بالصلاة ع النبي....إنت ما تعرفش حضرتك إحنا تعبنا وربنا قد إيه عشان نخشو بس الاكاديمية الجنائية دي؟ ولا أهلى حضرتك .......دول عملو بلاوي متلتلة بس عشان يدبرولى مصاريف الدراسة هنا.... ده أنا ناوي إن شاء الله أعمل أحلى شغل النهاردة.....ودلوقتي ح تشوف حضرتك
ـ ياه !!!! أحلى شغل كده مرة واحدة يا سيد؟ طيب جميل ..جميل ...جميل أوي يا سيد ....طب يالا بقى يابطل ورينا همتك دلوقتى ..........شوف يا إبني....بص كدة.......شايف إيه؟
ـ ايه ده حضرتك؟ دي صورة واحد مجرم
ـ برافو يا ابني ....شاطر ...برافو........طب بعد ما شفتها بقى تقدر تتعرف عليه هو نفسه لو شفته في حتة تانية يعني؟
-
أتعرف عليه؟ بالزمة ده كلام؟ طبعا حضرتك...ده انا أطلعه من بين ألوف ...ده انا أطلعه وأنا مغمض عينيا حضرتك
-
بجد؟ بجد يا أبني؟ ما شاء الله عليك يا سيد....طب قولي إزاي تقدر تطلعه يا سيد كدة بكل سهولة؟
-
شوف حضرتك... المجرم ده.......المجرم ده حضرتك..... أعور....... أعور و بودن واحدة كمان ...يعني ح اجيبه ح أجيبه حضرتك.
-
أعور؟ و بودن واحدة؟ إزاي؟ يا ابني دي صورة بالجنب للراجل...صورة بروفيل يعني ...ولو صورته من الناحية التانية ح تشوف عينه وودنه التانية أكيد .....فاهم؟ ولا مش فاهم يا أبني؟
-
طبعا فاهم حضرتك....بس اكيد الراجل ده لابس عدسة...أقطع دراعي إنه لابس عدسة حضرتك.....وحياة ربنا اكيد لابس عدسة...أيوة لابس عدسة .........مش كدة؟ ولا أنا في دي برضة غلطان حضرتك؟
-
لابس عدسة؟ وإيه بقى اللي مخليك متأكد كدة يا إبني؟
-
شوف حضرتك....واحد أعور زي ده يبقى لازمله نضارة حضرتك ..بس لا مؤاخذة حضرتك ناقصه ودن...قولي بقى ح يلبس النضارة ده إزاي طيب ؟ مش قلتلك ده مؤكد لابس عدسة سعادتك؟
-
لابس عدسة؟ عدسة إيه؟ ونيلة إيه يا منيل إنت؟ جاتك ستين نيلة ......إطلع برة.......إطلع برة.........برة...... غوووووور واوعى توريني وشك تاني ...إستنى.......إستنى يا إبنى..........خلاص.......أمري لله وربنا لولا إننا في أكاديمية خاصة ده أنا كنت سقطتك فورا..........منه لله صاحب الأكاديمية بقى...... .خلاص ......ناجح يا ذكي ........ناجح يا سيد ومبروك عليك الشهادة........وربنا يكون في عون أي زبون يقع في إيدك يا إبني


60 comments:

Ms Venus said...

ما الدنيا كلها بقت ماشية كده


معاك فلوس وبتدفع ؟

ايوة ؟


تبقى ناجح والله العظيم ناجح

لا ومش بس ناجح لا ده انت ناجح بتفووق


جميلة يا تركيب ومعبرة جدا

هههههههههه على فكرة انا كنت بقراها و سامعة صوت سيد شبطة بيتكلم


وخصوصا وهو بيقول حضرتك دى هههههههه

ورداية ليك

MR.PRESIDENT said...

أنا عايز أقول سيد حاجة واحدة بس

- قشطة يا سيكو

ربنا يكون في عون اللي زينا
ما دام البلد ماشية زي كدهواااااااا

Dr/ walaa salah said...

اذا كان كليات الطب بقى في منها خاص

يعني واحد مبيفهمش ممكن يكون دكتور بفلوسه

ربنا رحيم

مشكور على موضوعك الجميل والواقعي

•βЯξαҜ• said...

هههههههه ..

بنك مصر .. بنك كل النـآس :D:D

- فكرتني بالإعلان ده مش عارفه ليه -

والكـوسه دي بقت حاجه عايشه ومتعايشه معانا .. وبتتكاثر ذاتياً بطريقه ترضي الـناس كلها برضه !!

//

إلا صحيح هو كان هيلبس النضاره ازاي وهو بودن واحده ؟ :D

ماهو العيب مش على سيد .. العيب عاللي بيصور واحد بودن واحده .. :D

قول ياااارب said...

