ـ إنت هنا من إمتى بالظبط؟
ـ ياه....ده سؤال صعب أوووي يا دكتور......دي حكاية فات عليها زمن
-طب من إمتي بالتقريب كدة يا حاج خشبة؟
-والله كل اللي أنا فاكره اني جيت صباحية يوم لما الزمالك خد الدوري
ـ يا نهار أبيض ده أنت قديم أوووي يا حاج... ده أنت خللت هنا يا راجل-ما انا قلتلك يا أبني وإنت مصدقتنيش...بس غريبة مش كدة؟
-غريبة؟ هي إيه دي اللي غريبة؟ إن الزمالك خد الدوري؟
-لا....إني جيت هنا م النجمة يعني
ـ لا خلاص مش شرط يا حاج.... الدنيا خلاص إتغيرت دلوقتي ....وماعدتشي زي زمان
-بس تفتكر في أمل يا دكتور؟-في إيه بالظبط؟
-في الحاجة نيفين؟
-مالها الحاجة نيفين؟
قصدي يعني إنها ترضي بيا وتسيبها بقى من النعرة الكدابة اللي هى فيها دي...آينعم إحنا قرايب بس هى كمان حاطة في العلالي أووووي وفاكرة نفسها بنت بارم ديله
-لا ما يهمكش أنا ممكن أكلمهالك لو تحب؟ ماهي موجودة جنبنا على طول هي ح تروح فين يعني؟
-أحب؟ دا أنا ميت لشوشتي يادكتور..وبحلم باليوم اللي يجمعنا سوا ..عارف لايق عليها اللون الأبيض أووووي؟....زي الملايكة سبحان الله
-بس لازم تغير شوية من منظرك يا حاج وتهتم شوية بقى بنفسك...ياراجل ده إنت بقيت هيكل عضمي خالص ...فين العضلات بتاعة زمان..إنت مش بتبص لنفسك في المرايا دلوقتي ولا إيه؟
ـ لا والله دا أنا نسيت حتى شكلي بقى ايه
- أنا خايف وربنا إنك تخوفها بشكلك ده...ومتنساش كمان إنها واخدة بَرْضُه ع العز يا عم خشبة؟
- يعني ح تشوفلي صرفة؟
-طبعا وإن شاء الله حلك عندي ...بس سيبني شوية كدة أمخمخ وأرد عليك بعدين..
- أنا لسة ح استنى يا إبني؟ يا دكتور الوقت عمال بيجري وأنا بَرْضُه لسة محلك سر...بموت فيها مش قادر خلاص
ـإنت مستعجل على إيه بس يا عمي؟ يعني وراك الديوان؟ ما أنت مرزي هنا بقالك سنين لما خلاص عفنت
-عفنت؟ إيه الالفاظ دي يا ولد؟ عمال أكلمك عن الحب والرومانسية وإنت تقولى عفنت..طب إحترم سني...بلاش دي ....ده أنا اقدم منك يا أخي ..أنا غلطان وربنا إني سايب التربة كلها وجاي أتكلم مع عيل ناقص ولسة ماطلعشي م البيضة.....يا عبد الحميد.....يا عبحميد .....يا عبحميد يا أخويا تعالى شوف الواد إبنك اللي لسه مدفون طازة وجاي عاملي فيها دكتور على أخر الزمن
ـ ياه....ده سؤال صعب أوووي يا دكتور......دي حكاية فات عليها زمن
-طب من إمتي بالتقريب كدة يا حاج خشبة؟
-والله كل اللي أنا فاكره اني جيت صباحية يوم لما الزمالك خد الدوري
ـ يا نهار أبيض ده أنت قديم أوووي يا حاج... ده أنت خللت هنا يا راجل-ما انا قلتلك يا أبني وإنت مصدقتنيش...بس غريبة مش كدة؟
-غريبة؟ هي إيه دي اللي غريبة؟ إن الزمالك خد الدوري؟
-لا....إني جيت هنا م النجمة يعني
ـ لا خلاص مش شرط يا حاج.... الدنيا خلاص إتغيرت دلوقتي ....وماعدتشي زي زمان
-بس تفتكر في أمل يا دكتور؟-في إيه بالظبط؟
-في الحاجة نيفين؟
-مالها الحاجة نيفين؟
قصدي يعني إنها ترضي بيا وتسيبها بقى من النعرة الكدابة اللي هى فيها دي...آينعم إحنا قرايب بس هى كمان حاطة في العلالي أووووي وفاكرة نفسها بنت بارم ديله
-لا ما يهمكش أنا ممكن أكلمهالك لو تحب؟ ماهي موجودة جنبنا على طول هي ح تروح فين يعني؟
-أحب؟ دا أنا ميت لشوشتي يادكتور..وبحلم باليوم اللي يجمعنا سوا ..عارف لايق عليها اللون الأبيض أووووي؟....زي الملايكة سبحان الله
-بس لازم تغير شوية من منظرك يا حاج وتهتم شوية بقى بنفسك...ياراجل ده إنت بقيت هيكل عضمي خالص ...فين العضلات بتاعة زمان..إنت مش بتبص لنفسك في المرايا دلوقتي ولا إيه؟
ـ لا والله دا أنا نسيت حتى شكلي بقى ايه
- أنا خايف وربنا إنك تخوفها بشكلك ده...ومتنساش كمان إنها واخدة بَرْضُه ع العز يا عم خشبة؟
- يعني ح تشوفلي صرفة؟
-طبعا وإن شاء الله حلك عندي ...بس سيبني شوية كدة أمخمخ وأرد عليك بعدين..
