Tuesday, March 10, 2015

الحب في الحضانة





-واء
-واء واء
-واء واء واء
-بقولك إيه؟ فهماني يا آنسة؟
-آه طبعا
-أنا قلت كدة برضة ..الجمال ده أكيد بيفهمها وهي طايرة
-ميرسي
-ممكن أعرف مولودة إمتي ؟
- وانت مالك بتسأل ليه؟ صاحبي؟ أخويا؟ خطيبي؟ حبيبي؟
-طيب خلاص أعصابك يا آنسة لا البامبرز بتاعك يتملي والليل لسه طويل
-لا بجد ليه؟
-أنا قلت بس نمشي كلام بدل القعدة المملة دي
-قعدة مملة ؟
-آه....لا لبن ولا أعشاب.. عيشة بجد تخنق
-معلش بكرة تكبر وتشتغل و تشرب لبن لما تشبع
-طب لحد ما أكبر ممكن بقي تقوليلي؟ إمتى إتولدتي.. قوللي بقي يالا مليش دعوة يلا وبلاش بواخة
-إمبارح بالليل..مبسوط دلوقتي؟
-ياه ده إنت عجزتي بقي على كدة
-عجزت في عينك، مفيش كومبليمون خالص
-معلش أصلي لسة مولود طازة ومصدع حبة و ماليش بقى بصراحة في دلع البنات ده
-يا لوحي .... ده انت صغنن بقى؟ وأكيد لسة تعبان يا عيني م العملية ؟ معلش سلامتك ياكميل، يبقي علي كدة إنت ولد؟
-آه طبعا ولد واسمي شمندي
-شمندي؟ بصراحة مش مصدقة
-إن إسمي شمندي؟
-لا إنك واد يعني
-لا ولد... ...أنا عمري يا آنسة مابأكدب
-ولو برضة مش مصدقة
-ح أثبتلك
-إزاي
-سهلة
-إيه ده إنت بتعمل إيه يا قليل الأدب إنت؟
-يالا بقى فتحي عينك وبلاش كسوف
-كسوف؟ سيب البطانية يامجرم سيب
-سوفي سوفي سوفي
-أسوف إيه يامجرم إنت؟
-شايفة الحلقة الزرقا اللي في رجلي اليمين دي؟ شوفتي ؟ يلا قوام قبل ما النيرس تيجي..... عشان تعرفي إني ولد وعمري ما بأكدب أبدا

24 comments:

النسر المهاجر said...

مستقبلا مستغربش لما تلاقى حوار زى ده
الاجيال بقت تتولد كبيره وكل جيل بيكون متاح ليه المعلومات أكتر من الى قبله
بس ا لبنت دى كان مفروض تشوف الحلقه علطول قبل مالنيرس تيجى ههههه

زهــــراء said...

تيكو

مش قادره أمسك نفسي من الضحك الأول قرأت العنوان الحب في الحضانة اللي هي قبل المدرسه ولما شوفت الصوره فهمت بس على فكره الاسوره بتكون في الايد مش في الرجل ههههههههههه
وانا خيالي مريض بقى وتخيلت العيال بيعملوا ايه بس هم قاعدين لازقين في بعض كده ليه الولد ما صدق لقى حد يسليه

اخيرا بقيت التعليق رقم اتنين بعد جمال
تحياتي يا عمي

زهــــراء said...

الصوره فيها كمية حنان غير عاديه من الواد يوووووووه اقصد الولد ههههههههه بس دي ملعوب فيها على طريقه هو في ايه يا عمي ههههههه والصور الفظيعه اللي كانت بتطلع عيونا

محمد سلامة said...

بصراحة مش حلوة
بس لو الهدف منها إنك تقول إن العيال بتحب اليومين دول من قبل ابتدائى فدى قضية كويسة وحلوة
أنا عارف إنك مش حتزعل :)

P A S H A said...

البنت : حلقة زرقا ؟؟ (تمصمص شفتيها) أنا قلت م الأول برضه أنك مش ولد !!

Unknown said...

ح أثبتلك
-إزاي
-سهلة
-إيه ده إنت بتعمل إيه يا قليل الأدب إنت؟
يالا بقى فتحي عينك وبلاش كسوف
هههههههههههههههه
ده واد قليل الأدب خالص
مفيش حد رباه
ميقول من الأول إنها حلقة فى رجله
هههههههههههههههه
دمت ودام إبداعك

Tarkieb said...

Gamal Abu El-ezz

ههههههه هو بصراحة أجيال ما يعلم بيها الا ربنا بس ما توصلش لكدة ههههه و من اول يوم الا اذا كانو فعلا بموجات كهرمغناطيسية وفي الحالة دي يمكن نقول ان ده ترجمة للحوار باللغة العامية .
منورني يا جيمي ودايما التواصل

Tarkieb said...

زهــــراء
أولا مبروك عليكي المركز التاني وعقبال الاول ودايما يارب
ثانيا انا مبسوط انك ضحكتي
ثالثا ههههههههه سلو بلدنا الحلقة في الرجل وماهيش قاعدة المهم انهم يتعلمو وخلاص بس في المانيا فعلا بيفضلو الرجل لاسباب كتيرة...

Tarkieb said...