هههههههههههههه اه ماهو الخاص اكيد غير العام لانه لو فى العام هيقولك فوت علينا بكره ياسيد
لكن الخاص ناجح ناجح ياسيد
هههههههههههه بوست لذيذ بجد

re7ab.sale7 said...

انا قلت كدة برضه
ناجح ناجح
وهو في حاجة دلوقتي مش بالكوسة
في الاول انا قلت ان حاجة عن الانتخابات بس لقيتها برضه مقتربة منها في المعني
تحياتي

بيتنا القديم said...

مبروك النجاح..
الذى اعتمد على دقة الملاحظة..
وامانة صاحب الأكادمية ورئيس اللجنة..
جه الوقت اللي تخلص من مصر اللي هي عملتو فيك..!
المستقبل قدامك يالا مستني ايه..؟!
(:
تحياتي

لورنس العرب said...

أنيس منصور كان قال أن أسوأ كلمتين في اللغخ العربيه "مفيش فلوس"
فما بالك لو معاك فلوس
تفعل كل شيء وتشتري كل شيء

Tears said...

يا مصر لو كان نيلك ده صلصة ما كانش كفي الكوسة اللى فيكي

سكندري said...

سيد لازم ينجح
ده العادي
طالما دفع المعلوم يبقي لازم ينجح

بس كنا عايزين سيد يتكلم و يغتت علي الراجل اللي بيمتحنه كده كالعادة ويقوله بصوته
الرخيم
الراجل ده بودن واحدة حضرتك
ههههههه

الحب الجميل said...

سيد ملى البلد ومن زمان

Haytham Alsayes said...

لا عادى حضرتك
انت اكيد في مصر
وتقول ايه بقي علي مرشح الوطني في الدايرة بتاعتنا راجل بيشرب حشيش في الافراح اه والله العظيم
وحبيب ظباط امن الدولة وشغال اساسا مرشد بوليس خاصة علي الاخوان

ياشيخ والله الواحد زهق من البلد دي
خليني ساكت احسن عشان ابدأ البخ اهو

تحياتي ياتيكو باشا

شيرين سامي said...

شر البليه ما يُضحك:(
تحياتي ليك

sal said...

هههههههه
ماجدش قال مبرووووك

صدى الصمت - عاشقة الورد - said...

ههههههه
جميلة قوى
وطبعاً لازم يبجح مش أكاديمية خاصة
فعلاً عندك حق
تحياتى

كلمات من نور said...

جميل وهو و امثاله كمان كام سنه يبقوا مديرين و ورؤوساء أقسام ووزراء وغيره وغيره ...يعيني عليكي يا مصر ....ما الاساس بايظ من الاستاذ الممتحن طيب عايزين إيه احنا؟

richardCatheart said...

ههههههههههههههههههههه

يحرقه الموكوس اعور وبودن وحده دا اكيد العجل فى بطن امه

طبعا الاكاديميات والجامعات الخاصه كله بفلوسو وتعالى بوسو

ولسه اللى جاى اتقل

تسلم يا ابو التيك

عطش الصبار said...

ومبرووووووووووووك علي البلد امثاله
كل سنه وانت طيب معلش هي متأخره شويه انت عارف المواصلات
بحب الكوميديا اللي في كتابتك
تحياتي

mrmr said...

يالهووووووى يا تركيبووووووا
فعلا اللى ذى سيد ده كتيررررررررر
ومن زمان
لكن اللى زينا كده ينطرد بالشالوووت
مساءك قشطه

جايدا العزيزي said...

ماشألله عليك

وصفت حالنا واللى بيجرالنا بسهوله

بس ده ما بقاش فى الكليات وبس

ده فى كل وزاره وجهه

الرشوه والمحسوبيه

وماخفيه كان اعظم

زمان كنت بسمع فى الاذاعه

كلمه فون علينا بكرة يا سيد

لو معاه يبقى حالنا

فهمتها لما كبرت

بس ياسيدى

كل يوم الفجوه بتتسع

واحنا زى ما احنا

ممكن تكتب سلسله

وانت ادرى منى بانها طويله جدا

ابدعت فى طرحك الراقى

تحياتى

ŁŏşĥД said...

والنعمة جامدة اخر 3 حاجات
انت عارف لو لا حتة الاعور وبودن واحدة دي انا مكنتش قولت الكلام ده
ولا العدسة
ما اقولكش على فكرة أنت بارع مش عشان كلامك حلو وعجبنى وشدنى إنى اقرى لا خالص
عشان الاعور والودن الواحدة والعدسة
أسلوبك حلو وواقعى جداً

ماما أمولة said...

ههههههههههه
لازم ينجح
بفلوسه اومال ايه يعني
انت عارف كلمات بسيطة بس بتوجع قوي
لمست امر مر بنعانيه كلنا
تسلم ايدك يارب يتركيب

الاستايل الأولاني كان احلى مش كده ولا ايه ؟

dr.lecter said...

