باخد الايدز م المريض باغذي المريض
علي إيدز باديهوله صباع كفتة يتغذى عليه..باخد المرض واديهوله غذا وهذا قمة الاعجاز
العلمي أشكر السادة اشكر السيد المشير الذي إهتم بهذا البحث وكان كرباج لانه قال
قولات مأثورة بترن في ودني حتى الان قال احنا في الديل مش ح ينفع نمشي زي ما الناس
ماشية إحنا عايزين نقفز وهذه هى القفزة الاولي ان شاء الله.. قاهر الايدز علي مستوي
العالم قاهر الايدز علي مستوي العالم إن شاء الله
..
..
11 comments:
no comment
مهو مفيش حاجة غير كدة
ههههههههههههههههههههه
حلوة اوي الفكرة ههههههههه وياترا المحلول دة بينزل فيه صوابع كفتة؟
مش مكسوفين من نفسهم؟
طبعا انا محشور في زوري كلام كتير وشتيمة كتير
ومقارنات اكتر بس مافيش داعي الطيب احسن
واللي عامل عملية ريحته بنج
واللي مربي قرد عارف لعبه
واحنا شعب مش وش كفتة
اصلهم هابحرمونا منها احنا واهلنا وقرايبنا وجيراننا الحمدلله
بس بيني بينك
انا قررت اشتري صوباعين كفتة احتياطي
الوقاية خير من العلاج بردو
يجعله عامر وسفرة دايمة
رحاب صالح
هههههههه والله احلي حاجة انا نفسي كنت عايز اقول كلام كتير بس احلي حاجة عملتها قعدت اسمع كلام سعادة اللوز وكتبته بالحرف قلت عشان افهم كنت زمان لما بذاكر اعمل كدة وصدقيني طلعت بحكمة كبيرة مهما تقنعي في الناس محدش ح يقتنع في ناس علي استعداد تجرب الجهاز وتصاب بامراض الدنيا كلها اللي بتنتقل عن طريق الدم عشان تثبت ان الفنكوش حاجة حلوة وناس لو حتي تاكدت انه جهاز شغال حلاوة حمصية زي لمبة النيون بتاعة الموالد علي وسطها ينور علي شعرها تنور برضه مش حتصدق ..خلاصة الكلام اذا كان الجهل نور فمن الحماقة ان تكون حكيم
طيوري
هههههههههه بعد ما قعدت اسمع اللوز عبمعطي كنشير وشفت الصورة فهمت هو عايز يقول ايه هو قصدة بدل الكفتة احماض امينية وبروتينات وتقريبا مفيش كفت ولا حاجة هو قصده يموت الفيروس ولما الفيروس يموت الجسم يستفيد من الاحماض الامينية دي,,بصراحة الفكرة جميلة وتستاهل جايزة هبل للعلوم بس ياخسارة عشان تلات حاجات البيه ما يعرفهاش الفكرة اونطة اولا الفيروس بروتينه معمول من الخلايا بتاعة المريض يعني هو جايب عدة الشغل معاه والخلاية بتاعة البني ادم بتصنعله اللي عايزه يعني كوفتته مش كوفته حد غريب...ثانيا الفيروس موجود في خلايا غالبا مش بتتحرك وغالبا ثابته يعني مش ح تعدي ع الجهاز واللي ح يعدي ع الجهاز هو الدم واكيد حيحصل تلوث له من المريض اللي قابله يعني لو حد عنده سي وممكن كان يتعالج بالانترفيرون حيجيله ايدز ياخد اجله...ثالثا والاهم مفيش فيرس بيطلع موجات اصلا وحتي لو بيطلع موجات الجهاز ح يموته ازاي الا اذا كان فيه صاعق ناموس ؟ العملية خيال علمي بس من واحد معلوماته الطبية من ايام ابن سينا وكانت حلوة في زمانها
أنا صعبان عليا شوية البقدونس اللى هيتفرشوا على سرير المريض ..
بصراحه الواحد مابقاش فاهم حاجه فى البلد دى .. هو فيه ايه بالظبط هاها ؟؟؟
:)
مساء النور ..
Mohamed Ashri
تفتكر في بقدونس اصلا اللي بيفبرك الكفتة يفبرك السلاظات ؤالبقدونس هههه نورتني
بسمة للورد
الناس بقت بتصدق اي حاجة وبتنسي بسرعة
امل حمدي
يا مساء الفل منورة يا ست الكل
اللي غايظني انهم غطوا على الاكتشاف الحقيقي للدكتور جمال شيحة الباحث العالمي وللعمل طبعا فيه جهاز تشخيصي لفيروس سي وبكرر جهاز تشخيصي عن بعد وكان شغال عليه دكتور جمال شيحة العالم المصري ومعاه ناس من مصر وباكستان وكان ليهم تجارب دامت لمدة 19 شهر وكمان نتايج تجاربهم منشورة في نشرات علمية محترمة .
وهذا هو الويب سايت لمن يريد البحث أكثر
http://www.waset.org/author/gamal-shiha
Post a Comment