Thursday, April 21, 2011

الشفتشي




الزمان :القاهرة 20 يناير 2011


1


-
من إمتى لاحظتي الحكاية دي يا شرشر هانم؟
-
تقريبا من شهرين كدة ؟
-
وبعدين؟
-
وبعدين حسيت إنه إتغير مرة واحدة كدة يا دكتورة
-
ياه إتغير؟ إزاي يعني؟
-
إزاي إيه ماجدة؟ أمال لو ماكناش ستات زي بعض كنت عملتي إيه؟ أكيد فاهمة أنا قصدي إيه بالظبط؟
-
فاهمة والله بس عايزاكي تحكيلي شوية بالتفصيل
-
بصراحة هي حاجة بجد تكسف أوووووي
-
معلش يا هانم..زي ماقلتلك المرة اللي فاتت إن الحكاية عايزة شوية وقت مش أكتر ...بس هو إنت إزاي بجد يعني لاحظتي.... قصدي يعني ...إن جوز حضرتك ....يعني زي ما بتقولي ... كدة إتغير مرة واحدة؟
-
شوفي يا دكتورة...هو أنا يعني ح أتوه عنه ولا عن عمايله؟ إنسي إنت بس الأول حكاية صورته الجامدة دي اللي بتطلع دايما في التليفزيون ..عارفة؟ ده كان بس اول مايشوفني لابساله الاحمريكا وده كان بييقي عامل زي التور الهايج ....
-
الأحمريكا؟
-
قصدي يعني قميص نوم أحمر ..... حاجة كدة شفتشي ترد الروح
-
شفتشي؟ إيه الماركة الغريبة دي يا مدام شرشر ؟ أنت عمرك ماكتبتي عنها لينا قبل كدة يعني في الجرايد ... أنا أول مرة بصراحة أسمع عنها
-
ههههههه ماركة؟ ماركة إيه بس يا ماجدة؟ إيشحال إنك لسة شابة وأصغر مني بكتير.. شوفي يا ستي ..ده حاجة كدة شفافة و تشرح العين ...عقبال بقى إن شاء الله ما تلبيسها لجوزك قريب
-
ميرسي حضرتك....ربنا يخليكي بجد...طب وبعدين؟
-
وبعدين؟ وبعدين إيه يا دكتورة؟ بقولك معدش خلاص بيأثر فيه الشفتشي وإنت تقوليلي وبعدين؟
-
آسفة و الله..... أنا بس قصدي ...حضرتك عملتي إيه يعني بعد لما الشفتشي خلاص ماجابش معاه نتيجة؟
-
في واحدة صاحبتي أوووي ....تقدري تقولي الأنتيم بتاعي يعني و ماسكة دلوقتي صفحة طبيبك الخاص عندنا برضة في الجورنال قالتلي عليكي وبالفلفل الاسود و لو حبكت إتوصي كمان بجوزة الطيب في الأكل ...ولو قدرتي يا شوشو ...إبقى يوم والتاني كدة و إعمليله حمام محشي.. أو حتى إهريه جمبري وسبيط....... المهم تروقيه كدة على الآخر وترجيعه شباب من تاني
-
وجات بفايدة الوصفة دي؟
-
تصدقي يا دكتورة ماجدة؟ أول م كان بياكلها كنتي تحسي كدة إنه مابقاش خلاص قاعد على بعضه وعمال يلف حوالين نفسه.... وكان في الآخر بيلاقيله أي حجة والسلام عشان يسيبلي البيت ويمشي وكان كل مرة يقولي أنا رايح الجهاز ..ما هي البلد كلها في رقبتي يا شوشو ....ولو نمنا لحظة يا حبيبتي ح يروح الأمن والامان م البلد دي .....وأفضل أنكت أنا بقى في نفسي و أستناه طول الليل ....وفين وفين ....لحد ما يجيلي بسلامته كدة على وش الفجر وطبعا خلصان وهلكان وإنسي بقى الليلة....وكل يوم على كدة
-
خلصان وهلكان؟ ليه؟ هو كان بيحارب ولا إيه؟ ومسألتهوش طيب هو بيروح فين حضرتك؟
-
طبعا سألته...وسألته والله كتير .. وكان تملي بيقولي: ده شغل والفرع الرئيسي الجديد لازم اروحه كل يوم بعد ما أخلص شغل الوزارة.. ماتشغليش بالك أنت ...ولو مش مصدقاني إبقي إسألي بهيجة بكرة الصبح بقى براحتك
-
بهيجة؟ بهيجة مين؟
-
بهيجة السكرتيرة
-
بهيجة السكرتيرة؟ حلاوته هى الحكاية فيها بقى سكرتيرة وكمان بهيجة؟ يبقى خلاص كدة يا مدام تاهت ولاقيناها
-
تاهت إيه ولاقيناها إيه يا دكتورة؟ دي عندها يجي ٧٠ سنة وسكرتيرته من أول ما مسك الوزارة ..تقدري تقولي سكرتيرة كل الوزرا من أيام فؤاد باشا سراج الدين لحد دلوقتي ... يعني حاجة انتيكة كدة..لا طبعا مش ممكن .وبعدين إشمعنى دلوقتي يعني اللي ح يفكر فيها؟ لا طبعا ده جوزي وانا عارفه ذوقه كويس..لا ...لا ما أظنش
-
لا في دي بقى عندك حق يا شرشر هانم...بس على فكرة تقريبا جوز حضرتك شكله كده عنده مشكلة ...والله أعلم............. وطبعا فاهمة أنا قصدي إيه بالظبط؟
-
أه فاهمة ..فاهمة طبعا
-
وعشان كدة بقى بيتهرب منك كتير..بس ضروري بقى إنه يعرض نفسه بسرعة على أي دكتور وطبعا في السر عشان بس نتجنب الشوشرة والمعارضة
-
حاضر أبقى أقوله بس ربنا يديني الشجاعة واقدر أنطق قدامه ......بس يارب يسمع بقى الكلام وماينشفش دماغه زي عادته ويروح بقى ويتعالج
-
ربنا يسهل وإن شاء الله يروح ...ربنا يطمنا عليه يارب..... طب أشوف حضرتك بقى الأسبوع الجاي .....وإن شاء الله كالعادة زي دلوقتي....إتفقنا؟
-
آه طبعا إن شاء الله يا دكتورة ...ربنا يريح قلبك زي ما بتريحيني كدة كل مرة بجد انا بأخرج من عندك مبسوطة أووي .... يالا باي بقى دلوقتي .... يالا سلام
*********************************