- أنا لسة ح استنى يا إبني؟ يا دكتور الوقت عمال بيجري وأنا بَرْضُه لسة محلك سر...بموت فيها مش قادر خلاص
ـإنت مستعجل على إيه بس يا عمي؟ يعني وراك الديوان؟ ما أنت مرزي هنا بقالك سنين لما خلاص عفنت
-عفنت؟ إيه الالفاظ دي يا ولد؟ عمال أكلمك عن الحب والرومانسية وإنت تقولى عفنت..طب إحترم سني...بلاش دي ....ده أنا اقدم منك يا أخي ..أنا غلطان وربنا إني سايب التربة كلها وجاي أتكلم مع عيل ناقص ولسة ماطلعشي م البيضة.....يا عبد الحميد.....يا عبحميد .....يا عبحميد يا أخويا تعالى شوف الواد إبنك اللي لسه مدفون طازة وجاي عاملي فيها دكتور على أخر الزمن
54 comments:
هههههههه
بس من حق ابن عبد الحميد ان يصارح عمى خشبة مع الاحترام لمقامه طبعا
عجبنى المقطع دا
أنا غلطان وربنا إني سايب التربة كلها وجاي أتكلم مع عيل ناقص ولسة ماطلعشي م البيضة..
حلو النيولوك
راااايق
تحياتى يا فنان
ازيك ياتركيب
كل سنة وانت طيب
بمناسبة السنة الهجرية والميلاديةوالكريسماس
وعاشورا وايه كمان
وعيد ميلادي
يلا
ايه اخبار البرد عندكو لما عندنا
وعايشين في فريزر
يبقى انتو اكيد من كتر البرد حرانين
واضح انك مش فاضي
تسجل انتاجك
بس حلوة
حتى خشبة نفسه يعمل نيوبوك
مكنش اتعذر ولا باع جزر
حلوة الحاجة نيفين
في انتظار الجديد
قصة جميلة قوي
استمتعنا بيها بجد
تحياتي
ههههههههههههههه
ايه الراجل اللي واخد اجازه من التربه ده
بس حوار ظريف
مشكور تركيب ومبروك النيو لوك
ملعوبة...
بيعجبى فى قصصك خفة دمها وعدم توقع مسارها ..
انا بدأت اتشائم من اي اسم اسمه " عبدالحميد "
وإن شاء الله الحال يتصلح جوا وبراه
وفيه أمل بدون دكتور بس احنا نركز شوية
اللهم ارحم اموتنا .
وكما اعتقد والله اعلم " مع اني مش ذكي " مش عايز اقول الكلمة التانية بس مغزي القصة محيرني شوية .. هل بيتكلم علي الحال اللي وصلناه ولا ايه ..
