Saturday, September 13, 2014

و كله عشانك يا ماااااسر






[01:05] <<سوزي>> سهرانة ليه يا قمراية لحد دلوقتي
[01:06] <
<نوني>> متدايقة قوي يا سوزي وح طرشق
[01:06] <<سوزي>خير؟ حصل إيه ؟
[01:06] <
<نوني>حمادة عمل معاية موقف وحش كدة وزعلني
[01:06] <<سوزي>تاني؟ هو إنت كل إصحابك كدة بغزالة؟
[01:06] <
<نوني>> مش عارفة أنا الظاهر مليش حظ مع الولاد
 [01:07] <<سوزي>> عمل إيه طيب؟
 [01:07] <
<نوني>مخاصمني الندل تقريبا من إسبوعين
[01:08] <<سوزي>ياه إسبوعين مرة واحدة؟ وقدر؟
[01:10] <
<نوني>ايوة واللي مجنني بقى إنه كمان قافل موبايله
[01:10] <<سوزي>>قافله؟ يبقي أكيد عملتي حاجة زعلته
[01:10] <
<نوني>أبدا والله كل اللي حصل عشان رحت رحلة
[01:10] <<سوزي>رحلة؟ أمتي؟ وازاي؟ وفين؟ ومع مين؟
[[01:11] <
<نوني>> في إيه يا سوزي إنت ح تعملي زيه ولا إيه؟
[01:11] <<سوزي>> لا بجد ريلي رحلة إيه دي اللي زعلته؟
[01:12] <
<نوني>ما إنت عارفة الحال في البلد بقى وحش أووي
[01:12] <<سوزي>>إيوة يا نوني حاجة بقت ريلي صعبة أووي
[01:12] <
<سوزي>إنا قلت بعد ما قمنا بثورة وخلصنا منهم
[01:12] <
<سوزي> إننا ح نستقر بقي وترجع أيام زمان
[01:12] <
<سوزي>لكن الظاهر نفسهم طويل
[01:13] <<نوني>>وحياتي عندك يا سوزي ما تكلمنيش في السياسة
[01:13] <
<نوني>أحسن بقيت بأتعصب أوووي
[01:14] <<سوزي>> على رأيك المهم كملي
[01:14] <
<سوزي>>حمادة زعلان منك ليه طيب
[01:14] <
<سوزي>> خير؟
[01:15] <<نوني>>إنت عارفة يا سوزي؟ أنا بدأت
[01:15] <
<نوني> أشك في حمادة ده إنه إخوان أو خلايا نايمة
[01:15] <
<نوني>> بس خلاص أنا إتأكدت إنه ريلي م الإخوان
[01:15] <<سوزي>> هههه حمادة إخوان؟ إنت شاربة حاجة ولا إيه؟
[01:15] <<سوزي>> يا بنتي ده كان واقف معانا
[01:16] <<سوزي>> في التحرير في ثورة يونيو المجيدة
[01:16] <<سوزي>>ربنا ما يرجعهم تاني البعدا ..لا طبعا مش ممكن
[01:16] <
<نوني>>أصله ريلي بان أووي إنه ولد رجعي ومتزمت
[01:16] <
<نوني> >ده أول ما قلتله إني رايحه رحلة بحرية إتجنن
 [01:16] <
<نوني> وإتعفرت خالص مع إني رايحة مع هشام
 [01:16] <<سوزي>> هشام؟ هشام مين؟
[01:16] <
<نوني>> هشام إبن طنت شريفة ما إنت عارفاه وعارفة
[01:17] <
<نوني>> إنه شغال قبطان على مركب سياحية
[[01:19] <
<نوني>> وكانو عاملين تجديد في المركب وافتتاح وكدة
[01:20] <
<نوني>> وعزمني عشان أغير جو بدل الاكتئاب
[01:20]<
<نوني>> اللي أحنا عايشين فيه ده دلوقتي
[01:20] <<سوزي>> عزمك؟ بجد؟ إمتى؟ طب مقلتليش يعني
[01:20] <<سوزي>> يا بختك.. ده أنا لو منك أروح معاه فورا
[01:21] <<سوزي>> وطز ألف مرة في حمادة الإخوانجي ده
[01:21] <
<سوزي>>بقولك أيه؟ يجي منه هشام ده يا بت يا نوني؟
[01:21] <<سوزي>> ع العموم لو مش عاجبك؟   أشيله
[01:21] <<سوزي>>ويبقى حلال عليا وابقي إديني موبايله بلييييز
[01:21] <<سوزي>>ده انا وحياتك أظبتهولك  في ثواني
[01:21] <<سوزي>> المهم عملتي إيه؟
[01:22] <
<نوني>> رحت بس ياريتني مارحت
[01:22] <<سوزي>>  ليه؟
[01:22] <
<نوني>> طلع هشام برضه إخوان
[01:22] <
<نوني>>وعمل زيهم بالظبط يا سوزي
[01:22] <
<نوني>> فاكرة يوم لما باعونا في في محمد محمود؟
[01:22] <<سوزي>> ليه خير عمل إيه الإخوانجي ده روخر؟
[01:23] <
<نوني>>تصدقي؟ بعد ما شربنا وفرفشنا
[01:23] <
<نوني>> وتقل حبة في الشرب
[01:23] <
<نوني>>قالي لو ماجتيش معايا دلوقتي
[01:23] <
<نوني>> وفورا ع الكابينة بتاعتي يا نونا
[01:24] <
<نوني>> ح اغرق السفينة دي كلها وفورا
[01:24] <
<نوني>> ويبقي ذنب الالف راكب دول في رقبتك
[01:24] <
<نوني>> وقدامك خمس دقايق بالظبط بس تفكري يا نونا
[01:24] <<سوزي>>ياخبر المجرم وعملتي إيه طمنيني؟  ده موقف صعب
[01:25] <
<نوني>عملت الصح طبعا
[01:25] <
<نوني>> واللي ضميري الوطني بيمليه عليا
 [01:25] <
<نوني>> البلد مش ناقصة ضحايا تاني ياسوزي
 [01:25] <
<نوني>> مش كفاية الاخوان وعمايلهم السودة
[01:25] <
<نوني>> انقذت حياة الركاب طبعا

31 comments:

طيوري said...

