Friday, December 17, 2010

أخر زمن

 

ـ إنت هنا من إمتى بالظبط؟
ـ ياه....ده سؤال صعب أوووي يا دكتور......دي حكاية فات عليها زمن
-
طب من إمتي بالتقريب كدة يا حاج خشبة؟
-
والله كل اللي أنا فاكره اني جيت صباحية يوم لما الزمالك خد الدوري
ـ يا نهار أبيض ده أنت قديم أوووي يا حاج... ده أنت خللت هنا يا راجل-ما انا قلتلك يا أبني وإنت مصدقتنيش...بس غريبة مش كدة؟
-
غريبة؟ هي إيه دي اللي غريبة؟ إن الزمالك خد الدوري؟
-
لا....إني جيت هنا م النجمة يعني

ـ لا خلاص مش شرط يا حاج.... الدنيا خلاص إتغيرت دلوقتي ....وماعدتشي زي زمان
-
بس تفتكر في أمل يا دكتور؟-في إيه بالظبط؟
-
في الحاجة نيفين؟
-
مالها الحاجة نيفين؟
قصدي يعني إنها ترضي بيا وتسيبها بقى من النعرة الكدابة اللي هى فيها دي...آينعم إحنا قرايب بس هى كمان حاطة في العلالي أووووي وفاكرة نفسها بنت بارم ديله
-
لا ما يهمكش أنا ممكن أكلمهالك لو تحب؟ ماهي موجودة جنبنا على طول هي ح تروح فين يعني؟
-
أحب؟ دا أنا ميت لشوشتي يادكتور..وبحلم باليوم اللي يجمعنا سوا ..عارف لايق عليها اللون الأبيض أووووي؟....زي الملايكة سبحان الله
-
بس لازم تغير شوية من منظرك يا حاج وتهتم شوية بقى بنفسك...ياراجل ده إنت بقيت هيكل عضمي خالص ...فين العضلات بتاعة زمان..إنت مش بتبص لنفسك في المرايا دلوقتي ولا إيه؟
ـ لا والله دا أنا نسيت حتى شكلي بقى ايه
-
أنا خايف وربنا إنك تخوفها بشكلك ده...ومتنساش كمان إنها واخدة بَرْضُه ع العز يا عم خشبة؟
-
يعني ح تشوفلي صرفة؟
-
طبعا وإن شاء الله حلك عندي ...بس سيبني شوية كدة أمخمخ وأرد عليك بعدين..
-
أنا لسة ح استنى يا إبني؟ يا دكتور الوقت عمال بيجري وأنا بَرْضُه لسة محلك سر...بموت فيها مش قادر خلاص
ـإنت مستعجل على إيه بس يا عمي؟ يعني وراك الديوان؟ ما أنت مرزي هنا بقالك سنين لما خلاص عفنت
-
عفنت؟ إيه الالفاظ دي يا ولد؟ عمال أكلمك عن الحب والرومانسية وإنت تقولى عفنت..طب إحترم سني...بلاش دي ....ده أنا اقدم منك يا أخي ..أنا غلطان وربنا إني سايب التربة كلها وجاي أتكلم مع عيل ناقص ولسة ماطلعشي م البيضة.....يا عبد الحميد.....يا عبحميد .....يا عبحميد يا أخويا تعالى شوف الواد إبنك اللي لسه مدفون طازة وجاي عاملي فيها دكتور على أخر الزمن

54 comments:

sal said...

هههههههه

بس من حق ابن عبد الحميد ان يصارح عمى خشبة مع الاحترام لمقامه طبعا
عجبنى المقطع دا

أنا غلطان وربنا إني سايب التربة كلها وجاي أتكلم مع عيل ناقص ولسة ماطلعشي م البيضة..

حلو النيولوك
راااايق

تحياتى يا فنان

قرفة said...