كل سنة وانت طيب يا تراكيب
حلوة
ههههههههههههههههه
تحفة
الحاج خشبة بتترد له الروح مع الزمالك
يلحق بقى قبل ما يرجع تاني
هههههههههههههههه
الزمالك بقى بيد الروح دلوقت؟
زمن
هههههههههههههههه
وده خارج يشم هوا ولا ايه ؟ :))
بس فكره جميله كالعاده
تحياتي
كده يبقى الله يرحمه مع اقتراب الماتش الفيصل اخر الشهر...ههههههههههه
ازيك تركيب
وكل عام هجرى وانت بخير
انا عجبنى اوووووووووى الحاجه نفين وهى شبه الملايكه فى اللون الابيض
ههههههههههههه
ما هو القرد فى عيون حبيبه غزال
واكيد خشبه رغم ان بقى شبه عود القصب
هيكون غزال بردوا
ولازم يعيش ويعمل نيلووووووك
هو الحب ايه غير بهدله وقتدله
ههههههههه
حلوة يا مبدع
تحياتى
ايه بقى الي جاب سيرة الزمالك
يااستاذ تيكو
هو دلوقتي الزمالك بقى التريقه بتاعتكم
ماااااااااااااااااشي
تبقى قابلني لو الحاجه نيفين بصت في وشه
بعد الي بيقوله على النادي الملكي
موضوع الكورة ده مجنن الناس
صدق اللى اختارلك اسم تركيب لانك بتجيد البناء الدرامى
السلام عليكم ورحمة الله وبركاته
أسلوب مميز وفيه سخرية لطيفة
شرفت بالتعرف على مدونتك وشخصك
تقبل مرورى وتقديرى واحترامى
بارك الله فيك وأعزك
ههههههههههههههههههه
خشبة
وطالع من التربة
ايه ياعم الحانوتي
ههههههههههههه
بقولك مخمخ كدة في فكرة
واعمل شبطة انه حانوتي وزراعة اعضاء
وكدة
بس اوعي حقوقي الملكية
عشان مارفعش عليك قضية
هههههههههه
تحياتي
ياتيكووووووو
وحشتنى يايكوووووووووووووووووووو جدا انا عايزة اعرف الاكونت بتاعك عالفيس
مش عارفة اراضيك
ولا كل ده عشان انا زملكاوية ؟:)))
ههههههههههههههههههههه
جميلة يا تيكووو
زى عادتك طبعا دمك خفيف
بس مالك ومال نيفين بقى هه هه هه ؟
ههههههههههههههه
ورداية ليك
هي نيفين تلاقي زي خشبة?
اصل وفصل وقرابة وعشرة
عيش وقورص
السلام عليكم اخى الكريم اتمنى نكون اصدقاء وان توضع مدونتى عندك اتلرجاء الرد فى مدونتى مدونة اكسجين مصر
هههههههههههه
مات بقى علشان زملكاوى
و لا مات من الحاجة نيفين
ولا من الأتنين
معلش بقالى فترة مش متابع
أرجو تقبل أعتذارى
اسلوب جميل جدا وبساطه في السرد
دام الابداع والتميز
دمت بكل الخير
صديقي العزيز تركيب
سلمك الله..تسلملي ياعسل ... وما اتحرمش من خفه ظلك وحضورك المبهج
تحية وسلام ولاسلام مع بني اسرائيل
والله الحاجه نيفين كان عليها شنه ورنه زمان
لالالالالالا فظيييييعة .. ايه الجمال ده بجد تجنن ... ده انا صدقت ياراجل وتابعت لحد ما فاجاتني بانهم في التربة
بجد ممتاز البوست ده
كل سنه وحضرتك طيب
البوست روعه بجد
ودمع زى السكر
تسلم ايدك
بس عم خشبه ايه الى خلاه يسيب التربه علشان يقابل الاشكال دى
وزمالك ايه الى اخد الدورى ده
الكلام كان سنه كام ق.م
يمكن قصده البلاستيك ومن هول الموقف اختلط عليه الامور
الى فاكره ان الزمالك اخر مره اخد الدورى كان اسمه المختلط
بوست ولا اروع
تحياتى
هههههههه
زعلتني وضحكتني
وبعدين بقي هو انتم كلكم مش بتحبوا الزمالك يا جماعة لية...؟
احترموني شوية انا زمالكاوية
بس بجد ما شاء الله عليك
تسلم ايدك وافكارك
ههههههه
هو انتا منين ياعم تركيب
وبعدين اصدق ان فى اليومين دول واحده اسمها الحاجه نيفين
عزيزي وصديقي الكريم تركيب
بارك الله فيك وشكرا علي تواجدك وتعليقك الطيب .... اما المشيح فهو المخلص المنتظر وملك اسرائيل وهم ينتظرونه وقد جاء ولكنهم انكروه كعادتهم وهو المسيح عيسي عليه السلام...