اول تعليق حمد الله ع السلامة
وبعدين اقرا

طيوري said...

ههههههههههههههههههههه
وهو ده شعب سونية العظيم
دايما بتاع تضحيات
الاخوان دول يستاهلو اللي بيحصل فيهم
حتى يستاهلو الطرد من قطر بس بالعند في البوعدا قطر قالت ماطردناش حد
هههههههههههههه
حلوة بجد
والجزء الاخير مفاجئة كالعادة
تحياتي

Tarkieb said...

هههههه المفاجاة انك اول تعليق دايما منورنا ياحاج طيوري ويجعله عامر

طيوري said...

اه من زمان ماهو الغياب بيعلم الكسل بقى
بس شكل الشات حاسة انه متاخد كوبي وبست ههههههه مش معقول حتى بالدقيقة

Tarkieb said...

هههه طب كويس والله اخدتي بالك ده انا طلع عيني في الفورمات دي عشان تطلع كدة

الكاتبة والإعلامية فاطمة العبيدي said...

هههههههههههه
مش ممكن تحفة بجد
ربنا يبارك في ماسر وأهلها المضحين

لا بس بجد حلوة
تحياتي

بسمة الورد عطر المشاعر said...

ههههههههههههههههه اهم حاجه انها انقذت الركاب جدعه اوى

مساء الورد عليك

P A S H A said...

ههههههههههههههه
لأ بجد ونعم التضحيات
:))
دي المفروض الركاب يردوا لها الجميل ويشكروها واحد واحد زي ما عملت علشانهم بالظبط ؛ علشان ما تحملهمش جمايل
:))
وممكن واحد من الركاب يحب يشكرها بالنيابة عن نفسه وعن أسرته وبلده كلها
:))
رائع كالعادة يا كبير

Tarkieb said...

الكاتبة والإعلامية فاطمة العبيدي
ياه دي شهادة اعتز بيها من حضرتك والحمذ لله ان لسه في حد بيتابع البلوج سبوت ودايما كدة مشرفاني بالزيارة ان شاء الله

Tarkieb said...


بسمة الورد
هههههه ربنا يبسطك كمان وكمان وصاحبة واجب علي طول ورينا ما يحرمنا من زيارتك وتعليقاتك واشعارك ياقطر الشعر الحديد هههه

Tarkieb said...

P A S H A
هههههه والله ردك فطسني م الضحك وهو لوحده حكاية مش بقولك انت فنان وبتلعب بالكوميديا لعب انت حلال فيك السوبيا لا سوبيا ايه ازازة بيرة من عم كامل مشبرة بقي هههه منورني دايما ياباشا ومستنيك مرة تسمع الحكواتي. وتعلق

richardCatheart said...

هههههههههههه ههههههههههههه
وحشتنى والله خفة دمك يا تيكو .هى فعلا عملت الصح هههههههه اه والله

Tarkieb said...

richardCatheart

حمدالله ع السلامة ياحاج ريتشارد وعاش من شافك

Mohamed Ashri said...

يا سلاااااام ..
اموت فى الشعب التانى لما يضحى
ربنا ما يحرم البلد من تضحياتهم ..

جميل جميل جميل ..

Tarkieb said...

Mohamed Ashri
ههههههههههه انهم شمعة تحترق من اجلنا نورتني يا فنان

Unknown said...

وكله عشان
الإنسانيةووومســر!!!

Tarkieb said...

norahaty mo
هههههه ايون عشانك يا ماسر نورتيني يانور

أمل حمدي said...

كتر خيرها والله دي فدائية
:)

أمل حمدي said...

مصر يا تركيب مصر

بالصاد

:(

mrmr said...

ههههههه
والله زمان يا تركيبوووووو
وحشنتنى مدونتك بجد

Tarkieb said...

Aml Hamdy
ادام الاستاذة هنا يبقي لازم نعلق الزينة ونرش رملة نورتيني يا اطيب امولة

Tarkieb said...

mrmr
يانهار ابيض عاش من شافك تصدقي بحسبك اعتزلتي النكت ههههه

أمل حمدي said...

كل سنة وأنت طيب وبخير يا أغلى صديق

رحاب صالح said...

ههههههههههههههه
اه فعلا عشاااان ماااااسر
يا عم البونية نيتها سليمة انتم لية بتفكروا وحش كدة
حمد الله بالسلامة والله وحشني بوستتك المبهجة دي
كل سنة وانت طيب ولو انها متأخرة

Unknown said...

تراكيبوووا
صباح الفل
نهارك أبيض

Unknown said...

حبيت أصبح
جوتن ناااخت :)

mhsnelmhmdy said...

انا مش مندهش من التضحية الاخيرة ،لان هوا ده الاسلام الوسطي
، هييييه فين ايام المسلم ومراته لما كانوا يقفوا في البلكونة بالحمالات ويشربوا بيرة ، كانت ايام

Tarkieb said...

Aml Hamdy

وانت طيبة يا ست الكل

Tarkieb said...

رحاب صالح
حمدالله علي سلامتك انتي ودايما منوراني يارب

Tarkieb said...

norahaty mo
صباح الانوار يا نور

Tarkieb said...

م م
الله يرحمه عم كامل مات وخد البيرة وقمصان النوم والمحلاوي معاه ههه نورتني