قبضني تجدني

الشاعر الفنان أحمد فتحى فؤاد said...

صح كده

أبجنى تبهجنى

و إبرز تنجز

دول المبادىء الجديدة اللى بتقوم عليها الدولة الجديدة

و ضيف عليهم ..
يا بخت اللى كان النقيب خاله

و اللى له ظهر ما ينضرب على بطنه

تحياتى لقلمك المتميز

دمت بخير

norahaty said...

بقى المجرم
أعور وبودن واحدة
أما سيد شبطة دا ذكى بشكل!!

norahaty said...

ربنا يخلى فلوس
والديّك ياشبطة
اللى ودوك الأكاديمية
دى تاخد منها شهـادة
تتمنظر بيها على مخاليق الله

sweet angel said...

لكِ الله يا مصر

والله الدنيا كلها ماشيه كده

كوووووووووووووسه
واللي معاه فلوس يعيش
والباقي ينداس

قرفة said...

ازيك ياتركيب
كل سنة وانت طيب معلش جات متأخرة
هو سيد ده حفيد سيد شبطة؟
بما ان شبطة مخلفش ولاد يبقى اكيد سيد ابن البول
لان مش معقول سيد
بسنه ده كله رايح يقدم في اكاديمية ويعمل يوميات المفتش شبطة
شفت الاستنتاجات المفتش قرفة بقى

اصلي متخرجة من الاكاديمية دي قبل كده

بس والله الراجل عداه العيب وشغل الجمجمة
وقدر يوصل لحجات بالفهلوة كده زي جدو بالظبط لما عرف الراجل فك خطوبته من اسبوع بس
جميلة دايما تركيباتك وعبقرية ومبعبرة زي ما عودتنا من ايام لبان بم بم بيقدم جوايز

فشكووول said...

السلام عليكم

ما هى بتيجى مع الهبل دبل
عشان كدا المؤسسه دى اللى بالى بالك خابت وفضيحتها بقت فى الدنيا كلها لانها ما بتعرفش تشتغل الا بالضرب والاهانات والاستهبال على الناس ومن غير اى علم

لييييييه ؟
لانهم بياخدوا ولاد الناس الكويسيين وولاد الناس اللى مش كويسيين زينا ما بيروحوش الاكاديميه دى وبيبقى باشا ابن باشا ابن باشا

اما احنا بقى فاحنا كلاب ولاد كلاب ولاد كلاب

تحياتى

Noha Saleh said...

صحيح والله كل حاجة بالواسطة او الفلوس
رغم انه ممكن يكون فى الافضل بس من غير واسطة او فلوس
جميلة اوى
وبتعبر عن واقع عايشينه

افروديت said...

لو ده مش نجح مييييييييييييين ينجح ؟

أناعايزه أسمع شبطه وهو رايح ينتخب ومراقب اللجنه بيقنعه بالتزويرلصالح مرشح الواطي وشبطه ضميره بيألمه .......ممكن ياتركيب يامدع أناعارفه أنها مش صعبه عليك... سلام

ساسو said...

دا مؤكد لازم ينجح
لانها اكاديميه خاصه
النجاح فيها مضمون مليون الميه
مش زي حالتنا احنا بنشوف الويل علشان ننجح

اسلوبك جميل جدا يا تيكو
وكل افكارك مرتبه ومنطقيه
وطريقه كلامك عجباني
دمت بود

حاجات جوايا said...

للاسف ده بقى حالنا
الواسطة بتمشى اى حاجة ملهاش قيمة ولا فيه منها نفع
ونرجع نقول ليه الناس بتتقدم واحنا بنتاخر
ليه انهرنا واتدهورنا وقيمتنا العلمية بقت فى الحضيض
مهو عشان فيه كتير اوى من سيد
وكتير اوى من اللى بيعينوا سيد وامثاله فى اماكن ميستهلوهاش
نقول ايه
لك الله يا مصر

تحياتى يا فندم

spiceman said...

بس هيه مصر كده, يعني الواد نادر ابن سيد العريني اللي مبيعرفش يكتب غير اسمه لما ابوه فجإه اغتني راح اشتري موبايل دمعه و علّقه في القميص من بره و يتصل بناس وهميه و ابوه من النحيه التانيه يتصل بمراته اللي هيا ام نادر عشان تفتح البوابه.
الموهم, نادر دلوقتي عنده (محل نت) زي ما بيسميه لصاحبه المهندس نادر.
ايه اللي حصل للتصميم القديم?

همسات دافئه said...

هههههههههههههههههههههههه
تحفه يا استاذ تراكيبو
خفه دمك واضحه جدا في اسقاطك الساخر

شريف القاضى said...

