Sunday, August 2, 2015

جاتكو القرف



ممكن الواحد يفشل انه يعمل م الفسيخ شربات بس ممكن يعمل م القرف حاجة حلوة، في حالتين بس نادرتين للحكاية بتاعة القرف دي،  الحالة الأولى ودي في اندونيسيا وفيها بيستخرجو  قهوة  اسمها الكوبي لواك  من براز حيوان شبة القطط اسمه زباد اللي بيعيش على نبات البن، يقال ان سعر الفنجان م القهوة دي حوالي  50 دولار، بالإختصار البهوات بيجيبو البراز بتاع زباد وييغسلوه وينقو البن الغير مهضوم منه وبعد كدة يحمصوه ويطحنوه وطز في البن البرازيلي واشرب يامعلم وادعيلي، أما الحالة التانية فهي بالصلاة ع النبي حصلت معايا في حكايتي الجديدة من حكواتي ومغنواتي وبتحكي عن عريس إتقدم لبنت سيد شبطة الكبيرة الأنسة بولا وحظه المنيل كان مذنوق جدا ولازم كان يخش الحمام، وطبعا دخول الحمام مش زي خروجه، مع إن القصة بتدور احداثها في منطقة مقرفة ومنيلة بستين نيلة الا إني حاولت بصراحة أن أطلع بها لبر الأمان و في كوميديا سودة وذات راحة نفاذة.  ياترى ح تسمع ونفسك تتطاوعك؟ ح نشوف
 








29 comments:

زهــــراء said...

صباح الفل
اول تعليق

زهــــراء said...

من حقي اعمل احتلال طبعا بس بذمتك اعمل احتلال وانت بتقول قرف ليه كده يا عمي بس

زهــــراء said...

عااااا حرام عليك يادوب باحط مج النيس كافيه وقولت اقرأ قرفتني بجد على الصبح

مبدئيا كده انت قرفتني بفظاعه وللأسف الشديد أن حظي السيئ اني باقرف من أقل حاجه

أما افوق من القرفه دي ابقى اسمع رواقه
لغاية ما ارجع صباحك بيضحك

طيوري said...

ههههههههههههههههههههههههههههه
افضالك بس واجي
قال جاتكو القرف قال

Tarkieb said...

زهــــراء


ههههههه بلاش بقي تسمعي يابطة دي عايزة واحد مستبيع
ده م الخبر قرفتي امال م الحكاية حتعملي ايه

Tarkieb said...

طيوري

اسمعي ع الريق ...حذرتك هههههه

طيوري said...

حذر ياعم براحتك احنا زباين ع قديمو نفوت في الحديد

طيوري said...

كنا معاك ع الحلوة وقلنا الله هنيجي ع القرف ونقول يع؟ هههههههههههههه
لازم نتحمل ههههههههههههههههه

زهــــراء said...

استبيع في أي حاجه يا تيكو إنما القرف يا لهوي بص بقى بكره ان شاءالله اسمع و ربنا يستر بس خد بالك لو تعبت يبقى مصاريف الدكتور عليك متفقين وعلى العموم كله منك حلو حتى لو مقرف

Tarkieb said...

طيوري
ههههههههههههه قد أعذر من أنذر

Tarkieb said...


زهــــراء
ربنا يستر هههههههه

طيوري said...

مساء الفلل ياصادم يا مفاجئ يافنان
الصدمة والرعب
قصدي الصدمة والقرف
هههههههههههههههههههههههههه
الاخراااج
هاااااااااايل هههههههههههههههههههههههههههههههههه
والله بارد عليك في الطريق

norahaty mo said...

☺ ☺ ☺ ☺
حرررام
علييييييك
بس برضه اشكرك
انك حذرتنا من البداية
على اللى احنا
(حنشــــمه)

norahaty mo said...

لى طلب لو ممكن
على الصوت شوية
يا تراكيبوا الصوت
فى التسجيل ضعيف اوى

Tarkieb said...