ازيك ياتركيب
كل سنة وانت طيب
بمناسبة السنة الهجرية والميلاديةوالكريسماس
وعاشورا وايه كمان
وعيد ميلادي
يلا

ايه اخبار البرد عندكو لما عندنا
وعايشين في فريزر
يبقى انتو اكيد من كتر البرد حرانين

واضح انك مش فاضي
تسجل انتاجك
بس حلوة
حتى خشبة نفسه يعمل نيوبوك
مكنش اتعذر ولا باع جزر
حلوة الحاجة نيفين

في انتظار الجديد

شهر زاد said...

قصة جميلة قوي
استمتعنا بيها بجد
تحياتي

Dr/ walaa salah said...

ههههههههههههههه

ايه الراجل اللي واخد اجازه من التربه ده

بس حوار ظريف

مشكور تركيب ومبروك النيو لوك

شريف القاضى said...

ملعوبة...
بيعجبى فى قصصك خفة دمها وعدم توقع مسارها ..

MR.PRESIDENT said...

انا بدأت اتشائم من اي اسم اسمه " عبدالحميد "

وإن شاء الله الحال يتصلح جوا وبراه

وفيه أمل بدون دكتور بس احنا نركز شوية

اللهم ارحم اموتنا .

وكما اعتقد والله اعلم " مع اني مش ذكي " مش عايز اقول الكلمة التانية بس مغزي القصة محيرني شوية .. هل بيتكلم علي الحال اللي وصلناه ولا ايه ..

كل سنة وانت طيب يا تراكيب

يوميات شحات said...

حلوة

ستيتة حسب الله الحمش said...

ههههههههههههههههه
تحفة
الحاج خشبة بتترد له الروح مع الزمالك
يلحق بقى قبل ما يرجع تاني

لورنس العرب said...

هههههههههههههههه

الزمالك بقى بيد الروح دلوقت؟


زمن

فتاه من الصعيد said...

هههههههههههههههه

وده خارج يشم هوا ولا ايه ؟ :))

بس فكره جميله كالعاده

تحياتي

كلمات من نور said...

كده يبقى الله يرحمه مع اقتراب الماتش الفيصل اخر الشهر...ههههههههههه

جايدا العزيزي said...

ازيك تركيب

وكل عام هجرى وانت بخير

انا عجبنى اوووووووووى الحاجه نفين وهى شبه الملايكه فى اللون الابيض

ههههههههههههه

ما هو القرد فى عيون حبيبه غزال

واكيد خشبه رغم ان بقى شبه عود القصب

هيكون غزال بردوا

ولازم يعيش ويعمل نيلووووووك

هو الحب ايه غير بهدله وقتدله

ههههههههه

حلوة يا مبدع

تحياتى

من كل بستان زهرة said...

ايه بقى الي جاب سيرة الزمالك
يااستاذ تيكو
هو دلوقتي الزمالك بقى التريقه بتاعتكم
ماااااااااااااااااشي

تبقى قابلني لو الحاجه نيفين بصت في وشه
بعد الي بيقوله على النادي الملكي

Tears said...

موضوع الكورة ده مجنن الناس

صدق اللى اختارلك اسم تركيب لانك بتجيد البناء الدرامى

محمد الجرايحى said...

السلام عليكم ورحمة الله وبركاته
أسلوب مميز وفيه سخرية لطيفة
شرفت بالتعرف على مدونتك وشخصك

تقبل مرورى وتقديرى واحترامى
بارك الله فيك وأعزك

Haytham Alsayes said...

ههههههههههههههههههه

خشبة
وطالع من التربة

ايه ياعم الحانوتي
ههههههههههههه

بقولك مخمخ كدة في فكرة
واعمل شبطة انه حانوتي وزراعة اعضاء
وكدة

بس اوعي حقوقي الملكية
عشان مارفعش عليك قضية

هههههههههه


تحياتي
ياتيكووووووو

مي said...

وحشتنى يايكوووووووووووووووووووو جدا انا عايزة اعرف الاكونت بتاعك عالفيس
مش عارفة اراضيك
ولا كل ده عشان انا زملكاوية ؟:)))

Ms Venus said...