2


-
ألو ....عدولتي؟ أنا ماجدة ....القرشانة مراتك كانت عندي تاني في العيادة ...بقولك إيه بقى؟ أنا وحياة ربنا خلاص ذهقت ..إنت مش ناوي بقى تقولها ولا إيه؟ بقالك شهرين عمال تقولي مش وقته......مش وقته يا حبيبتي......أمال إمتى بقى بالزمة يعني؟ أنا وحياة ربنا بأبقى ماسكة نفسي كل مرة ع الآخر وبأبقى عايزة بقى أريحها وأقولها ده جوزي وحبيبي يا وحشة إنتي......يا كركوبة إنتي........عادولتي....عادوووووووولتي ....بأقولك إيه يا حبوببتي؟ ماتنساش بقى وأنت جاي النهاردة ياحبي تبقى تجيبلي معاك حاجة كدة شفتشي وعلى ذوقك كدة يا شقي وسيب الباقي بقى عليا.......يالا باي دلوقتي.... في واحدة زبونة مهمة أوووووي جاية بعد شوية...يالا باي...........مووووووواه

43 comments:

أنا - الريس said...

بعد السلام والتحية
أما بعد
من رئيس الجمهورية .

شفت التشي . مشفتوش .
المشكلة إن اغلب الستات بيبقي عندهم مكر رباني .

سواء القصة خيالية فهي واقعية
ومش هقدر أقول غير ربنا يهدي اللي بيتجوزا تاني ويعدلوا .