طيوري
ههههههههههههههه قصدك اني اخراج ...تسلم الافيهات ههههه

Tarkieb said...

norahaty mo
ههههههههههههو الله في اوروبا والدولة المتقدمة ده عادي احنا بس في مصر اللي بنتكسف بس حاجة طبيعية عادي مستني رايك تسمعي وجربي سماعة ودن يمكن تحسن الصوت حبة

Tarkieb said...

norahaty mo said...
معليه والله لاعلي لمستوي

طيوري said...

معلش كنت في الطريق ماملكتش اكمل

اقصد الاخراااااج الاخراااج
اخراج العمل يافنان ;)
ههههههعههههههه
بس انا فاهمك ياعدوي
انت عاوز تنشر عندنا ثقافةالغرب الكافر في بلاد الفرنجة ههههههههه
اللي بيتكلموا في كل شيء واي شيء بلا حرج ولا قرف ولا اشمئزاز وبيتعاملوا ببساطة
بس بجد والله والله بغض النظر يعني
فنااااان
واعلى مافي الكوميديا لما كان بيتمسكن في الاخر بعد ماطين الدنيا وعكعا وفكر الجوازة طارت
واكتشف ان العيب من موتور شبطة فرد
صدره وبجح بقى هههههههههههههههههه
جسدت نموذج لشخصية واطية وافييييه بجد
شابوه يافنان

زهــــراء said...

عن جد مش قادره أمسك نفسي من الضحك واقسم بالله عيوني دمعت من كتر الضحك ولعلمك بقى غمضت عيوني وسرحت في كل حاجه كل حاجه وش بيغمز بالنسبه للقرف فهو مش متواجد تخيل بقى ههههههههههه الصوت في الاول كان واطي جدا جدا طبعا هاكلمك عن رأيي في العمل من الناحيه الفنيه بس ما اقدرتش اني اقولك اني ضحكت اوي إلى لقاء قادم عن قريب عشان نتكلم عن الفن يا فنان وانت تعلم أن كلمة فنان دي مش باقولها لأي حد

norahaty mo said...

انا فعلا جربتها وأتحسن الموضوع

Tarkieb said...

طيوري
ياه اخدتي باللك م الحتة دي شابوه يا استاذة فعلا ممكن.

محدش ممكن ياخد باله عشان في الاخ
ر اكيد وممكن يكون فصل هو للامانة عريس ندل وطماع وزبالة اوووي وكيس انك دارسة نقد وفاهمة تحياتي

Tarkieb said...

زهرا
الحمدلله ضحكتي وما دعتيش عليا ده معناه عجبتك والحمد لله بعد انقطاع طويل رجعنا بحاجة مقرفة حلوة ههههه مستنين بقي النقد الفني ده انا عامل مؤثرات تحسي انك شايفة مش سامعة يارب تكون عند حسن ظنك والواحد بصراحة تعلم كتير بالتجربة وكل مرة بيتعلم

Tarkieb said...

norahaty mo
يارب تكون عجبتك واستحملتي للنهاية

زهــــراء said...

