-ألووووو....هابي
فالنتين يا روحي
-ألو..... مين معايا؟
- كدة برضه يا سوسو تنسيني؟ وامتي؟ في عيد الحب؟ اخص عليكي بجد
-معلش يا احمد والنبي، أخويا الايام دي حاطتني اووي في
دماغه ومش عارفة اتحرك منه خالص
-أحمد؟ ما هو أنا أخوكي يا مقصوفة الرقبة وده يطلع مين بقى سي أحمد بتاعك ده يا بت؟ وديني لا أكسر دماغك النهاردة إنت وهو بس لما ارجعلكم بالليل وابقي خلي بقى أبوكي يحوش
عنك زي كل مرة
**************************************
-آآآآآآآآآآآآآي أأأأأأأأأأأأأأأأأي حرمت وربنا
خلاص يا آبيه، تبت علي إيديك وسماح وخلاص مش ح
اكلمه مرة تانية، عهد خلاص توبة وربنا
-خف إيدك شوية بقى ع البت يا سعد لا تروح في إيديك
المرة دي يا أبني وأهي خلاص تابت أهي وحرمت وانا اضمنهالك المرة دي برقبتي، البت لسه صغيرة يا إبني وطيش شباب
****************************************
-الووووووووووو.... سوسو حبيبيتي..روحي.. فينك بقي يا هرابة؟ ردي
عليا بقى من فضلك بلللللليييييييييز..... بقالي اسبوعين عمال كل يوم أحاول اكلمك وبرضه
مش بتردي عليا، خير في إيه ياحبيبتي؟ في حاجة؟ رد عليا يا قمر بقى، طمني، طب ردي عليا ولو حتي بكلمة، كلمة واحدة عشان
بس أطمن مش اكتر، وربنا مش بانام خالص من ساعتها ، كلمة واحدة بقي يا سوسو خليكي حلوة وبعديها
خلاص أقفلي السكة، عشان بس أطمن عليكي يا حبيبتي، أوك؟ أوك يا حبيبي؟
- أحمد حبيبي وحشتني مووووووووووت، المرة اللي فاتت ربنا ستر و
أخويا كان ح يموتني عشان باعرفك بلييييز أصبر بقي شوية ياحبيبي لحد ما يهدي حبة وربنا يحلها من عنده بقي
-يحلها؟ ده انا اللي ح احل وسطك النهاردة يا جزمة
بس لما ارجعلكم بالليل مش قلتلك يا بت ما ترديش ع الواد ده ولا اي حد تاني م الاشكال العرة دي؟ وقعتك
سودة لما ارجعلك وابقي خلي ابوكي ينفعك ويحوش عنك بقى
28 comments:
اقسم بصوابعى العشرة ان دمك يا تركيب زى السكر سكر اسييييييييييييييه زى العسل عسل ايييييييييييه زى الشهد شهد اييييييييه زى الخشاف خشاف ايييييي
عليك واحد
صحيح انت وحشتنى يا ابن الجيران
والنبى تسأل عليا النبى وصى على سابع جار وانت من السيده وانا من باب الشعرية
تركيـــــــــب رجـــع يا مدونين
:))))))))))))
يا ألف نهار أبيض يا ألف نهار مبروك
نورت الدنيا كلها والله العظيم
:)))
أقرا وأرجع لك
هههههههههههههههههههههههههههههههه
هي البت دي مالها منحسة معاها قوي كده ليه ؟؟ دي زي اللي تكون لقت أحمد ده على باب جامع !!