ههههههههههههههههههههه

جميلة يا تيكووو

زى عادتك طبعا دمك خفيف


بس مالك ومال نيفين بقى هه هه هه ؟


ههههههههههههههه

ورداية ليك

Anonymous said...

هي نيفين تلاقي زي خشبة?
اصل وفصل وقرابة وعشرة
عيش وقورص

مدونة اكسجين مصر said...

السلام عليكم اخى الكريم اتمنى نكون اصدقاء وان توضع مدونتى عندك اتلرجاء الرد فى مدونتى مدونة اكسجين مصر

Ramy said...

هههههههههههه

مات بقى علشان زملكاوى

و لا مات من الحاجة نيفين

ولا من الأتنين

معلش بقالى فترة مش متابع

أرجو تقبل أعتذارى

اسماء عبدالعزيز said...

اسلوب جميل جدا وبساطه في السرد
دام الابداع والتميز
دمت بكل الخير

Beram ElMasry said...

صديقي العزيز تركيب
سلمك الله..تسلملي ياعسل ... وما اتحرمش من خفه ظلك وحضورك المبهج
تحية وسلام ولاسلام مع بني اسرائيل

dr.lecter said...

والله الحاجه نيفين كان عليها شنه ورنه زمان

walaa tulip rose said...

لالالالالالا فظيييييعة .. ايه الجمال ده بجد تجنن ... ده انا صدقت ياراجل وتابعت لحد ما فاجاتني بانهم في التربة
بجد ممتاز البوست ده

momken said...

كل سنه وحضرتك طيب
البوست روعه بجد
ودمع زى السكر
تسلم ايدك

بس عم خشبه ايه الى خلاه يسيب التربه علشان يقابل الاشكال دى

وزمالك ايه الى اخد الدورى ده
الكلام كان سنه كام ق.م

يمكن قصده البلاستيك ومن هول الموقف اختلط عليه الامور
الى فاكره ان الزمالك اخر مره اخد الدورى كان اسمه المختلط

بوست ولا اروع

تحياتى

re7ab.sale7 said...

هههههههه
زعلتني وضحكتني
وبعدين بقي هو انتم كلكم مش بتحبوا الزمالك يا جماعة لية...؟
احترموني شوية انا زمالكاوية
بس بجد ما شاء الله عليك
تسلم ايدك وافكارك

داليـ ـ ـ ـ ـ ـ ــــا said...

ههههههه
هو انتا منين ياعم تركيب
وبعدين اصدق ان فى اليومين دول واحده اسمها الحاجه نيفين

Beram ElMasry said...

عزيزي وصديقي الكريم تركيب
بارك الله فيك وشكرا علي تواجدك وتعليقك الطيب .... اما المشيح فهو المخلص المنتظر وملك اسرائيل وهم ينتظرونه وقد جاء ولكنهم انكروه كعادتهم وهو المسيح عيسي عليه السلام...
تحية وسلام ولاسلام مع بني اسرائيل

عايشه لنفسي said...

؛)
تسلم الايادى والله تحفه
دمها خفيف والحوار دمه خفيف

مستنيين المزيد
تحياتى

richardCatheart said...

هههههههههههههههههههههههه

والله يا تيكو دا حالنا عايشين اموات

مش عارفه ليه خشبه بطل يهتم بالفتنس بتاعه دا كان عليه عضله باى وتراى محصلوش هههههههههه


احلى حاجه انه بعد ما سال الدكتور واتكلم مجرد ان كلامه ماعجبهوش هزقه ونادله ابوه هههههههههههه

هى دى حال الحورات بين الاجيال

جميله يا تيكو ومعلش على التأخير
تسلم يا ريس

richardCatheart said...

اه صحيح بقالك فتره معملتش صوت
وبقالك فتره اكتر معملتش رومانسى بصوتك ولا حتى كتابه فى اجيال طالعه فى التدوين ماشفتش الحلويات بتاعتك
ماتبقاش بخيل يا ابو الكرم

Ms Venus said...