احلى حاجة عجبتنى فى القصة الغباء المتناهى للطالب ..حاجة تشرف بجد ..بس بلد بتاعت شهادات صحيح ..

عايشه لنفسي said...

ده مش كرمبو دا حموكشه ابن اخته
هو ده الغباء يارأفت
قصدى هى دى مصر يارأفت

؛) هو انت في المانيا وملم بالاوضاع هنا

دى بلد ماشيه بالكوسه اى شغل تروحه اول حاجه يقولهالك ومن غير خجل انت جاى تبع مين

انا خريجه اثار بلاش انااصحابي متفوقين قاعدين في البيت مقابل ان ناس كتير اعرفهم شغالين اثريين وهم خريجين اداب وسياحه مجرد انهم عندهم واسطه في المجال ده

Beram ElMasry said...

اخي وصديقي تاركيب
ربنا يخليك لي صديق ومشجع. فارجو ان لاتبخل ... يسعدني دائما مرورك
سلام ولاسلام مع بني اسرائيل

بس خلاص ... said...

اهديك اغنية ما تقلبش المواجع ياسيد

محمد سعد القويري said...

تحية عطرة معطرة
Attention Please >>>>
المعذرة .. هذا تعليق خارج النص ..
دعوة للمشاركة في
مشروع مقروءاتي الثالث
للمشاركة ولمزيد من التفاصيل .. هنا
http://qweary555.blogspot.com/2010/12/1431.html
ــــــــــــــــــــــــ
وإن شاء الله تكون هذي بداية سلسلة من الزيارات :)

سمو الامير said...

ماشاء الله

سيد عنده مؤهلات تخليهم يتبتوا فيه

ولا عزاء لاصحاب العقول :)

Tarkieb said...

Ms Venus
مش معقولة اول تعليق يادي الهنا والورد ...كنتي سامعة شبطة ؟ ههههههههه صح والله تحسي فعلا ذكائه النادر ....نورتيني يافينوس

Tarkieb said...

MR.PRESIDENT
صدقني انت فلة من ايام لما الدراسة كانت حاجة حلوة مش سبوبة دلوقتي ...نورتني ياريس

Tarkieb said...

Dr/ walaa salah
عندك حق والله بس صدقيني حيجي وقت وحيتعدل الهرم تاني وترجع الايام احلى من زمان

Tarkieb said...

•βЯξαҜ
انت اسمك ايه هههههههه؟ لعلمك انا والله كل ما اشوف منطقه اضحك واقعد اقول بودن واحدة بودن واحدة ههههههههه نورتيني

Tarkieb said...

قول ياااارب
ويارب نشوفك تاني عندنا ان شاء الله شرفتني

Tarkieb said...

re7ab.sale7

ماهي الانتخبات برضه بتنجحي بالفلوس ...والله عندك حق ودايما منوراني

Tarkieb said...

بيتنا القديم
وياريت دقة ملاحظة دي كمان ماوفقشي فيها اصلا ...الفلوس تفوت في الحديد..نورتني ياريس

Tarkieb said...

لورنس العرب

احنا في زمن الفلوس ترفع تيوس ...نورتني

Tarkieb said...

Tears

نموت في الكوسة وشغل الحوسة

Tarkieb said...

سكندري
هههههههههههه تمام حضرتك بودن واحدة ...شكلك حبيت سيد شبطة هههههههههه

Tarkieb said...

الحب الجميل
سيد بقى سيد بفلوسه عندك حق والله

ساسو said...

تيكو
ليه مبقتش بتزور مدونتي
بجد تعليقاتك وحشتني جدا
انت زعلان مني ولا ايه ؟؟؟؟؟

Mona said...

معنديش تعليق
بس شر البلية مايضحك بس ضحك مر
تحياتى لاسلوبك الممتع

جميله المصرى said...

صحيح معاك قرش تسوى قرش معكشى متسواش اى حاجه

بجد ده بقى حال البلد دلوقتى

تسلم ايدك اخى الكريم تراكيب

دمت بكل خير

اختك جميله

Tarkieb said...

Haytham Alsayes

الحزب الوطني لامم كل اصحاب المنفعة من ايام احمس لحد الان...سلامتك يا باشا ويارب تفرفش زي زمان ومنور

Tarkieb said...

شيرين سامي
عندك حق ودايما منوراني

Tarkieb said...

صدى الصمت - عاشقة الورد
عاش من شافك ...كلامك هو الاجمل....وتحياتي

Tarkieb said...

كلمات من نور
بفلوسه بقى ههههههه....نورتيني

Tarkieb said...

richardCatheart
ههههههه والله كلمة موكوس وصفت سيد بكل حاجة ...ذكي جدا....برافو عليكي والله نورتيني يا قط