Monday, December 21, 2015

البريمو







-نوجة أنا كسبت في اليانصيب
-مش ممكن
-هو إيه اللي مش ممكن يا ولية؟
-أكيد أونطة، يا سعد وربنا إنت نحسك دكر
-نحسي دكر؟
-أيوة من يوم ما إتجوزتك وإنت كدة دايما بتخسر
-يا وليه إمسكي حبة لسانك اللي عايز قطعه ده
-دي حقيقة يا سعد
-هو إنت على طول كدة؟
-صدقني حقيقتك
-نوووووجة
-سعد
- حتى وانا كسبان برضه؟ ده كتير بقى يا ناس والله
-بصراحة مش مصدقاك يا سعد وحتى لو عملت اللاللي
-طب إعملك إيه طيب عشان تصدقيني؟
-تديني نص ثروتك
-إيه؟ أديكي نص ثروتي؟
-آه
-أه؟ بتستهبلي مش كدة؟ هو أنا ولا إنت اللي كسب؟
-حقي يا سعد
-حقك؟ كسر حقك ياشيخة
-سعد
-نوووووووجة
-طبعا حقي.. حق تعبي في البيت والطبخ والغسيل والولاد؛ كل ده ما يساويش عندك حاجة؟ أنت طماع أووي يا سعد
-طماع؟ يعني يا تخدي نص المبلغ يا أبقى طماع؟ طب وعايزاه ليه؟ ما أحنا عايشين سوا ع الحلوة و ع المرة مش كدة؟ وفلوسي هي فلوسك
-نفسي غمت عليا من كتر المر يا راجل؛ فرصة بقى وجاتلي أهي عشان اهج من أم البيت ده
-ذهقتي؟ يعني تبيعيني في غمضة عين عشان الفلوس والكلام الفاضي؟ إخس عليكي وليه غدارة
-بلا إخس بلا زفت هات يا أبا يلا حقي بدل ما ألم عليك الدنيا كلها دلوقتي
-نوجة؟
-سعد
-نوجة
-بلا نوجة بلا زفت؛ خلص يالا
- نوجة
-خلص
-نوجة
-خلص يا سعد
-خلاص خدي أدي نصيبك؛ حار ونار في جتتك
-إيه ده؟ أنا با شحت؟ ده جنيه، جنيه بس؟ كل الهيصة دي وعلى جنيه؟ أنا عايزة نص المكسب يا سعد
-ماهو هو ده النص؛ أمال إنت كنتي افتكرتي يعني ح أكسب كام؟ أحمدي ربنا إني كسبت جوز جنيهات واديتك نصهم عايزه إيه تاني ح تنهبي؟ أول مرة أكسب
-سعد إنت بتصيع عليا مش كدة؟ جنيه واحد بس
-لا في حاجة تانيه وأهم منه يا نوجه
-إيوة كدة خضتني، أيوة كدة لايمني لايم يا راجل
-نوجة
-نعم يا سعد
-نوجة
-نعم يا سعودتي
-إنت طالق
-إييييييييييه
-أيوة طالق
-سعد
-نووووووجة

18 comments:

النسر المهاجر said...

المعدن الطيب بيبان
ودى معدنها ورق
وسعد كمان غلطان عامل حفله على 2 جنيه
هههههههههه
صباحك ورود

طيوري said...

ههههههههههههههههه
طب كانت تستنى لما تعرف اللي فيها الاول بدل ماتطلع واطية ع الفاضي وتتطلق
يلا خدت الشر وراحت طمعانا يكتبلها الاسانسير باسمها
بس حلوة انت هتصيع عليا دي
اعجبني
تسلم ياتركيب
وماتغيبش بقى

زهــــراء said...

مسا السعاده والسكر الزياده
كل الدوشه دي على اتنين جنيه أما سعد ده طلع تيييييييييييت لك انك تتخيل تيت ايه بقى #وش مطلع لسانه # نوجه دي قليلة الأصل آخر تلات حاجات حاسه ان البوست له غرض تاني بس عقلي الضعيف لا يستوعب

Tarkieb said...

Gamal Abu El-ezz
سعد اول مرة يكسب فله حق يقرح مش مهم كام المهم كسب بس هو متجوز نوجة وطلعت زمتها صفيح
نورتني وكل سنة وانت طيب

Tarkieb said...

طيوري

هههههههه وقعت في شر اعمالها وكله بجنيه
كل سنة وانت طيبة

Tarkieb said...

زهــــراء
مساء الفل وكل عام وانت بخير

نوجه استسلمت من اول جنيه وباعت الحج سعد ههههههه

أمل حمدي said...

كل سنة وأنت طيب وبخير و سعادة يا طيب 🌹

Tarkieb said...

Aml Hamdy
وانت طيبة يا طيبة

بسمة الورد عطر المشاعر said...

ياعينى على الستات الطماعه ههههههههه
طمعها جه على فشوش يعنى وباعت العشرة بجنيه
بيعجبنى شردك السلس الراقى السهل المتتنع فعلا احسنت
راق لى وقتى بين احرفك كل سنه وانت طيب قبل ماانسى
مساء الفل عليك

Tarkieb said...

Enter your comment..
.ابتسام حسين
ده شرف كبير لينا يافنانة انها تعحبك
كل سنة وانت طيبة ومايحرمنا من كلامك الحلو

Unknown said...

ياااااااخبر ابيض
كل دا والمكسب جنيه
واحد بس! طب خليهم
جنية وربع :)

Tarkieb said...

نورهاتي
لا المكسب جوز جنيهات الجنيه حق روقة بس، نورتيني وكل عام وانت طيبة

P A S H A said...

كـــل سنــــــة وأنت طيب وبألف خير وصحة وسعادة يا كبير ؛؛ وإن شاء الله يكون عام جديد سعيد عليك وعلى أسرتك الكريمة
:)

momken said...

حلو لوى كل سنه وانت طيبه

ومبروك الجنيه
اهو رزق برضو
ويمكن ده يكون بدايه السيل

تحياتى

....

well said...

الايام او الجواز بالزات بيبين كل واحد على حقيقته قدام التانى
ولو نوجة وحشة وتستاهل الطلاق هو كمان اتسرع فى طلاقها الاتنين من معدن واحد ..كل واحد بيبيع التانى علطوول
عجبتنى التدوينة .. تحياتى

Tarkieb said...

P A S H A
وانت طيب يا صاحبي ويارب تكون دايما بخير

Tarkieb said...

momken
عاش من شافك وكل سنة وانت طيب والعيد عيدين

Tarkieb said...

well
حمداالله ع السلامة وكل سنة وانت طيب يا صاحبي