نهارك سعيد يا دكتور

-->

نهارك سعيد يا دكتور هي أطول ما عملت حتى الان (حوالي 18 دقيقة من سلسلة حكواتي ومغنواتي.. واول وأخر مرة خلاص ..توبة والنبي... بتتميز حكايتي المرة دي أن الكوميديا السوداء عالية أوووي فيها وكمان ح تسمع بعض الكلمات باللغة الالمانية لاول مرة وممكن بعد الحكاية دي كلمات كتيرة ح تعلق في دماغك . بطل الحكاية مش غريب عليكم ولكنه المرة دي لم يسعى للعالمية ولكن هي اللي جات له..... ياتري حتسمع 18 دقيقة بحالهم؟ ياتري النت ح يساعدك تسمع بدون تقطيع؟ ياتري داخل تنقد من غير ما تسمع؟ ياتري بجد ح تضحك ولا يا خسارة تعبي بقى ع الفاضي ..ده اللي ح أشوفه في تعليقاتكم.. وبجد كل تعليق بيسعدني .. أسيبكم بقى مع الحكاية

لو بتقطع دوووس على ستوب اول ما تشتغل لحد ما تتحمل كلها واسمعها

اللينك للام بي ثري

http://www.4shared.com/audio/zMueBmyc/sayed3.html

خيرها في غيرها

-->

مصر الجميلة اللي اتربينا كلنا فيها......اللي كنت تشم زمان ريحة البخور في كل حواريها ...اللي كنت تحب تسمع عنها من نجيب محفوظ خلاص تحولت بقدرة قادر وبسبب الفقر الى فازلينستان .. دولة مليانة بالشخصيات الفازلينية المصرية المعاصرة.. شخصية طيبة جايز ولكن تقيلة الدم سمجة تلمة شبطة جاهلة وملزقة في كلامها وعايزه تبيع لك الوهم ...تبيعلك اي حاجة وخلاص ...اهم حاجة انها تاخد فلوسك وخلاص .. في المطار...في محطة القطار ...حمد الله ع السلامة....في الشارع كل سنة وانت طيب...ع البحر ..في المطعم في السينما برضة فازلين من يومنا والله وبضاعة كويسة ....سفر أوعيد قومي لا ينتهي تقريبا كل يوم دلوقتي في فازلينستان...وتبقى ليلتك سودة لو فتحت مرة بقك وقلت مش عايزين ....ح تخش في جدل بيزنطي عقيم مش ح ينتهي ..احسن حاجة انك تعتبر ان الفازلين مش موجود قدامك أصلا وتمشي حالك يعني ... طبعا ده اللي حصل لبطل قصتي من حكايتي الجديدة من سلسلة حكواتي ومغنواتي .بعنوان خيرها في غيرها ..وتحكي عن واحد فازليني حليوة اتصل به بالتليفون والغريب بقى ان بطلنا ماقفلشي السكة . طب ليه؟ الله أعلم ..اسمع كدة وقولى وياريت تقولى رأييك يجد

أو اللينك
http://www.4shared.com/audio/kr961Bj5/el3oun3h.html

الإختراع

الإختراع هو فنتازيا واقعية برؤية جديدة علمية معملية مجارية للاحداث في حارتنا المصرية وطبعا من سلسلة حكاوتي ومغنواتي بتاعتي ........صحيح هى فنتازيا ولكنها علميا وحياتك سليمة.... صحيح قد تكون الاسماء الواردة مشابهة لأسماء أشخاص حقيقية (وخصوصا واحد بعينه) بس وحياة الإخوة برضة صدفة .صحيح قد تكون مرة سمعتها أيام زمان أول لما فتحت البلوج (وطبعا أشك ماعدا تلاتة بس بعينهم) بس كانت أيامها في اجزاء ثلاثة مهلهلة يا حلويين ولكن الجديدة برضه تختلف وأحدث

بصراحة هي اختراع تركيبي برؤية فانتازية جديدة وتقدر تقول أحلال وتجديد والبلوج بيتقدم بينا

وكل إختراع وانتم طيبين

وده لينك الملف أم بي ثري

http://www.4shared.com/audio/GNGRHXqu/__online.html

يا حلاوة

حدوتي حكاية مصرية وبطلها هريدي وشلبية

بسلامته عجل فى جلابية وسنانه صفرا مصدية

شلبية حاجة عائلية بنظيمة كبيرة هلامية

في الطالعة ونازلة رياضية وبلوظة وسمنة طبيعية

والصدر دى حاجة خرافية و جيناته مؤكد بقرية

بترجرج أمه بعفوية وكأنه عضلة ارادية

وف اول بس الشهرية بتزورها الست سنية

وتفنن اصناف شعبية ولا اجدع ماركة تجارية

بتلزق زي العسلية وبتبقى القاعدة سحرية

تحكيلها افلام هندية ابطالها خبرة فنية

بيجيدو الناحية العملية وركوب الخيل العربية

ويجيلها هريدي العصرية تعبان من شغل الجمعية

فطش بايدها التقلية وتتدلع على امه شوية

فيقولها بوريه يا ولية قرديحى تملي الملوخية

فين ام اللحمة المشوية او حتتة كارع في صينية

فتقوله ياريتها الميزانية يا سبعي بس مكفية

فيعمر حتتة حمية ويقرفص جنب النملية

ويعيش العيشة الوهمية مع نفسه اخر شاعرية

والليلة ياعمدة دي منسية على طول في علاقة اخوية

ويقول دي مراتي كشرية على طول متضايقة وعصبية

أنا نفسي في موزة عصرية تلبسلى الموضة العالمية

ترقصلى رقصة بلدية وتزغط فيا بكمية

تك نيلة يا أبن الفقرية دا خسارة في أمك شلبية

حدوتي مؤكد حقيقية وحكتها تعيسة مصرية