والله يا عم وحشتنا خفة دمك وبوستاتك اللذيذة
ما تغيبش تاني بقى وحياة أحمد يا شيخ
حمدا لله على السلامه
كل ده غياب
استاذ فاروق ربنا يخليك انا قلت خلاص نستني ونسيت البلوجات والله واحشني موووت وواحشني ذكرياتك الجميلة وان شاء دايما بحير وورايا واجب كتير لازم اقري كل اللي فاتني عندك وكل سنة وانت طيب والاسرة كلها بخير
P A S H A #
والله انت واحشني جدا والحمدلله ان في امثالك
لسة في البلوج كان الواحد اعتزل الفن واتحجب وقعد في البيت ربنا يخليك ويحعله عامر ما بينا يا راجل ياطيب
P A S H A
حظها وحش واخوها غلس هههههههه والله انت اللي استاذ وبنتعلم منك وربنا انا كنت في حالة وحشة عشان اللي بيحصل ومكانش ليا نفس لأي حاجة بس الحمد لله بدأت تندع اهي تشكر يا صاحبي
moataz farouk
ازيك يا معتز يارب تكون بخير وميكروباصاتك تكون بخير والله كنت في حالة وحشة م اللي بيحصل في البلد وماكنش ليا نفس لاي حاجة خالص وربنا يسهل ويفرجها من عنده
يا سيدي الكل ملوش نفس بس المهم أظهر قول أي حاجه- المهم تظهر بس
حمدالله على السلامة نورت بلوجر من تاني
اما نقرا ونشوف الجديد ايه
ههههههههههه
ده فلانطين مطين بطين
ده اخ ده؟ ده اخ منه يخرب بيت كده
ضحكتنا يافنان
وماتطولش الكسل كده
ان كان على النفس والحال الحال فل الفل
ومن احسن لاحسن ان شاء الله وخلي عندك تفاؤل وثقة بالله
ولو الواحد هايوقف الدنيا عشان حاجةة ماينفعش
عودا حميدا
بحب البوستات بتاعتك دي بتموتني من الضحك
مستنينك دايما ^_^
هههههههههههه
البت دى مبصوصلها ف الفلانتين بصة وحشة
وحشة وحشة يعنى
الف حمدلله ع السلامة
والعود أخضر
:)
جميل جداااا
كل مرة تغلط
مفيش فايدة :)
البت دى نحس وش على فكرة
منور يا تراكيبو
moataz farouk
حاضر وربنا يخليك ويحفظك وانشاء الله تتحل من عنده قريبا
طيوري
الله يسلمك والحمد لله انك لسة فاكرة البلوج او ليكي مزاج للبلوجات بعد م الحال في البلد اتغير وبقت حاجة تحزن
طيوري
اخ بيعمل كمين الهنيدي لسوسو ههههه....ناقص يقولها ياساسووو...نورتيني
مساء الهنا والسعاده والضحكة الحلوة الغلابه
تراكيب .... عودا حميدا لمدونتك ولاسعادنا بجميل ما يخط قلمك
بصراحه خفت دمك لا حصلت ولا هتحصل اسعد الله ايامك واوقاتك كما تسعدنا
وبلاش عيد فلانتين وانت طيب لحسن اخويا يكون سامعنى هههههههههههه
مودتى واعجابى بقلمك
مساء الورد
حمد الله على سلامتك
نورت الدنيا
وخف على البت :)
رحاب صالح
ربنا يخليكي كدة وما يحرمنا من تعليقاتك وكلامك اللي برائحة البنفسج
فاتيما
الزعيمة بنفسها لو اعرف كنت فتحت المحل من زمان ربنا يخليكي وما يحرمنا من حداويتك
عادل سمك
انت اجمل وربنا يخليك ع الزيارة ونوعدك بردها قريبا جدا
norahaty
اخوها معلم وضربه اكيد معلم عليها نورتيني يانورا
reemaas
عاش من شافك ويا رب تكوني بخير والدراسة شغالة كويس
بسمة الورد
ياه دي شهادة اعتز بها من اكسبريس والتوربيني للشعر العامية في مصر ربنا ما يحرمنا من اشعارك ويجعل ايد سعد خفيفة عليكي ههههههه.
Aml Hamdy
ههه ربنا يخليكي يا سيدة الشعر العربي الحديث وما يحرمنا من طلتك ولا كلامك يارب
Post a Comment