يا حلاوة

حدوتي حكاية مصرية وبطلها هريدي وشلبية

بسلامته عجل فى جلابية وسنانه صفرا مصدية

شلبية حاجة عائلية بنظيمة كبيرة هلامية

في الطالعة ونازلة رياضية وبلوظة وسمنة طبيعية

والصدر دى حاجة خرافية و جيناته مؤكد بقرية

بترجرج أمه بعفوية وكأنه عضلة ارادية

وف اول بس الشهرية بتزورها الست سنية

وتفنن اصناف شعبية ولا اجدع ماركة تجارية

بتلزق زي العسلية وبتبقى القاعدة سحرية

تحكيلها افلام هندية ابطالها خبرة فنية

بيجيدو الناحية العملية وركوب الخيل العربية

ويجيلها هريدي العصرية تعبان من شغل الجمعية

فطش بايدها التقلية وتتدلع على امه شوية

فيقولها بوريه يا ولية قرديحى تملي الملوخية

فين ام اللحمة المشوية او حتتة كارع في صينية

فتقوله ياريتها الميزانية يا سبعي بس مكفية

فيعمر حتتة حمية ويقرفص جنب النملية

ويعيش العيشة الوهمية مع نفسه اخر شاعرية

والليلة ياعمدة دي منسية على طول في علاقة اخوية

ويقول دي مراتي كشرية على طول متضايقة وعصبية

أنا نفسي في موزة عصرية تلبسلى الموضة العالمية

ترقصلى رقصة بلدية وتزغط فيا بكمية

تك نيلة يا أبن الفقرية دا خسارة في أمك شلبية

حدوتي مؤكد حقيقية وحكتها تعيسة مصرية

حدث في مثل هذا اليوم

حرامية ٦ أبريل

كل اللي خرجوا حرامية عالم أونطة وشوضلية

أكيد دي حاجة كيدية ووراها عالم نكدية

و دماغهم راكبة وعاكسية وقلوبهم سودة وقاسية

دي عيشتنا فل ووردية مش شايف يا أعمى الحرية

والنعمة دي حقبة ذهبية لجميع مشارعينا القومية

بنعامل بعض بوطنية وكتير في جيوبنا النقدية

ومن جهة الناحية العاطفية بصراحة سعيدة رومانسية

وبفضل الخبرة الصومالية طورنا كمان الثقافية

وحكومة عادلة وقوية وحاكمة شعب ملوخية

وزرائها رمز الشفافية ووزننا ذاد م التغذية

العيش حدانا بكمية واللحمة حمرا حميرية

والخطة الجاية الخمسية متروسة وظايف هلامية

وأخترعت وصفة طردية لعلاج مشاكلنا العكسية

وح تبني مفاعل نووية شغالة بجلة مصرية

ويا سلام ع الساحة الحزبية أجدع من دولة أوروبية

ولا عاد في مشاكل أممية فلتحيا الأمة العربية

ولا تعرف معنى الشللية دي حكومة نزيهة وشعبية

شايفينها مشاكل نفسية من قلة محو الأمية

ويذيدها الغيرة الطبقية وغياب الروح الرياضية

وسجاير البانجو المحشية عامللكو هلاوس سمعية

يامعفن أنسى المدنية ف زيارتي ح أجبيلك طحينية

وهناك ح تحلي ببونية وح تقلع برضة الجلابية

و تخدلك جرعة أمنية وتبانلك أم الرفاهية

وتبطل شغل الحرامية وكفاية أونطة وشوضلية

الجمعة 19

الجمعة 19 هي أحدي حلقات حكواتي ومغنواتي الهايفة بتاعتي واللي نابعة من الحارة المصرية الأصيلة.. حكايتي بتتميز المرة دي أنها حكاية طازة ولسة طالعة من الفرن وحدثت تقريبا من شهر واحد وفي يوم واحد برضة اللي تقريبا غير تاريخ حارتنا ...مش عايز أحكي كتير أسمع بنفسك وانت تعرف بقى

اللينك
http://www.4shared.com/file/242661863/c9234119/__19.html

سكرة

بقى لما راح المقبرة معادشي شيخكم سكرة؟

ياحكومة عرة ومسخرة وفي زورنا واقفة مكعبرة

يلعن أبوكو ناس خرة نسيتو سيرته المعطرة؟

طول عمره كان بالمسطرة وبجد حاجة مفخرة

أهو مات في بقعة منورة وسابها ليكو مخضرة

يارب إرحم دا سكرة وكل من في المقبرة

شرارة

بركاتك مالهاش حد ماتقولش شرارة بجد


بقى يعني عشان المجد تنحسلى فريق اليد


من فضلك حبة اتهد وياريت ماتشجع حد