انا شايف في ان للجواز أهداف
في ناس عشان تتمتع وفي ناس عشان العزوة .

أنا عن نفسي وبما إني راجل فشايف إن الجواز الثاني والثالث والرابع مفهوش مشكلة بشرط . إن يكون في عدل .

بدل السهتنه وشغل حلق حوش .

في أمان الله

شريف القاضى said...

كان الله فى عون عدولة ...
:))

Anonymous said...

ان شاء الله اعدام لعدولة



‹^› ‹(•¿•)› ‹^› ‹(•¿•)› /(༗∙༗)\

richardCatheart said...

ههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه

ماهو المعفن اخره الوكاله بتاع الشف تشى

كان المفروض على دمه يختشى بس اللى اختشو ماتو




اكيد البورنس اللى كان فى الدولاب بتاعها

ولسه ما خفيا كان اعظم كان دكر اوى بروح خالته
هههههههههه
تحففففففففففففففففففففففه والحوار موتتتتتتتتتتتتتتتتتتتتتتتنى


تسلم يا ابو التيك

richardCatheart said...

عقبال ماليلبس الشفتشى الاحمر ياااااااااااااا رب عن قريب
هايبقى جنان عليه
ههههههههههههههه

طيوري said...

ازيك ياتركيب
غيابك طال ياعم
كل دي غيبة
بس وماله بردو القصة المرة دي جامدة وتقبلنا العذر بس ماتكررش الغياب
بجد تحفة والله والحوار رااائع وحقيقي جدا برغم ما به من مياصة هههههههههههه عقوا على اللفظ سامحني بس هو ده التعريف الوحيد ال لاقيته نافع بجد برافو يافنان
والحمد لله ان في حد حل ليا اللغز كنت هاموت واعرف مين صاحبة البورنس الروز الحمد لله انها طلعت مراته بردو

الميكروباص said...

ههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه


لا تعليق

Unknown said...

هو كان بيشتغل
فى الجهاز؟يبقى
عليه العوض

shoshta_ joker said...

السلام عليكم......


هههههههههههههههههههههههههههههههههههههههه

لا بجد جااااااااامدة
ايوووووووووووووووة ع السوسنة

ان كيده عظيم فعلا والله هههههههه



دومتى بخير
فى رعاية الله....
shemo

Tears said...

يارب نشوفه لابس أحمر فى أحمر

الشاعر الفنان أحمد فتحى فؤاد said...

هههههه

إيه ده يا تركيب

ده ربنا امر بالستر

تحياتي لك

الغاردينيا said...

^_^

بجد اسمتعت بالقراءه

وانا ضد زواج ثاني

من فشل مع امراءه اولى به ينجخ معاها

عوضا على ان يبدا حياه ثانيه !

وربنا لما شرع زواج لاكثر من مره للرجل

شرعه فقط علما به لطبيعته النفسيه

وخوفا عليه من زنا

ارق تحيات
كنت هنا ,

Ibrahim Ben Gamal said...

طب عدولتي دلوقتي في السجن .. ينفع يعني اللي بيحصل ده .؟.!!

Anonymous said...

شرشر :))

طيب وهو في السجن حاليا ولا في شرشر ولا ام ترتر حتى :)

تحياتي

mrmr said...

ههههه
ح نبارك له قريب على البدله الحمرااااء الشفتيشى ههههههههههههههه

اقعد بالعافيه

الميكروباص said...

where r u???

افروديت said...

ههههههههههه

حلوه اوي ياتيكو أن شاء الله هيلبس الأحمر شفتشي بقي مش شفتشي

هيلبسه يعني هيلبسه

دعواتك معانا

ساسو said...

هههههههه
دايما بتضحكني تيكو
تسلم يا جميل

Unknown said...

Where r u????
hope you r OK

الميكروباص said...

عالم تركيب راح فين؟؟؟؟؟

افروديت said...

بتختفي فيييييييييين ياتركيب


انت بخير

Haytham Alsayes said...