زهــــراء
ههههههههههه مرة تاني .... لا مش بتوع في ايه ياعمي ده أنا كنت باشلفطها الله يمسيها بالخير نادية الجندي كان دايس عليها القطر منوراني يابطة ....

Tarkieb said...

محمد سلامة

القصة تنتمي لمدرسة فانتازيا "اللامعقول وهي بلا هدف ولا منطق وليس لها أي علاقة لا بالابتدائي ولا بالحب اًصلا... الإسم بمعني الحضانة بتشديد الضاد
طبعا عمري ما أزعل من اي راي وكل واحد حر ..أنا باكتب وبمثل عشان دي هواية عندي بدليل ان معظم قصصي وتمثلياتي محدش كتير بيعلق عليها وبرضه باكتب وبمثل عادي ..هههههههه بس يظهر مالكش في الفانتازيا وليك في الجد بس ع العموم الحاج يون الزاس
(John Elsas)
قالها زمان اللي معندوش فانتازيا وخيال واسع عمره مش ح يشوف اي حاجة حلوة عندي

شرفتني

Tarkieb said...

P A S H A

ههههههههههه دي معلمة بقي ياباشا... انت فين انا قلت انت مخاصمني عشان كوز السحلب وكنت ح اجيب منادي ينادي عليك سحلب واحد ياولاد الحلال كويس انك ظهرت رحت شربته

Tarkieb said...

مدونة الفرسان

ههههههههههه الواد على نياته وبيمشي كرة مع الانسة ما يعرفش ان حد ح يفهم كلامه غلط ...منورني يا ابو الفوارس دايما ويجعله عامر

طيوري said...

هههههههههههههههههههههههه
ياخبر ابيض ع الكمالة تحس كدة ان الواحد عشان.يكتب الرد لازم يرقق صوته ويتكلم.غلط ذي الاتفال ههههههههههه
بادئ ذي بدئ احب جددددددأ الدخول في العوالم الأخرى

زي مادخلتنا عالم ماقبل الميلاد
في سوسو ولولو
لما فكروا ان لحظة الميلاد هي الموت والنهاية بالنسبة للحياة اللي هما عايششينها وشبهت لحظة الخروج بالزلزال المرعب
ومن يومين قريت ان اليوم والسنة والقرن عندنا دول عند ربنا مالهمش حساب او بمعنى اصح حسابهم بيختلف
نفس الحكاية ولله المثل الاعلى طبعا
اول مرة اسمع حوار بين بيبيهات لسة مولودين
واول مرة افهم وجهة نظرهم
فعلا بالنسبة للي عمره ساعات اللي عمره يوم يبقى عجوز
والولد عمره كام ساعة وبيقول عمري مابكذب ابدا صادق ياحبيبي من غير حلفان هههههههههه
النقطتين دول هي دي التريكة واللي عجبتني جددددا بجد وهي هدف القصة
اما العنوانة كان مفروض تكتب ّ فوق الضاد عشان نعرف نفرق من العنوان بين حضانة وحضّانة
اما اسم شمندي ده بصراحة ههههههههه مش ممكن اخر موضة هههههه
ايوى كدة دايما متواجد مية مية اسيادنا راضيين عليك ياتركيب
واخيرا احب اقولك بجد
واء واء يعني ..... تسلم الايادي اكيد فاهم طبعا

Tarkieb said...

طيوري

ياه انت لسه فاكر لولو وسوسو ده من زمان جدا اربع سنين ع الاقل من ايام جمال مبارك ههههههههههه...هو الحوار كله يهلك م الضحك عجبني اوي انه مصدع مثلا ولا اسمه تحفة يجنن ...هههههههه كوميدي...منورني ياعمو

Unknown said...

بتجيلك
الأفكار دى أزاى؟
أفكار عجب العجب☺

Tarkieb said...

norahaty mo

ممكن لما اشوف صورة او خبر تجيلي الفكرة وخصوصا اني مش مرتبط بوقت معين للكتابة ...ساعات بتجيلي فكرة وانا نايم اصحي اكتب جملتين وبعدها اكتب براحتي...الاجندة عندي فيها افكار كتيرة من نفس النوع...منورة يا نور...

أمل حمدي said...

نهاياتك الغير متوقعة المغلفة بالابتسامة دوما
دمت صاحب البسمة ف قلوبنا

Tarkieb said...


Aml Hamdy .
البقاء لله والمفروض مش تبعدي عن اصحابك ومعارفك في الوقت ده..امال هم فايدتهم ايه...ربنا ما يحرمني من طلتك

أمل حمدي said...

تسلم يا رب تركيب
الحمد لله على كل حال
سأعود إن شاء الله

بسمة الورد عطر المشاعر said...

ههههههههههههههههه بس حلوه الحلقه الزرقا دى جديده

اسعد الله ايامك بالخير تركيب

كل الود مساء الف عليك

طيوري said...

طبعا هو سوسو ولولودول يتنسو؟ ههههههه القصة التي لم تكتمل
تحياتي

Tarkieb said...

Aml Hamdy
ربنا ما يحرمنا من كلامك ولا اشعارك

Tarkieb said...

Ebtesam Hoseen

ههههههههههه حلقة زرقا تنفع في اليوم الابيض ونهارك ابيض يا قطر .

Tarkieb said...

طيوري
ههههههههه علي حظك لسة مغلص شبطة اسمعي وقولي