Sunday, March 1, 2015

آحـيه يـا أبـو توتي آحـيه



-       بابا العيال في المدرسة بيعاكسوني علي طول
-       بيعاكسوك؟ إزاي يعني مش فاهم؟
-       بيقعدو يضحكو أوي أول ما يشفوني
-       يضحكو؟  قلالات أدب بصحيح.. أكيد عيال مش متربية
-       أيوة صح يا بابا
-       طب وبيقولولك إيه بقى ساعتها كمان يا توتي ؟
-       معلش يا بابا مش ج أقدر أقول
-       ماتقدرش؟ ليه يا حبيبي؟ مش إحنا إصحاب برضة؟
-        بصراحة أتكسف يعني
-       تتكسف؟
-       أيوة  بس فيما معناه يعني إني واد مايص وكدة
-       مايص؟ يا نهار أبوك إسود
-        آه وإني عامل زي غادة  
-       غادة؟ ودي تطلع مين بقي الست غادة دي؟
-       غادة عادل يا بابا
-       غادة عادل؟ غادة بتاعة مصر قريبة؟ يا نهارأبوك إسود ..إبني أنا.. إبني أنا يبقي زي غادة عادل؟ آحييه يا أبو توتي آحيه، إضربهم ولاد الجزمة دول وإوعى تسكتلهم خالص ياحبيبي
-       ماأقدرش يا بابا ما أقدرش
-       ما تقدرش؟ وما تقددرش ليه بقي يا سبعي
-       أصلهم قمامير أووووي يا بابا وسو كيوت خالص وقلبي بصراحة بقى ما يطاوعنيش إني أضربهم

28 comments:

طيوري said...

اول كومنت

طيوري said...

ياه من زمان ماحصل لناش الشرف ده

طيوري said...

فعلا اسم عبقري
احيه فعلا
يتلائم مع العار والخيبة اللي وصلت لها مصر على ايديهم
قسما بالله لما شوفت الصورة كنت باحسب ده مشهد للزفتة غادة عادل في فيلم وهي بتتفق مع زبون وبتشتغل شغلة لاكؤاخذة
لاني ماشفتش اوبريت الدياثة ده
للاسف فهمت غلط
تسلم ويسلم حضورك باستمرار في بلوجر

Tarkieb said...

طيوري
مبروك المركز الاول هههههههههه

Tarkieb said...

طيوري
ده الشرف لينا

Tarkieb said...

طيوري
مش غادة بس ده كله خليني بقي ساكت ونورت ياحاج طيوري

طيوري said...

العفو الله يكرمك
بس هو غادة هي اللي انا شفت صورتهاصدفة لاني مافكرتش ادور ولا اخد من وقتي كام دقيقة عشان اشوف الشيء المقزز ده
لكن بالطبع هاتبقى غادة واخواتها رمز مخزي لكل من ايد هذا التحول لحقبة سيتحدث عنها التاريخ بالكثييييييييير من الخزي والعار

زهــــراء said...

مسا الفل يا تيكو

اشمعنى غاده عادل لامؤاخذة ههههههههههه وهو الرجل ده اسكندراني ولا اييييه لأن كلمه احيه دي اسكندراني أصيلة ودلوقتي أصبحت تقريبا هي الكلمه الوحيده اللي لسه متواجده في قاموس حياتنا
بمناسبة الكلمه دي بقيت لما اقولها لازم اتبعها بكلمه اسكندراني عشان ماحدش يفهمنا غلط لما كنت في مكه وكنت أسأل على سعر برفان وفوجئت أن سعره غالي قولت احيه فوجئت أن البائع بحلق في وشي وبعدين قالي اسكندرانيه ضحكت وانسحبت من المحل ومن وقتها لازم اقول احيه اسكندراني عشان أهل القاهره والجيزة يفهموا أن النيه شريفه ومش نقصدوا بها أي حاجه وحشه هههههه😁😁😁😁😁😁😁
صورة الواد عن اللوز وأحلى من غاده عادل كمان

متألق على الدوام

مدونة الفرسان said...


آحـيه يـا أبـو توتي آحـيه
ههههههههه
جابلك الخلاصة
العيال دول أماميرأوى

Tarkieb said...