تحية وسلام ولاسلام مع بني اسرائيل
؛)
تسلم الايادى والله تحفه
دمها خفيف والحوار دمه خفيف
مستنيين المزيد
تحياتى
هههههههههههههههههههههههه
والله يا تيكو دا حالنا عايشين اموات
مش عارفه ليه خشبه بطل يهتم بالفتنس بتاعه دا كان عليه عضله باى وتراى محصلوش هههههههههه
احلى حاجه انه بعد ما سال الدكتور واتكلم مجرد ان كلامه ماعجبهوش هزقه ونادله ابوه هههههههههههه
هى دى حال الحورات بين الاجيال
جميله يا تيكو ومعلش على التأخير
تسلم يا ريس
اه صحيح بقالك فتره معملتش صوت
وبقالك فتره اكتر معملتش رومانسى بصوتك ولا حتى كتابه فى اجيال طالعه فى التدوين ماشفتش الحلويات بتاعتك
ماتبقاش بخيل يا ابو الكرم
هههههههههههههههه كده بردو ؟
يعنى الواحد يهزر هنا تفضحه انت كده يا تيكو ؟
ماشى يا سيدى الله يسامحك بردوهههههههههههههههههه
ازيك يا تيكو اخبارك ايه
هو الحاج خشبة فعلا ميعرفش ان الدنيا اتغيرت ومبقتش زى زمان
هى الحاجة نفين هتوافق عليه لما
الزمالك ياخد الدورى
ويمكن يقرا فاتحة ويلبس دبل يوم الخميس
يظهر ان السبع العجاف انتهو وبدأو السبع السمان
يعنى يستنى لأخر الموسم بالصلاة ع النبى
ههههههههههههههه
قله اطمن يا حاج وتفاءل خير
والبس الحتة الزفرة او احسن يروح لشبطة يعمله نيو لوك ويظبطه زى باكينام هانم
ههههههههههههه
حلوة يا تركيب
دا حوار
ميتين بقى
وأحنا مش
عارفين:)
مطلوب كلة بالصوت بيبقى اجمل
دعدع
على فكرة قصة حلوة كتير بتفكرننى بعم غريب هاها
http://www.sharmlifeblog.com/2010/12/blog-post_28.html
مبدع
كل سنة و حضرتك طيب وبألف خير إن شاء الله وصحة وسعادة وبإذن الله عام سعيد عليك
سنة جديدة
عليك وعلينا
سعيدة باذن الله
ياتراكيبووووووو
طولت الغيبة لعل المانع خير طمنا عيللك
تييييييييييييييييييييكو
تيييييييييييييييييييييكو
انت رجعت تختفى خالص ليه كده
بتقلقنا عليك يا عمنا
والجمنهور بيكسر الصاله وبيكو عايزين تيكو عايزين تيكو
يارب تكون فى اتم صحه وبخير يارب
ربنا يطمنا عليك
؟؟؟؟؟؟؟؟؟؟؟؟؟
انت مختفي فييييييييييييين
طمني عليك يا تركيب باشا
باعتذر للجميع عن الرد او حتى زيارة مدوناتهم...وذلك للمرض ...ربنا يشفي الجميع ويبعد عنكم الامراض...وباشكر من سأل على ..ترتر وزهرة والشخص اللي نسي يكتب اسمه.. ..
وان شاء الله قريب ارد ع الجميع...
ألف سلامة عليك
يارب تقوم بالسلامة قريب
أستاذى
الف لابأس
عنك ياتراكيبو
ربنا يشفى كل مريض
وأنت أولهم بأذن الله
ههههههههههههههه
قصة رائعة
ربي يعطيك العافية والصحة
سلامتك الف سلامة
لاباس عليك
الشخص اللي نسي يكتب اسمه
والله زعلتنا
كفارة وطهور ربنا يشفيك وترجع على خير ان شاء الله
يارببببببببببى
والله انا قلقانه من كده
ربنا يكرمك يااااااااااااارب
ويطمنا عليك ويتم شفاء يارب
الف مليون سلامه عليك يا ابو التيك
ربنا يرجعك لينا بالسلامه ان شاء الله
يخرب بيت عقلك
زي العســل
في الجون
الف الف مليون سلامة ليك يا تركيب
والله زعلت
ان شاء الله حاجة بسيطة وتعدى
وترجع بالسلامة تنور المدونة وتستحملنا
ابقى طمنا عليك يا ابو التراكيب
الف سلامة
الف سلامة عليك يا تراكيب
ان شاء الله تقوم بالسلامه
ونطمن عليك بكل الخير
يارب
يارب تكون
أحسن دلوقتى
دعواتى لك بالشفاء
العاجل أنت وكل مريض
Post a Comment