هههههههههههههههههههههههههههههههههههه

هههههههههههههههههههههههههههههههههههه


اهو دولا متلقح في طرة

فينك ياتيكو يعني اجي انا تغيب انتي

بان ياريس وعليك الامان

Tarkieb said...

MR.PRESIDENT
ربنا يعون في عون كل اللي اغتصبهم وطبعا اللي اتجوزهم نورتني ياريس واسف على التاخر في الرد لظروف عملية

Tarkieb said...

شريف القاضى
على رايك اولها 12 واخرها اكيد مؤبد..نورتني واسف على التاخير

Tarkieb said...

richardCatheart

لقتطها على طول ياقط ومتابع البرنس ههههههههه ....ده كان في كمان بدل رقص مسكين ملحقش يتمتع بيهم ولا بالشفتشي كمان بعدها الثورة قامت...نورتيني واسف على التاخير في الرد

Tarkieb said...

richardCatheart
يسمع نت بقك ربنا احمر احمريكا

Tarkieb said...

قرفة said...

الله يسلمك والله ظروف شغل بقى صعبة بس الحمد لله اننا بنطمن عليكم اه من شهر لشهر...دايما رافعه من روحي المعدنية كدة والحمد لله عرفتي الحل اتصلي بقى بالاذاعة عشان تكسبي صلاة النبي نورتيني واسف على الاتاخير في الرد غصب عني سماح انور

Tarkieb said...

لورنس العرب

دايما كدة منورني بابتسامتك وربنا يديم الود

Tarkieb said...

norahaty
ده كان رئيس الجهاز ههههههههههههه نورتيني يادكترة

Tarkieb said...

shemo_ joker s
ربنا يخليكي وميرسي ع الزيارة بس بلاش والنبي دومتي دي احسن دي للنساء فقط ههههههههه

Tarkieb said...

Tears
يسمع من بقك ربنا نورتيني واسف على التاخر في الرد لظروف خاصة

Tarkieb said...

الشاعر الفنان أحمد فتحى فؤاد

ههههههههههه اه بس مش مع دول نورتني كالعادة يا فنان

Tarkieb said...

لغاردينيا
نورتيني يا ستي ويارب ما تكون اخر زيارة وميرسي ع التعليق

Tarkieb said...

I.G.B

عدولتي خد 12 سنة والبقيه تاتي نورتني وميرسي ع الزيارة ويارب ما تكون اخر زيارة

Tarkieb said...

فتاه من الصعيد
بس شرشر اسم واحدة منهم بجد بس صدفة برضة ههههه

Tarkieb said...

mrmr
يارب ..هو انت لحقتي تيجي وتفشي على طول كدة ههههههههه ماشي عافيتك معاكي

Tarkieb said...

لورنس العرب
الشغل والله كان طحن بس الحمد لله دلوقتي عرفت اسم نفسي حابة ميرسي ع الزيارة تاني وافتح بقى الكومنتات عندك عشان نتخانق ههههههههههه

Tarkieb said...

افروديت
حلوة الصورة الجديدة دي بعد الثورة ههههههه ميرسي ع الزيارة وياريت الشعب يلبسه الشفتشي ده وهو بيتحاكم ههههه

Tarkieb said...

ساسو
ربنا يخليكي والحمد لله انها عجبتك

Tarkieb said...

norahaty

انا هنا بس كان في ظروف في الشغل والحمد لله دلوقتي انا كويس ولا ينقصنا الا زيارتكم

Tarkieb said...

لورنس العرب s

عالم تركيب عايز واحد فاضيله هههههههههه ويفضل يسجل ويكتب والايام دي صعبة والله موت ربنا يسهل ونمشي عالم تركيب كده سنة سنة

Tarkieb said...

افروديت
اصل اللي كنت باكتبله دخل السجن خلاص ههههههههه معدش فيه الهام شاهين..زبس والله ظروف في الشغل وربنا يسهل ونظهر تاني

Tarkieb said...

Haytham Alsayes
هههههههههههه لو اعرف انك بتيجي لما اغيب اغيب بقى كتير عشان تيجي يا فنان نورتيني وانشاء الله ما حد يغيب تاني فينا