Saturday, March 1, 2014

ايدز ايه اللي انت جاي تقول عليه




باخد الايدز م المريض باغذي المريض علي إيدز باديهوله صباع كفتة يتغذى عليه..باخد المرض واديهوله غذا وهذا قمة الاعجاز العلمي أشكر السادة اشكر السيد المشير الذي إهتم بهذا البحث وكان كرباج لانه قال قولات مأثورة بترن في ودني حتى الان قال احنا في الديل مش ح ينفع نمشي زي ما الناس ماشية إحنا عايزين نقفز وهذه هى القفزة الاولي ان شاء الله.. قاهر الايدز علي مستوي العالم قاهر الايدز علي مستوي العالم إن شاء الله

..

11 comments:

رحاب صالح said...

no comment
مهو مفيش حاجة غير كدة

طيوري said...

ههههههههههههههههههههه
حلوة اوي الفكرة ههههههههه وياترا المحلول دة بينزل فيه صوابع كفتة؟
مش مكسوفين من نفسهم؟
طبعا انا محشور في زوري كلام كتير وشتيمة كتير
ومقارنات اكتر بس مافيش داعي الطيب احسن
واللي عامل عملية ريحته بنج
واللي مربي قرد عارف لعبه
واحنا شعب مش وش كفتة
اصلهم هابحرمونا منها احنا واهلنا وقرايبنا وجيراننا الحمدلله
بس بيني بينك
انا قررت اشتري صوباعين كفتة احتياطي
الوقاية خير من العلاج بردو
يجعله عامر وسفرة دايمة

Tarkieb said...

رحاب صالح
هههههههه والله احلي حاجة انا نفسي كنت عايز اقول كلام كتير بس احلي حاجة عملتها قعدت اسمع كلام سعادة اللوز وكتبته بالحرف قلت عشان افهم كنت زمان لما بذاكر اعمل كدة وصدقيني طلعت بحكمة كبيرة مهما تقنعي في الناس محدش ح يقتنع في ناس علي استعداد تجرب الجهاز وتصاب بامراض الدنيا كلها اللي بتنتقل عن طريق الدم عشان تثبت ان الفنكوش حاجة حلوة وناس لو حتي تاكدت انه جهاز شغال حلاوة حمصية زي لمبة النيون بتاعة الموالد علي وسطها ينور علي شعرها تنور برضه مش حتصدق ..خلاصة الكلام اذا كان الجهل نور فمن الحماقة ان تكون حكيم

Tarkieb said...

طيوري
هههههههههه بعد ما قعدت اسمع اللوز عبمعطي كنشير وشفت الصورة فهمت هو عايز يقول ايه هو قصدة بدل الكفتة احماض امينية وبروتينات وتقريبا مفيش كفت ولا حاجة هو قصده يموت الفيروس ولما الفيروس يموت الجسم يستفيد من الاحماض الامينية دي,,بصراحة الفكرة جميلة وتستاهل جايزة هبل للعلوم بس ياخسارة عشان تلات حاجات البيه ما يعرفهاش الفكرة اونطة اولا الفيروس بروتينه معمول من الخلايا بتاعة المريض يعني هو جايب عدة الشغل معاه والخلاية بتاعة البني ادم بتصنعله اللي عايزه يعني كوفتته مش كوفته حد غريب...ثانيا الفيروس موجود في خلايا غالبا مش بتتحرك وغالبا ثابته يعني مش ح تعدي ع الجهاز واللي ح يعدي ع الجهاز هو الدم واكيد حيحصل تلوث له من المريض اللي قابله يعني لو حد عنده سي وممكن كان يتعالج بالانترفيرون حيجيله ايدز ياخد اجله...ثالثا والاهم مفيش فيرس بيطلع موجات اصلا وحتي لو بيطلع موجات الجهاز ح يموته ازاي الا اذا كان فيه صاعق ناموس ؟ العملية خيال علمي بس من واحد معلوماته الطبية من ايام ابن سينا وكانت حلوة في زمانها

Mohamed Ashri said...

أنا صعبان عليا شوية البقدونس اللى هيتفرشوا على سرير المريض ..

بسمة الورد said...

بصراحه الواحد مابقاش فاهم حاجه فى البلد دى .. هو فيه ايه بالظبط هاها ؟؟؟

Aml Hamdy said...

:)
مساء النور ..

Tarkieb said...

Mohamed Ashri
تفتكر في بقدونس اصلا اللي بيفبرك الكفتة يفبرك السلاظات ؤالبقدونس هههه نورتني

Tarkieb said...

بسمة للورد
الناس بقت بتصدق اي حاجة وبتنسي بسرعة

Tarkieb said...


امل حمدي
يا مساء الفل منورة يا ست الكل

I.G.B said...

اللي غايظني انهم غطوا على الاكتشاف الحقيقي للدكتور جمال شيحة الباحث العالمي وللعمل طبعا فيه جهاز تشخيصي لفيروس سي وبكرر جهاز تشخيصي عن بعد وكان شغال عليه دكتور جمال شيحة العالم المصري ومعاه ناس من مصر وباكستان وكان ليهم تجارب دامت لمدة 19 شهر وكمان نتايج تجاربهم منشورة في نشرات علمية محترمة .
وهذا هو الويب سايت لمن يريد البحث أكثر
http://www.waset.org/author/gamal-shiha