طيوري

عندك حق كل الاوبريت فكرني بقصة الارنب الغضبان بتاعة ابتدائي لما الارنب ذهق م الخس والجزر وبعد كدة ما لقاش الا عضمة عند الكلب وتبن عند الحمار ألخ
وكل واحد مش بيقدم الا اللي يعرفه واكيد شوية بلطجية وقوادين ورقصات مش بيقدمو الا بيعرفوه وهي دي مصر بالنسبة ليهم ونورتني وخلينا في القصة مش غادة واخواتها ههههههههه

Tarkieb said...

زهــــراء

مساء الفل يا ست بطة خلاص احيييه بقت انتر ناسونال خلاص بعد سعيد صالح ما استخدمها في اليال كبرت انت نسيتي اني بقيت اسكندراني وولادي اسكندرانييين وبيقولو كمان ماما وبابا واحييه كمان هههههه منوراني ياست بطة

Tarkieb said...

مدونة الفرسان
منور يا ابو الفوارس وربنا ما يحرمنا من طلتك وتعليقاتك اللي في الجون

زهــــراء said...

تيكووووو

لا طبعا مش نسيت بس انك اخدت الجنسيه على كبر 😉
إنما اللي اتولد وعاش فيها بيقول مصطلحاتها عاااااااادي يا سيدي ربنا يبارك لك في الولاد ويحفظهم وكمان في اللي خلاك تاخد الجنسيه وبعدين هي مش بابا وماما دي كلمات مصريه أو اسكندرانيه بس

norahaty mo said...

توتى وابوه
(وممكن أمه كمان)
لازمن ولابدن يتعالجوا
اللهم أحفظنــــــــــــــا

Tarkieb said...

زهــــراء

ربنا يخليكي يابطة واهو علي راي المثل يموت امعلم ولا يتعلم منوراني دايما يارب

Tarkieb said...

norahaty mo

ههههههههههه ايوةعند الدكتورة قطب اكيد
منوراني يانور

مدونة الفرسان said...

أجيال يعلم بيها ربنا
ههههههههههههههههه

Tarkieb said...

مدونة الفرسان
اكيد. توتي م العيال اللي بيسقطو البنطلون وعاملين فيها مهند
منورني يامعلم ويارب مايحرمني من تعليقاتك ومعلوماتك

Mohamed Ashri said...

هههههههههههههههه

وكفى .. احسن توتى يزعل ..

Tarkieb said...

Mohamed Ashri


هو بيزعل اه بس اكيد مسيره ح يتبسط. هههههه نورتني يا فنان

رحاب صالح said...

هههههههههه
الصراحة مشوفتش البتاع ده لغادة عادل
بس لقيت الفيس مولع فيها قولت احسن
اصلها بقت تعمل حاجات غيربة كدة متلقش عليها خاالص
علي فكرة العنوان حلو
مع اني ولا مرة قولت الكلمة دي مع اننا بحاروة وبنقولوها دايما
بس انا بتكثف ^_^

Tarkieb said...

رحاب صالح
ههههههه اول مرة اعرف انها كمان في البحيرة ...غريبة اصل اصول عيلتنا ترجع لكفر الشيخ وعمرنا م شفتها هناك...للامانة هي اسكندرانية اصيلة

محمد سلامة said...

حلو بجد
تحياتى

Tarkieb said...

محمد سلامة

تسلم يا محمد وربنا مايحرمنا منك

رحاب صالح said...

بحاروة يعني من البلاد الي ع البحر
انا من كفر الشيخ
بقولك اكيد هنطلع اقارب
هي الكلمة اسكندرانية اصيلة اب عن جد
بس الي متعرفوش اننا اصلا جيران احنا واسكندرية بلطيم جنب اسكندرية وهتلاقي في تشابة كتير في الكلام والعادات
خصوسا في السمك هههه

Tarkieb said...

رحاب صالح ك
علي كدة ممكن احنا قرايب بقي وابناء محافظة راحدة
انا تقريبا
كل اجازتي الصيفية كنت باروح دسوق وكل مرة طبعا لازم نروح بلطيم كمان.

رحاب صالح said...

لالالالالالالالالالالالا
يبقي السنة دي اعتبر المصيف عندي والا هنزعلوا بجد

Tarkieb said...


رحاب صالح said...

اوعي تكون عزومة مراكبية بقي
:D