هههههههههههههههه كده بردو ؟


يعنى الواحد يهزر هنا تفضحه انت كده يا تيكو ؟


ماشى يا سيدى الله يسامحك بردوهههههههههههههههههه

nasamat said...

ازيك يا تيكو اخبارك ايه

هو الحاج خشبة فعلا ميعرفش ان الدنيا اتغيرت ومبقتش زى زمان
هى الحاجة نفين هتوافق عليه لما
الزمالك ياخد الدورى
ويمكن يقرا فاتحة ويلبس دبل يوم الخميس
يظهر ان السبع العجاف انتهو وبدأو السبع السمان
يعنى يستنى لأخر الموسم بالصلاة ع النبى
ههههههههههههههه
قله اطمن يا حاج وتفاءل خير
والبس الحتة الزفرة او احسن يروح لشبطة يعمله نيو لوك ويظبطه زى باكينام هانم
ههههههههههههه

حلوة يا تركيب

norahaty said...

دا حوار
ميتين بقى
وأحنا مش
عارفين:)

Anonymous said...

مطلوب كلة بالصوت بيبقى اجمل
دعدع

دعدع said...

على فكرة قصة حلوة كتير بتفكرننى بعم غريب هاها

Sharm said...

http://www.sharmlifeblog.com/2010/12/blog-post_28.html

P A S H A said...

مبدع

كل سنة و حضرتك طيب وبألف خير إن شاء الله وصحة وسعادة وبإذن الله عام سعيد عليك

norahaty said...

سنة جديدة
عليك وعلينا
سعيدة باذن الله
ياتراكيبووووووو

Anonymous said...

طولت الغيبة لعل المانع خير طمنا عيللك

richardCatheart said...

تييييييييييييييييييييكو

تيييييييييييييييييييييكو

انت رجعت تختفى خالص ليه كده

بتقلقنا عليك يا عمنا
والجمنهور بيكسر الصاله وبيكو عايزين تيكو عايزين تيكو

يارب تكون فى اتم صحه وبخير يارب
ربنا يطمنا عليك

من كل بستان زهرة said...

؟؟؟؟؟؟؟؟؟؟؟؟؟
انت مختفي فييييييييييييين
طمني عليك يا تركيب باشا

Tarkieb said...

باعتذر للجميع عن الرد او حتى زيارة مدوناتهم...وذلك للمرض ...ربنا يشفي الجميع ويبعد عنكم الامراض...وباشكر من سأل على ..ترتر وزهرة والشخص اللي نسي يكتب اسمه.. ..

وان شاء الله قريب ارد ع الجميع...

Ramy said...

ألف سلامة عليك

يارب تقوم بالسلامة قريب

أستاذى

norahaty said...

الف لابأس
عنك ياتراكيبو
ربنا يشفى كل مريض
وأنت أولهم بأذن الله

فجر الأمل said...

ههههههههههههههه
قصة رائعة
ربي يعطيك العافية والصحة

Anonymous said...

سلامتك الف سلامة
لاباس عليك

الشخص اللي نسي يكتب اسمه

قرفة said...

والله زعلتنا
كفارة وطهور ربنا يشفيك وترجع على خير ان شاء الله

richardCatheart said...

يارببببببببببى
والله انا قلقانه من كده

ربنا يكرمك يااااااااااااارب
ويطمنا عليك ويتم شفاء يارب

الف مليون سلامه عليك يا ابو التيك
ربنا يرجعك لينا بالسلامه ان شاء الله

Amr said...

يخرب بيت عقلك


زي العســل

في الجون

nasamat said...

الف الف مليون سلامة ليك يا تركيب
والله زعلت
ان شاء الله حاجة بسيطة وتعدى
وترجع بالسلامة تنور المدونة وتستحملنا
ابقى طمنا عليك يا ابو التراكيب
الف سلامة

الحــب الجميـــل said...

الف سلامة عليك يا تراكيب
ان شاء الله تقوم بالسلامه
ونطمن عليك بكل الخير
يارب

norahaty said...

يارب تكون
أحسن دلوقتى
دعواتى لك بالشفاء
العاجل أنت وكل مريض