-حضرتك مدير الرستوران؟
-لا
يا افندم بس تقدري تقولي إن انا هنا الكل في الكل
-الكل
في الكل ...طب كويس، جيت في وقتك
-تحت
أمرك يا افندم
-ميرسي
أوووي ممكن سؤال؟
-إتفضلي
-شعرك
ده ولا باروكة؟
-شعري
ولا باروكة؟ بقي إنت عايزة المدير عشان كدة؟
-لا
طبعا يا أستاذ هيثم
-هيثم؟
وكمان عرفتي إسمي ؟
-إنت
نسيت إنك لابس ينيفورم المحل؟
-آه
صحيح
-مش
ح تجاوبني يا إستاذ هيثم؟
-ح
أجاوبك طبعا، بس بلاش من فضلك تمدي إيدك أكتر من كدة، المدير بتاعنا مش بيحب الحاجات
دي هنا
-معلش،
سوري؛ اصلي بجد ما قدرتش امسك نفسي ...شعرك بجد تحفة
-تحفة؟
-آه
صدقني
-مصدقك
-
وياتري حضرتك حاطت برضه ميك آب ولا ده متهيألي؟
-ميك
آب؟ في إيه يا آنسة؟ حسستي علي شعري وسكتنا، إنما توصل بيكي الجرأة أنك كمان تلمسي
شفايفي؟ لا ده كدة بصراحة أوفر أووي
-سوري
متأسفة .. متأسفة خالص
-متأسفة؟
-أيوة
..أصل بجد ماكنتش قادرة خالص وغصب عني صدقني
-خلاص
.. خلاص حصل خير...المهم بقى كنت عايزة المدير بتاعنا في إيه؟ أصل الحكاية بجد بوخت حبة
-
بوخت؟ الله يسامحك
-أيوة
بوخت، وياريت بقي تخلصيني عشان نشوف بقية الزباين
-أنا بس كنت عايزة......عايزة
-اللهم
ما طولك يا روح ..يا ستي خلصيني بقي
-ممكن
بس لو مافيهاش تعب يعني ... قصدي يعني يا مطعم يا زبالة تهتمو حبة بالتواليت
-زبالة؟ التواليت؟
ماله التواليت يا آنسة؟
-بصراحة
حاجة تقرف ولسة خارجة من هناك لا مية ولا ورق تواليت، بس ميرسي خالص أنا إتصرفت خلاص
19 comments:
الكلام ده مش فى المظاعم يس دا فى كل مكان عشان الواحد يعملها على روحه لأ حلوه يا تركيب
faroukfahmy
ده في مصر زمان كان في كل ميدان دورات مياه شالوها لولا الجوامع في مصر كان مصر زمانها كلها ترترة ع النيل
لوووول
انتقام
جميلة القصة
تقبل مروري
انسجام....يحلوالكلام
ياه عاش من شافك وبعودة الايام الظاهر البلوج الناس بدت ترجعله تاني
!!يادى الحوووسة
أتصرفت أزاى ياترى :)؟؟
ههههههههههههه بجاحة بس احسن مطاعم عاوزة الحرق فيها ايه لو عندنا الجماعة الصحفيين اللى بيكتبوا عن نضافة المطاعم برا دوا ويحركوا اجهزة رقابية تسحب رخص وتخرب بيوت
مساء المزاج العالى ياتركيب
بجد انت رائع فى النقذ الازع بتعرف تمزج النقد فى بنبونايه لذيذة
دمت بروعة ما تقدم
مودتى
ههههههههههههههههههه
يعني عملته ورق تواليت !!
طب كويس أنها عرفت تتصرف ، احنا كنا بنمسح في المفارش بتاعت الترابيزات :D
:)
صباح الروقان
ههههههههه
اتصرفت
ههههههههههههههههههههههه
جميلة جدا و اسلوبك رائع بجد
تحياتي
ههههههههههههههههه مشكلة بجد
تسلم ايدك ^_^
norahaty
ههههههههه انتقمت منه ومسحت ايدها في شعره منوراني دايما
Blogger reemaas
لو كل واحد عمل زيها محدش ح يسيب الحمام كدة هههههههه نورتيني
بسمة الورد
ربنا يخليكي يا شاعرة القطر المصري الحديث وما يحرمنا من زيارتك
بسمة الورد
ربنا يخليكي يا شاعرة القطر المصري الحديث وما يحرمنا من زيارتك
P A S H A
شريف باشا وربنا بتنورني حتي لو ما قلتش اي حاجة فمابالك لما تعليقك بيكون في الجون ربنا يديم المعروف
Aml Hamdy
هههههه الجيش بيقول اتصرف واحنا دلوقتي بقينا تحت حكمهم نورتيني يا ست الكل
Osman Ali
ربنا يخليك ع التعليق ونردلك الزياة قريبا ويجعله عامر
Carmen
حمدالله علي سلامتك ودايما منوراني زي زمان
Post a Comment