انا جيت من تانى او تالت او رابع مش عارفه هههههههههههههه
عجبنى اوى اللى بيغنى ده فى الحمام والايكو بتاع الصوت فظييييع بس برضه الصوت فى الاول منخفض وجربته من كذا سماعه
المقطع المره دى تحس انه مسلسل اذاعى ودى حلقه منه وفى انتظار باقى الحلقات بس بلاش تبقى جوه الحمام ممكن تبقى المطبخ او فى اى مكان تانى *_ 0
بص انت عارف انى باعشق المؤثرات الصوتيه وهى اللى بتخلى العمل له طعم وريحه كمان ههههههههههه الصوت بيتعدل من اول مش تحمد ربنا ان لاقيت عريس لقطه قبل كده الصوت تعبان خالص اقصد منخفض يعنى مش صوتك انت اللى تعبان الله اكبر على صوتك ده مش عاوز اى تعليق او كلام لانك عارف رايى عم شبطه ده اقسم بالله لو حد بالصدفه سمعه استحاله يقول ان اللى عامل الصوتين هو شخص واحد نبرات صوتك مختلفه فى الشخصيتين حتى شبطه تحس فى صوته انه اتخنق وزهق من العريس يعنى الاحساس كمان باين فى الصوت بس بجد عريس غليس اوى اللى قعد يغنى فى الحمام وفاكر نفسه فى بيتهم ده ههههههههههههههه
هو صورة القط زباد راح فين شوفتهااول مره لما شوفت البوست والنهارده لاقيت صوره تانيه خالص
ثم ايه حكاية السبيط ومعاهم الفراخ المحمره كان لازم تقول السبيط معاه جمبرى وسمك هههههههههه
شبطه ده غلبان عمال يراضى فى العريس الخنيق الغليس الانتهازى وبيعتذر له كمان كان نفسى اقوله يا عم فركش الجوازه دى وهاجيب لك عريس برقبته
عجبتنى اوى اغنية يا ابو شبكه جنان وطبعا المعنى فى بطن الشاعر وانت تقصد اكيد حاجه تانيه ههههههههههه عندى بس ملاحظه صغننه كان المفروض صدى الصوت يظهر اكتر عشان العريس فى الحمام دى بس الملاحظه الصغننه
حلقة اذاعيه فى الحمام جديده وفظيعه الفكره المفروض تاخد عليها براءة اختراع هههههه فاكر الاختراع وايامه
كفايه رغى كده فى انتظار جديدك وبلاش بخل بقى كفايه انى مش هاغرمك مصاريف الدكتور بسبب القرف ههههههههههههههههه

Tarkieb said...

زهــــراء
انا عليت الصوت بناء علي طلبك ونورهاتي
اللي بيغني ده انا هههههههه برضة يعني كويس ممكن نغني في الراديو بدل الحمام كمان
انا شلت القط كان شكله غير عاطفي خالص قلت بلاش ههههه
العريس رغم اني مثلته بس شخصية انتهازية ومصلجية للاسف مقدرتش اكرهه لانه رغم ذلك كوميدي حبة وكمان واثق اووي من نفسه م انه ضايع في كله


ملحوظة الصوت كنت قاصد ان صوته يكون واطي لما يكلم نفسه يزعق ويبقي صوته من بعيد وهو بيكلم شبطة اكنك بتسمعي صوته من وري الباب اما شبطة في صوته عالي لانه قدام الباب ....ياريت تجربي الاستماع مرة تانية وتشوفي اذا كدة الصوت اعلي والي عمل قريب السنة الجاية ان شاء الله

زهــــراء said...

صباح الورد

الصوت كده بقى تمام وفاهمه طبعا ان سيد شبطه امام الباب والعريس الغليس ورا الباب
فكرة انك تغنى حلوه بجد بكره نلاقى اغانى بقى فى قناة مولدى او روتانا ههههههههههههه

http://soundstar.danatmedia.com/users/index/5887

فى انتظار التصويت ده لو عجبك

richardCatheart said...

صباح الخير يا تيكو

طبعا جميلة والجميل ما يعملش غير الجميل والله حتى فى القرف :) :)
والله بترجع الواحد كام سنه ممتعين لورا بصوتك دا يا تيكوا .. انا سعيدة جدا انا بسمعمك وشايفة شغل فايتنى هروح ابص عليه

نهارك حلو يا حلو

رحاب صالح said...

مساء البنفسجات
انا جاية بس امسي لغاية ما اروق واقرا الي فاتني
قولي مبروك عشان انا نجحت ف السنة التانية من الدراسات العليا ^_^

طيوري said...

كل سنة وانت طيب يادكتور وعقبال العمر كله سعادة ورضا من ربنا
وتكون فرحان باولادك ان شاء الله ومجوزهم
وتحكي لاحفادك حكواتي جدو تركيب :D